KITCHEN

營業中

休息中

正價食，因為時間趕，算。一年前食過唔錯，今次食真失望，除左隻凍波蝦之外，其他真係好求其，尤其印度菜同川菜位，食品款式少，口味差，冇寫過食評，忍唔住寫一下，希望主理改善一下，侍應仲係唔識廣東話＆普通話，唔明你想個市場定位在咩人身上，目視只全場只有兩個外國人，共他都係華人，點解咁唔人性化？

@Kitchen今日同老爸去食自助餐,去咗位於圓方W Hotel, 從柯士甸站行咗10-15分鐘過嚟,入口有啲神秘（在LV附近）從門口reception到入面嘅侍應都相當有禮,環境舒服,企理,收碟迅速#海鮮蝦,翡翠螺,麵包蟹和青口蝦->肉彈,新鮮蟹->多膏,肉質ok翡翠螺,青口一般#熱盤叉燒->好韌澳洲西冷扒->好意外做得好,熟度啱啱好,有肉味,肉汁燒雞->肉嫩濃汁三文魚配薑葱莎莎醬->略甜左d片皮鴨->皮太厚,肉太少豬肋條->醬汁吾錯,不過肉唔夠淋#刺身三文魚->肥美#甜品麵包布甸->焦糖面,吾太甜栗子蛋糕->吾太甜葡撻->吾甜,酥皮脆,微蛋香總结,凍海鮮和西冷扒最出色,甜品選擇吾算多,但以買一送一嘅價錢,又可以望住個海景用餐,性價比高,老爸都好滿意,會再來光顧

之前買咗kk day券食lunch buffet，我第一次去呢間酒店，之前從來無去過我同家人二人行，11:50am多啲去到6/F Kitchen餐廳門口排隊，睇吓有冇得入去坐陣，等到12:00出去夾嘢食，點知接待處個小姐一開口就講英文，佢真係假設所有客人都識得講英文嗎？雖然我係識，但個職員話搭正12點先開始登記，但我後面已經排左10幾20人，個個都問同一個問題可唔可以預先入去坐低，個職員就不斷話12點先開始登記，搞到成條人龍嘅人客，再重新排過一次隊，真係超級冇效率如果係搭正12點先開始登記，好心就寫個牌寫明啦，搞到浪費人力同雙方的時間。入座後，完全無職員同我地講餐廳的設計佈局同洗手間的位置，洗手間位置好隱蔽，指示牌也非常不清晰可見！見樓面嘅職員，有好多都係唔識講廣東話，都係講國語或者英文，食嘢嘅過程就冇乜點直接接觸啲職員，見到有枝比客斟嘅果汁，無寫係咩，我用廣東話問餐廳職員，佢同我講英文Lemon Juice,仲要唔純正嘅英文但餐廳設計有啲奇怪，每次出去拎嘢食，都要行一條有弧度嘅長走廊，再行幾級樓梯，對於行到唔係好方便嘅人嚟講，真係幾麻煩。海鮮嘅種類好cheap, 熱盤估唔到唔係環球美

太大意了訂座前沒有致電酒店取menu看因為是慶祝晚餐預期中的麵包蟹,燉湯和鵝肝當晚卻沒有供應詢問職員答案只是menu轉了逢星期五至日有生蠔便沒有其他三種食物難以置信是這樣呵我看了很多資料精挑細選的呵失望趕緊收拾心情餐廳環境好 裝潢氣氛夠chillfree flow紅白酒的質素不錯凍龍蝦美味是意料之外生蠔新鮮蟹腳肉質okay但有點咸當晚龍蝦鉗也鮮美網頁description沒有註明原來五月是四川主題熱葷種類和風味尚算錯有各式肉類和海鮮小菜香辣惹味有靈魂主題轉了人氣班蘭葡撻傳統cheesecake, brownie, tiramisu都沒有供應earl grey巴斯克味道亦一般可幸問過小廚師他替我們找來了HD士多啤梨和朱古力雪糕當晚有4款味道供應可是未到9時已只剩兩款服務方面感受有點參差request了生日小蛋糕有適時送來不完美可接受整體上食物選材和味道其實不錯只是有點此料不及 四川主題已做了兩個月我看已經有更多菜單資料和照片可參考

W Hotel KITCHEN限時推出左四川主題自助午餐，鐘意食辣真係要試下！✨除咗四川菜, 點少得海鮮放題!，麵包蟹、藍青口、熟蝦和海螺無限供應，還有好厚切的魚生，讓人倍感滿足！🍤這場火辣的四川盛宴更為賓客呈獻各款香辣川菜，涼菜方面更是完美詮釋「一菜一格」的烹飪哲學。「樂山缽缽雞」將鮮嫩雞肉串浸泡於數十種草本香料調製的秘製湯底，冰鎮上桌，清爽中盡顯川菜的層次豐富，完美展現「麻辣鮮香」的精髓。口水雞滑嫩無比，酸菜魚味道極佳，辣子雞更是香氣四溢，令人難以抗拒！🔥最為驚艷的是甜品選擇超多選擇，賣相勁吸引！我特別喜愛黑芝麻豆腐蛋糕，口感極其香滑。此外，藍莓酸奶清新可口，仲有熱騰騰的千層葡撻及菠蘿包！🍰🥐

好抵食 dinner buffet $400幾一位W hotel ! 環境靚，服務好，有龍蝦，蠔！正！ 開心！d蠔好新鮮，但龍蝦就淡左d,不過長腳蟹同龍蝦鉗都夠味同有鮮味✌🏻抵到爛Happy happy happy

藉住另一半生日，特意揀咗W Hotel嘅Kitchen 食lunch buffet慶祝。响Klook度訂，2人價連加一$1166，雖然唔係特別平，但我覺得可以接受。最吸引我嘅地方係有得任飲白酒同氣泡酒，雖然唔係咩值錢嘢，但感覺上都抵咗。食物質素中上，雖然款式唔算太多。lunch buffet 有任食生蠔，雖然係細隻啲，但味道都唔錯。冷盤除咗生蠔外，仲有雪蟹腳、麵包蟹、蜆、藍青口、熟蝦、海螺、小龍蝦等基本嘅食材，刺身亦都新鮮，但款式唔算太多好在係自己夾唔使等配給。芝士就亦比較少，得3款，望落去個樣麻麻地咁，所以冇食到。熟食方面比較聯合國，我幾鍾意佢個燒腩仔，皮夠勁脆，肉又唔會太肥；口水雞呢個好食，有四川嘅麻辣，雞嘅肉質亦夠滑；佢有個三文魚配莎莎醬個味道有啲奇怪，有啲似加咗豉油嘅蒸鯇魚；另外一個什麼手工意粉味道麻麻，食咗兩粒就放棄咗佢。湯水有兩種，我揀咗中湯，但味道同茶記嘅例湯有啲似，呢個有啲失望。甜品方面反而比較平均，特別係桂花糕同西米布甸都好出色。另外仲有任食嘅Häagen-Dazs雪糕，可惜肚嘅容量太少，最後都係冇食到。始終場唔算好大，食物嘅選擇唔算話太多，對我嚟講係中上，未算太出色

之前經常聽聞W Hotel buffet 有幾正，終於一嘗滋味，今次因有家人生日，除享有折扣優惠外，更有蛋糕及紅酒送。由於種類繁多，享用唔曬所有款式~1. 生蠔 - 夠大隻新鮮、熟蝦- 大隻夠爽口、蟹腳- 一剝就整條甩到出黎。2. 沙津幾出色，特別係香梨沙津，消滯開胃3. 刺身款式唔多，質素都一般4. 熱盤好壞參半，乳豬件冇揾射燈照住，好快個皮就唔脆。4.1 蜜汁燒金沙骨感覺新鮮幾好食4.2 咖哩蟹個汁幾正，肉質都入到味4.3 鹹蛋黃炸蝦好香4.4 羊腩炆得幾冧4.5 蒸原條海斑(最搶手)，肉質滑嫩，烹調時間剛好，可惜肚仔有限，每樣不能食太多。5. 甜品/生果：三個口味嘅Häagen-Dazs雪糕，同埋有好多各類不同嘅甜品，味道高質、外型設計討好及甜度適中，最欣賞係巴斯克芝士蛋糕、香草醬麵包布丁、紅莓子夾心蛋糕。生果種類都多，更有士多啤梨藍莓。6. 其他飲品：汽水、橙汁、餐前酒、紅白酒、咖啡奶茶任添任飲。整體服務幾好，收碟效率都幾快(20:00前)，如果刺身多幾款、乳豬件加盞保溫燈會更好。

之前小弟生日，貼心嘅女友就預約咗呢一間自助餐同我慶祝。星期日夜晚，基本上全場爆滿，入面環境衛生格調都唔錯，兼且我哋幸運地有窗邊位坐，望住西九文化區同西九龍避風塘嘅開揚景觀，能見到好嘅時候最遠可以望到昂船洲大橋，非常寫意。基本上6:00就可以入座， 9:00 last order， 9:30就要離座，可以食得好寫意，完全冇時間壓力。食物嘅種類都算唔錯。海鮮嚟講就有生蠔、雪蟹、翡翠螺、蜆、蝦、青口、龍蝦仔、加州卷、三文魚、吞拿魚、甜蝦，啲生蠔水準算唔錯，不過翡翠螺同蜆就好麻麻哋，至於刺身我亦都覺得係偏少。熱盤方面就有唔少嘅中菜，例如燒味、港式點心、有啲飯同例湯，亦都會有一啲印度小菜食，另外有啲牛肩肉同埋孜然羊架，不過我嫌兩者太油膩。冷盤方面就會有傳統嘅Cold cut、palma ham、芝士，亦都有啲中式嘅冷盤例如涼拌魚皮同埋海蜇。沙律都會有幾款，生果選擇就唔多，都係傳統嘅提子、車厘、杏、西、哈密、菠蘿。甜品方面有三個口味嘅Häagen-Dazs雪糕，同埋有好多唔同嘅甜品，例如葡撻、自製棉花糖、朱古力蛋糕等等。我個人就推薦個檸檬果凍，因為都幾開胃消滯。飲品方面，有酒精類同非酒精類，酒精類

午餐我都叫做比左4舊（3個人去, $1200埋單)選擇太少, 好伏既一個自助餐, 其中有兩個dish都係蘿蔔牛腩, 一個韓式, 一個中式海鮮類居然一隻長腳蟹都冇, 麵包蟹極度唔新鮮, 似雪左好耐熱食有3碟都係斬料, 切雞, 义燒, 燒肉, 大佬呀, 個廚有冇諗過人地上黎食自助餐係想食d乜, 將心比己啦（好冇誠意) .... 在場仲要有個馬來西亞藉既男食客用手揸過晒全籃麵包, 果刻冇職員睇到, 係我去同職員投訴叫佢哋換過曬啲麵包, 當然攞到入廚房有冇換我就唔知喇已blacklisted左此餐廳, 有朋友去試絕對會阻止！

和同事一行五人滿心期待的來吃Dinner自助餐。一去到餐廳沒有接待員，我們要自己行入大廳找接待員出來幫我們。急不及待開餐。首先吃海鮮，發覺沒有生蠔。已經有點失望。海鮮都是普通野有龍蝦，蝦，青口，翡翠螺，長腳蟹。味道正常水準，但翡翠螺很多沙，吃了一口吃不下去，要吐出來。刺身方面，竟然沒有帶子!!嚴重扣分!只有三文魚，吞拿魚，和另外一兩款魚類。吞拿魚鞋的，不是入口即融那款高檔貨。普普通通。肉扒方面只有牛扒，沒有其他。自助餐通常都有兩至三款肉類。熱盤全部都是普普通通野，冇任何驚喜。在沙律區有一盤醉雞，我第一次吃醉雞是完全沒有酒味的，基本上是完全沒有味道。十分滑稽。有一款限時供應的燉湯，入面有花膠鮑魚都幾好飲，但只係推出過一次，不是任拎。甜品方面都係啲普通蛋糕仔，有個斑蘭蛋撻都幾好。但係其他自助餐都會有人整Waffle, 雞蛋仔之類，又或一些特別即制甜品，呢度係完全冇!! 亦都冇中式糖水。成個自助餐都冇一些特色食品，例如片皮鴨，鵝肝多士之類，呢度亦都係完全冇!!總括而言，若非有很吸引的優惠例如半價，奉勸大家不用來。這個價錢，這個級數，有大量更好的選擇。

每年聖誕節都會同老婆食自助餐, 不過今年25號同26號差左三舊水一位, 所以老婆話遲一日先去食咁26號去到酒店, 老實講我自己係第一次黎呢度, 感覺上交通唔算方便6點鐘開始入場, 地方大, 企理乾淨冷盤魚生: 生文魚/希靈魚/吞拿魚一般有既都有, 新鮮無大問題, 反而有甜墨魚仔算驚喜海鮮:生烚龍蝦/翠螺/海蝦, 不過無生蠔, 其他都亦不失熟盤: 近幾年自助餐中, 以呢間熱盤最多選擇1. 居然有花膠鵝掌, 我食左幾塊花膠, 淋但唔夠入味, 鵝掌就OK 2. 紅咖喱羊真心唔錯, 咖喱都幾地道, 其實真正印度紅咖喱反而有陣我地接受唔到既香料怪味, 但呢盤就無3. 蒸石班無腥, 而且當出就遇上, 佷左個魚翅位, 骨膠好正4. 鵝肝多士好好味, 塊多士唔厚, 但唔敢食太多5. 炒蟹, 正常貨色6. 青豆帶子炒龍蝦鉗, 我幾欣賞個帶子, 炒得好香7. 蒜溶烤蠔, 食左一隻咁大把, 其實唔關佢地事, 係我始終偏向生蠔8. 釀龍蝦, 用芝士, 磨菇, 蟹子釀得幾香, 屬於高人氣搶手貨9. 牛尾牛脷, 砵酒燜得好淋同入味, 食左兩塊牛尾10. 羊仔脾, 細左D, 但都係正正常常11. 牛仔脾, 唔得,

因為公司團隊聚餐，所以揀左W hotel 食自助餐還以為會比較高尚的餐廳但睇餐廳相片及視頻食評已覺得沒太大期望因為沒有提供生蠔還諗住算比較高級的buffet 會有生蠔的呢其實熱食種類都比較少味道亦都一般比較可取的是有龍蝦供應但絕對不是彈牙的口感焗蠔都比較差蠔身很細不鮮仲有點鞋身 有點失望另外定點時間有鵝肝多士同花膠燉湯供排隊取但鵝肝又是非常失望 不香口不creamy 甜品亦不太吸引服務是ok的 還有任飲紅酒白酒但如果再食自助餐一定不會選擇這間確實沒有記憶點畢竟都不是相宜的價錢

今次老公生日，食左lunch buffet，人均$390，去到好好彩，被安排坐近玻璃位置，可以一邊欣賞海景一邊食！食物方面：沙律菜新鮮正常發揮，火腿&煙三文魚味道不錯海鮮類有麵包蟹、海螺、蝦、小龍蝦…雖然冇長腳蟹，但勝在新鮮。熟食方便選擇唔算太多，不過不失啦，值得一提反而燒味又做得唔錯喎！刺身十分新鮮，雖然選擇不多，但可以隨意自己夾甜品方面，除咗有雪糕之外，大約10種不同嘅蛋糕選擇，另外仲有泰式甜品、葡撻等不同國家既種類，重要嘅事講三次，葡撻真係超級正，記得留肚食飲品方面非酒精飲品任飲綜合各種方面，以人均$390呢個價錢，我覺得值得一試😋

都多少年沒有來 Kitchen 食自助餐了。從前都是來吃自助晚餐的，今日是請了一天假，輕輕鬆鬆來食自助午餐。甫踏進餐廳，就發現是日雖然是平日，但餐廳都爆滿，自從香港飲食業不景氣，很久沒有在食肆見過這樣熱鬧的情景，原來是因為有網上訂購的特別優惠。自助餐的食物款式相當豐富：有各式冷盤海鮮包括：麵包蟹、海蝦、小龍蝦、東風螺及蜆等。魚生都算應有盡有：吞拿魚、三文魚，希靈魚、蟹籽、蒜味螺、墨魚仔等。再來是西式、泰式沙律、各式冷盤火腿、雜果仁等。熱薰涵蓋中西各式佳餚。甜品有多款口味的瑞士卷，不過最吸引本座的當然是杯裝Häagen-Dazs雪糕。總括而言，食物質素和款式都是中上，起碼新鮮、味道 OK又補給充足。餐廳是食物區和用餐區分開，要讚的是餐廳環境舒適寬敞，一列大玻璃窗，除了將海景映入眼簾，還使光線充足，坐在這裏用餐，十分閑適愜意，加上鄰近鐵路站及高級商場，交通方便又可逛街消閒，非常適合一家大小或良朋知己共聚。認真，如果正常價來食這個自助午餐，就有點偏貴。但是，如果有網上優惠或像我今次用上酒店會員優惠，那性價比就超值了。