Mokumoku Yakiton (永光商業大廈)

營業中

休息中

閒中都係需要杯杯佢，日式風格餐廳，拍拖仔飲兩杯，真的唔好太舒服啦，前菜係蒜子番茄沙律、芥末八爪魚，開開胃，魚生刺身，正式打開個胃，叫做6款串燒，豚肉既唔同搭配，最中意九條葱豚肉卷同豚肉芫荽卷，咬一啖多汁，燒既火候剛剛好；原條槍魷魚，魷魚筒入邊夾埋櫻花蝦，提升一個鮮甜層次，唔錯。

好耐冇打過食評，基本上逼到我打嘅……都係d 好extreme嘅情況，一係就好好食，一係就好差……見有一段時間冇食過串燒，就上網睇下附近有乜嘢串燒店，咁啱見到呢間繁忙時間都有得book，就決定試一試。6點上到去，一坐低有個黑口黑面嘅女店員就話限時120分鐘。可能因為得我地一枱客人，所以d店員都好肆無忌憚咁大聲傾計說笑，但對住客人又黑口黑面，仲有個男店員就企係度眼金金望住我地，想慢慢睇menu都覺得周身唔舒服。佢有個特價餐牌，寫住2串幾多幾多錢咁，我地本身以為嗰2串係可以叫唔同款既串燒，到落單嘅時候男店員先同我地講嗰2串串燒一定要同一個款，咁我地都覺得冇辦法啦，就話我哋再諗一諗先。諗好再叫男店員落單，我地叫兩串雞翼串，兩串鰻魚串，個男店員話，“兩串雞翼串，兩串鰻魚串……今次係真架啦嘛？” 哩嗰特價餐單冇寫明兩串串燒一定要同一個款，到佢同我地講番話要同一個款嘅時候其實我地都冇投訴啲乜嘢，洗唔洗咁串咀？我本身優惠訂購平台有coupon，問佢地係咪可以用，但原來只係主餐牌先可以用coupon，“特價餐牌”唔可以用，但個男店員話可以幫我儲分。不過去到埋單嗰陣都係無人幫我儲分，不過算啦，哩啲咁嘅垃圾

來到銅鑼灣這家日式串燒居酒屋，入門已感覺到一陣燒肉味，地道和式裝修佈局，有日式小店感。先來飲品，開開口胃:淺間梅子酒及梳打水。餐前小食:牛蒡和蒜子蕃茄~清爽涼快。日本菜必食的美味魚生:刺身盛三款~有甜蝦，帶子，三文魚，用料有水平，蝦鲜甜，帶子滑，三文魚油香，各有不同口感。串燒:冬菇~乾身而帶濃郁菇味，配搭木魚粉，口味更高。九條蔥豚肉卷~芳香日本九條蔥捲入薄豚肉内，口感味覺同現。雞翼串~烤烹火侯控制得宜，皮脆肉嫩，入口甘香。豬肝串~爽口有嚼感，無豬肝騷味亦不油膩。雞軟骨串~鹹鹹香香，軟骨有咬口，有煙韌感，伴清酒好選擇。三文魚魚頭~燒烤後有炭火香味，香噴噴，魚肉就滑嫩，厨師手功到位。不知不覺又完結了這頓串燒美食。

約左朋友聚一聚, 搵左間串燒居酒屋, 呢度串燒好食, 仲有多款日本酒及啤酒, 傾下食下, 好享受!鮮甜蕃茄大大個超甜蕃茄, 配上蒜泥及沙律醋, 甜甜酸酸, 開胃醒神.刺身盛分別有三文魚, 甜蝦同埋帆立貝, 顏色光澤, 味道新鮮, 三文魚肥美鮮甜, 超厚切, 甜蝦同帆立貝厚肉彈牙!豬肝串肉質綿綿, 絕無異味, 配秘製醬汁.豬肚串外皮微微煙韌有咬口, 內裡爽口, 口感十足.秋葵豬肉卷秋葵脆口, 外層薄豬肉包卷, 雙重口感.雞翼串功力十足, 燒到皮脆肉嫩, 香噴噴, 加少少鹽已經足夠提鮮.三文魚頭外皮燒到脆卜卜, 肉質嫩滑, 絕無魚腥味, 啖啖肉, 配青檸醋汁, 鮮味可口.

今日放左工想去relax一下，就想起呢間豬肉串燒專門店，好在我地有book定位，因為黎到既時候都已經幾多人，餐廳帶有日本風格，就好似日本d居酒屋一樣。前菜， 芥辣八爪魚前菜係清新既蕃茄。濃郁的芥末和鮮味八爪魚令人十分開胃，八爪魚入口鮮甜，口感爽脆彈牙。剌身盛 剌身盛有三文魚、甜蝦同埋帶子，幾款刺身都好新鮮，三文魚好肥美，而帶子就帶有海水味。三文魚魚頭三文魚煎到外皮香脆，內裡肉質依然保持鮮嫩，魚油甘香。豬顎骨、豬肝串豬顎骨串帶有豬肉的香氣和口感，肉質爽滑， 豬肝在完全熟透的情況下仍然保持著嫩滑的口感。秋葵豬肉卷秋葵豬肉卷結合了豬肉的鮮嫩和秋葵的爽脆，口感豐富，味道鮮美。雞翼串雞翼烤至金黃色，外皮脆卜卜，雞肉嫩滑。

今晚同老公去左銅鑼灣mokumoku食日式串燒 蕃茄沙律，清新開胃，蕃茄唔太酸，雪到凍哂好多汁！配牛蒡漬物刺身三味分別係帆立貝刺身，三文魚刺身，虎蝦，全部都好新鮮！豆腐油揚好食，唔同港式炸豆腐，呢個燒豆腐外脆內嫩，而且仲好多汁！ 加上醬汁同木魚，成個味道非常足夠而且好香燒豬肩肉你非常高質的燒豬肉！ 豬肩肉邊緣位燒到帶點焦香，本身肉質都非常鮮嫩，咬落一丁點都唔乾，味道仲好惹味！！燒雞翼，燒雞軟骨，好食，有肉汁，少焦香，調味剛好！蘆筍卷，爽！燒三文魚頭，香！

2024年2月20日 星期二今晚放工之後突然好想食下串燒，所以同老婆去左銅鑼灣既mokumoku，好彩去到既時候仲有位，坐多一陣間成間餐廳已經坐滿人好快我哋就已經叫左想食乜，店員一點完餐就送上前菜蕃茄沙律，係原個蕃茄黎，已經切好左方便進食，味道酸酸地幾開胃，同個醬汁幾夾，上面仲有葱花添之後有牛蒡漬物，咬落爽脆又多汁，加埋芝麻更加好食呢個係刺身三味，分別有三文魚、帆立貝同蝦，全部都好新鮮，而且三文魚好厚切，咬落去都充滿油份，帆立貝加埋檸檬汁一齊食感覺更加突出鮮味之後有豆腐油揚，外皮炸得好香脆，裏面嘅豆腐就好香滑，淋上嘅醬汁味道啱啱好，唔會太過鹹，仲有木魚增加口感然後有西班牙黑豚肩肉串，非常多肉汁，而且食落去唔會太韌，調味啱啱好，食完都唔會覺得好口渴再嚟係雞翼串，雞皮燒得好香，咬落去脆卜卜，而且個口唔會有好多雞油，裏面嘅雞肉仍然保持嫩滑，唔需要太多調味都已經好好食跟住有雞軟骨串，同樣地上面加上左少少調味粉，食落幾惹味，軟骨脆口呢個係蘆筍豬肉卷，一片片豬肉包住成條蘆筍黎燒，燒完之後蘆筍仍然多汁，豬肉完全唔韌，同蘆筍嘅味道好夾，而且食完都唔覺得好油膩添最後仲有三文魚魚頭，識食嘅話就知道邊個部位

日前，財政司司長陳茂波公布財政預算案2024，今年不會再派發電子消費券，派糖規模大減8成。身為星斗市民，每天所花的一分一毫更需精打細算，開源節流，省除無必要開支。位於銅鑼灣的「Mokumoku Yakiton」是一家日式豚肉串燒專門店，主打即叫即燒出「熱」騰騰的美味串燒。逢星期六至四，各款特色串燒及小食低至半價優惠，加$98更可任飲High Ball，即使大吃大喝也不怕「傷荷包」，適合親朋好友歡聚。環境：✨店內裝潢設計主要走親民的日本居酒屋路線，掛着各式各樣的海報，配搭木桌椅，同時設有板前座位，可欣賞師傅燒製食物，氣氛輕鬆舒適。服務：✨當日剛踏入晚市，人流不斷，上菜節奏明快。食物：🐟 刺身盛 ($168)✨一共三款新鮮刺身，包括清甜的帶子、軟綿的牡丹蝦及滑溜的三文魚。🐟 三文魚魚頭 ($108)✨三文魚魚頭經切塊和被油炸，油脂豐富營養高，香脆可口，可作下酒小菜。🍢 串燒✨西班牙黑豚肩肉串 ($38)：帶微微焦香，肉間脂肪較多油花，不乾柴。✨秋葵豬肉卷 ($32)：入口軟腍的豚肉包裹着秋葵，增添一份獨特的草香。✨九條蔥豚肉卷 ($34)：裹上清香的九條蔥，口感多了一份爽脆。✨雞翼串 ($

晚飯约了食友在這樓上日式居酒屋吃串燒，甫入座已聞得烤串燒氣味，內部佈局富東洋風😀侍應奉上餐前小食牛蒡; 蒜子蕃茄正好配飲品:淺間梅子酒; 梳打水牛蒡爽脆有口感，味道恰當，佐酒良伴😋蒜子蕃茄酸酸甜甜，入口清新，餐前醒胃小吃😋刺身盛三款，和食不可少的一部份，甜蝦，帶子，三文魚三款，材料新鲜，作串燒大餐開腔前菜好選擇😋串燒多款:冬菇，清香菇味重， 灑上木魚碎，更增香氣口感😋九條蔥豚肉卷，嫩滑豚肉片捲起九條蔥，肉味混合蔥香，有嚼感和味道😋雞翼串，香口肉滑，帶點油香但不肥膩😋雞軟骨串， 熱辣辣，有嚼勁， 鹽香味濃😋三文魚魚頭，烤至香脆，入口甘香，肉質滑嫩😋一頓滿意的居酒居串燒👏

呢幾年好多做飲食業嘅都感嘆生意難做，但呢間餐廳係意外地受歡迎，去親都幾乎full house，成個場坐滿曬食客，非常熱鬧。（我係趁換枱時段先可以捕捉到餐廳環境，當日真係人頭湧湧）餐廳除咗主打豬串燒，仲包括其他種類嘅燒物同刺身，深受食客歡迎。當日唔係點咗好多款，都係旨在過下口癮。當日食咗款芫茜卷，好出色，中意食芫茜嘅應該明白芫茜太熟會影響香味，呢度用豚肉包裹住芫茜去燒，既可以確保入面芫茜唔會過熟，又可以balance返個油香同清新感。豚肉鵪鶉蛋都好邪惡，燒香嘅豚肉加埋鵪鶉蛋獨特嘅蛋黃香，成個味道升一層次。豬肝串個人覺得可以嫩身多少少，但味道係出色嘅。總結：出色嘅食物自然有人識欣賞，呢度就做到好好嘅示範，中意食日式串燒嘅可以黎呢度飲下酒食下串燒，推薦

餐廳位於銅鑼灣,用串燒方式烹調各式肉食,主打以豬不同部位。前菜是免費的凍蕃茄沙律，人人有份味道清新順口我們點了刺身三點 （三文魚，赤蝦，帆立貝）新鮮度佳,三文魚質細滑嫩,帆立貝肉嫩爽口，蝦十分鮮甜開始串燒部分：1.燒冬菇香氣濃郁,多汁2.豬肝入味，而且唔會有內臟嘅腥味3.豚肉鵪鶉蛋還可以4.豚肉芫茜卷內餡足且香濃 ，芫荽愛好者必須點5.燒雞翼不會乾6.燒三文魚頭正常操作整體來說,所有食物質數是高的，味道也不錯，是頗有特色的串燒店但店內環境較擠迫和嘈雜而且食物份量偏細。

這間位於銅鑼灣的日本居酒屋，裝潢具傳統和風元素，主打豬串燒，氣氛頗熱鬧。最近餐廳推出特價優惠，逢星期六至四惠顧各款特色串燒及小食可享低至半價優惠，價錢低至$36/2串，另加$98 更可任飲 High Ball，天下無雙的絕佳配搭。✨前菜 $32✨芥辣八爪魚 半價$19✨刺身盛 $168刺身三點有三文魚、牡丹蝦及帶子，一人或二人分享剛剛好。✨三文魚魚頭 $108份量十足的三文魚魚頭，乃佐酒之良伴。串燒✨西班牙黑豚肩肉串 $38✨秋葵豬肉卷 $32✨九條豚肉卷 $34✨雞翼串 半價 $36/2串✨冬菇 $28這裡的串燒即點即燒，提供豬牛雞海鮮蔬菜多款不同種類的串燒，選擇非常之多，完全難到有選擇困難症的人士。飲品✨柚子檸檬酒 $65✨乳酸梳打 $38

朋友仔介紹過呢間串燒店😀話佢哋好食得來又唔會太貴，佈置靚同日本冇太大分別，有居酒屋格調。一坐低職員已經拎咗蒜子蕃茄沙律俾我哋，上面嘅孫子係精粹平時食嗰啲蕃茄，有少少辣辣地嘅感覺，好好食！佢哋個汁我用咗嚟點串燒🙈更加好食。芥辣八爪魚份量合適有咬口。食日本餐一定要有刺身，赤蝦、三文魚、帶子，赤蝦好大隻成條啖啖肉非常新鮮。佢哋嘅煎三文魚頭好食，因為炸得透所以有啲骨都可以食埋，側邊有啲魚肉，都幾香滑。雞軟骨油脂香十足，用嚟送啤酒真係一流！唔少得雞翼，佢哋嘅雞皮燒至香脆，火候剛剛好裏面仲係好滑，非常推介雞翼！豚肉秋葵我都非常推介，豚肉本身有啲脂肪，包住秋葵拎去燒，豚肉嘅油脂滲出來，配上健康嘅秋葵，感覺唔錯。

居酒屋都算去得多，以豚肉做主題嘅真系第一次食，不過雞肉串燒亦吾少，而且搭配好多日式配料食，感覺同平時好不一樣。✿ 芥辣八爪魚 $38居酒屋好常見嘅日式前菜🐙有埋少少芥辣味道刺激味蕾🔥✿ 刺身盛 $168刺身盛有3種刺身，系三文魚、牡丹蝦同埋帶子，數款食材同樣新鮮。✿ 三文魚魚頭 $108三文魚魚頭吾系成個魚頭呈上，廚師好細心咁幫客人分成一件件，好讓客人易咬魚頭部分。魚頭炸得香脆可口，試到小小魚肉亦新鮮。✿ 豬耳芝士串 $38豬耳會配芝士咁有新意🤭豬耳口感非常有嚼勁🐷👂🏼食到個口‘索索’聲🤣芝士經熱溶後滲入豬耳當中，具有芝味🧀✿ 秋葵豬肉串 $32秋葵平時我吾系好中意食，好難得呢度又做得幾好，秋葵亦充滿豬肉味💚兩者亦搭配得不錯。✿ 紫蘇豬肉串 $32前排有時會去食omakase，有部分刺身會搭配紫蘇花食用，所以都大概知紫蘇葉系咩味。豬肉散發陣陣油香🐷紫蘇葉就達到解膩作用🍃✿ 雞翼串 $38燒雞翼我中意食🐔雞翼皮已經燒得好香，裡面雞肉更系嫩滑👅呢道菜式我同朋友都好中意。✿ 雞軟骨串 $28雞軟骨同豬耳一樣會食到‘索索’聲🤣但當然冇咁明顯。呢個燒到好香脆，好快就清曬。

放假前夕同朋友聚餐，最好不過係去居酒屋！@mokumokuyakitoncwb 位於銅鑼灣，地鐵站步行幾分鐘就到，十分方便。餐廳主打豚肉菜餚，木系裝潢風格，甚有氣氛。🍅蒜子蕃茄沙律朋友係蕃茄控，呢款岩哂佢🤣蕃茄已經去左皮，伴上蒜子沙律醬料，味道清爽清甜，十分開胃。芥末八爪魚芥末味濃郁，八爪魚口感黏韌鮮甜，爽口彈牙！味道清新刺激，微甜香辣。刺身盛包括三文魚、甜蝦同埋帶子。三文魚十分厚切😍肥美嫩滑，油脂感爆燈，入口即溶。甜蝦都好大隻，肉質細綿，味道甜美。帶子既肥美又厚身。三文魚魚頭三文魚頭油脂感滿滿，燒到微脆，幾香口。🧀豬耳芝士串豬耳帶點爽脆，芝士味濃郁。🐷秋葵豬肉卷用豬肉片將秋葵捲起，同時食到豬肉既香同埋秋葵脆中帶滑既口感。紫蘇豬肉卷紫蘇香氣獨特，同捲起豬豚肉一齊食，可以減油膩感。雞翼串雞肉嫰滑多汁，簡單落少少鹽調味已經好香口。🐔雞軟骨串香脆惹味既軟骨，椒鹽味好出色。日本青椒仔燒青椒好香，苦澀味少，而且帶甜。