MoMo Café

營業中

休息中

近年，無論港島區，九龍區或者新界區，都好多3星酒店仔都有做平價既lunch，tea 同 dinner buffet, 而dinner buffet 價錢discount 完後都係大概$400 左右。可能成本高，生意難做，往往呢啲平價buffet都衹能夠提供一些平價海鮮，而通常佢哋都衹能夠用平價食材，加上好一點的煮功來平衡取勝。今晚就來到西營盤既Courtyard by Marriott Momo Cafe Hong Kong 食反個平價dinner buffet。一到Cafe坐下，環境不錯，行個圈睇下有咩啱食，第一個感覺係，吾知食乜好，因為好似冇咩啱食。說穿了，就係食物種類既選擇好有限。不過吾緊要，就算選擇吾多，如果精緻好食，都係會有分加既! 冷盤: 生蠔: 細細隻，即開即食，有海水咸味，但沒有鮮甜感覺，加點青檸汁食味道會好點半邊凍龍蝦: 龍蝦味不濃，沒鮮味，肉質也算彈牙凍蝦，螺，青口: keep住有refill, 尚算新鮮刺身: 種類不多，衹有三文魚，八爪魚，鮑魚片，感覺似超級市場貨色燒牛肉: 感覺有八成熟，有牛肉味，如果嫰點會好一點叉燒/燒鴨/燒肉: 三種都合格，吾算驚喜，但都可以

抵食自助餐午餐，本來已經有好多選擇，主打沙拉同即煮麵檔，今日去到多左燒味飯食，D肥义同燒肉好正😋。熱食多左選擇，食落好味好多。本來得幾種蛋糕同movenpick 雪糕，今日去多左幾種甜品，佢個腐竹蛋糖水好好味😋😋。好似多左個鬼佬廚，唔知關唔關事。折左加十完都唔冼$150，抵

有日平日唔使咁早返工，朋友book咗酒店自助餐話同我試，諗住港島區酒店無得輸，結果輸曬了。首先食物選擇方面真係唔多，一心諗住食下刺身呀海鮮等，結果選擇得小蝦同少量甲殼類，蝦都有點放太耐嘅感覺。麵包類真係令人失望，舊舊都係硬到一舊石咁，好似冬甩咁，我覺得自己只係食咗一坨麵粉落肚。pancake機仲正，整出來嘅pancake同毛巾無分別，老麥都有蛋味過佢，其他酒店起碼有個廚師即刻整，佢咁樣真係太求其。沙律係正常嘅，因為連菜都出事就真係嘥藥費。點心咁多籠以為好多選擇終於都食得，點知道原來得三兩款，而且賣相完全唔吸引，pass.最多人食就係呢個火腿，相比之下係唔錯嘅。成個buffet唯一我會encore嘅就係呢個迷你墨西哥捲，總算係清新有口感　，最快被掃清光。甜品都係伏，蛋糕散曬又出水，真係大大大失望，我寧願食快餐。

放假和太太到這裏吃自助午餐，食物選擇少，但這個價錢也不可以太高要求，可以算叫做吃飽吧，還好有粉面供應，不會再來，因寧願這個價錢去食碗粉麵還可以，食物真是太少選擇

寥寥可數的食物。沙律倒是占了一張大長台。沒有人去開的生蠔形同虛設。是迄今為止見過種類最少的自助餐！沒有愛了。苹果汁好好飲。甜品也不錯吧。服務生收拾得比較慢。。。

3月23日晚上的自助餐，沒有三文魚刺身，沒有牛扒，沒有羊架。食物品種極少，浪費金錢，浪費時間，從不寫食評的我，都必須要寫出來給大家知道這餐廳是垃圾。絕對是真實內容。

食物總類好少總共有3排長枱放食物第一張放咗好多沙律菜及各款沙律，賣相味道一般，同一張枱的頭尾兩端，一邊放壽司刺身，一邊放凍海鮮。刺身有唔肥嘅三文魚，好細件嘅甜蝦，同埋好細塊嘅八瓜魚，賣相唔吸引，味道好普通。凍海鮮有龍蝦（食咗3件，2件味道唔錯有膏，1件係好腥同梅），凍蝦，青口，長腳蟹（味道唔錯但好瘦）第二張枱放咗咖啡茶，仲有蘋果汁，咖啡味道正常。熱盤得10款左右，唔吸引，最吸引係辣酒煮花螺另外有福建炒飯，但個汁好似小學嘅學校飯餐咁，睇見都唔想食。第3張枱有2款餐包，湯3款，2款西湯（其中粟米湯似罐頭湯），1款中湯（蟲草花豬肉，好淡）。另外仲有串燒（牛、豬、雞翼，味道唔錯，全晚最好食嘅熱食）。燒烤食物係豬鞍，個樣好乾我無食。甜品得2款，好細件嘅蛋糕，無食過雪糕係movenpick ，有6款味道，最好味。另外有即開生蠔，我成日見到有人排隊所以無拎，但到7點半已經無晒，檔口都收埋。粥，意粉，湯粉麵⋯⋯⋯係無嘅我未試過食自助餐可以6點半食到8點鐘就走人。唯一好處就係收碟算快，同侍應講唔該佢地會答：唔使客氣，但全部都係無笑容嘅我唔會再去食，大家去之前真係要諗諗。

CP值高自助餐，海鮮款式比想像中多，熱葷刺身甜品雪糕基本野都齊全，但價錢比其他酒店平熱葷7,8款，雖然款式不多，但整體味道不差，刺身新鮮，又有長腳蟹，龍蝦，蠔重點回本位，切西冷甜品夠食，仲有吾系d平雪糕睇得出人手不足，但員工都手腳快同好nice特別表揚黑衫西裝經理，因為我地友人經openrice訂枱有mark生日飯（冇request任何野），竟然在碟上整左d生日快樂字感覺驚喜，有溫度的services交通位置雖然不算方便，但門口有巴士站，一上經西隧20min極速回到MK

數個月前，男朋友買了一間酒店的團購自助餐，團購確實比明碼實價買的便宜得多，有一陣子他甚至每天都上團購的網站，除了食物有折扣外，不同的家庭用品、電器等都有優惠，其實現今也有不少的網絡平台，在網上購買林林總總的東西都會變得划算一點。很少來到西環這邊，還好有男朋友帶路，不然真的完全不知道該怎麼走過去。萬怡酒店的英文名稱是「Courtyard by Marriott」，即是 Marriott 酒店的其中一個成員，是世界性的著名酒店，看看質素是否同樣能做到世界性集團的標準。一進去了，看到的是不太大的範圍，但絕對能說得上是整齊，一部分得桌子在中間，桌子與桌子之間的距離不算太近，環境的質素頗高。雖然國際性的酒店，但海鮮種類真的不算很多，以海鮮來說，勝在有任食龍蝦，真不是每間酒店都有的。熟食的種類真的太少，寥寥可數，但賣相看來都很不錯，算是貴精不貴多的自助餐。要看個人喜好，喜歡味道高質素但不介意款式少的人，就喜歡這一類，喜歡款式多但不介意味道質素沒那麼高的人，也許就不太欣賞這間自助餐。首先嚐嚐它的海鮮，先拿了蟹腳和開邊龍蝦，蟹腳新鮮，不帶海水味，並帶點清甜的感覺，每次到酒店吃自助餐都很喜歡吃蟹腳。開邊

位於香港大學站的香港萬怡酒店MoMo Cafe ，是一間環境舒適寧靜的自助餐餐廳。餐廳的地方不算太大，但坐位跟坐位之間不會過貼，是帶父母親和老一輩好好慢慢吃飯的好地方呢。自助餐價格非常便宜👍🏻，星期一至四現時七折 $306.6(原價$438)，星期五六日公眾假 $346.6(原價$498)雖然食物的選擇不多，但勝在各式各樣的種類都有，例如: 凍食頭盤: 仼食龍蝦，生蠔，海蝦，青口，長腳蟹。沙律: 木瓜沙律，泰式沙律，自製沙律等。 湯品類: 中湯，西湯勻備。日本菜: 壽司，刺身。 肉食類: 燒牛肉片， 鵝肝多士， 叉燒油雞，紅酒牛肋骨，烤雞，沙爹串燒等等。甜品類: Movenpick雪糕，三種蛋糕。第一碟: 龍蝦，海蝦，長腳蟹。所以海鮮勻可以仼食，看到不少客人吃掉好幾隻龍蝦呢。龍蝦鮮彈美味，肉質結實，質素很不錯呢，而且更有大量蝦膏，是回本的好選擇。海蝦質素同樣很好，想不到竟會是大隻鮮甜，長腳蟹更是超級鮮甜，值得多吃幾隻呢。第二碟: 三文魚，吞拿魚沙律，木瓜沙律，玉子壽司，腐皮壽司等等。刺身方面選擇較少，吞拿魚沙律非常足料，魚肉超多，木瓜沙律加入草莓和藍莓，更為健康。已經很久沒吃過腐皮壽司

伏伏伏.....失望.....全晚唔夠十枱客係有原因熟食唔夠十款，星期五即開生蠔有三款但到八點已經得兩款，最差係開蠔職員黑口黑面，每次一人配給兩隻，而且該職員係似飛隻碟係你面前，十分無禮，話晒你都係酒店工作...唔知係咪因爲人手不足，開蠔員係要兼顧煮其他嘢食，哩個可能係佢態度差既原因之一。燉湯仲搞鬼，第一次拎盅湯只有三分一，味道鹹到嘔，放棄，心想燉湯應該唔會差得去邊，第二輪再拎一次，今次盅湯係100%滿，可惜係水似的無味！甜品得一款蛋糕仔，無食。朋友食左紅豆湯湯丸，話唔好食。最正常係M字頭雪糕，所以食左兩球。連生果都唔掂，似雪得太耐！海鮮有龍蝦，無味肉硬。蟹腳同凍蝦正常。價錢與食品不乎。十分失望，折左每人要四百。見註明話以中國特色為主題，只見紅豆沙湯圓算係。

大年初四，有折都無用，食物少，員工態度可做可不做的樣子，若然無人開工，請通知食客唔好黎，折扣完真心覺得都唔抵，我食其他酒店對比，呢間真係垃圾不堪，唔會再幫襯囉！食完=無食

呢間酒店餐廳打正「萬豪」牌頭， 貫徹其貴精不貴多嘅原則，務求做到食物重質不重量， 但部分細節都係不會著重兼夾甩轆！ 或者因為係星期一晚上關係，食客比較少，但全晚數埋只得五枱人，靜到自己嘅心跳聲都聽到！老老實實如果要以原價去食呢一餐自助餐絕對不值……食物普遍不算太差， 但係燒味放入熱薰蒸氣鍋內保温，已經令到燒味失去原有味道。 海鮮冇生蠔冇麵包蟹，其他都應有盡有， 都係一般入得口嘅質素冇話特別好亦唔太差。 食咗兩三碟食物， 想食個雪糕隔一隔， 點知咁就中伏啦！ 落去啲雪糕溶溶地， 以為一格係咁點知全部都係， 最後揭發咗佢部雪糕機製冷功能死咗， 呢樣嘢真係令到我有啲灰， 最後忍唔住捉住咗一個高級嘅女主任「耶穌」一番， 其實生意已經唔係旺，如果開市前嘅檢測都做唔好嘅話， 咁有幾平折扣都難以招客。

已經半年冇嚟依家momo cafe食lunch buffet 2019年餐廳收費方面已經改革以前係有得揀唔食甜品平返幾十蚊而家就全部都係單一收費每位168再加一恆生匯豐同埋有一兩間銀行嘅信用卡可享9折，即係免加一餐廳裏面坐位都算多而且枱與枱之間嘅空間十足就算坐滿九成人都唔會話覺得坐得好迫不過就嘈咗少少，因為食客當中接近八成以上都係內地人裝修完之後新設咗凍海鮮bar有蜆仔,凍蝦,同埋青口沙律吧依舊一樣有非常之多嘅選擇包括：西蘭花，椰菜花，紅菜頭，粟米，青豆，吞拿魚沙律，薯仔沙律，紅腰豆，鷹嘴豆，火箭菜，羅馬生菜，杏仁片，杏脯，西莓，椰果，蕃茄，麵包粒， 秋葵，花生，茄子， 橄欖，珍珠芽菜，三色椒，泰式魷魚沙律……………等等至於熱葷方面，選擇都唔係話特別多有一個 清蒸海上鮮主要係一大條蒸魚係我覺得最好味既野～不過可惜人多，長期都係得番條魚骨…另外有青咖哩豬，炒飯，炒蒜芯，瑞士雞翼同埋香醋骨，炸餃子最好食係個青咖哩豬～一食落口好有泰國風味～裏面啲茄子好淋～又吸收咗好多汁～湯有兩款今日係南瓜忌廉湯同埋粟米羹我飲熱檸水就夠今日冇quota飲湯 另外仲有即叫即整嘅湯麵區，同埋點心區點心區嘅女廚師，

隨着西環港鐵站的建成，香港島南區的餐廳開得越來越多，西環更開了很多富特色的西餐廳。該區的餐廳都面臨同行的競爭。西環萬怡酒店去年年尾大革新，酒店的MoMo Cafe重新裝修，務求吸引新顧客及為顧客帶來新鮮感。這天和朋友午膳時間來到酒店，餐廳有午市套餐和自助餐供顧客享用。同行兩人吃自助餐，兩人吃午市精選套餐。午市的冷盤及沙律種類多，食物的質素及味道偏好。冷凍的海鮮的種類則偏少，只有蜆、白灼蝦和青口，而且數量都不太多。可是，海鮮的質素非常高及新鮮，蜆肉沒有沙，而且肉質結實午市有一區域是點心區，各式各樣的點心可以隨便享用。當天有燒賣、叉燒包、牛肉球、珍珠雞及奶黃包。可是怕吃點心會太飽，所以只吃了燒賣，燒賣的質感偏軟身，但味道可以接受。燒烤區域當日只有燒牛肉，燒牛肉肉質軟滑，有燒烤汁及芥辣汁可選。熱食區的食物選擇並不多，當中較富特色的是咖喱水魷及韓國泡菜餃子，味道不錯。自助餐設麵食區，食物種類多，相當吸引，可是已吃不下，唯有下次再試。餐廳有一部自助班戟機，只要輕輕按掣一下，等1分鐘便會有班戟掉下來，我配上自助盛雪糕球及迷你芝士蛋糕，慢慢地吃，十分寫意。午市套餐內的漢堡包非常吸引，牛肉漢堡扒上有煎