LA FAMILLE

營業中

休息中

早前朋友生日買左個La Famille既戚風蛋糕食，蛋糕食落清新，味道散發出淡淡嘅椰子清香，而戚風蛋糕也相當鬆軟。今次自己黎到都想食番個，款式真係可以用種類繁多黎形容淨係睇個廚櫃，真係都唔知選咩食好，想每樣都試下呀最後，見到一個外觀令人賞心悅目十分討好的甜品環，而環內包含花朵的甜品Mango Bavarois - $42 上層的透明啫喱內藏食用花及水果，如同綻放中的花環，下層是軟滑香甜慕絲蛋糕味道豐富而入口即化的口感，淡香宜人

太多味 點都唔食曬嘅戚風蛋糕店😆食過不少味道 都很滿意 而且每個蛋糕都夠鬆軟 內裏有牛奶忌廉🍼.🍊日本柚子🍊非常適合愛清香/怕甜的朋友蛋糕甜度比其他款式低還有不少柚子粒在蛋糕負擔感低的甜品.🍂🍫伯爵朱古力🍫🍂朱古力:伯爵茶味道比例 大概7:3微苦甜的朱古力 同牛奶忌廉幾夾如果要朱古力忌廉嘅 可揀黑森林🍫

今日有慶生活動👅倆口子唔可以揀太’濟’嘅款式又要有賣相又要好味都唔係好多選擇😂今次就試下呢間專賣細版嘅戚風蛋糕啦☺️黑森林-$62 (加左生日牌)CP值很高嘅小蛋糕🍰有賣相味道不錯又平🥳兩層戚風蛋糕都幾鬆軟💜加咗朱古力忌廉，甜而不膩，重朱古力味😋蛋糕上面有3塊朱古力牌中間紅色嘅係酸甜莓醬，唔太酸，偏甜👍🏻圓形嘅戚風蛋糕中間係舖滿柔滑嘅牛奶忌廉🤤忌廉連埋蛋糕同朱古力醬莓醬一齊食真係唔錯💜大家可以試下！今次感覺非常好，我已經決定好下次食邊款啦😋☺️

今日心情欠佳，呆呆咁經地鐵上朗豪坊，一入朗豪坊就俾間舖嘅甜品吸引住見到d蛋糕，原來我係食過呢間架啦😍😍，間舖有Chocolate , cake 同埋 bavarois 。橫掂心情麻麻，食啲甜嘢等自己開心啲都好，店員誠意推介咗bavarois 俾我，mini size 只得最後兩件😍😍真係整得好靚，成件藝術品咁，唔捨得食呀😂😂。今次一於買2件，1件我食，另一件請我好姊妹食先得，多謝佢上次幫我手。店員好有心機包俾我，而佢個包裝、或者係隻叉都好靚，值得一讚。當然啦，返到去我兩件都試過啦。佢除左似藝術品咁靚外，味道仲好好👍🏿👍🏿。我買咗一件士多啤梨味、一件白桃味，入口係好明確咁分得出，唔會好似出面啲cake shop 咁只係得甜味。好姊妹仲大讚好靚又好味😋😋，佢話下一次一定要去銅鑼灣再食添。我哋又食又傾，唔開心嘅嘢已經忘記晒嚕，所以事實證明甜品係女人忘記不快嘅良藥😝😝而好味嘅甜品簡值係增加快樂嘅必勝武器✌🏿✌🏿。

呢日經過旺角，專程去朗豪坊B2層la famille買蛋糕😍，發現都幾多人，先醒起因為呢日係白色情人節💋因為係放工時間，已經得番唔係好多味揀，但好事成雙，最後都揀了兩個小巧精緻，水果口味的戚風蛋糕。-兩者中我較喜歡日本柚子、 輕盈輕盈綿密的蛋糕之中，藏著清新的柚子皮，所以柚子果香味出眾，而裡面是輕盈滑溜的忌廉，面層的生果也豐富奪目。-桃香紅茶蛋糕身一樣鬆軟輕柔，有淡淡的紅茶味，桃則香甜，忌廉一如既往的軟滑。不過相對上我覺得之前吃過的伯爵茶味蛋糕比紅茶味更出眾清香。-La famille 的petit cakes口味真的超級多，我已經想好下次要食咩味了！

芒果乳酪戚風蛋糕🍰🥭 (15cm) $350每次行過朗豪坊都見到好多人排隊買呢間嘅戚風蛋糕🎂今日終於有機會試下啦 揀左個芒果乳酪蛋糕🥭😋賣相不錯😍一磅嘅size岩岩好👍🏼有半個芒果放係蛋糕上面 好鮮甜😋另外 戚風蛋糕做得軟棉棉 芒果乳酪味酸酸甜甜 味道清新😇而中間放左好多cream 口感軟滑奶味濃郁🤤不過外層舖住扮流落黎嘅芒果汁翻糖就甜左啲🙈另外好喜歡呢到有得買細細個嘅戚風蛋糕 性價比高 岩哂兩個人份量或者飯後甜品🥰

每次一出地鐵站，都會被朗豪坊呢一間蛋糕店吸引任，今次都唔例外🤣🤣適逢工作上遇到開心事，我就買左3個蛋糕比去慶祝☺️蛋糕嘅口味有好多，每個蛋糕都精緻討好 ！我分別揀左和風三色、士多啤梨同黑森林！戚風蛋糕嘅口感qq，而且都幾濕潤，蛋糕冇用防腐劑同埋香精，食起黎都放心啲！我最欣賞佢嘅蛋糕係低脂同低卡路里，食多幾件都唔怕🤣🤣🤣蛋糕好鬆軟，入面既忌廉好有奶香，而且10分幼滑💓💓💓，我即使平時唔鍾意食忌廉，但每次食呢個戚風蛋糕，都會將入面嘅忌廉食晒😍😍三個嘅蛋糕有一個大紙盒裝住，分成兩層，蛋糕既紙托痴上膠紙、所以番到屋企時，蛋糕依然保存得好妥當☺️☺️和風三色，用左三種味道整，我估應該係抹茶、伯爵茶同朱古力，蛋糕上有一層既抹茶醬，食起黎帶甘香！入面奶白色既忌廉，十分好吃😋☺️我最鍾意就係食士多啤梨味，我覺得味道比較清新，而且士多啤梨味同忌廉好夾，若隱若現仲食到一陣果香，面頭士多啤梨仲好甜😋😋果然係皇牌呢！呢個係屋企人鍾意食嘅黑森林味，原先我以為會好甜但又唔係，因為中間有一啲酸酸甜甜，10分開胃嘅果醬，忌廉都用咗朱古力味，頗有心思！好吃而不膩，推介中意食朱古力既朋友仔🤣

已經食過幾次既la famille 戚風蛋糕依然令我想繼續回購蛋糕味道選擇多，size 岩岩好今次爸爸生日，買左3個返屋企做生日蛋糕今次買左個雙重朱古力，黑森林同皇牌士多啤梨雙重朱古力上面有幾粒朱古力脆脆方塊粒同朱古力cream中間係朱古力戚風蛋糕食落唔會漏，恰到好處喜歡朱古力既話可以揀呢款味道黑森林就面頭有cream 同2層蛋糕中間都有creamcream唔會太漏，帶有朱古力味而黑森林既車厘子味都加入左名副其實係黑森林最後一款係皇牌士多啤梨呢款味道我已經回購第三次了上面既士多啤梨切成一半，咬落方便士多啤梨唔會酸 同個士多啤梨味戚風蛋糕她夾當然係皇牌！每次回購既原因全因爲蛋糕鬆軟，唔會過甜而且價錢合理，包裝得體，回味回味

多謝好姊妹請我食既依件cake，好開心，件cake好精緻，好靚😍😍😍，特別係做左成日野，悶悶地時，食一件甘精美既cake心情即刻靚哂😋😋😋。而且呢件'cake仲唔單止得個靚字，食落仲有好fresh 既strawberry 同花香味，再加上用依家好興既環保木叉，邊食邊覺得自己為環保，為地球出左分力甘，心情特別愉快🤭🤭🤭。我地都食得好開心，仲約埋下次去銅鑼灣行街街時一齊去佢個度間分店度再食。只可借我都未去過，吾知有無得坐呢？

上個月有La Famille Promote2月28 當天生日壽星 可以免費換領 La Famille Cake.伯爵茶朱古力 | $60一開盒已聞到!! 陣陣伯爵茶味!上面朱古力粒擺放得好有心恩! 以金同啡色為組合海綿蛋糕甜而不膩! 質地軟綿綿 , 而且茶味重會回甘而呢個尺寸約掌心大小 剛剛好!健怡蛋糕一個好選擇 推介！！

La Famille - 戚風蛋糕專門店每次經過地鐵朗豪坊的地庫出口，都會看到這間蛋糕店，因為玻璃櫃中有林林種種的戚風蛋糕，有不同味道、顏色，而且細細件，非常精緻夢幻。日本柚子戚風蛋糕原個的戚風蛋糕，表面有一層薄薄的柚子忌廉，表面放著紅莓、藍莓、野莓和草莓粒，非常清新的水果，還有兩粒馬卡龍和朱古力牌，相當吸引的甜食。切開蛋糕時，已經感受到戚風蛋糕的鬆軟，中央佈滿日本柚子忌廉，蛋糕飽滿而且不易塌，當中混合了柚子皮和肉，忌廉幼滑。淡淡的蛋糕香、日本柚子忌廉的香甜、水果粒的果甜加上馬卡龍的糖甜，滿滿幸福感的蛋糕。

我很喜歡吃chiffon，貪其輕盈不膩，比起用上大量牛油造的蛋糕健康得多，多吃也沒有罪惡感。可是坊間專造chiffon的店不多，這裡可算是最有名的一間。在琳琅滿目的蛋糕之中，好不容易選了兩件。第一件是日本柚子，單看賣相已經美極了，精緻得捨不得吃。把蛋糕輕輕切開，已經可以感受到那鬆軟程度。吃下去果然是鬆軟得像棉花，而且蛋香柚子香俱備，偶爾還吃到一絲柚子肉，單吃chiffon本身已經夠好吃，加上奶香濃郁且滑溜的cream同吃就更讓人欲罷不能！另一位被我選中的幸運兒是雙重朱古力。用上的是上乘的朱古力，朱古力味濃厚而不甜膩，還帶有淡淡酒香，連同脆米帶來的層次感，又是好吃！寫着寫着，我又想吃這裡的chiffon...

成日都聽朋友講，如果第一次試La Familie蛋糕，必定必定要選擇招牌既日本柚子芝士戚風蛋糕！果然冇介紹錯，試過後真係返唔到轉頭😭😭🤤佢地唔同口味既蛋糕，上面裝飾品都會唔同，呢個日本柚子芝士蛋糕JAPANESE YUZU CHEESE ($390) 配左好多食用花🌹 媽咪見到之後即刻心心眼大讚好靚😍❤️ 尤其是真係第一次見到咁鬼大朵既玫瑰食用花～ 係女仔都喜歡啦！本身都驚呢款有芝士會比較膩，但好彩同柚子味道好夾！柚子酸酸甜甜仲帶丁丁點柚子皮既苦澀味，好特別～ 最重點係個cream真係打得好滑好幼細，呢個真係值得一讚👍🏻👍🏻切開後除左蛋糕表層既cream，其實戚風蛋糕中間個洞都注入左大量芝士cream，令到食落去更加豐富😳下次朋友生日再試試其它味道，香檳味同玫瑰味感覺都會唔錯咁😋😋

見到蛋糕櫃選擇多，外型十分漂亮，而且size小巧的骰，適合同朋友分享～揀左朱古力伯爵茶味，欣賞伯爵茶味香，不會給朱古力的味遮蓋～忌廉細滑，配上戚風蛋糕軟綿綿，好味～

有時人少少慶祝生日，真係唸到頭都大埋。出邊大餅店的蛋糕每個都起碼要四，五個人先食得完。真係閒閒地食你三日都食唔完，唸起就打消哂買蛋糕的念頭最近朋友中間聽過 La Familie 這個名，原來是香港本土的蛋糕的品牌。蛋糕花款偏日系，款式都算多。最緊要有大有小的size，細size都係出得廳堂款，唔係好頹嗰d忌廉蛋糕，收到都會開心！每個都幾精緻，企係玻璃窗前唸左好耐先揀到兩款。前: 朱古力咖啡 後: 桂香和梨梨子經處理後，依然好清甜。蛋糕有淡淡的桂香味，不太甜，恰巧不好甜的朋友也十分喜歡，太好了。朱古力咖啡有一點成熟的味道，朱古力好濃不死甜。不過蛋糕有點乾身。這個份量2-3人慶祝真的剛剛好，最重要的是不會浪費食物嘛！