LA FAMILLE

營業中

休息中

今日心情欠佳，呆呆咁經地鐵上朗豪坊，一入朗豪坊就俾間舖嘅甜品吸引住見到d蛋糕，原來我係食過呢間架啦😍😍，間舖有Chocolate , cake 同埋 bavarois 。橫掂心情麻麻，食啲甜嘢等自己開心啲都好，店員誠意推介咗bavarois 俾我，mini size 只得最後兩件😍😍真係整得好靚，成件藝術品咁，唔捨得食呀😂😂。今次一於買2件，1件我食，另一件請我好姊妹食先得，多謝佢上次幫我手。店員好有心機包俾我，而佢個包裝、或者係隻叉都好靚，值得一讚。當然啦，返到去我兩件都試過啦。佢除左似藝術品咁靚外，味道仲好好👍🏿👍🏿。我買咗一件士多啤梨味、一件白桃味，入口係好明確咁分得出，唔會好似出面啲cake shop 咁只係得甜味。好姊妹仲大讚好靚又好味😋😋，佢話下一次一定要去銅鑼灣再食添。我哋又食又傾，唔開心嘅嘢已經忘記晒嚕，所以事實證明甜品係女人忘記不快嘅良藥😝😝而好味嘅甜品簡值係增加快樂嘅必勝武器✌🏿✌🏿。