La Moo Moo' s Steak and Fries

營業中

休息中

餐廳既型格又有情調，一整個酒櫃連火爐好SHARP! 聖誕氛圍濃濃包圍住我地!今晚叫咗兩份set dinner 是日例湯係南瓜湯，南瓜湯打到好滑，另外再加咗少少蔬菜蓉喺度令到口感即時增加咗！跟湯有份特製牛油餐包，味道香甜好鬆軟！搽埋自家製肉桂牛油真係一流✨凱撒沙律份量大好新鮮好脆！半熟蛋係個靈魂! 酸酸甜甜好開胃!✨紐西蘭安格斯肉眼扒配阿根廷青醬呢塊牛扒有10安士好夠份量，表面煎至微焦外脆內juicy, 七成熟啱啱好，牛味濃郁肉質好冧。青醬好特別，味道係有少少辣辣地嘅，呢個辣好夾牛扒，令到塊扒更加惹味。另外叫咗個比較少見嘅✨意大利烤燒腩肉卷豬腩望上去以為好肥，點知食落口冇嗰種油膩感，豬腩皮焗到好香脆，一口放哂入口幾層口感好滿足!晚餐薯條係可以無限REFILL, 而且仲有包餐飲成個餐性價比極高! 地段又好，環境又靚，打卡一流，十分推薦!

疫情影響真係少咗同朋友見面。咁岩大家都係灣仔附近放工就即興食個飯。朋友介紹哩度係談心嘅好地方！好鐘意佢嘅環境，暗暗地又浪漫，仲有已經擺晒聖誕裝飾添！6點半去到已經坐滿左一半人，有朋友知己，有情侶慶生又有一家大細。嚟哩度當然要叫牛啦！配埋把signature 嘅moo moo刀就係好正！今次叫左紐西蘭安格斯肉眼同牛肝菌黑松露意粉。餐湯用料足，食到牛嘅鮮味同蕃茄嘅酸甜，好令人開胃！餐包除左有烘底外，仲好特別配左肉桂牛油，出乎意料嘅驚喜！凱撒沙律新鮮開胃。主角肉眼嚟啦！牛味濃肉質鬆軟，表面仲有啲焦香，好滿足。唔單止牛好得，佢嘅配菜一啲都唔馬虎，seasoning 再加grill過帶出蔬菜嘅清甜味！另外，薯條係任食！至於牛肝菌黑松露意粉，黑松露味濃同好creamy!好鐘意黑松露嘅朋友唔可以錯過！本身諗住叫甜品，但真係太飽叫唔落！我見差唔多枱枱客都有叫，甜品應該都唔錯！下次一定留少少肚再試過！

作為稱職老公，手上總有幾間有情調的餐廳list, 預備同老婆慶祝。 要安排慶祝紀念日，預先訂位是指定動作。餐廳就近公司附近，收工慢慢行過去，七點前到達。 進入餐廳，燈光昏暗，十分有情調，而餐廳怖置也十分有心思， 而亦有打卡位可打卡點了dinner set紐西蘭安格斯肉眼扒 10oz先上餐湯跟新鮮沙律，磨菇湯十分濃郁，亦有餐包附上肉眼扒點了三成， 廚師亦做到要求，十分滿意，配了黑椒汁亦帶起了牛肉味道環景跟侍應的服務也十分細心到位，會有下一次

今日係週年紀念的大日子，所以一定要搵返間個好有氣氛嘅餐廳。之前朋友都有介紹過呢間餐廳嘅氣氛環境一流，講到咁點都要去望望😂。餐廳環境氣氛濃厚，燈光配搭到位，仲有一個特色電子火爐🤣👍，啱晒週年紀念。餐湯薯仔湯味道非常濃郁，亦做得非常厚身👍。沙律🥗沙律用料新鮮，食落完全感受到👍。紐西蘭安格斯肉眼扒(10oz) set $388 肉眼扒上枱嘅時候熱辣辣賣相非常吸引，配搭脆卜卜嘅薯條🍟😋，今次叫咗個阿根廷青醬試試佢👍。肉眼扒切落軟熟到啱啱好，特色切肉刀好好用👍開眼界🤣。肉眼扒食落味道非常濃郁😋，生熟度拿捏得恰到好處👍，點埋阿根廷青醬提升牛肉嘅味道。加埋薯條🍟份量啱啱好👍。意大利烤燒腩肉卷 set $388燒腩肉卷🫔賣相好吸引😋，配搭埋時令蔬菜🥬減少油膩感👍。腩肉卷食落面頭脆卜卜，中間加埋少少🤏油脂啱啱好。腩肉味非常濃厚😋啱晒唔食牛嘅另一半👍。

同另一半慶祝週年紀念日，佢鍾意食牛扒，所以就喺銅鑼灣搵到一間未食過嘅西餐廳試一試！佢嘅裝潢以黑色為主，燈光暗暗的，好有格調 紐西蘭安格斯肉眼扒套餐 $388套餐跟沙律、餐湯及餐茶。餐湯係薯仔湯，質地厚身，而且味道濃郁，可見用料非常充足！另外，沙律菜亦都好新鮮清甜！我哋order咗7成熟肉眼牛扒，佢哋煮得啱啱好，唔會太生太熟！加上佢牛味好重，總之就真係幾好食！仲有佢哋嘅薯菜應該係即時炸起，熱辣辣好好味👍🏻！ 意大利烤燒腩肉卷套餐 $338意大利烤燒腩肉卷，真係第一次食，有少少似中式嘅燒肉，外面層皮脆脆的，但佢就係捲住嘅，加上用意式醃料烤製，出嚟成個口感同味道都好豐富，值得一試！另外，想特別讚一讚佢哋嘅服務，侍應態度非常之友善及有禮！

朋友推介樓上steakhouse，餐廳裡有仿壁爐設計，風格優雅復古，門口放置發光聖誕樹🎄，充滿濃厚節日氣氛。所有主菜免費添加薯條或加錢配薯蓉亦可，適合愛薯的朋友，薯條炸至非常乾身，每條都脆卜卜，過癮！👍🏻👍🏻👍🏻雜菜湯天氣凍最適合一客酸辣雜菜湯，牛肉煮至軟身入味，味道濃郁開胃。特製牛油麵包餐廳提供香氣十足肉桂牛油，配上軟熟牛油麵包，甜中帶肉桂香，有驚喜☺️凱撒沙律🥗滿滿醬汁幸匀沙律菜，新鮮脆口，帶有香濃芝士味和麵包粒，更有口感。🌟🌟紐西蘭安格斯肉眼扒七成熟肉眼扒，配上特色刀來切，烤至外皮剛好脆身，肉質細緻有彈性，油脂分佈均匀帶油香，配上醬汁更昇華，加上香烤蔬菜作配菜，美味又營養。最後來一杯熱茶，氣氛輕鬆柔和，帶有情調又有濃烈歐美風的餐廳，推介情侶或朋友來都可，會有不同感覺。🥰

本身滿開心book左枱想同老公慶祝anniversary,叫左兩個肉眼扒餐，點知⋯ 湯唔夠熱，好似灘左好耐咁，愈飲愈唔想飲。牛扒到咗，食落去係無牛味，仲要愈食愈硬，質素同茶餐廳無分別，好難食🤮我食左半塊已經食唔落！薯條炸到過硬，硬到好似柴咁，free flow都唔會想添食。兩個扒餐一共$800幾，真係勁唔值🤮早知我去茶餐廳食鐵板餐算，好差體驗，影響咗慶祝週年的心情！一個字差！都唔知點解咁多好評🤮

又到聖誕！梗係要搵一間有氣氛嘅餐廳慶祝吓。呢間餐廳係高樓入面，餐廳內較暗，配上火爐嘅視覺效果、聖誕裝飾，好有節日嘅浪漫感覺，特別適合情侶嚟拍拖。Set dinner有紅湯，每一碗入面都一定有一舊牛腩，個湯好足料！蕃茄同蔬菜味好濃郁，有蔬菜嘅碎粒，好有口感！沙律方面，配上芝士碎同脆麵包粒，菜好新鮮好爽口，流心蛋亦都好香！嚟到呢度都仲未到主菜，仲有麵包。麵包又暖又脆；個人本身好熱愛玉桂味，佢有肉桂同牛油，比起一般餐廳又更有層次。紐西蘭安格斯肉眼扒終於出場啦！因為朋友比較唔食得生，所以叫咗七成熟。塊扒好厚身，面頭煎到有啲炭香味，熟得來依然好夠肉汁，帶少少肥膏，但一啲都唔油膩，反而好香口。伴碟嘅蔬菜亦都唔馬虎，好爽甜，好喜歡佢嘅幼薯條。總括而言，無論環境定食物，都令人有滿足的一晚。

同事最近榮升業主，陪他去灣仔駱克道選購裝修材料，不知不覺已經係要吃晚飯時候。他提議到隔離街軒尼詩道239號樓上的一間La Mo Mo’steak and fries吃有水準的牛排和任吃薯條的西餐。餐廳巳佈置了聖誕🎄和聖誕飾物，燈光昏暗，充滿羅曼蒂克；四週都掛上黑人的名歌手相照和播着旋律優美的歌曲，除了有一部大型仿真🔥焰壁爐外，每張枱上也擺放一座Q版的🔥焰壁爐，感覺很溫暖。Set menu 套餐有新鮮爽口的凱撒沙拉、特製餐包十自家秘製肉桂牛油和濃郁的紫薯湯。伴上翠肉瓜、西蘭花和紅蘿蔔的紐西蘭香格斯肉眼扒，肉質細嫩,薯條香脆！德州醬燒豬肋骨，也伴上一少撮紫椰菜和椰菜，同樣也是有一籃任吃的香脆薯條！一杯幼滑香濃的咖啡和🌹茶就是完美的最後終結！

今日同朋友提早慶祝 Christmas食餐好嘅，搵咗間有情調嘅西餐廳同佢浪漫下。餐廳已經有聖誕擺設好有FEEL，火爐酒櫃非常吸睛好靚！入到去已經打咗唔少卡。Set Dinner x 2 南瓜湯味道濃郁 湯入面有D蔬菜粒有口感 糊度岩岩好! 特製牛油餐包口味甜甜地，麵包皮焗到微脆，入面好鬆軟，就咁單食已經好好食加埋個自家秘製肉桂牛油，味道即時又唔同左、昇華左Caesar salad 非常新鮮，份量都多，上面個隻流心好正!醬嘅比例啱啱好！Main course我哋嗌咗一份紐西蘭安格斯肉眼扒配阿根廷青醬，另一份係意大利烤燒腩肉卷肉眼扒我哋叫咗七成，火喉真係控制啱啱好呢個真係要讚一讚！牛扒脂肪不多但肉質都好幼嫩。牛味濃郁且多汁阿根廷青醬好特別，獨特青綠色吃上去會有少少辣辣地幾惹味！同牛扒好夾!烤燒腩肉卷賣相好吸引! 佢都好厚切! 切落去個豬腩皮係脆既，豬腩中間嗰嚿肥膏食落去一啲都唔油膩，可能廚師用咗秘製方法逼曬啲油出嚟，所以我成嚿食曬都冇乜罪惡感！好食!另外晚餐嘅side dish薯條係免費無限添加，食得好爽！最後仲有兩杯飲品，晚餐真係好抵食，好豐富! 港島區+有情調+食物好+坐得舒服+靚裝

經過灣仔軒尼詩道樓上的這間充滿聖誕氣氛，店內以昏暗燈光營造浪漫感覺，西餐廳很適合與親人朋友慶祝即將來到的聖誕節🎄🎅🏻門口處及店內分別有聖誕樹、聖誕鹿及雪人燈飾擺設作裝飾，店內亦有正在燃燒的火柴電視畫面，讓環境感覺很溫暖～☀️晚餐有優惠套餐價$388包括自選主食、是日例湯、任食薯條、特製牛油餐包配自家秘製肉桂牛油、凱撒沙拉，及茶或咖啡。🥩紐西蘭安格斯肉眼扒(10oz)肉眼扒煎煮得相當好，肉汁鎖在肉的每一層，配上自家製帶有蒜香味的阿根廷青醬汁，更有效帶出濃烈肉的鮮味🐖德州醬燒豬肋骨 個人喜歡醬汁夠濃稠味道夠重，香氣撲鼻，豬肋骨肉質幼嫩，讓人一口接一口🍲是日例湯例湯是紫薯菜湯，粒粒的紫薯充滿薯粉感，咬感十足，味道開胃🥖特製牛油餐包配自家秘製肉桂牛油有特色的自家製牛油，啖啖肉桂味溶在口腔中，有驚喜🥗凱撒沙拉沙拉菜新鮮幼嫩富有光澤，以粗粒黑胡椒作調味，伴上脆香的麵包粒帶出有層次的口感套餐贈送咖啡或茶☕️

今日約咗老婆慶祝佢生日，諗住食牛扒即刻search下邊度有好嘢食。見到呢間 la Moo Moo， 淨係serve牛扒同薯條一睇就知係正宗。 上到嚟好有英式裝修嘅感覺，好似置身英國咁。首先上咗個海鮮週打湯好足料。有西芹蘿蔔各式各樣嘅海鮮加牛奶，好味！！跟住上過凱撒沙律配麵包。個麵包有驚喜跟咗個肉桂牛油，個包哄到脆脆加埋個牛油真係一流。沙律都非常唔錯。然後上主菜啦，我哋叫咗rib eye要medium再配阿根廷青醬，塊牛扒煮得啱啱好肉味好濃配埋個醬齒頰留香。再加埋無限添食嘅薯蓉，薯蓉好滑牛油香味濃厚，足足食咗三轉先夠。

對上一次黎La Moo Moo Steak and Fries 食嘢已經可能係大概一年前 今次再嚟到訪 發覺個Menu唔同咗 選擇多咗 除咗又最卡食嘅牛扒之外 亦有豬腩肉卷 烤雞 Ribs 什或乎適合素食者食嘅牛肝菌黑松露意粉 Set Dinner包咗沙律/餐包/湯/主菜/薯條同埋飲品 而且當日仲有加$10青口任食 非常豐富呢度嘅餐包除咗配牛油之外 仲有肉桂醬超級香且帶甜 配埋鬆軟烤脆咗嘅餐包好好味Singature 10oz Pure Black Angus NZ Ribeye Steak - 生熟程度控制得宜 肉質嫩滑有油脂 絕對唔會韌 食得出係靚牛薯條新鮮炸起 仲可以任食 啱曬我呢啲薯條怪青口就不過不失 調味正常 $10可以任食真係超抵另外呢度夜晚環境氣氛非常浪漫 當日都有好幾對Couple似係慶祝特別日子 #相機食先 #手機食先 #foodie #food #foodpic #foodphoto #yum #yummy #delicious #tasty #hkfood #香港美食 #美食 #牛扒 #Steak #西餐 #灣仔 #薯條任食 #LaMooMooSteakAndFr

返工咁辛苦決定食餐好嘅慰勞吓自己😮‍💨。見呢間餐廳嘅氣氛幾好，所以就book嚟試吓。一叫完餐就即刻上餐包，沙律同湯，而餐包可以簡配普通牛油或玉桂牛油。因為玉桂牛油比較少見，所以就簡左。佢嘅味道係甜甜地，玉桂味都好重，幾特別🤩。沙律菜鮮甜爽口😃。湯係羅宋湯。煲得好入味，係香噴噴嘅蕃茄加牛骨味，材料有椰菜，一嚿嚿嘅蕃茄同埋牛肉，真材實料😋。主菜係紐西蘭安格斯肉眼扒（ 10安士）。醬汁可以揀黑椒汁，蒜蓉汁或者chimichurri sauce。我就揀咗黑椒汁，好惹味。牛扒三成熟，所以好有肉汁好juicy🤤。伴碟係薯菜。薯條食晒仲可以任添，好滿足🥰。跟餐仲包埋一杯餐飲，可以揀咖啡或者茶。佢而家做緊+$10任食青口😱，真係超級抵食，其實食一碟都回晒本，真係唔叫唔得。青口用左白酒去煮，仲隻隻都鮮甜肥美，真係食唔停口😍。侍應姐姐服務超級好👍有問必答而且好好禮貌。 

想食仼食薯條，去咗La Moo Moo，又有牛牛食超正又掋食。今日仲有Promotion 加$10 仲有all you can eat Mussel. 前菜先嚟咗個Salad 同湯。Caesar Salad，沙律菜好fresh，新鮮刨嘅芝士，脆斗斗嘅Baked Bacon，麵包糠，仲有糖心蛋。雖然簡單但味道調得剛剛好。餐湯係蘑菇湯 餐包配餐廳自家制嘅 Cinnamon Butter 超好食 ！叫咗嗰Angus Beef Rib Eye 同 Porchetta Italian Pork Roast。嗰豬超級有驚喜，外皮脆斗斗，肉又淋，調味非常好。Rib Eye就叫咗Medium ，水準同我之前嚟食一樣，保持得到。當然嚟係為咗食仼食薯條，我encore 左3次，哈哈。青口都係仼食，用白酒煮，味道香濃，青口又新鮮。然後見今日食大餐，都叫咗杯酒。無得頂。