LeeLaksa

營業中

休息中

雖然平時在中環返工月，不過個人較喜歡到上環覓食，上環食東西都比中環較便宜一點，沿著皇后大道中來到一間新加坡餐廳「LeeLaksa 」，想起平時都是食中菜或西餐，今次真是換下口味食下南洋菜式，正是下午茶的時份，門外都放置了下午茶的餐牌，款式都真是好多元化，例如有海南雞飯、炒貴刁、串燒拼盤等....... 只是食物的照片已經吸引了我進入餐廳用膳，環境燈火通明又夠舒適，由店員帶領我安排坐sofa卡位，坐下來後急不及待就點菜。既然是喇沙是主打菜式，那麼我選擇了一份新加坡喇沙($62)，而餐飲選擇了杯馬來拉茶，餐飲好快就端上來，幸好都不是太甜也有一些茶香。講番剛點的喇沙，賣相就真是不太吸引，下午茶份量都會比正常的喇沙較少，這點我都好明白，但配料味道好一般，內有幾隻蝦肉、一些芽菜、紫洋蔥絲、豆卜、魚片條、半隻蛋及魚蛋，其實都有少少感到失望，魚蛋及蝦肉口感不爽口又冇鮮味，半隻流心蛋的蛋黃有點實，湯底都晤太香，而且奶味較重，而欠了一份濃厚的香料味道，芽菜就夠爽脆，但整個喇沙不夠惹味，反而辣味就正正常常。連隨奉上了一粒鮮青檸及南洋辣醬sambal，佐食個麵都是不錯。另外單點多一份咖央多士($28)，麵包

新加坡喇沙 $82椰味較重嘅喇沙湯底，都幾香濃。配料亦相當慷慨，有蝦，魚片，半熟蛋，豆卜，爽口洋蔥絲，好豐富。麵就似米線，中規中矩吧。整體都算是一碗很不錯的喇沙但我還是比較喜歡喇沙配摻摻嘅組合，口感較豐富亦比較掛湯。另外，湯底略欠鮮味。李派海南雞飯拼白胡椒肉骨茶 $118適合貪心人士… 一次過食2個口味😊最欣賞係雞飯嘅醬汁，調得非常好味。雞同飯都不錯吃反而肉骨茶是極重白胡椒口感，不太適合個人口味斑蘭咖央多士 $28一般般整體都不錯吃，如果係附近都可以試下

晚上與同事共進晚餐，起初還擔心短短食飯時間來這裡會否很趕？！最後發現時間充裕，要一讚這店的上菜速度很有效率。同事力讚這店的海南雞非常出色，特意帶我來試，但我實在食不下飯，所以我叫了新加坡喇沙。很快便上菜，嗅上來很香，嚐一啖湯，很濃郁的香料味。一點都不辣，也不鹹或漏，很開胃哩！還有麵質滑而不淋，有點彈牙，我十分滿意啊！約八十多元。同事叫了海南雞、肉骨茶飯，一餐已能嚐盡兩款出名菜餚，價錢約$110。以我觀察，雞的色澤很美，似黃油雞的。數量也不細份，雞肉看來很滑，煮得剛剛好。同事親嚐後，也如我所言，雞滑肉鮮。

Can’t really comment on authenticity but I love this place!Typically I’ll come here if I can’t decide what else to get, and it does not disappoint. The menu isn’t that large, but the dishes they do have are quite good.In particular, I really think the hainan chicken rice is quite good. The fried noodles are also nice, and the laksa is also decent. They do have bak kut tea (肉骨茶) which I typically like, but these guys have too much white pepper in the soup. Still, it is not bad eitherOverall, ther

身為LAKSA的愛好者，有LAKSA的地方一定要試下啦！啱啱撞正下午茶餐，好抵㗎主食包一杯飲品。新加坡叻沙（＄62）超濃海鮮偏椰汁味的叻沙湯底，少少辣。米線非常煙韌，蝦好爽甜，入面加咗豆卜、魚蛋、切條的魚片，用料好豐富，隻半熟蛋煮得啱啱好。檳城蝦麵（$66）用料同叻沙差不多，但個湯底清啲，啱食得清啖的人，麵就用咗渗渗（即係油麵加米粉），食落有不同層次。左：凍桔仔話梅水右：凍青檸紅茶青檸紅茶比較普通，話梅水可以值得一試。餐廳都坐得幾舒服，下次要黎試返件KAYA多士先得！

昨日約左朋友中午食lunch，出到黎落晒雨咁，見雨勢都頗大，廢事行咁遠，見到呢間Lee laksa，成日經過見門面都幾ok，都想一試，於是就入去試試佢！見佢有晒set，一個飯或麵加野飲一般大概80-112蚊左右，我就決定試試佢個喇沙米線，我老友就揀左海南雞拼肉骨茶。海南雞同肉骨茶率先上檯，個海南雞睇落好靚，咁我朋友試完都話幾正，肉夠嫩又夠滑，我試左一舊都絕對認同，但個肉骨茶就真係唔多掂，因為我睇落顏色賣相完全同傳統肉骨茶一d都唔相似，咁我朋友試完，就話佢係似胡椒豬肚豬骨湯，咁呢個絕對係大伏！過左一陣，個喇沙米線都到啦，第一啖梗係試試個湯底先架啦，個湯就不俗，夠濃郁亦都幾香，但可惜係d餸同配菜質量麻麻地，第一係個感覺係完全唔入味，而個蝦肉又唔多新鮮，食材同個湯完全格格不入，個喇沙只能俾佢勉強合格level!至於飲品方面，凍奶茶同凍咖啡都表現不俗，夠香，好過好多茶餐廳既，呢樣就挽回返少少分數啦，但至於坐位編排就有少少令不快，因為佢地好刻意安排晒食客坐埋一齊，想盡量控制入座時間同分佈，但可能小弟比較鍾意自己揀位，所以又係一個扣分位，呢間我諗除左海南雞之外，其他野真係好普通，以呢口價錢黎計，我

#上環今日去咗附近呢間食新加坡嘅喇沙嘅專門店，坐位比較多，以食新咖坡喇沙嘅餐廳嚟講，呢間感覺算幾企理乾淨，想坐得舒服慢慢同人傾多幾句都啱去。整體味道好普通，而且佢價錢偏貴，一上菜同食落感覺都唔太值，又未去到唔好食，但呢個價錢做唔到「好好食啊」嘅感覺，就真係未必再回頭食多次喇首先講吓「老街咖喱鴨絲摻摻」，勝在咖喱味夠濃，摻摻好吸味，第一啖食落好開胃，不過配料好唔算好多，睇落同食落都唔太豐富，賣相爭啲，整體性價比感覺唔算好高，不過味道算最突出Lunch Set 竟然有得配支青檸啤酒，好似好高級咁，呢個係少少驚喜，飲落唔苦而且加咗啲青檸汁幾清新街頭雞絲鴨絲湯金邊粉 $75其實簡單啲講就係清湯，但大家感覺又雞又鴨咁好似幾特別有少少 FAKE咗，重點係大家見到嘅雞絲同鴨絲擺得幾求其，又唔算好多料咁，要$75碗感覺真係唔係幾值。檳城蝦麵摻摻嘅湯底似係加咗浸蝦油，但飲落蝦味又唔係好出，叫做淨係有個蝦油香，蝦都唔係太多，而且都幾細隻，我自己覺得 $86蚊都係好唔抵，係觀𡐓街市真係 50蚊食到碗足料好味嘅。海南雞肉質唔算食過最滑，味道偏淡口，主要都要靠醬汁調味，覺得普通咗啲。

食過幾次叻沙和咖哩湯麵都好滿意，發覺每次都有好多中外客人點海南雞飯，所以今日決定暫時放棄湯麵，一於食飯。海南雞飯一上桌已覺得賣相討好，雞皮金黃無肥膏，入口順滑，平日唔食雞皮的我也「快吞轟」。雞肉共有兩層，上層是髀肉，下層是胸肉，髀肉軟滑，胸肉鬆化。雞味雖不是好濃，但蘸醬就啱啱好。三色醬齊備，各有風味，無論單點還是混醬都好味。我較喜歡用紅色辣醬蘸雞，然後用薑蓉撈飯。雞油飯有香茅香，而且粒粒分別，偏硬的口感很好吃，無餸都可以食曬一碗。此餐廳的下午茶最抵鮆食，份量和正餐一樣但價錢平好多。下午茶還有飲品。外賣不用加一。

一向都喜歡濃味的食物，經過見餐廳叫Laksa，已經有好感，最重要是看到下午茶都有巴東牛肉，我有次在其他地方食過，一試難忘，所以決定入去。.本來一心打算食巴東牛肉飯，可是我想，既然餐廳名字叫Laksa喇沙，我沒理由不試試招牌菜吧。於是便點了新加坡喇沙。.🎈餐牌:下午茶餐牌印製精美，有相參考。選擇方面有好多款南洋有名的食物，除喇沙外，還有馬來西亞十分有名的蝦麵，也有咖哩麵、炒貴叼，還有我原本被吸引進來的巴東牛肉，也有咖吔多士，價錢由$50-$80。.🎈食物:.新加坡喇沙 $62 (包飲品)⭐️⭐️⭐️⭐️⭐️..個碗很大，而麵及餸料是滿足一碗。.餸有4片蝦，合共2大隻，蝦肉是鮮蝦味，絕對不是廉價雪藏塑膠蝦，還有半隻糖心蛋、魚片條、魚蛋、菜、豆卜等。.我給這碗喇沙滿分⭐️⭐️⭐️⭐️⭐️，原因？✅碗喇沙湯好好味😋香濃惹味，越食越想食😋我是全碗湯飲晒😆😆✅餸又多又美味✅粉口感十分好，彈牙煙韌✅連隨碗喇沙一齊上的那碟南洋辣醬sambal，真的超合我口味，好味到我再要多了一碟，飛不住問他們是否廚房師傅自家製，還是買回來，結果不出所料，是他們自家製，於是我問是否可以買，他們解釋不能，最重要是因為他們每日新鮮製造的，不加

最近香港的疫情不斷好轉,但是我們究竟是何年何月何日，才能夠坐飛機去到新加坡，食我最喜歡的海南雞呢？這食肆的下午茶分量十足，價錢十分之吸引，性價比十分之高，飲品也十分之有特色.餐廳環境佈置也充滿了東南亞的特色令人有放鬆渡假的感覺,雞湯十分之香濃，雞肉十分之細滑配上美味的油飯這就是最美好的配搭.這個喇沙湯味道十足，十分之好味道，加上自家製的魚蛋，令人感受到東南亞的風味.希望世界各地也逐漸回復正常海洋大家能夠自由地飛翔.

好耐都冇食過喇沙, 今日大食妹同媽媽心血來潮去咗上環LeeLaksa食野<李派海南雞飯拼喇沙>LeeLaksa嘅套餐超吸引呢份李派海南雞飯拼喇沙既可以滿足到你兩個願望喇沙充滿椰香, 食落辣辣地好惹味份量唔算好多, 但可以滿足到你對喇沙嘅慾望海南雞份量相對較多, 一睇就知道係主角Leelaksa嘅海南雞肥瘦適中, 肉質幼嫩油飯都好香, 米粉粒粒分明<參峇醬燒豬頸肉>豬頸肉係即叫即燒, 上枱嘅時候熱辣辣肉質爽口, 燒得金黃可口, 值得一試<燒馬來蔥餅配咖喱>燒馬來蔥餅比想像中乾身, 外表好似油酥餅但相對脆口, 咖喱都幾有特色<桔仔話梅水(左)及美祿恐龍(右)>桔仔話梅水甜度啱啱好, 味道清爽, 適合夏天飲用美祿恐龍純粹係大食妹嘅至愛

餐廳個空間感都幾強，可以望住街景嚟食飯，都幾賞心樂事，餐廳主打南洋嘅食品，海南雞真係唔少得，成個set,份量都唔少黃油飯，金黃色嘅雞皮，冇骨嘅海南雞，仲配埋三色嘅醬料，一碗冬瓜湯，飲落去都feel到幾鮮甜，消暑，雞皮非常之q彈，點埋薑蓉一齊食，我最buy再加個青瓜，爽脆嘅青瓜，豐富咗口感，同雞肉一齊食，真係百感交集黃油飯非常的鮮香另外我朋友就食咗個喇沙，非常之惹味，辣辣地嘅湯頭，再加油麵配少量米粉，夠正宗，q彈嘅油麵再加非常之掛湯嘅米粉，非常滋味，非常的鮮香，再加上滑滑嘅蝦，整體真係不錯不錯

上環區有一間海南雞飯專門店主打星加坡風味海南雞。原來呢間野已經開咗超過半年但住喺附近嘅我居然發現唔到佢！我超鍾意食海南雞飯但香港好難搵到高質素嘅海南雞飯。今晚一於試吓呢間水準如何。我同友人點左兩個海南雞飯餐，可以選擇跟冬瓜清湯、叻沙或者肉骨茶。呢度嘅海南雞份量好多！而且肉質超級嫩滑完全係水準之上，好友驚喜！至於海南雞嘅醬汁方面，甜醬油味道偏鹹，如果甜番少少會更好；姜蓉同埋辣醬味道就冇得頂，辣得黎好香非常開胃！雞油飯淡淡都充滿着雞油嘅香味，同海南雞絕配。跟餐嘅叻沙都好好味而且配料都幾豐富，有雞蛋、豆卜、魚蛋絲同埋大蝦同埋米線底。個湯充滿香濃嘅嘢奶味，食落唔算辣。另外點左一份班蘭咖哋多士，多士口感薄脆。咖哋醬香滑而且椰子味香濃，中意班蘭嘅朋友一定要試！兩個人埋單都係二百幾蚊，呢個價錢有咁嘅質素，絕對係性價比之選！

餐廳喺文武廟落樓梯山下面， 轉角位嗰度好顯眼。 餐廳裝修好有南洋風味，坐得亦舒服。我哋下午茶時段嚟就每人要咗一個餐。下午茶大概有五十幾到七十幾包一杯特色嘢飲。海南雞飯雖然係下午茶餐，但海南雞飯份量真係唔少，海南雞識落好滑，而家油飯都好香，再飲埋佢嘅冬瓜湯最啱夏天飲。烤馬來蔥餅配咖喱個蔥餅食落好足料，佢蘇香嘅味道再配上充滿椰香味嘅咖喱，咖喱醬料入邊有少少嘅蔬菜，佢嘅咖喱唔算太辣。串燒拼盤串燒拼盤有大蝦，魷魚鬚，同埋雞肉。佢本身串燒都己經有香料，另外再配上香辣惹味嘅沙嗲醬，仲要即叫即燒上到枱仲熱辣辣，好食！飲品可以揀多款嘅特色嘢飲，連啤酒都有。我哋呢次叫咗香茅橙茶，馬來拉茶，同埋香茅青檸荔枝梳打。

上次在長沙灣吃完新加坡菜後，很想吃多一次，今日來到上班附近一間的馬來菜，第一次吃兩溝麵。位置：在中環街市中心附近，坐落挺顯眼的建築。環境：店內面積相當大，有落地玻璃窗的吧枱，也有卡座，座位相當寬敞，坐得舒服，天花板下吊有鬱金香花形的燈飾，配五六十年代的階磚，很有懷舊情調。服務：提供口罩袋和濕紙巾，乾淨衛生。午市：檳城蝦麵摻摻$86摻摻麵是相傳以前小販會將不同的麵放出來讓客人選擇，有挑剔的客人就要米粉和油麵兩種，於是這個食法就廣傳開去，成為一種經典麵食。而米粉盡掛湯汁，加上爽滑的油麵， 每一口有粗幼軟韌不同口感，層次感十足！第一次吃就愛上這種吃法了！麵以外是切開兩邊的蝦、四塊豆卜、豬腩片和芽菜等配料，湯頭是清甜的蝦湯，不濃烈，亦不會鹹，豆卜吸收湯水，是最好吃，其次是蝦和豬腩片。桔子話梅水（凍）這杯真是好清熱解渴，不酸，甜度已中和了其桔子酸，但不會過甜，很適合夏天飲！