LeeLaksa

營業中

休息中

裝修好有異國風情侍應好似唔係本地人，好nice～上菜速度超快！個頭落完單，隔咗5分鐘都冇就上菜！😱新加坡喇沙米線 $82初初冇留意係米線，食落唔係咁簡單，係煙韌又滑身嘅米線！喇沙湯底係香濃嘅椰汁味，面頭有蝦、魚片、魚蛋、芽菜、豆卜，份量好足，豆卜索曬喇沙湯嘅味道，好入味！🤤李派海南雞飯 $88擺盆好似定食咁，有油飯、冬瓜湯、蘸醬（薑蓉、酸辣醬、醬油）。海南雞好嫩滑，雞胸部位都唔柴，雞皮好爽唔油膩！油飯好香，帶少少鹹味。香茅青檸荔枝梳打 (跟餐)估唔到係唔甜嘅梳打，好香薄荷味，飲落好fresh！😍香茅橙茶 (跟餐)茶底係紅茶，有一塊橙，有少少似凍檸茶，加咗一支香茅，冇咗檸檬嘅酸味，味道反而更有層次。😍街頭雞串燒 $68一碟4串，一串有兩隻手指咁粗。食落似係雞髀肉，肉質唔乾，但又未稱得上juicy，好重香茅味。蘸醬唔係沙爹，似係xo醬，但又唔辣，蘸咗令個味再複雜咗。

餐廳：LeeLaksa地點：上環皇后大道中菜式：新加坡馬拉菜式餐牌：假日都有午餐，12選一，有多款飯粉麵，配冷熱飲品8選一。都有小食。另收加一。李派海南雞飯 $88 另加一海南雞有十幾件，有雞脾，胸同雞翼，肉質好嫩滑，雞皮有彈性，點甜豉油最好食，另外仲有辣醬同薑蓉。配好幾片爽口青瓜。油飯好香，暖暖地上枱，都大大碗。跟有一碗冬瓜湯，飲落鹹鹹哋，都好清，仲有一舊冬瓜食。參峇醬燒豬頸肉 $85 另加一參峇醬燒豬頸肉一客10片左右，熱辣辣上枱，半肥瘦所以食落爽口兼啖啖肉。個參峇醬少少辣，好惹味。伴有青瓜粒，洋葱絲同半粒車厘茄可解膩。香茅青檸荔枝梳打（跟餐）跟餐飲品都有幾款揀。香茅青檸荔枝梳打真係有大大枝香茅，味道完全唔甜，似梳打水，解渴得黎又唔會太肥，荔枝味道主要係底部，建議搞起先飲。總括而言，食物質素保持一貫水準。

之前lunch time 係公司附近散步🚶🏻‍♀️個陣見到呢間餐廳幾多人食，所以今次嚟呢間食下😌⭐️ 李派海南雞🐔飯海南雞一人份分量都有雞嘅四分一至二分一多。可以點薑蓉、辣椒🌶️醬、黑醬油，個人鍾意點薑蓉&辣椒醬。雞肉好嫩滑，亦已去骨，方便食用👍🏻雞皮就好薄而爽滑。飯粒微黃🤏🏻及比較淋身，好香但唔會好油膩😋😋⭐️椰青🥥椰青係原個上，都幾大個下。椰汁好清甜帶點甜，最近熱到好似係焗爐到咁，飲完好消暑解渴🥵

身為上環社畜 愛好係發掘附近好味嘅餐廳🐾好耐冇食星馬菜 今日就係呢間大招牌嘅新加坡菜試下.🐈🎀 ᴛᴀsᴛᴇ: ★★★★☆ ᴠᴀʟᴜᴇ ᴡᴏʀᴛʜ: ★★★★☆ .▪️新加坡喇沙米線 $82▫️李派海南雞飯 $88▪️南洋咖啡 (跟餐).喇沙一端上就聞到湯底好濃嘅椰漿味 賣相吸引好開胃 加上配料如豆卜 魚片 蝦 魚蛋 溏心蛋 炸乾蔥等 令口感更加豐富🤤🤤🤤麵條少少煙韌 夠彈牙又入味如果椰味同辣味再濃啲應該會更加好食🫶🏻.招牌海南雞飯都冇令人失望‼️雞肉肉質嫩滑 肥瘦均衡雞油飯有淡淡的薑黃味 好香好乾身 入口唔會好油配上冇味精味 味道清新嘅冬瓜湯 簡直錦上添花👏🏻.❝☺︎ ғᴏʟʟᴏᴡ ᴜs @ragdoll.kjai ғᴏʀ ᴍᴏʀᴇʀᴀɢᴅᴏʟʟ ᴅᴀɪʟʏ𓃠⸝⸝꙳ • ғᴏᴏᴅɪᴇ𓌉◯𓇋 ‎‎‎• ʟɪғᴇsᴛʏʟᴇ⋆♬︎ • ᴛʀᴀᴠᴇʟ*⋆✈︎❞

今晚去中環睇戲，咁岩朋友仔係上環附近收工，所以就搵左依間”LeeLaksa”食晚餐。鍾意食星馬菜既朋友仔唔可以錯過啦，舖面夠乾淨企理，食物質素唔錯，重點係價錢仲唔算貴，CP值相對較高。「李派海南雞飯」（$88）：因為正常海南雞都會一早煮好，所以落左單之後好快就有得食。朋友仔同自己都對依個海南雞飯讚不絕口，油飯夠乾身又夠雞油香。海南雞雖然唔算厚肉，但肉質夠滑，點埋黑醬油同辣椒醬夠惹味。「新加坡喇沙米線」（$82）：黎到既時候已經聞到一陣陣既椰香味，湯底食落都比較重椰香味，配料都非常足夠，每件配料都至少有3舊，蝦呀，豆卜，魚蛋，魚片條。另一個賣點就係米線夠滑身之餘又夠入味👍🏻

去完上環文武廟，正在想午餐的時候，一落樓梯就見到有一間非常搶眼的餐廳—「Leelaksa」。非常方便，我們就直接入去。Leelaksa環境相當舒適，採用橙色色調，的確有點星馬風味。我們坐在窗邊的座位，比較有feel。我們看看餐牌，就決定食與餐廳同名的新加坡著名美食，喇沙及雞飯。⧒ 1. 李派海南雞飯在香港食過不少海南雞飯，但始終都食不到新加坡的那種風味。不過，竟然被我這次誤打誤撞地食到非常有水準的海南雞。未食之前，一看到海南雞的金黃色表皮，就知道有返咁上下，嚐一口，雞皮順滑雞肉則入口即溶，不用多加咀嚼就幾乎可以直吞落肚。加上，餐廳還配上三款醬料供點用，我就覺得海南雞配薑蓉為最佳配搭，再食一口雞油飯，味道絕配。值得一提的是，海南雞的份量是絕對足夠讓兩人分享的。⧒ 2. 新加坡喇沙米線驟眼看，已被濃厚的蝦香湯頭吸引住，配上惹味芳郁的椰醬和香料，椰奶味濃好creamy，香甜得來又有辣勁，湯底出色！米粉份量都好充足，兩人分享都可以，口感爽口不易斷。配料都好豐富新鮮，去殼了的鮮蝦爽口，魚蛋夠彈牙，魚皮軟腍。豆卜非常厚身吸汁，把整碗喇沙的精髓吸收曬，一口咬下好過癮。⧒ 3. 班蘭咖哋多士要說星馬最