Kome Kushi

營業中

休息中

遊完西區，晚上就係居酒屋食晚飯。看過餐牌，叫了燒物和和食。🔸燒三文魚頭魚頭很巨型，新鮮美味，廚師燒得很好👍🏻魚皮香脆，魚肉鮮嫩，還有鹽燒和黑椒香。🔸汁燒牛舌尖牛舌厚身軟腍，仲有少少咬口，醬汁頗辣，但辣得過癮。🔸麵豉湯湯唔會過鹹。🔸豚肉壽喜燒配飯呢個本來是牛肉壽喜燒，但近排食得太多牛肉，店員幫忙改為豚肉，很貼心。豚肉都幾嫩，湯底唔會過甜，湯中有娃娃菜、紅蘿蔔、冬菇，豆腐很滑。🔸醬油漬角切魚生丼上枱時看到多款魚生，有三文魚、吞拿魚、帶子、蟹子及玉子，廚師用醬油醃製過，角切令每粒都有醬油香味。🔸燒鱈魚乾鱈魚乾燒得較乾身，口感比較脆。📍Kome Kushi (西環) @komekushi.hk 西環西營盤第一街8號縉城峰地下2號舖電話：23361225/62860818#foodie #food #foodpic #foodphoto #yum #yummy #delicious #tasty #相機食先 #手機食先 #hkfood #香港美食 #美食 #hkig #ighk #Kome Kushi #西環 #日本菜 #　酒 #串燒 #居酒屋#TM128 #為食妹 #tm128_love fo

今晚去左西營盤的日式居酒屋KomeKushi食晚飯，滿意的一餐😊💖❤️環境舒適溫馨，店員服務好有禮貌，會主動介紹餐牌，又會不時加熱茶👍😋小食：鱈魚乾香脆美味。唐揚雞軟骨脆卜卜。一口甜薯燒得香口。主食：🍣廚師發辦壽司八贯海膽，三文魚子，牡丹蝦，左口魚，油金魚腩 三文魚，魷魚，帶子，味道新鮮。🥢昆布清湯真打烏冬烏冬彈牙，配料有昆布，冬菇，蜜糖豆，日式魚蛋及京蔥。🥤飲品： 蘋果荔枝茶，充滿甜蜜果香🍎💖最後店員還送了黃豆蕨餅給我們作甜品😋

午餐點了吉列芝士豬扒，出菜時間ok... 比朋友的魚生丼要快，夾最側邊一塊食... 咦！空心乜都冇.. 好，我食脆殼，第二塊.. 咦！得芝士.. 肉呢？睇真D，有肉㗎.. 不過冇味.. 最緊要係冇厚度，我抹咀片紙巾仲厚過塊"豬扒"，比較吓，層炸脆皮仲厚過塊"豬肉片"... 好有被騙感，如果成本控制，不如減片芝士吖？冇誠意做食店.. 差，非常差.. 食咗做炸芝士飯，十分沮喪... I WILL NEVER COME BACK !

住得近，見都開左一段時間就來試下，結果一言難盡，就算近都不會再來。叫左一個和牛壽喜燒同一個豚肉，豚肉幾乎全肥，和牛唔似和牛，如下圖。一個餐$298，大家參考下。真唔想大家中伏。Terrible experience!First time trying a new restaurant around our neighbourhood, was very disappointed and would not recommend this place to anyone. Food was very average and, in fact, poor, pork slice was completely fat and beef was nothing close to the wagyu we had normally.Oh and before we left, what a surprise, a fractured piece of plastic was found inside the cheesecake…lucky me didnt get my tooth fractu

一直經都好想試，終於有機會。燒味醂魚乾 ⭐️⭐️⭐️⭐️⭐️甜甜地好好味，送酒一流👍🏻免治雞肉丸，粟米⭐️⭐️⭐️⭐️⭐️雞肉丸附上生雞蛋特製醬汁，粟米非常清甜蔥吞拿魚牛油果他他 ⭐️⭐️⭐️⭐️配紫菜食，最怕食蔥吞拿魚蓉冇味道或者唔新鮮，但呢個味道啱啱好，食落仲好好味比想像中好吉列廣島蠔⭐️⭐️⭐️⭐️蠔勁新鮮，一上菜影都唔記得影就食咗。壽司十貫 ⭐️⭐️⭐️⭐️⭐️壽司非常新鮮，尤其是海膽同蝦，估唔到居酒屋出品嘅壽司都可以咁高質和牛壽喜燒 ⭐️⭐️⭐️⭐️⭐️和牛勁新鮮勁靚，配埋個汁煮d蔬果烏冬好正。

就快可以出發去台中，呢排Keep住好心情，最近呢個星期日終於唔打邊爐喇，去咗西營盤呢間居酒屋晚餐餐廳面積唔算好大，近入口位仿日本庭院設計，有個獨立區域，好似間咗房仔咁。其他係吧枱、2-4人枱。餐牌選擇多，小食、炸物、串燒、刺身、壽司、丼、壽喜燒等都有，消費中上。到訪日正值restaurant week，所以佢哋都好full，記得訂位！尤其週末，walk in應該冇位嚕。壽司杯 - 竹 $128壽司杯 - 梅 $108兩款壽司杯都好適合相機食先，有滿滿鹹鮮嘅三文魚籽。海膽份量慷慨，吞拿魚蓉香滑，以金箔裝飾，賞心悅目壽司八貫 $268/ 廚師發辦當日嘅壽司有赤身、赤貝、赤蝦、魷魚、三文魚籽等，基本上都好新鮮。蔥吞拿魚牛油果他他 $168吉列廣島蠔 $128炸蠔夠脆；另外點咗份吞拿魚蓉牛油果他他，口感好滑！雞皮 $28日本青椒仔 $38士多啤梨豚肉卷 $48岩鹽燒雞肉 $48免治雞肉串 $68厚切牛舌芯 $78串燒以免治雞肉丸、士多啤梨豚肉卷同牛舌最好味

叫左網上外賣平台外賣叫左omakase 8件 之前開盡張試過都無咁差。最差就係d壽司飯糊狀一pat野咁 完全食唔出飯嘅味道 如果想感受下可以係屋企煮熟飯加水落去撈埋食 一試入魂。d剌身又唔新鮮咁嘅味道 帶子刺身可以出白色水嘅 吞食魚蓉有臭味 三文魚差過爭鮮。難食都算，真係有機會食物中毒。平時上微生物學咩gram negative菌咩parasite都見過 一次過食唒落毒又真係第一次。再叫埋d串燒又係除左焦果就咩都無 食多一兩啖都想嘔 連個湯都難飲完全唔係麵豉味。其實都幾勁整咩個樣都唔掂，識真壽司唔識整不如唔好整，真係會食壞人。

呢世人第一次寫食評：見到新餐廳，就同家人去試吓。打開menu見價錢偏貴，叫了牛肉壽喜燒、鰻魚飯、雞肉丸、幾串串燒、幾件壽司。點知啲食物嚟到賣相普通份量少，完全冇心機影相。鰻魚飯$138得大約3份1條，飯又少；壽喜燒$188得幾件牛肉；串燒雞肉丸$68得幾粒；炙壽司$28、38一件唔夠攝牙罅，要叫多幾件…最後埋單3個人要8百幾蚊！性價比奇低！返到屋企要食啲生果填下肚，同埋睇完其他食評後我忍唔住都要寫食評… 西營盤附近都有貴嘅餐廳，但佢哋唔會俾啲咁嘅質素和份量！相信我以後都唔會再幫襯…（註：「抵食」俾1分，因佢冇得俾0分😡）

星期六，又係搵地方chill 一下，食吓嘢嘅時間，今日就試吓依家喺西營盤新開嘅居酒屋。呢間居酒屋有一個好處，因為佢有半露天位，可以帶埋隻狗仔嚟坐。所以我特登book咗門口露天位，帶埋隻狗仔嚟食。呢間居酒屋食物嘅種類都幾多，有串燒有壽司有魚生有鍋物…..我覺得最特別嘅呢就鰻魚疏乎厘飯佢係一個鰻魚飯，上層book咗一個疏乎厘，好特別，啲飯加埋蛋白撈埋鰻魚，yummy，絕對值得推介池魚夠新鮮，加埋啲酸汁，令到池魚更加鮮甜。串燒牛脷，雞腎燒得好，又唔係太韌，爽口壽喜燒牛肉鍋牛肉好滑，應該係靚牛八件壽司係廚師發板，魚生夠新鮮

重來唔寫食評， 呢次第一次. 食物份量偏細，13歲青年 表示可能要叫三個鰻魚飯先夠飽，sukiyaki 呢個價錢無keep-warm 嘅底盤， 蟹子卷我地等左差唔多一個鐘先黎，正常味度，牛油果卷再等多10分鐘被通知牛油果太生出唔到俾我地， 最後杯茶裡面搵到一細舊不知名嘅海綿狀物體....😮‍💨.... 其他檯都係咁催單.... 聽到隔離話要唔飽要去食海南雞飯.............. openrice review 食評後提醒我要持平 同埋需要真實表達， 我再從新睇晒其他所有食評， 再諗多左幾次先post............希望我嘅經歷唔係呢間舖嘅正常表現. 我唔會返去，就算唔理速度份量，齋味道價錢 都有太多其他選擇.

諗住去試吓新餐廳食午餐，裝修睇落不錯，點知換來一個非常差和不快的經歷。$138 的鰻魚飯的份量少得可憐，幾啖就食完，完全吃不飽。等了一個鐘都做不到壽司出來，跟住話只有一個廚師做不設，再等了半個鐘，竟然話牛油果未熟，結果要取消單！間餐廳只有幾張枱，但係有幾張都同我哋一樣投訴食物出得太慢。茶杯裏竟然有海綿殘骸，衛生程度有問題。Sukiyaki連火都冇, 今餐真係食到出火。人均消費$150, 食完完全唔飽，要去隔離餐廳再食過

一直都想去西環海傍行下，俾朋友放飛機就做左人生海傍一人晚餐挑戰，自己感受一下吹下海風感覺同一人美食之旅！因為天氣開始轉涼，就叫左個昆布清湯真打烏冬，因為又怕唔夠食，就再叫多個加洲卷！昆布清湯烏冬湯底係我最鍾意的鰹魚味，烏冬煙煙韌韌都幾彈牙，份量又十足，食落調味剛好而且夠熱又好暖胃！而加洲卷件件都好大舊，內層有青瓜、蟹柳同加洲卷沙律醬，外層包裹住滿滿蟹籽，食落脆卜卜入口好豐富而且好夾！美食配美景，一流！

Unfortunately very slow service for warm dishes. The Sashimi rice came out quickly, but even after finishing this, the skewers had not arrived. The other main never came despite asking the kitchen to check several times. This was over an hour after ordering. The table next to us who sat down after us had a completely different experience: everything arrived promptly for them ( including skewers, and the same main we ordered) is this the experience of a table who orders a bottle of saké? The

MM爸於Dining City 搵到間喺西環第1街新開嘅日式🇯🇵居酒屋同一個位置，之前都係一間日式🎌居酒屋蕉媽都食過兩次而家轉咗手餐廳價位有所提升不過裝修感覺高級左見同名嘅餐廳喺南區赤柱都有一間評價都唔錯所以即管嚟試吓平日嘅lunch Menu價錢有$128至$218不等定食包前菜、沙律、白飯、麵豉湯指定飲品半價加$28可以加購小食和炸日式芝士年糕加$38可選串燒 - 雞翼和特濃芝士加$38可選甜品-泡芙、蕨餅、日式芝士蛋糕今日我揀咗沖繩黑糖豬手🐽定食MM爸食燒原條蝴蝶鯖魚🎣御膳黑糖豬手炆得好琳，好入味，好啱送飯鯖魚亦都燒得不錯，係落鹽重手咗少少整體來說，我哋滿意今次嘅午餐有機會會再嚟食Kome Kushi (西環)西環第一街8號縉城峰地下2號舖

Much like its sister in Stanley, Kome Kushi Sai Ying Pun is a contemporary izakaya, offering a modern take on traditional Japanese classic dishes designed for sharing. The interior is inviting, cozy, and approachable, with a diverse, flavor-captivating menu ranging from sushi, yakitori, and kushiyaki to cold & hot dishes that are all served up enticingly in a delightful manner, making it a welcoming destination for hanging out with friends over drinks while sharing countless beloved izakaya bit