MELLOW BROWN COFFEE by UCC

營業中

休息中

服務態度差真係難得一見，那位服務員我由客戶服務投訴到人事部，我以為我一個中招，又或者係我問題，一上openrice，噢！原來好多人都受過苦，俾錢買難受！ 唉！我會再去幫襯的，希望有改善

見佢成日都咁多人等位就即管試下啦，環境有啲窄，同隔離枱都坐得幾近，隔離講野大聲啲都聽得一清二楚😂😂講翻野食，我同朋友叫左一個沙律同pancake 。先講下個沙律，我地叫左個海鮮沙律配多士。個沙律好一般，雖然啲沙律菜食得出係新鮮但啲海鮮就麻麻尤其個帶子，有啲怪味。唔太建議叫沙律食。反而個多士就幾好，烘得岩岩好，外脆內軟，平時唔多食包嘅我都食哂，值得一讚另外我地仲叫左mixed berries pancake。個vanilla 雪糕好好食，好滑，慢慢融落個pancake到簡直正啊！唯獨個pancake 可以熱翻少小就好，有冷熱交替嘅感覺好爽haha。整體而言個甜品都唔錯嘅。不過總括黎講，又去到我心目中咁好食，有機會會想試其他類似嘅餐廳。

這裏的下午茶超級抵食，味道也十分一流，唯一不好的是餐廳一定要排隊，而且每一次都排最少15分鐘⋯⋯位置是在於好多人的SOGO，可能係咁嘅原因所以成日要排好長龍這裏的照燒雞沙律🥗好好味 啲菜好新鮮，雞煮得好入味，同埋分量很大！煙肉辣椒意粉都好好味，他們的焗三文魚意粉也超級正！當然他們的甜品也很不錯，他們的窩夫是最好吃的，吃過一次會停不下來的服務員的態度都很友善，不過就係餐廳的位置很少 所以座位也很狹窄 有時候會碰到隔離枱 所以都係要小心啲

Sogo 的 UCC 經常經過 但從沒有試過 今次終於有機會一試可能位置銅鑼灣 而且餐廳座位不多 等候時間都幾長 平均都要20-30分鐘餐廳座位算放得幾密 而且張枱好細 如果叫多一兩碟餸都算迫 冇位放價錢算中上價 飯 意粉 都大約HKD 100 飲品單叫都HKD 40-50 跟餐叫飲品都要加HKD 32 不過位處旺區 貴都預左 所以算可接受連鎖餐廳 食物質素 ok 當日叫左烏冬同蛋包飯 味道不錯 咁當然唔算好有驚喜Pancake 都幾好食 叫左玉桂蘋果 pancake 蛋香味濃 甜度適中 製作時間要20分鐘總結： 餐廳適合朋友小聚 地點方便

與朋友臨時約了星期六吃午餐，一直很喜歡UCC旗下的咖啡，所以決定到Sogo的mellow brown。印象中每次經過都有好多人等位，取票後，等了四十分鐘就坐下，算是比想像中好。點了三文魚芝士焗飯，因為是焗飯，所以等的時間比較久。但味道很不錯，只是份量少了一些。說實在，這間餐廳空間比較小，位子比較逼，看到員工都一直注意著有沒有人擋到路。因為空間設計擋住了站在水吧的員工，員工比較難看到我們的需要（例如：加水）咖啡一如既往的沒有失望但是坐的地方不是那麼舒服如果有人目的是要好好跟朋友聊天吃飯，我建議大家去其他地方。這間餐廳比較適合，簡單快捷的吃完。

閒日去銅鑼灣就梗係要做嘢啦～成件事都係 Sogo 完成，咁好順理成章係度食埋嘢啦 Sogo 地庫其實好多嘢食賣，但係可以坐低食嘅唔多，而呢間我入去食嘅其中一個原因係因為佢有 "一人枱" 唔使搭枱唔使就人 I like it!下午茶時間叫下午茶 set 係好合情合理嘅! 之但係其實佢個下午茶 set 唔算平，身在銅鑼灣冇辦法。講返食，叫左個菠菜雞肉意粉+熱咖啡，黎到 UCC shop 唔係唔飲咖啡下化? 杯咖啡係滑嘅 (因為我加多奶)，香濃味就好似差左啲，但起碼佢唔會苦，飲開精品咖啡嘅就唔好有期望喇 ，對於我地呢啲普通人係 ok 嘅。個菠菜雞肉意粉又估唔到咁好食喎 ，菠菜林身就梗架啦，但係雞肉係出奇地 嫩滑喎！係雞髀肉黎! 個意粉又好有彈性喎，係彈唔係硬! 個汁唔傑都算 creamy，可能係因為我襯熱食……畀貴嘅價錢起碼都有番咁上下，唔會食完出黎媽媽聲嘅……順帶一提，食慣濃味嘅朋友可能會覺得啲嘢食好淡味，但我 ok。

UCC一向品質唔錯，今日同朋友食完晚飯，9點半，想搵間餐廳食個甜品，去左sogo地下的UCC cafe~ 感受良多！去到sogo 地下，見到裝修幾光鮮，我同一個友人見幾多空枱，就決定入去食甜品。由於我的隨身物品較多，我向侍應示意坐4人枱，方便放東西，但店員立即將4人枱分開，及示意我地東西不應佔用座位，但眼見整間店超過4,5張吉枱，我友人便說有客到，我地會交還枱，最後亦給這位店員黑面了。進食期間，我地隔離枱有個大媽結脹，禮貌向侍應問清楚收費款項，結果店員的語氣亦不太友善解釋，及說沒有按人頭多收你最低消費，已經對你仁慈。(因為大媽兒子用餐中段走左，大媽最後只叫了一份餐)另外，有對情侶入坐後想點甜品，但未開口，店員已經秒殺地回應甜品賣曬，最後二人亦無奈暗然地離去。而佢地想點，就係我地這兩款甜品：未計加一，原味$74, 哈蜜瓜$84味道薄弱，窩夫質地粗糙，蛋漿沒有攪均，哈蜜瓜唔甜，雪糕奶味淡薄。其實，那對情侶食唔到這甜品，亦沒什麼損失！在此我好想講，香港一直有加一服務費，當然，我不用好似劉華咁，顧客永遠是對的。但什麼是服務？基本安頓好客人座位，耐心解釋，尊重客人，這已經足夠。其實好多人話香港生

見到有奄利飯當然想試試，㸃知不是蛋包飯，只是炒滑蛋在飯面，好失望😞問服務生為何奄列飯不是雞蛋包住飯在內？她説她們的奄列飯只是炒滑蛋放在飯面上，這樣為何叫奄列飯呢？這間服務生都不能好好解釋給客人知，她們究竟知道何為奄列飯呢？奄列係是煎熟的雞蛋，中間或可放些餡料捲著。其發源地為法國。做法是先在平底鍋內加進蛋汁煎到凝固，再將煎好的圓形蛋餅對折成半圓形即可。 香港式茶餐廳會放火腿、咸牛肉、鮮牛肉、午餐肉、豌豆作為西式蛋餅的餡料；台灣則流行用培根作餡料，稱為「培根蛋餅」。這餐廳的飯如此雖然話是用日本蛋，加上牛肉汁，味道不錯，但是不是奄列飯的奄列飯，吃下去不是這味道。

之前見好多人等位，今日行過又唔駛等太耐，咁就入去試試！環境一般，但總算整潔！叫了焦糖walnut窩夫熱香餅伴雲呢拿軟雪糕及熱奶茶！這是下午茶的set, waitress話要等二十分鐘！等了又等，終於上了！因為太餓，未有拍照已經食左！第一口係食熱香餅，夠熱但係好鞋，完全唔soft, D walnut有益味，軟雪糕又有好多小冰塊，又冇咩雲呢拿味，真係有D失望！唯一可取的係杯熱奶茶，夠滑！所以已經飲完！見圖！希望有待改善！

今日五一勞動節周圍都係人去銅鑼灣行街就落咗SOGO地庫睇吓有咩食點平時都要排隊但咁岩有位就入咗去當見到OpenRice咁多平都有啲嚇咗行但係其實我幾滿意蘋果玉桂味本身就好鍾意蘋果肉桂嘅味道有時食甜品見到有蘋果批我都會揀黎食我覺得佢嘅蘋果玉桂味做得啱啱好 夠酸加埋個雪糕配搭其實個酸甜道係幾完美個雪糕係一啲好輕身 light 雪糕開始見咁大個雪糕以為會食唔晒但一啲都唔漏口紅莓桑子味朋友就鍾意食已過多啲個莓味幾夠但我成日認住只不過係果jam lolbut not bad 但係我識嘅波菜煙三文魚意粉係完全唔抵食 好似用罐頭湯嘅白汁三文魚粒冇特別菠菜味咪菜囉完全唔值90幾蚊似係啲低質嘅西餐廳＄40一碟意粉嗰隻但係朋友食嘅卡幫尼就好食好多（ps 難食到影相都唔想影）

位於銅鑼灣的UCC ，是一間很出名的連鎖日式咖啡店。還記得第一次去大阪時，便在黑門市場看過他的蹤影，值到某年一個生日，才品嚐過它家的美味。UCC最出名是Salad Bar和Waffles，而Sogo的分店主打甜品，同樣也有售主食，但就沒自助沙律啦。雜莓窩夫熱香餠配雲尼拉雪糕$82聽服務員說，需製作25分鐘，但不稍一會兒便呈上，反而吐司等了很久阿，這個名為窩夫班戟的甜品，其實就是班戟。雪糕非常奶香順滑，雲尼拿味香濃，難怪是餐廳招牌推介。班戟有厚度，製作時隨意把粉漿放上鐡板上，所以形狀並不規則。班戟傳來麵粉香氣，但入口欠缺蛋香和牛油香，質感鬆軟，吸收雜莓醬和雪糕，也很美味阿。厚切法式吐司$59超厚的吐司，令包控的我非常開心。吐司傳來濃溢的蛋奶香，淋上稠密的蜜糖，看上去邪惡又飽肚。吐司邊煙靭帶勁，和吐司體有不一樣的口感。內裡的白麵包吸收蛋奶醬，非常濕潤，但並不會漏水濕噠噠，水份剛剛好。不過味道不太濃，建議加多點蜜糖和雪糕會較好吃。

吃完晚飯才不過８時，時間尚早，決意到SOGO隨意走走。來到地庫一層，看到這店子的外賣軟雪糕便被吸引著，就花個３５大洋試一試吧（對比堂食一個雪糕窩夫連加一要１００大洋確是很大的誘惑！）。日系雪糕非常重身，聞落去亦充滿咖啡的香味，拍完照趕快吃一口。。。真的很滑很有咖啡香味，但水份亦不輕，所以吃下去有點「虛無」；再者，其甜度亦不低，吃到一半已有少許甜味蓋過咖啡味之感，尤幸脆口雪糕筒為它拿回一點分數－　7.0/10

今日行左全日街，咁岩行完sogo地庫個supermarket，就去塭野食啦~經過呢間coffee shop,已經急不及待入去坐低。。因為已經又攰又肚餓了。聽人哋講話呢間咖啡都唔錯，我呢啲咖啡愛好者更加想黎試一下啦叫左個set dinner ，有湯,main course+ coffee賣相唔錯嫁。。但味道就一般了除咗杯咖啡之外。如果問心我覺得價錢就唔係好值了。環境同服務都還可以，冇試過佢哋嘅甜品，如果有機會都會再嚟試吓嘅

Waiting for more than 50 mins, we have 6 people and she let all the 2 pax table enter without holding the table, when we sat down they said only 1 pancake left with no caramel syrup . Cashier staff super bad attitude with black face, Won’t come again !

新正頭好難搵食，好多餐廳都未開， 去得嘅餐廳價錢都唔平 ，真係估唔到呢度竟然仲可以有tea set， 真開心。雖然係公眾假期嘅tea set，即比平日tea set貴d d, 但都抵啦！坐得靚靚，賣相又靚靚又好味！仲有呀，我仲要喺六點前剛剛好入座，還可order!食物有: 蘑菇、冬菇、本菇蕃茄蓉意大利粉連coffee, pancake叫咗個雲呢拿雪糕士多啤梨味，因為天氣突然轉熱覺得好想食凍嘢。嘩，呢個雲呢拿一咬落口即刻覺得涼透心 ，仲有佢嘅士多啤梨大大粒，香甜到暈得一陣陣，原來係日本熊本士多啤梨黎㗎！另外，林林嘅pancake，表面又有焗既感覺，好有誠意，最緊要係有輕輕既蛋香，成個pancake入口好舒服，唔會甜到漏!