Le 188° 餐廳及酒廊

營業中

休息中

好朋友相約在41樓的餐廳早餐， 真是會當凌絕頂 ，一覽眾山小 。餐廳俯覽180度維港海景 ，天清氣爽 ，視野明麗， 香港真是好地方 。與好友相聚 ，言談甚歡 ，早餐吃了足足兩小時 ，嘗了美食， 賞了美景 ，談了人生，夫復何求。 常言道， 人生得一知己死而無憾 ，好友一起， 總有說不完的話題 ，前事舊夢 ，新知舊雨， 滔滔不絕 ，源源不斷， 時間過得特別快， 人到中年， 可以不為生活而工作， 每天睡覺自然醒 ，美景佳餚 任君選擇， 這樣的生活 ，除了感恩， 還是感恩。這裏的早餐， 新鮮 ，簡單 ，美味， 單是咖啡就有五六種， 人說 ，山不在高， 有仙則靈， 我說， 食物不在多 ，啱食就是最好。 所以 這裏的早餐 100分。

酒店Tea set 係近幾年打卡必去嘅地方 有得食 有得打卡有得post 相 近年我都有甘做🙈但今次去左LE 188港島海逸君綽酒店食下午茶 係極極極之失望 本身book呢間酒店 第一個原因 係因為有海景 但係當日天氣極差 極大霧（當然呢d 外來因素） 唔可以計落酒店到 但食物質素就可以計啦😑一坐低個tea set 已經出現 當時嘅我見到 都擺得唔錯 食落應該係唔錯點知無論鹹點甜點都係好難食 可以係又腥又苦同死甜 到而家好記得帶子極腥青瓜配魚子醬 （應該係） 個舊青瓜又青又苦又有怪味🥲同行朋友已經一到食一到 搵下一間野食 因為成個set 都好失望如果只係想睇個海景 可以揀過第二間

今天到Harbour Grand Stacation, 我們買了一個 package， 這個package包括了1500元餐飲禮券。我們揀了這家有迷人海景的餐廳。傍晚時分，天色漸暗，望著維港景由黃昏到夜幕低垂，真是別有一番情調。頭盆我們揀了挪威三文魚韃靼配金槍魚薄片， 青瓜啫喱及精選魚子醬，另一個頭盤是香煎鵝肝配青蘋果及砵酒汁 ，然後上了椰菜花忌廉湯配黑松露，另配法包。接着上香煎比目魚配白桃汁及柑橘茴香沙律，而我則揀了另一款主菜，是荷蘭牛仔柳配牛肝菌，鴨肝，蔬菜及燒汁。最後 留位给牛奶朱朱古力焦糖榛子蛋糕 再伴香檳，非常滿足的一餐，簡直是視覺味覺的享受。最後很想稱讚服務員貼心窝心的態度。

𓈋 𓈋位於北角海逸君綽酒店頂樓的 Le 188° Restaurant & Lounge，比較少人提及的 Afternoon tea之選，但性價比甚高。餐廳被三面落地大玻璃窗包圍，坐哪裏都可以享受維港海景。座位是舒適的沙發座位，枱與枱之間不會太擠迫，空間感十足。Summer Oceanic Temptation Afternoon tea ($638 for 2)𓂁 鮑魚及蟹肉魚子沙律配青豆煎餅𓂁 加拿大蟹腳配牛油果蝦三明治𓂁 美國波士頓龍蝦配黑松露芝士餡餅𓂁 挪威煙三文魚配忌廉芝士及青瓜𓂁 香煎加拿大帶子配魚子醬及咖啡醬𓂁 提子鬆餅𓂁 燕窩藍莓芝士蛋糕𓂁 蝶豆花白朱古力慕絲𓂁 蝶豆花意式奶凍𓂁 朱古力貝殼蛋糕𓂁 檸檬杏仁餅這次下午茶以海洋為主題，食材用上時令海鮮，奢華矜貴。甜點則用上很多蝶豆花，天然的淡藍色既配合主題又精緻。味道不算驚艷，但絕對是中上。合理價錢配上無敵海景，值得推薦。

餐廳係海逸君綽酒店既頂樓可以睇到無敵維港景餐廳內部環境都好舒服 枱同枱之間唔會太逼 好適合同朋友黎傾下計坐下今次叫咗個夏日海洋主題下午茶套餐 一份總共有5款咸點 6款甜點 賣相唔算特別精緻 個人覺得呢到既咸點做得比甜點好 👍🏻👍🏻👍🏻龍蝦配黑松露芝士餡餅👍🏻👍🏻👍🏻帶子配魚子醬 甜點方便最好食已經係個scone 🤣🤣其他都一味得個死甜 食到一半都已經好膩呢到環境係唔錯 價錢都唔算貴 不過食物就普普通通 尤其係甜點

Le 188 係位於港島海逸君綽酒店嘅西式餐廳，由於坐落於酒店嘅41樓，所以望着窗外可以見到好靚嘅海景🌃～4-course set lunch～😋Mango crab roll 🦀 芒果片鋪上整成球體狀態嘅蟹肉沙律🥭好鮮甜🥗😋Pork belly 焗得脆卜卜😋Mushroom soup🍵 又濃郁又 creamy🙂Pike perch fillet 😋Lamb rack 🍽 好嫩嘅羊架🍖配爽口嘅Brussel sprouts 🥒😋Ice creamRating: 7/10Budget: ~ 400-500pp-📍Le 188北角油街23號港島海逸君綽酒店41樓-

今次 ℋ𝒾𝑔𝒽 𝓉𝑒𝒶 目標好明確就係要～ 食景KK Day 落booking $606 for 2ppl食物的確有改善空間🙏比較出色既有 蟹肉魚子沙律🥗蝶豆花白朱古力慕絲❤️- 其他都屬於正常 不過不失 服務員主動有禮 希望下次黎 食物質素會再提高🙏

我覺得食hightea有幾個要求一定要達到1)有靚景2)坐得耐3）擺盤靚4）鹹點同甜點比例適中而呢間酒店嘅high tea 就正正達到呢四個基本條件,因為我都嚟過幾次所以知道呢間酒店每次都有唔同嘅主題如果我冇記錯呢一次係龍蝦主題, 所以啲鹹點都係用龍蝦為主　呢個擺盤比較特別，佢係層疊式，但又唔係太高，同平時嘅高架有啲唔同。呢度嘅甜點都幾好味，會有唔同嘅水果口味，同埋要符合大眾要求嘅朱古力口味。飲品我飲咗咖啡mocha , good 但最重要嘅就係有維港景色, 拍拖首選

同朋友一齊慶祝生日，包$1000 Dining credit。見網上評價話呢間酒店最好食嘅餐廳係呢一間可以高空坐望海景嘅餐廳，決定加多少少錢試吓佢。環境唔錯， 每張枱夾得幾開而且每張枱都安排喺窗口位置，包保可以睇住靚景食嘢。 餐前包有四款， 但係全部都好硬，我自己就麻麻哋。 佢有呢一個香草蒜蓉醬，叫做冇咁寡。跟住好快就上前菜。 有兩隻大蝦都算多肉，但係覺得味道非常之每星期鯹。去買墨魚汁我自己覺得麻麻地。蔬菜就係啲紅椒青椒粒，唔算好夾。 跟住好快就上餐湯。好重蘑菇味，配有一個芝士多士，又係非常之硬身。想完餐湯等咗半個鐘先上主菜。我叫咗五成熟但係出到嚟大概有七成。味道唔錯嘅冇乜跟，不過整體份量偏細。最後上咗個甜品，酸咗啲同埋餅底唔夠厚。飲品叫咗佢嘅招牌檸檬茶，其實即係普通檸檬茶🤣

<<夏日海洋誘惑下午茶>>｜港島海逸君綽酒店下午茶 Harbour Grand Hong Kong環境同景觀方面：酒店安排了角落的窗口位，落地玻璃螢幕，盡收維港兩岸景色於眼簾（光線充足打卡影相起上黎唔洗加filter都好靚），環境舒適。另外啲櫈係梳化仲要配有有cushion，一人一張大梳化，坐得闊落又舒服，同隔離枱既距離都夠遠，唔會好迫同唔會比隔離枱嘈到。食物方面：今次order既呢個set以夏天的海洋為題(姐係海鮮)，廚師採用了龍蝦、蟹腳、鮑魚、魚子醬和帶子等矜貴海鮮食材，精心設計了一系列以夏天的海洋為靈感的鹹甜點，包括鮑魚及蟹肉魚子沙律配青豆煎餅、美國波士頓龍蝦配黑松露芝士餡餅、加拿大蟹腳配牛油果蝦三文治、香煎加拿大帶子配魚子醬及咖啡醬、蝶豆花白朱古力慕絲、燕窩藍莓芝士蛋糕及朱古力貝殼蛋糕等。食物講真就真係一般般，但勝在個景靚，食咩都加分！其實呢個價有咁多海鮮真係算性價比高，咸點黎講我覺得蟹腳蝦三文治尤其出色，其他正正常常無亮點，個三文魚青瓜老實講淨係食到青瓜味；至於甜點方面，無咸點咁好食，個白朱古力慕絲同花意式奶凍一樣好滑但無乜味，其實好多甜點食落

自助早餐款式 有白粥 可以加各種配料 個人推薦加肉鬆嘅話甜甜地幾好食 有幾款中式食品 例如腸粉、牛肉燒賣 … 仲有啲小朋友食嘅星星麥片 唔知嗰啲叫乜嘢 哈哈 有橙汁、蘋果汁、牛奶都有分脫脂同全脂 仲有部咖啡機喺度 有啲蛋糕仔、薯餅、牛角包仔 仲有啲乳酪、水果、沙律菜 不過有啲嘢食 只有微溫 感覺這方面有點不足 種類較少 不過食物的Refill速度快 早餐以自助形式來講已經唔錯如果個時間去到唔太晏嘅話 有機會會有best table 依一啲窗邊位睇風景

Staycation送嘅早餐，無講話係自助形式，差啲諗住唔食，好彩最終戰勝睡魔，贏到一番景色。自助早餐之餘仲有送廚師即煮嘅set。我叫咗個味噌燕麥粥配羽衣甘藍同牛油果伴碟👉🏻好似咸粥咁有少少過咸，伴碟新鮮。同行朋友就嗌火腿奄列扒蕃茄配薯餅👉🏻火腿量少、薯餅都係自助餐可以夾得到嘅，不過呢份勝在鮮炸。自助餐無乜特別，叫做應有嘅都有。黑松露滑蛋非常棉滑，出色，不過冇乜黑松露味嘅牛油用總統牌😻抹麵包非常香口自助餐菜式冇咩特別，中規中矩平平無奇，不過景色方面就眼前一亮，餐廳位於41樓，落地玻璃，窗邊嘅全部都係海邊景色，本來安排喺東九龍嗰邊景色，好彩後尾調去望中環尖沙咀嗰邊景色。雖然食物味道平平無奇，但係因為景色，成個用餐體驗立刻昇華，如果晚上過嚟用餐，一定非常璀璨。

5月都嚟過Harbour Grand Staycation，嗰陣跟package去咗Harbour Grand Café食Buffet今次再嚟品嘗酒店另一間餐廳，擁有無敵大海景，叫得188° 就知佢係188°飽覽整個維港景色我哋7pm嚟到，天仲未黑，已經好開心好寫意，再入夜一樣咁靚，再加啲浪漫感覺，呢日真係好開心好enjoy🥰Staff service都好好，每碟上菜都會講解👍🏻🥖餐前麵包有3款味道，都一樣軟熟好食，可以搽牛油、橄欖油等🐄美國牛肉韃靼配黑松露第一次品嚐牛肉tartare，之前一直唔敢食，今次相信酒店品質保證就初嚐了先將牛肉tartare放到法式多士上，可以加啲青瓜粒、紅椒粉、紫洋蔥碎增加口感，另外仲可以沾上特製醬汁一同進食牛肉tartare口感似吞拿魚tartare，有其他配料吊味會比較易入口和香口🉐🥒芒果青瓜蟹肉沙律卷配西瓜柑橘藏紅花汁好清新嘅口感，全因用咗青瓜片去包住蟹肉沙律，啖啖蟹肉鮮味十足，加埋青瓜片同伴碟嘅西瓜粒、蜜瓜粒、芒果粒，清新開胃🉐🥄野菌濃湯賣相濃郁，仲有好多野菌，好少見咁足料，建議可落少少黑椒碎提升味道🉐🍸伏特加檸檬雪葩為下一道main作清口腔之用，

第一次去Grand Harbour Staycation, 為了享受一個寧靜的晚上, 我們選擇了晚餐在房間order room service, 選了龍蝦湯、牛柳、海鮮拼盤等 (其實還有其他, 不過太餓了, 忘了影相) 食物送上來時還熱, 特別是龍蝦湯, 味道濃郁, 足足有一個茶壺的份量, 幸好只點了一份, 因為兩個人分著喝也有喝不完的感覺.....其他菜式味道還好, 只是沒有太大驚喜. 整體感覺不錯!

三層架質素完全唔能夠接受。 首先講鹹點夾住鵝肝既兩塊多士完全唔脆。求其淋幾滴醬上青瓜又一件，冇味道既。粒帶子個樣好似放咗係到幾個鐘甘，又乾又皺。另外甜品Cheese cake 唔凍不特止，仲要好淋。最底層嗰個橙mousse食咗一啖已經入唔到口。另外有舊pancake上邊放咗舊糕加幾粒魚子醬，唔知咩配搭，好難食。上架時漏了兩件件scone。Training 明顯不足。以五百幾蚊嘅價錢，如果淨係食個境嘅，你可以嚟一試嘅。