影片
更多
2025-03-03
448 瀏覽
之前小弟生日，貼心嘅女友就預約咗呢一間自助餐同我慶祝。星期日夜晚，基本上全場爆滿，入面環境衛生格調都唔錯，兼且我哋幸運地有窗邊位坐，望住西九文化區同西九龍避風塘嘅開揚景觀，能見到好嘅時候最遠可以望到昂船洲大橋，非常寫意。基本上6:00就可以入座， 9:00 last order， 9:30就要離座，可以食得好寫意，完全冇時間壓力。食物嘅種類都算唔錯。海鮮嚟講就有生蠔、雪蟹、翡翠螺、蜆、蝦、青口、龍蝦仔、加州卷、三文魚、吞拿魚、甜蝦，啲生蠔水準算唔錯，不過翡翠螺同蜆就好麻麻哋，至於刺身我亦都覺得係偏少。熱盤方面就有唔少嘅中菜，例如燒味、港式點心、有啲飯同例湯，亦都會有一啲印度小菜食，另外有啲牛肩肉同埋孜然羊架，不過我嫌兩者太油膩。冷盤方面就會有傳統嘅Cold cut、palma ham、芝士，亦都有啲中式嘅冷盤例如涼拌魚皮同埋海蜇。沙律都會有幾款，生果選擇就唔多，都係傳統嘅提子、車厘、杏、西、哈密、菠蘿。甜品方面有三個口味嘅Häagen-Dazs雪糕，同埋有好多唔同嘅甜品，例如葡撻、自製棉花糖、朱古力蛋糕等等。我個人就推薦個檸檬果凍，因為都幾開胃消滯。飲品方面，有酒精類同非酒精類，酒精類
星期日夜晚，基本上全場爆滿，入面環境衛生格調都唔錯，兼且我哋幸運地有窗邊位坐，望住西九文化區同西九龍避風塘嘅開揚景觀，能見到好嘅時候最遠可以望到昂船洲大橋，非常寫意。基本上6:00就可以入座， 9:00 last order， 9:30就要離座，可以食得好寫意，完全冇時間壓力。
食物嘅種類都算唔錯。海鮮嚟講就有生蠔、雪蟹、翡翠螺、蜆、蝦、青口、龍蝦仔、加州卷、三文魚、吞拿魚、甜蝦，啲生蠔水準算唔錯，不過翡翠螺同蜆就好麻麻哋，至於刺身我亦都覺得係偏少。
熱盤方面就有唔少嘅中菜，例如燒味、港式點心、有啲飯同例湯，亦都會有一啲印度小菜食，另外有啲牛肩肉同埋孜然羊架，不過我嫌兩者太油膩。
冷盤方面就會有傳統嘅Cold cut、palma ham、芝士，亦都有啲中式嘅冷盤例如涼拌魚皮同埋海蜇。
沙律都會有幾款，生果選擇就唔多，都係傳統嘅提子、車厘、杏、西、哈密、菠蘿。甜品方面有三個口味嘅Häagen-Dazs雪糕，同埋有好多唔同嘅甜品，例如葡撻、自製棉花糖、朱古力蛋糕等等。我個人就推薦個檸檬果凍，因為都幾開胃消滯。
飲品方面，有酒精類同非酒精類，酒精類就包括白酒同紅酒，當你差唔多飲完嘅時候侍應會幫你添加，非常貼心。
因為我女友有寫低係我生日，呢間餐廳仲會喺八點幾嘅時候有個驚喜嘅生日蛋糕俾我，會有寫名同蠟燭，而個蛋糕係一個士多啤梨蛋糕。
整體嚟講食物質素唔錯，至於價錢我就評論唔到，因為係我女朋友預約嘅，所以我都唔知個價錢係點 😂
有少少美中不足嘅地方我順便講埋。第一就係基本上過咗八點之後啲食物就唔refill，同埋第二我覺得整體有啲Under Staff，有時啲食完嘅餐碟收唔切。
整體嚟講我都幾滿意，我個人會推薦。
張貼
