Kome Kushi

營業中

休息中

今次去咗一間西營盤新開嘅日本餐廳，整體感覺都幾好，食物種類都幾新鮮，而且坐得幾舒服。首先試咗櫻花蝦燒原條茄子，本身已經好鍾意食茄子，估唔到同櫻花蝦咁夾，櫻花蝦為燒茄子帶嚟海鮮嘅風味，好有驚喜。精選刺身拼盤三點，當晚有油甘魚、甜蝦同埋三文魚，厚切得啖啖肉，鮮甜得嚟又唔膩。再嚟一份油甘魚握壽司，肉質肥美，非常滿足。炙燒左口魚邊壽司，油脂好豐富，仲有啲蟹子點綴，帶嚟多重口感。極上鴛鴦鰻魚飯，好值得一試，可以一次過試曬有兩款唔同嘅鰻魚，白鰻油脂感比較重，鰻魚嘅肉就比較結實，肉質味道各有特色。最後追加咗燒仙台牛舌心，牛舌好彈牙，每啖都油脂滲出，小小邪惡但真係好享受。飲品方面，我哋叫咗世界一統常夏菠蘿酒，菠蘿味好真，唔會太甜，而且清新易入口，特別適合夏天消暑。

今日去咗西環地鐵站附近KOME KUSHI ，6:00-8:30 HAPPY HOUR COMBO 串燒三串+啤酒都係$98，包括一口甜薯、秋葵、雞軟骨、雞中翼、汁燒雞肉串，其他加＄10牛油烤芝士年糕、煙燻豚肉蘆筍卷、汁燒牛舌尖，串燒燒得好食，雞翼燒到剛剛好金黃色，芝士年糕軟綿綿，真係食到停唔到口，配埋Suntory 啤酒，真係飲完一杯又一杯。朋友就鍾意食啲特別啲嘅串燒，厚切牛舌心、雞皮、雞心、雞肝全部俾佢叫晒，仲食得好開心。我都唔執輸，叫咗燒油甘魚鮫、櫻花蝦爙原條茄子🍆 油甘魚鮫好多肉，肉質又嫩滑！食完咁多肉配返個茄子先夠完美。

平時好少嚟西環，咁啱嚟開呢區又想食日本嘢，住喺西環嘅朋友大推呢間居酒屋，緊係要趁機會試下！🛎 $108 Happy Hour 串燒5選3（送啤酒）我哋就揀咗雞軟骨、雞中翼同埋汁燒牛舌尖！雞軟骨好香脆，而且數量都唔少😋雞中翼好大隻啖啖肉，食到好香嘅鹽燒味，又唔會太鹹，超級惹味🥹牛舌尖好厚好腍，完全冇膻味，食落去感覺好柔軟😆雖然係Happy hour優惠，但係就感受到餐廳完全唔吝嗇，品質keep住好高！啤酒係送嘅都大大杯，食完幾串串燒再飲翻啖啤酒，真係爽到爆！！！🛎 $38 燒雞髀菇平時不論係喺居酒屋定係自己食燒肉嗰陣，燒親啲雞髀菇都一定又乾又燶，點知喺度食完呢碟燒雞髀菇，真係推翻晒我對佢嘅印象，原來燒雞髀菇可以咁多汁咁惹味，餐廳仲喺上面加咗啲木魚絲，味道口感都好新鮮好特別，真係大推🥹🥹🥹🛎 $98 西京燒豬頸肉平時食西京燒銀鱈魚就食得多，一見到有得嗌西京燒豬頸肉就緊係要即刻嗌嚟試下啦！點一點蛋黃醬，一擺落口即刻覺得西京漬同豬頸肉本身嘅味道超級夾，而且豬頸肉經過西京潰醃過後再直接燒，簡直係提升埋燒豬頸肉香味，同平時出面食到嘅燒豬頸肉完全係另一個層次，而且出面好少有呢個配搭！🛎 $58 汁燒

在openrice訂座按時到達，整體環境非常的熱，店員表示空調壞了，也沒有冷風機或者電扇，只能飲一杯凍水，唔好意思點的698套餐，食物整體無功無過，開頭的魚湯很好喝很入味。加點了串燒拼盤，燒得有點過於乾。刺身新鮮。一夜乾的魚大條，但是醃製的非常鹹口，令人有點失望。 凍水也沒有再給加水，整個越吃越熱，30多度的天氣熱過出邊咁多。埋單才告知套餐是沒有85折優惠的，連加的啤酒也沒有優惠（單點也是同樣的價格）。冷氣壞了那麼熱也沒有其他額外的表示，直接迅速買單走人。令人失望的中伏一晚。冷氣臨時壞了可以理解，但希望可以靈活應變，不要讓客戶難上加難。

辛勞下班如釋重負，朋友帶我到西營盤MTR附近開懷暢飲。這間型格的居酒屋設計簡約俐落卻別具一格，有別於一般日式居酒屋。餐廳主打新派串燒、炸物、魚生.....招牌菜：角切魚生丼，刺身魚生飯入面配料好豐富，有鮮蝦、三文魚、油甘魚、八爪魚、帶子、蟹子、玉子...魚生十分新鮮同幾厚切。炸小河蝦鮮香酥脆、雞軟骨、炸墨魚嘴脆卜卜又有咬口感，好鍾意，佐酒一流。汁燒牛舌尖火候控制得宜，厚切牛舌外焦內嫩。燒雞中翼、汁燒雞肉串Juicy嫩滑。煙燻豚肉蘆筍卷，蘆筍很幼嫩清淡的蘆筍中和了煙肉的油膩感。最後，值得一讚是綿密泡沫的生啤，能喝到仿如置身日本的感覺。

昨晚同朋友去了西環一家日式居酒屋🏮，店家街外環境意外地幽靜舒服 😌。重點是附近泊車也算方便🅿️可以睇到架車避免抄牌，不用煩惱，而且店員服務周到！ 👍🏻👍🏻👍🏻我們點了好多款食物，有燒雞軟骨串好香口🍢，燒牛舌又夠淋🐮，豆腐魚餅軟滑超出預期😋，每樣都好好吃😋！ 最讓我驚喜的是他們的炸物🍤店家送的軟殼蟹卷，香脆可口。而炸小河蝦就夠脆，一點都不油膩，佐酒一流🍺主食是角切魚生丼🍱，中間有原隻生蝦好新鮮呢🦐！最後加多碟小菜，照燒秋葵，配送蜂蜜梅酒🥃及日式生啤🍺作結尾，😋難忘的居酒屋之夜🩷🩷🩷

位於西環西營盤第一街地下......交通方便.....呢度有個小角落可以帶寵物一齊黎....係半露天嘅4人座位.......很不錯!!餐廳主打廚師發板、串燒，仲有各款手握壽司、主食等.....木系裝潢簡樸時尚......店員嘅服務態度亦好好!!會主動向我哋介紹餐廳嘅推介菜式同限定菜單.....呢間小店幾有居酒屋氣氛....食物都幾高質!!火灸雙色芝士三文魚卷....火炙過幾香......裏面仲包住一啲火炙三文魚粒......加埋奶香Creamy芝士!超滿足!!!!串燒揀咗蘆筍豚肉卷.....味道都唔錯.....入口爽脆......再配上店員精心推介既蜂蜜梅酒......絕配!!鱈魚乾真係夠晒香脆....魚生每一款都非常新鮮...讚讚!!

位於西環西營盤第一街地下2號舖有一個寵物友善嘅日式居酒屋叫Kome Kushi.感覺係好窩心居嘅酒屋，我同住附近嘅朋友今晚嚟食飯。佢介紹呢日式小店，食材新鮮，而且價錢亦都好親民，所以長期都有住附近嘅街坊或者熟客仔嚟幫襯!我地今晚就叫左- 汁燒大啡菇，大啡菇燒得好Juicy, 一啲都唔乾身- 煙肉年糕卷，濃味嘅應用同清淡嘅年糕配埋一齊食，估唔到味道都幾合襯- 海幸丼，有多款新鮮刺身，而且份量有足夠，賣相有夠，值得推介- 豚骨溏心蛋叉燒拉麵，好喜歡佢地嘅豚骨湯府，食落夠味，拉麵有夠曬彈牙👍同特式飲品桂花烏龍荔枝茶，我喜歡佢地既座位坐得好舒服，燈光柔和俾人一種好舒服嘅感覺，而且仲有串燒清酒set，下次Happy Hour 可以嚟試下😚

Kome Kushi蒲燒鰻魚飯蒲燒鰻魚飯嘅主角鰻魚肉質鮮嫩多汁，表層烤得恰到好處，散發出誘人嘅鰻魚香氣。醬汁調製得濃郁，用嚟餸飯十分適合，卻唔會遮蓋咗鰻魚嘅本味，同時襯托出鮮甜味道。日本米飯散發出溫暖嘅香氣，質地柔軟，令人舒服。厚切三文魚親子丼厚切三文魚親子丼人氣非常高企。三文魚肉質鮮嫩多汁，厚切嘅三文魚令每口都充滿魚油脂嘅香濃。配料有日本玉子，蟹柳，青瓜絲，三文魚籽，日本薑等，唔只增添咗視覺效果，仲為整體增添咗清新嘅味道。係三文魚控嘅必食之選。沖繩之夏 沖繩之夏其實係波羅梳打，造型係漸變嘅粉藍色，色澤十分誘人。整體清新爽口，甜蜜醇厚。波羅嘅香甜突出，被冰涼嘅梳打水中和，清新順口，回味無窮。

餐廳主打廚師發板、串燒，仲有各款手握壽司、主食等，餐廳外觀低調、以棗紅色為主調，不論係格局同裝修都好似日本既居酒屋🎏，牆上貼滿左多款日本酒既海報，加上餐廳播住經典既日式歌曲，令人有種係🇯🇵日本旅遊既感覺。🐟🍚 厚切三文魚親子丼 $168呢個親子丼相當大份，三文魚厚切又新鮮，入口油潤，配埋多汁鮮味嘅三文魚，相當，另外有青瓜、蟹柳、玉子做配菜，相當豐富😋🍢🍖 串燒 $48/1餐廳既串燒係每日新鮮喺市場搜集返嚟嘅食材，食落唔會有雪藏味同鞋颯颯，我點左手挽鹽雞腿肉同汁燒京蔥雞腿肉，肉質肥美厚實，我特別喜歡鹽燒雞腿，入味得來唔會過咸。🍣🐟🧀 芝士三文魚卷鋪喺上面同中間都係三文魚同火炙芝士碎，每啖都食到三文魚嘅鮮味，而且又有香烤既芝士香，如果上面既三文魚有炙燒，相信會更加有層次。Kome Kushi 🐟🍣🍖🍶縉城峰2座 Shop No.2, G/F, 8 First St, Sai Ying Pun人均$200 收加一

木系裝潢簡樸時尚, 環境雖然唔太大, 但整體感覺舒服～ 呢度仲有一個4人座位係專為想帶毛孩嘅客人而設㗎！店員嘅服務態度亦好好, 會主動向我哋介紹餐廳嘅推介菜式同限定菜單, 例如Happy Hour串燒清酒套餐🍶～🥢西京燒銀鱈魚配烏冬魚皮略帶焦脆, 魚肉非常嫩滑, 魚肉帶有味噌嘅甘甜風味, 調味出色！轉咗配熱烏冬, 烏冬順滑, 帶煙靭嘅口感, 十分滋味😋～🥢極上厚切牛舌心 推介👍🏻 食牛舌一定要係厚切, 特別有口感！牛舌心燒得啱啱好, 滲透住肉汁, 肉味香濃, 重點係3件牛舌心都好嫩好爽彈, 非常出色！🥢自家製汁燒雞肉棒雞肉口感幾嫩, 食到少量雞軟骨, 沾上生蛋黃及甜醬油, 更添濕潤感～🍣壽司叫咗三文魚腩壽司、珍寶帶子壽司、火炙左口魚邊壽司～ 全部都好新鮮！最愛火灸左口魚邊, 油脂豐富, 經過火炙之後, 魚油慢慢滲出～ 三文魚口感細緻, 好肥美！

放工前收到bff whatsapp，要我陪她吃晚飯，結果就來了Kome Kushi。這家日式居酒屋就在她公司附近，地點挺方便，離地鐵站也近。雞皮餃子雞皮外層微香脆，內裏全是滿滿的餡料，一口咬下，大量肉汁湧出，甘香不油膩。厚切三文魚親子丼丼飯賣相非常精緻，厚切三文魚大大片，肥美甘香，魚油味突出，伴著三文魚籽一同放進咀裏，鮮味十足，而玉子燒及蟹柳，令口感層次大增，味道亦變得豐富，鹹與甜之間，又帶點鮮香，推。蒲燒鰻魚飯鰻魚非常大塊，厚身肥美，肉質嫩滑，配上香甜醬汁，讚。

点了寿喜锅 套餐加一个刺身拼盘，感觉很一般，性价比很低。寿喜锅是一人份的298，牛肉不是特别好吃，和大家乐的火锅大差不差，肉的分量还可以。这个给1分刺身两块三文鱼还挺肥厚的，牡丹虾也可以 给3.5分 人均250 我和男友都觉得很一般哈哈哈有个happy hour 但是我们不喝酒，所以没有点，不知道炸物如何，不会再去就是了。昨天晚上7.30的场，就没太多人哈哈不过开在西环，这个价格和味道 不是很匹配哈哈，嗯服务态度还可以的

今日去西營盤，經過細個時住嗰頭，發現開咗好多新嘅食肆小店，其中一間係日式居酒屋，入面播緊似係懷舊日本嘅音樂同歌曲，吸引咗我同老公去試下。入面裝修望落都好日本居酒屋feel，店員好熱情同我哋介紹唔同類型嘅嘢食仲有happy hour串燒套餐。店員話之後店舖嘅Menu會換新嘅。我哋叫咗啲店員介紹嘅小食之外，另外點咗一個三文魚親子丼。日式雞軟骨餃子（5隻） $58 送上枱時老闆娘叫我地唔好等，要趁熱食先卜卜脆。果然真係好脆，餡料入邊嘅雞軟骨好有細，咬落有口感之餘又唔會哽牙，味道都唔錯。燒豆腐魚餅$48魚餅燒得金黃色，豆腐唔散，入口有鮮魚味，又滑，又唔油，食完一塊仲想食。火炙雙色芝士三文魚卷(4件）$88三文魚夾響飯入面，飯上面再加火炙三文魚同魚子連金箔，仲有車打芝士絲，同埋疑似係水牛芝士絲芝士同沙律醬，好大件。火炙芝士濃郁，連同三文魚一齊食，呢個價錢有四件，好味又抵食。厚切三文魚親子丼$168有4塊勁大又厚三文魚腩，食落好有滿足感，另外呢個當有蟹柳同甜蛋，上面再加大量三文魚籽，絕對唔馬虎，好新鮮之餘，大件夾抵食。壽司飯口感亦唔錯，唔會太凍，溫度剛好，再加上有啲青瓜絲同芝麻一齊食，零舍香及爽口

日本居酒居，近西營盤站，交通方便。Happy hour 1800-2030黎食有兩個抵既組合有3x串燒(5選3)+一杯suntory beer$98Or 5x串燒+自選300ml酒$328揀咗3串，波子提豚肉卷，真係包住粒波子，咬落酸酸甜甜，帆立貝厚肉，仲有牛舌尖，唔飲啤酒都可以揀其他飲品。另外叫咗蘆筍豚肉卷$48，爽脆。蒲燒鰻魚飯$148，兩大塊鰻魚，配上鰻魚汁同珍珠米。燒芝士魚餅，芝士濃濃，一定係熱食最好。甜點4粒原味蕨餅。