NINETYs (K11購物藝術館)

營業中

休息中

餐廳設計開揚，空間感十足，木系傢俬配綠色植物，非常有格調。每枱都有一樽日本備長炭水，具有淨化作用，感覺健康。餐牌選擇多元化，主菜有意粉、意大利飯、漢堡、薄餅、沙律等，小食、麵包、甜品、咖啡既種類都有好多，仲有K11分店限定炭火燒烤料理。澳洲和牛面頰配醉醺肉汁：和牛面頰以慢煮方式，烹調得特別軟腍入味，牛肉味香又多肉汁，配埋吸滿黑松露醬既滑溜薯蓉，未食已經聞到陣陣迷人既香氣。紐西蘭鰈魚柳意大利長通粉：鰈魚柳雖然厚身，但肉質嫩滑，配上香濃忌廉醬汁，濃稠度調配得剛剛好，香滑不膩；長通粉軟硬適中，口感煙韌彈牙。總結，餐廳坐得舒服，員工有禮貌，食物有質素，Fusion菜配搭有心思，CP值高，一定會再回訪。