MoMo Café

營業中

休息中

已經半年冇嚟依家momo cafe食lunch buffet 2019年餐廳收費方面已經改革以前係有得揀唔食甜品平返幾十蚊而家就全部都係單一收費每位168再加一恆生匯豐同埋有一兩間銀行嘅信用卡可享9折，即係免加一餐廳裏面坐位都算多而且枱與枱之間嘅空間十足就算坐滿九成人都唔會話覺得坐得好迫不過就嘈咗少少，因為食客當中接近八成以上都係內地人裝修完之後新設咗凍海鮮bar有蜆仔,凍蝦,同埋青口沙律吧依舊一樣有非常之多嘅選擇包括：西蘭花，椰菜花，紅菜頭，粟米，青豆，吞拿魚沙律，薯仔沙律，紅腰豆，鷹嘴豆，火箭菜，羅馬生菜，杏仁片，杏脯，西莓，椰果，蕃茄，麵包粒， 秋葵，花生，茄子， 橄欖，珍珠芽菜，三色椒，泰式魷魚沙律……………等等至於熱葷方面，選擇都唔係話特別多有一個 清蒸海上鮮主要係一大條蒸魚係我覺得最好味既野～不過可惜人多，長期都係得番條魚骨…另外有青咖哩豬，炒飯，炒蒜芯，瑞士雞翼同埋香醋骨，炸餃子最好食係個青咖哩豬～一食落口好有泰國風味～裏面啲茄子好淋～又吸收咗好多汁～湯有兩款今日係南瓜忌廉湯同埋粟米羹我飲熱檸水就夠今日冇quota飲湯 另外仲有即叫即整嘅湯麵區，同埋點心區點心區嘅女廚師，

隨着西環港鐵站的建成，香港島南區的餐廳開得越來越多，西環更開了很多富特色的西餐廳。該區的餐廳都面臨同行的競爭。西環萬怡酒店去年年尾大革新，酒店的MoMo Cafe重新裝修，務求吸引新顧客及為顧客帶來新鮮感。這天和朋友午膳時間來到酒店，餐廳有午市套餐和自助餐供顧客享用。同行兩人吃自助餐，兩人吃午市精選套餐。午市的冷盤及沙律種類多，食物的質素及味道偏好。冷凍的海鮮的種類則偏少，只有蜆、白灼蝦和青口，而且數量都不太多。可是，海鮮的質素非常高及新鮮，蜆肉沒有沙，而且肉質結實午市有一區域是點心區，各式各樣的點心可以隨便享用。當天有燒賣、叉燒包、牛肉球、珍珠雞及奶黃包。可是怕吃點心會太飽，所以只吃了燒賣，燒賣的質感偏軟身，但味道可以接受。燒烤區域當日只有燒牛肉，燒牛肉肉質軟滑，有燒烤汁及芥辣汁可選。熱食區的食物選擇並不多，當中較富特色的是咖喱水魷及韓國泡菜餃子，味道不錯。自助餐設麵食區，食物種類多，相當吸引，可是已吃不下，唯有下次再試。餐廳有一部自助班戟機，只要輕輕按掣一下，等1分鐘便會有班戟掉下來，我配上自助盛雪糕球及迷你芝士蛋糕，慢慢地吃，十分寫意。午市套餐內的漢堡包非常吸引，牛肉漢堡扒上有煎

食物選擇很少，亦唔見得好食即使攞咗折扣，都唔覺得抵食服務一般， 同集團嘅質素有啲出入太少食物擺放，令人有一種好凋零，門庭冷落，好可憐嘅感覺鵝肝多士，個鵝肝切到好似粒骰咁，多士亦都唔脆熱盤有樣紅油抄手，已經覺得幾搞嘢，心裏已經定了一個分數甜品區，仲淒涼，三款甜品，一砵焦糖燉蛋， 一兜choux，有碟放咗幾舊麻雀size嘅蛋糕，有部自制pancake機，搞吓gimmick， 等啲 細路有啲嘢玩下啦 ，好彩都有櫃名牌雪糕， 拉番少少水平你可以咁講嘅，始終係住宅區嘅街坊酒店， 夫復何求呢精選，意即選擇少也，唉…

位置都有少少偏僻，所以預多左時間過去，點個早左半個鐘到，不過服務都幾好，居然肯比我地入座坐住先。環境幾靚幾闊落，因為好多酒店為生意而放到d枱好密麻麻，佢就好闊落好舒服另外係地點遠，唔太多人黎食，成晚都未坐滿半場未開始前已有侍應叫我地可以先取飲品，有紅白酒，啤酒，浸過檸檬片既清水同蘋果汁。不過唔明帶酒又要收$200開瓶費，太貴所以都冇帶，點知佢有提供都幾意外。。。凍海鮮方面都好吸睛，冇諗到有龍蝦，仲有基本蝦，蟹腳同藍青口，但係青口好鮮甜龍蝦煮到岩岩好，多膏。刺身三文魚吞拿魚唔錯，甜蝦就似雪左好耐，唔靚有廚師「即燒」豬柳，羊扒同扇貝羊扒好食，但未夠調味，豬柳非常軟，扇貝就燒得太耐太乾德國鹹豬手叉燒同燒鴨都好新鮮肉嫩燒肉眼就反而弱左少少，係過熟，肉汁少最後黎到甜品，有綠茶芝士蛋糕，橙慕絲蛋糕，麵包布甸同pancake機，種類超少，不過折左我都接受。雪糕就好正有五種味，除左基本三隻味，仲有pana cotta同熱情果芒果呢度唔多生意，所以食得好舒服安靜d，可以慢慢食唔洗同人搶，唔似某d酒店好多內地團老人團咁嘈，又清晒d食物！另外食物比較精，種類唔多但係佢好多都整得好好味，值得一試

早排同媽媽慶祝生日 見某個特價網賣緊特價 每人折左連加一都係300幾一位晚餐 就book左依度環境方面算傳統 有個畫住舊區既畫 位置都唔算話好多 職員唔多 但禮貌唔錯 未夠鐘開始會叫你可以拎住飲品先 飲品唔算多 有咖啡茶 同埋有蘋果汁 不過勝在有紅白酒同啤酒任飲 以依個價位黎講 都算抵沙律款式超多 佔左一張長枱 都算新鮮既海鮮方面有3-4款 龍蝦一次出完好快俾人搶哂 下一轉都要等比較耐先有 建議會refill密小小會更好 另外 刺身都有3-4款 包括三文魚 吞拿魚等 但係冇希靈魚有啲失望 沙律吧戈邊都有煙三文魚 味道都唔錯架熱食方面 選擇都算多 大概有6-7款 例如蒸魚 菜等 值得推薦係日本味噌龍利柳 味道好特別 又唔算好咸 食左好多而牛扒會係一個 open kitchen 度會搵到 廚師都會即燒帶子等既一啲海鮮 不一次燒得唔多 所以要拎都要盡早排隊 唔係一次都要等幾耐下而湯有2款 中湯及西湯 西湯係南瓜忌廉湯 味道有啲甜 冇咩南瓜味 中湯就不過不失講到最愛既甜品區 蛋糕品多 得2-3款 不過會refill換款 但對中意食甜品既人黎講未免有啲失望了 雪糕以movepick為賣點 打黎既

2018年11月7日晚同媽媽去食 (lady night promotion free一位), 諗住食高級酒店實ok, 結果:--熱盤10款: 抄手, 燒味 (燒鴨, 叉燒), 豬手, 炒飯, 茄汁蔬菜, 蒸魚, 面鼓魚柳, 醬汁肥牛, 抄豆角, 青口-燒味, 蒸魚, 面鼓魚柳 出左一次我等左45分鐘後都冇再refill, 其他食物慢出 -刺身有三文魚, 吞拿魚, 墨魚, 零鮮味-連apple juice 都冇再refill-係有Movenpick 雪糕, 但雪櫃唔夠凍, 雪糕溶溶地, 自己食完都怕肚痛-甜品有4款,但30分鐘先refill一次-係有凍龍蝦, 係有refill, 但每次refill幾隻, 我都唔夠搶-食物味道:- 茶記質素咁LORConclusion, ladies promotion食到寡婦Look出來 (包括我mum), 聽到隔來table講”話晒高級酒店, 點解要推呢d promotion 做死自己, 聽聞酒店集團仲會同海洋公園合作, 咁死得啦” (can’t agree more) ……整體感覺, 唔好講味道, 酒店似唔夠錢煮食物……

呢間嘢真係可一不可再，話說當日諗住近近哋搵下屋企附近餐廳食飯，見到openrice嗰度顯示即晚訂座有7折優惠，點知禁入去訂座時間選擇只有夜晚9點同9點半，間buffer收9點半，咁叫人食半個鐘咩～咁打去問啦…同佢哋講咁嘅情況，佢話冇辦法，但有信用卡會有8折，咁再係openrice睇下啲人嘅食評同相片，好似都幾多嘢食，於是決定去食~去到時見到得4枱客，野食種類超級少，熱食類食物直頭係放到乾晒，而且係暖，嗰啲牛肉直情係生咁，血淋淋，切完拎到枱時先睇到，試咗一啖即刻吐出嚟，生到食唔到，睇到冇乜嘢食，唯有拎刺身食，點知都係唔太得，三文魚口感好難形容，唯有放棄食嗰啲，轉攻蟹腳，$4xx淨係食蟹腳~真係去正街嗰間食仲好

自餐廳裝修後 第一次幫襯 ，一行九人 光顧晚市自助餐 。以往曾光顧多次， 雖然地方不大 ，但食物選擇總算ok，亦美味，但今次的光顧完全失望，改變曬以往的印象，好多食品都不再供應，例如生蠔、鮑魚、龍蝦 ，以往有紅白餐酒香檳提供，也取消了。 而且食物的質素亦下降咗很多，不再美味 。燒烤區擺放的食物只供觀賞，曾多次詢問要攞，只答覆未熱未熟， 不會讓顧客取。 服務態度亦欠佳 ，用過的碟遲遲都未有人收。 甜品提供的選擇 少了很多，只有三種，而且並不美味。 需通過 apps 預訂有折扣， 埋單也要三百幾元一位，如此質素， 實在不值。 質素已下跌成為 食過最難食的自助餐！

過去幾年，自從地鐵宣佈港島西延長線會途經西營盤 / 西環，這邊的地價樓價可說是一周周一個價，以前的舊商廈工廈唐樓早被有心人囤積收購重建，改成連鎖式酒店 / 酒店式公寓 / Loft 辦公樓，街面以前都是凍肉倉 / 五金店 / 雜貨店 / 修車洗車店，現也變改成酒吧 / 咖啡廳 / 西餐廳。不少在中上環工作的外籍人士，也常來泡吧甚至租住。真想不到這裏的 "類四星" 級酒店（香港的酒店沒有評星制，這裡只按酒店自打的評級）還有 HKD 150 以下的自助午餐。這次就約了媽和阿姨們吃飯，抱著好奇心試試這廉價自助餐是甚麼回事。酒店地點僻靜，周邊人流也少，但從西環地鐵站步行 10 分鐘就到，交通也不麻煩。後來知道，這裏星期一到日早午晚都有自助餐，平時也常有團購優惠，HKD 110 左右，否則有匯豐 / 恆生 / 中銀 / 渣打等信用卡，結賬八折也是 HKD 130。室內環境可以，客人不算多，冷盤前菜（火腿 / 水果 / 沙律 / 素菜），熱食主菜（中西餐湯，咖喱雞 / 醬排骨 / 蒸鱸魚 / 自助車仔粉麵），甜品飲料（自助窩夫，Movenpick 雪糕，咖啡奶茶汽水），也算一應俱全，選擇不多但足夠

朋友介紹過黎食.... 唸住都可以接受話曬都係MARRIOT酒店唔會差得去邊. 點知一去到無野食！ 只係Salad同少少冷海鮮. 每位有一道主菜還要等好耐仲難食煮得太耐over cooked! 其他熱食只有chicken wings同另外一碟野... 但已經比其他人清曬！雪糕蛋糕乜都無曬！碟碟都清曬！我完全未試過去咁差無野食既自助餐既地方！工員都無笑過添！我已經上網攞折扣都覺得好論唔值得. 如果要比原價$468+10% 但係好唔掂！離開左之後都仲覺肚餓！無飽既覺得！我去一間$100多正價既自助餐都有好鬼多野食多款好服務添！ NEVER AGAIN WILL I EVER GO TO THIS PLACE AGAIN! SO CRAP! Such a waste of money and robbing of time and space! NO VALUE FOR MONEY! Left feeling hungry even though it’s supposed to be a “buffet”

香港萬怡酒店推陳出新將舊有的MoMo Café來了一個大變身，上星期到酒店欣賞餐廳煥然一新的面貌！由壁畫藝術師精雕細琢出一幅富有老西環風情的壁畫，絕對令餐廳有動起來的活力感相當匹配！ 而在不經意的位置還放滿西環舊日的照片，但又能讓大家經意地欣賞得到！踏入自助餐區是充滿活力的開放式廚房，一系列美味熱食就於此新鮮熱辣炮製！ 先有兩款是日靚湯，豬骨湯及龍蝦湯，隨之而來是養眼的紅燒乳鴿、香脆可口的脆皮德國豬手、網蝦春卷和明爐燒味都有呢！ 不過最吸睛莫過於即製燒烤區，內有深海鱸魚、有骨香草雞肶、安格斯牛扒、羊鞍扒及我最冧的豬鞍扒可選，全部即叫即燒香氣四溢精彩不已！最尾位置更有燒烤排骨是香濃惹味之選。 到中央兩張長檯則放滿頭盤、前菜及小菜，款式也夠豐富啊~先有小匙內的是荔枝蟹肉芥末蛋黃醬，這造型精緻又企理！而現在沙律有燻鴨胸肉青豆菠蘿核桃沙律、希臘沙律、艾門塔爾芝士火腿、南瓜沙律、雞絲粉皮、粟米沙律，款式不少而且通通味道清新絕不重口味！另外還有煙三文魚及多款Cold Cut供應著！ 熱葷有美味清蒸海上鮮、蘆筍蟹肉蛋白炒飯、香辣炒蓮藕、烤雞胸肉配蘑菇汁、烤龍脷柳蟹子香檳忌廉汁、炒蒜辣椒龍

知否世事常變，變幻原是永恆～ 自從港鐵通車後，西環一帶近年有著翻天覆地的巨變，型格有水準的餐廳林林總總，外藉人士由中環西移，消費力也瞬間提高。 面對一連串的轉變，該區的酒店亦嚴陣以待，如萬怡酒店的Mo Mo Cafe，最近亦來個大變身，以全新面貌示人。 剛重開的Mo Mo Cafe，設計時尚左，地方光猛左，環境舒服左。筆者最喜歡還是那特色牆，將西環區的色彩呈現出來。 嘢食唔算超級豐富，但四舊有找，信用卡仲有折既價位下，絕對收貨有餘。沙律煙三文Cold Cut與凍海鮮等基本食品是有。個人偏好蟹腳，各式Cold Cut和芝士似乎比沙律菜好，各式菜蔬似乎比較淡口。 熱食做得幾好，龍蝦肉質爽彈，味道鮮甜，即使放涼了也好吃。其後見佢有refill，嗱嗱聲出去再取幾件回來跟大家分享，趁熱食的確好吃十倍，以自助餐去計，是難得的水準，不要錯過。 一直瞄住燒乳鴿，即出即拿，肉嫩有汁，俱不錯。其他的熱葷也比想像中好，蒸魚沒有嚡烚烚，燒排骨同樣鬆化。 廚師走出來搭訕 (問客人意見就真!)，並推介賣相毫無起眼的炒蓮藕，爽脆帶辣勁，果然非常可口。 見有燒味，叉燒是半肥瘦，但我寧可多吃伴燒鴨。 燒烤專區是我最欣賞

最近食了ㄧ次几抵的lunch buffet,百几蚊就有交易,真係ㄧ个平日和朋友聚聚的不錯地方,地方雖不算靓，勝在空間夠,有些梳化位,希望遲些装修後會更舒適。至于食物方面,款式不算多,但感覺良好,味道亦不錯,有中式点心、麵檔、ㄧ些基本熟食和甜品,我最喜歡它的沙律吧,有多款沙律配料任你配搭,仲有我至爱嘅Moverpick雪糕𠻹,侍應態度良好,整體比我早几个月前食过改進了不少,期待夜晚的buffet,稍後會試ㄧ試,希望有驚喜

這次是我近三個月來第五次光顧晚間自助餐（23/6，19/5，9/5，7/5，4/4/2018）今次非常失望.😞😔1）首先是某些日式刺身及壽司沒有供應；鮑魚片、泰式蝦刺身沒有了，劍魚壽司、油金魚壽司沒有了，三文魚刺身及吞拿魚刺身看來不新鮮.2）凍海鮮：長腳蟹不新鮮，剪開後出水及肉質發霉，有些卻很咸.3）炸物：軟殼蟹沒有了，改為麵包糠焗青口，又乾又冇味，味道很難吃.4）龍蝦尾，千篇一律泰式醬炒，沒有新意，size細少，雖然不停現場煮，仍然等了很久才有得吃，排隊人龍很長.5）咖喱雞，但沒有白飯或餡餅跟食.6）即煮越式肥牛湯檬，煮得過熟，也沒有其他肉類或蔬菜選擇，很單調！7）羊架，也沒有供應了！8）甜品：仍然只得三款，細小及不好吃.9）生果：仍只得兩款；西瓜及紅提子，紅提子不新鮮.10）蔬菜：只有西蘭花，三個月未改過，老人家吃不下，太硬了！11）空調：冷氣不足，開了獨立冷風機仍然很熱12）服務：收碟很慢，服務員沒有笑容，員工更替比較多.可取的地方1）有紅酒白酒啤酒供應2）Movenpick有六款雪糕供應但缺少topping.例如沒有朱古力、糖類相伴3)鹹豬手；外脆內軟認可口.

很多熱食物經常空了廚房部都不願加，烧鹅乾晒皮只净一两件亦不加，除一位女廚師態度好外，其他厨師像黑口黑面，客人排隊等待龍蝦廚師煮了二十幾分鈡也不加，待客人走開他就加在碟内，好像戲弄食客的態度，雪糕也有很多空盒，凍蜆很多碎殼，有碎雪，烧牛肉外層非常硬像太大温度燒，泰式生蝦很梅，食物種類亦非常少，總知貴酒店請了這個總廚真的不幸，怪不得晚飯時間也剩很多空枱，樓面侍應服務還算ok,經常很快轉走枱上的食完汚碟。冷氣不夠冷。