影片
港鐵尖沙咀/尖東站 N4 出口, 步行約5分鐘
繼續閱讀
開飯介紹
店主曾於美國世界咖啡拉花比賽中奪得亞軍，並曾於台灣及悉尼開設cafe。餐廳提供多款咖啡豆，食客也可與店員交流咖啡心得。菜式則以澳洲菜為主，且賣相精美。
繼續閱讀
營業時間
星期一至日
09:00 - 21:00
公眾假期
09:00 - 21:00
公眾假期前夕
09:00 - 21:00
以上資料只供參考, 請與餐廳確認詳情
見到佢個all day brunch menu 好多選擇，所以沖咗入嚟食。首先湯品可以揀味噌湯或者加58蚊要個龍蝦湯。 今日冇加錢飲咗個味噌湯， 佢有舊三文魚肉喺裏面，所以特別鮮甜。麵包或者飯類，我揀咗奶油麵包，多士一件，沒有特別。蔬菜或沙律好多選擇，我揀咗個紅菜頭牛油果沙律新鮮菠蘿粒， 要加十蚊㗎。 但係佢將啲材料壓到爛曬變咗蓉。 食唔到食物嘅層次，淨係食到紅菜頭嘅腥味。配菜就選擇好多，可以揀二至三樣。我揀咗個蜜糖希臘乳酪配燕麥脆片，同埋沙爹煎雞扒， 兩樣都好失望。不過，我朋友好識揀， 佢叫咗芒果海鮮沙律，紅酒燴和牛面頰肉， 同埋慢煮叉燒， 都好好味。結論係， 餐廳嘅食物係中規中矩，有好有唔好，睇下你彩數。 可惜佢杯咖啡係偏酸，唔係我杯茶。
繼續閱讀
捉住尖沙咀分店的最後尾巴來品嚐一下來自澳洲的Coffee店，一試難忘。叫了兩個Brunch Set，好抵食又好味！有牛吞、沙律、芝士波腸、麵包同韓國泡菜飯。兩個人食簡直都已經好足夠及豐富，午餐食完飽到晚餐都可能不用吃。不過，如果男生食的話，可能要叫其他，未必足夠份量。環境方面，比較寧靜、優雅、佈置也十分靚。好有森林的感覺，一個字：高質！另外，餐廳設有Qr Code落單、加一服務費及不能帶外來食物。如果日後想再食，可能要去其他區lu🥹
繼續閱讀
叫咗個秋冬限定簡單嚟講其實係超高級兩/三餸飯，又或者係Muji Cafe。我就揀咗肉鬆飯、蘑菇沙律、慢煮叉燒同埋黑椒牛舌同一杯Flat white。當時個menu（sorry無影）係飯或麵包揀一個，沙律要揀一個，小菜就可以揀兩至三個。肉鬆飯就無咩特別。蘑菇沙律就到普通地好食。慢煮叉燒係招牌菜嚟，不過肉質就略乾有啲失望，可能因為佢係慢煮，所以唔會有普通叉燒嘅焦香味。黑椒口舌肉質軟熟，如果你追求嘅係彈牙嘅口感咁應該唔使試，比起黑椒味反而係偏甜。同行嘅友人都無話邊個餸特別好食杯咖啡就幾香，仲會附上幾粒葡萄乾，不論係咪做到提味作用，但表面功夫真係做到足。撇開想打卡、想搵個地方同朋友hea,、黃金地段食咩都貴等非食物相關嘅因素，哩間嘢嘅哩種兩餸飯就未必值得試。
繼續閱讀
每次嚟親都可以好舒服咁慢慢嘆咖啡，又可以同朋友慢慢傾食物啱晒雀仔肚嘅女孩子又唔會驚肥咖啡豆好香濃店員亦都會慢慢講解味道會俾唔同嘅感覺你去揀自己想飲嘅咖啡QR code落單快捷方便
繼續閱讀
今次去咗依間餐廳食午餐尖沙咀地鐵站連住商場 好方便 唔擔心天氣好餐廳唔算大 但裝修得營造咗空間感而且中心點有一棵樹增加咗氣氛員工都好主動友善主要係被呢個餐牌吸引到因為可以選擇好多唔同的餸菜但份量唔會多 亦可以安排自己食量而定食幾多個菜式所以好吸引 而且細心啲睇佢每一個菜式都幾特別所以好有新鮮感明太子鰻魚汁飯，鰻魚汁非常豐富濃郁，真的是一碗欠缺鰻魚的鰻魚飯沙嗲煎雞扒，煎得外脆內嫩又多汁，而且食得出係新鮮雞味，食飯代替鰻魚一流，好夾味紅菜頭牛油果沙律配菠蘿粒，冇諗過將兩個蔬果變做醬料，有啲似肉泥質感，配少少菠蘿粒帶出返啲鮮甜味， 非常特別芝士菠菜腸，腸仔又係整得外脆內軟，帶有芝士味，亦都唔會漏，但菠菜味就唔突出希臘乳酪，做甜品啱啱好滿足晒，可以走蜜糖更加健康另外可以選擇食麵包唔配飯咁拼落嗰個沙律度夾麵包就襯啲慢煮叉燒，份量好大，肉質好林，而且整得好入味，底部有一啲沙律菜，中和返油膩匈牙利茄子，份量都偏多，好惹味，唔會太鹹整體嚟講，值得一食
繼續閱讀