LeeLaksa

餐廳：LeeLaksa地點：上環皇后大道中菜式：新加坡馬拉菜式餐牌：茶餐14選一，有多款飯粉麵，仲有多士同沙律小食，配冷熱飲品8選一。另收加一。星期日下午茶時間由三點半開始。新加坡喇沙 $62 另加一新加坡喇沙有去殼蝦兩隻開邊，炸魚蛋3粒，彈牙炸魚蛋絲幾條，吸汁豆卜4件，半隻糖心蛋，好多爽口芽菜，通菜同紫洋蔥，面頭灑上脆脆，材料豐富。個喇沙湯好香滑，辣度剛好，梛汁又夠，好惹味。白色麵條滑溜煙韌都吸湯，唔錯。另上青桔一粒同參峇醬比你自己調味。海南雞飯 $68 另加一海南雞有十幾件，有雞脾，雞胸同雞翼，肉質好嫩滑，雞皮有彈性，點甜豉油最好食，另外仲有辣醬同薑蓉。配多條爽口青瓜。油飯好香，暖暖地上枱，都大大碗。跟有一碗冬瓜湯，飲落鹹鹹哋，好濃雞味，仲有一舊冬瓜食。串燒拼盤 $68 另加一串燒拼盤有雞肉同大蝦各3串，擺盤唔錯。串燒熱辣辣燒起，蝦已去殼，肉質好爽脆，連蝦殼都勁脆。雞肉串好多肉食，咖哩味濃，係香辣黃咖哩味，外皮整得少少脆。辣醬另上，點埋味道更惹味。伴有青瓜粒，紫洋蔥同車厘茄可以減減膩。小食都跟飲品。香茅橙茶 （跟餐）香茅橙茶有大大條香茅同大大片鮮橙，飲落係好香甜橙味，茶味唔濃，有d似果汁，叫左少甜都夠甜。香茅青檸荔枝梳打（跟餐）跟餐飲品都有幾款揀。香茅青檸荔枝梳打真係有大大枝香茅，味道完全唔甜，似梳打水，解渴得黎又唔會太肥，荔枝味道主要係底部，建議搞起先飲。凍馬來拉茶 （跟餐）馬來拉茶冷熱都得，唔洗加錢，叫左走甜。馬來拉茶飲落好滑溜，味道甜度適中，唔甜唔苦。桔仔話梅水（跟餐）桔仔話梅水有大大粒青桔同話梅，仲有好多桔皮喺底，味道甜甜地，感覺養生。總括而言，食物質素保持一貫水準，主食價錢特別抵食，星期日下午茶好旺場。…Read More

星期日嚟咗呢間喺上環食星加坡菜🇸🇬嘅餐廳食下午茶🤣呢度有多款不同嘅「下午茶餐」配埋飲品可以選擇🤣$65「參峇醬燒豬頸肉」：豬頸肉脂肪含量極充足所以好甘香，肉質就爽滑🤣；Sambal 叄峇醬一般會認為係印尼🇮🇩加咗蝦醬嘅辣椒醬，不過其實淨係喺印尼🇮🇩種類已經有超過200種，咁新加坡🇸🇬馬來西亞🇲🇾亦都有自己嘅品種🤣，所以我都唔係好清楚邊種 Sambal 打邊種因為種類實在有好多🤣；呢間餐廳嘅 Sambal 叄峇醬同豬頸肉分開上，叄峇醬有啲啲鹹香，要嚟沾豬頸肉一齊食，更加惹味🤣$68「串燒拼盤」：拼盤裏邊嘅材料包括有3串雞肉3串大蝦，全部都燒得幾香口好食🤣，餐廳亦都提供一碟 Sambal 叄峇醬，咁又再惹味啲啲🤣$68「海南雞飯 Hainanese Chicken Rice」：海南雞皮黃肉白幾好雞味😋，又有一碗雞油飯🤣，仲有新加坡黑醬油、辣椒醬、薑蓉可以沾雞食🤣「下午茶餐」之外再加咗一個 $72「馬拉盞炒通菜」：通菜份量勁多好大碟而且新鮮幾爽脆🤣，用馬拉盞炒，非常惹味🤣跟「下午茶餐」叫咗「青檸紅茶（熱）」、「馬來拉茶（熱）」、「青檸紅茶（凍）」：「青檸紅茶」叫咗走甜、夠濃郁🤣，「青檸紅茶（凍）」叫咗少甜少冰、夠清新🤣，「馬來拉茶」都叫咗走甜有幾典型嘅星馬奶茶香味同口感🤣咁我哋兩個人食咗三個「下午茶餐」飽到我哋唔使食晚飯🤣…Read More

這間餐廳的東南亞特色美食讓人驚喜，環境設計簡單又溫馨，木質桌椅搭配暖色燈光，整體感覺很放鬆，適合朋友聚餐或者一個人靜靜享受一頓好飯。我還特別喜歡桌上的小細節，比如擺盤整齊的調味料，讓人覺得很用心。😇先說海南雞飯: 雞肉很滑嫩，帶著淡淡的雞油香氣，一口咬下去肉汁四溢。搭配的三種醬料也很有層次感，我最喜歡的是辣椒醬，微辣中帶著酸甜，超級開胃。油飯香氣十足，每一粒飯都吸滿了雞油的精華，真的能一口接一口停不下來。至於肉骨茶的湯，喝起來很溫潤，胡椒的香氣很濃郁，但不會太重，還有煮得軟爛的豬肉和豬肚，特別滿足。✨再來是星加坡風味喇沙，這個真的讓我一秒回到東南亞的街頭！湯底濃郁但不油膩，椰奶的香氣撲鼻而來，還帶著一點辣味，非常有層次。裡面的鮮蝦很新鮮，彈牙得很過癮，魚豆腐也吸滿了湯汁，米線的口感剛剛好，滑溜而不會斷，最後擠上一點檸檬汁，整碗喇沙瞬間多了一絲清新的感覺，讓人想一口氣喝光。整體來說，這頓飯吃得很滿足，無論是食物味道還是餐廳的氛圍，都讓人感覺很舒服。如果你也喜歡東南亞美食，這裡絕對值得一試。海南雞飯和喇沙都超推薦，下次我還想試試看其他菜色！🌺…Read More

超多人食嘅上環新加坡馬拉菜新加坡喇沙必須要食喇沙,有蝦，魚蛋，魚片，豆卜，半隻糖心蛋，好多爽口芽菜，通菜同紫洋蔥，面頭灑上脆脆，材料豐富。個喇沙湯好香濃，辣度剛好，好惹味。麵條煙韌,份量大.💰HKD$82海南雞飯幾大份雞肉, 肉質嫩, 配上甜豉油,辣醬同薑蓉。醬汁好香濃, 油飯粒粒分明.仲有碗冬瓜湯💰HKD$88斑蘭咖央多士新鮮熱辣,外皮好香脆,醬夠多.💰HKD$28美祿恐龍好香濃,仲有好多美祿粉💰HKD$32香茅鮮橙茶好清新,解油💰HKD$32…Read More

今次係佢幾個月前裝修完之後，第一次去食。食物質素冇變，仍然係食我最鍾意嘅海南雞喇沙，質素冇變，雞一樣咁滑。客人數目比以前少咗，地方坐得舒服咗侍應好似同以前唔同咗最緊要味道不變不過如果佢啲食物可以多啲新嘅款式，咁你會比較好，食得幾次好容易會悶。佢嘅椰青好好飲，同我哋喺百佳惠康買嗰啲完全唔一樣，口感清甜又有椰肉，不過要加$20先有，就好似有啲貴。我覺得佢可以試吓加埋越式菜，始終越南和泰國菜都是差不多的系列。…Read More