Hokahoka

營業中

休息中

今次同朋友無意中嚟到呢間位於尖沙咀嘅居酒屋食晚飯。一入到餐廳，真係以爲自己去左日本，因爲餐廳既裝修同佈置都充滿日本風情，除左一般座位之外，仲設有榻榻米座位。餐廳提供多款日本清酒，但係我同朋友都不勝酒力，所以只係叫咗4款食物，分別係日式燒餅、雞肉雜炊、刺身飯同天婦羅蕎麥麵。日式燒餅比較薄身，粉漿較少，椰菜仍然保持爽脆，醬料嘅分量剛剛好，所以味道鹹淡適中。雞肉雜炊其實即係雞肉粥，味道就比較清淡，但係用料豐富，有好多雞肉粒同冬菇粒，配埋腌菜同腌蘿蔔一齊食，味道就剛剛好👌。我覺得刺身飯係最好味嘅！因爲有好多款唔同既魚生(有三文魚、八爪魚、魷魚、帶子、蝦、吞拿魚腩等)，而且味道非常鮮甜，魚生下面既醋飯粒粒分明、軟硬適中，味道帶微酸，所以食得多都唔會覺得太膩。天婦羅蕎麥麵亦同樣出色！天婦羅粉漿夠薄，炸得香脆，蕎麥麵配上冷麵汁、鵪鶉蛋汁、wasabi同葱花一齊食，感覺非常清新！另外，值得一讚嘅係服務員態度非常親切有禮，所以令食客更加有恍如置身日本嘅感覺哦~

點了串燒，烏冬，沙律等食物，價錢在尖沙咀區不算貴，食物也好吃，當中的雞肉串更帶驚喜。來這裡當然是為了要喝清酒。清酒選擇很多，雖不能按杯裝點，但300ml裝也有不少選擇。點了あさ開 大吟醸，辛口, 中後段帶少許微甘，淡旨味。易入口，酒體不豐厚也不淡薄，配撘淡至中度濃味食物如串燒極佳。あさ開 大吟醸株式会社あさ開產地 岩手県盛岡市使用米 日本產米精米歩合 50%酵母 --Alc 15%日本酒度 --酸度 --飲用時温度 冷飲

興起想食日本料理，聽講話呢間好多日本人都會光顧，所以就黎試下野食係唔係真係甘有日本風味先~呢間lunch有好多唔同既選擇，有定食、壽司、刺身、蕎麥麵、烏冬、拉麵、咖哩、丼。定食亦有每日限定定食。今次叫左網燒牛肉定食。好豐富呀！！！有前菜，湯，醃菜。前菜一D都唔馬虎，份量都幾多，每種蔬菜都好新鮮，好清甜！牛肉軟滑唔韌！！！ 牛肉旁邊有些蔬菜，所以食落唔會好肥膩。感覺上成個定食好健康，有肉有菜好balance。

Hokahoka於尖沙嘴區東部多年，平日午餐時段一定很多人，如果一大班人最好電話訂位及落定order，可以慳好多時間，黎到即刻有得食。最愛他的榻榻米區，充滿日式建築風格！午餐定食選多不勝數，有壽司、魚生、炸物、煮物！還有日替，每天不同！價格大約一百元左右，非常合理！食物勝在夠新鮮！

經過一個星期的勞累工作，周末約了朋友吃飯減壓。這家位於好時中心的餐廳裝潢頗有日本風情，侍應有禮，服務貼心，當然，到餐廳吃飯，最重要的是食物質素。我們點了酒盜芝士和汁煮蘿蔔𩶘魚和大蝦天婦羅作下酒菜，酒至半酣，吃了溫泉蛋沙律，再點一碗魚生飯和卷物作結。魚生飯份量豐足，而且用料新鮮，卷物切口平整，一望而知壽司師傅功力不俗。下酒菜中除了汁煮蘿蔔𩶘魚味道太甜之外，其餘食物的質素都令人滿意。這家餐廳自外表看來無甚特別，但不論食物還是服務都相當不錯，是朋友喝酒聊天的好地方！

星期五晚上突然約朋友食飯，佢指明要去尖東，惟有上OpenRice search 下，見到呢間餐廳，又記得屋企人試過話正，7點先打電話去訂8點，竟然有位，非常好彩同意外。餐廳係傳統日式格局，我地兩個被安排坐褟褟米，枱下有位放腳，無需蹺腳。因為出面太熱，先叫杯梅酒同calpris soda解熱，兩杯飲品味道剛好，唔會太甜太淡。食物叫咗三色丼，$170，價錢算合理，海膽唔算鮮甜但夠滑，三文魚子夠彈口汁多，碎吞拿魚亦幾香口。之後叫咗明太子茶漬飯，味濃三文魚子幾配淡口茶漬飯。仲有燒飯團，上枱先知叫咗咁多飯，燒得香但裡面無餡，可以飲啖附送嘅麵鼓湯令口無咁淡，因為我地又叫咗明太子雞翼，我用部分明太子送飯團。明太子雞翼燒得適中，裡面啖啖明太子。仲有叫咗燒牛舌，一份兩串，牛舌大大片，仲要好彈牙，正。兩個人食咗咁多都係每人$280，又坐得舒服，食物水準唔錯，會再來。

HokaHoka 在尖東多年。多年前去過晚餐，今次同學約午餐在那裡就再次光顧。記憶中晚餐不太便宜。倒是今次去100元一位不錯喔!還是充滿日式風情，日本客看來也不少。點了一個Bento, 一個Hoka Hoka set. Bento盒上加蒸蛋加miso soup. 刺身，燒魚，2隻炸蝦，牛肉丼蠻豐富的。前菜酸豆芽不是我杯茶。Hoka Hoka 套餐和Bento 不同是散碟上的。也有刺身，天婦羅(1蝦和菜)，卷蛋，炸薯仔餅配白飯和味噌湯。一样的前菜，加酸蘿蔔酸酸的爽脆。整體水準不錯，大概75~80分。卷蛋和炸薯仔餅最地道，其他比一般好一點。唯一問題是空調有點熱。

係我字典裡日本餐分3種，一種係連鎖式壽司，一種係廚師發板高級料理，一種係純正日本人操刀的日本餐⋯今日一行六人，朋友介紹黎到呢間日本人操刀的日本料理，本身都無抱太大期望因為位置加上鋪頭裝修都係舊式（所以食物相都唔係影太多）但係食完之後都忍唔住要讚下佢以下幾個菜式去到坐低驚見Sake選擇真係好多！我哋嗌咗東夏秋雪700ml（3百幾左右）餐廳入邊好多純正日本人食，應該都唔會差頭盤有呢隻芝士小碟，望落似豆腐，食落好rich，配合埋佢自家製的醬汁，口感一流而最令人驚喜的就是這個明太子，入口即溶，配合青瓜口感好正，係咁多個頭盤中我的最愛依個芝士餅的物體（唔記得咩名）好正架，你到嘅時候熱辣辣，配合紫菜一塊GAP住一舊，芝士中間係熱辣辣溶緊嘅感覺這個吞拿魚mixture都係要配合紫菜一齊食，中間配合芝麻口感啱啱好（雖然我本身唔係吞拿魚愛好者，都食得出鮮味） 成晚仲帶咗好多唔同嘅小食，佢嘅湯飯都唔錯不過冇影相。好適合一班人坐埋一齊傾計食嘢飲酒食小食，推介推介！

人哋話呢間日本野幾好食.....價錢又幾平....所以膽粗粗找來試吓......坦白講...... 淨係睇門面有種感覺入親去消費起碼四舊水一位......不過朋友話唔使.....仲要味道一流.....就入去試試唔知點解......入到去又唔係好多人......淨係睇個餐牌其實又唔係好貴姐點左呢個餐.....其實食落去個口感同普通日本餐廳都係差唔多.....冇乜特別好吸引嘅口味.....可能我嗌錯餐啊...... 如果叫其他餐可能有特別驚喜😊😊😊

三千煩惱絲，剪不斷，理還亂；剪掉三吋頭髮，希望煩惱伴隨落髮一同離我而去。周五晚上八時多踏出理髮店，獨個兒漫無目的在尖沙咀遊盪，剛巧碰上附近聖誕裝飾亮燈，紅紅綠綠甚有節日氣氛，想起小時父母每逢佳節一定會帶我們出去湊湊熱鬧，是一段無憂快樂的回憶。未想到吃什麼做什麼，此時男友好心的說出來陪我晚餐，也好，有個伴顯得沒那孤單。和他會合後見時間不早，決定吃選擇相對彈性的日本菜，這店是之前同事介紹的，一直收進口袋，終能試試。除了多年前吃過一次那有名的沙爹外， 好時中心給我的印象也很模糊，只見一間間毫不起眼的西裝店、時裝店，沒有熟悉的名字、沒有大公司的氣派，裝潢仍停留在九零年代的格局，一切彷彿從未走進過時代巨輪。 剛看過深夜食堂2，電影裡訴說著一個個光顧的客人他那與別不同的背景和故事；而今天來到HokaHoka，聽著夾雜著日文廣東話的閒談聲歡笑聲此起彼落，有一刻覺得自己也很像電影裡的其中一員，同為生活努力打拼。 小鉢 $20@x2和一般的居酒屋一樣，一坐下店員便為我們奉上小砵，是日遇到的以菠菜、蟹肉和油揚合成，口味清新。 刺身松(七品) $480男友說星期五要吃得好一點，見他工作辛苦也無異議，遂點個刺

今日約左d大學同學食飯，要搵間坐得舒服d既餐廳，加上大家都鐘意食日本野，所以就試下呢間朋友推薦既hokahka,我地先叫左刺身併盤（太肚餓唔記得影相），油甘魚同左口魚都好甜好新鮮，特別推介係D揚物，炸墨魚咀最正！脆得黎又唔油，總之服務同食物都一流

我喜愛吃日本餐，因為不油膩,食後冇咁罪惡感。今日呢款三色井有海膽，吞拿鱼腩tartar,仲有我至愛的三文魚子。食材新鮮，份量十足，仲有喬麥麵一套餐的，店員說這是份量小的，只付113元已有齊上等嘅食材，超值

Hokahoka對我來說有特別意義, 他見証了我近幾年在職場上的歲月, 每次來吃都跟工作有點關連, 第一次隨當時的公司來是忘年會的二次會,。然後轉工作後因公司就在附近, 所以可經常到這吃午餐。到這次是跟要離職的同事晚餐, 每次來都有不同滋味。記得首次來光顧覺得像在日本的居酒屋, 不知是因為有日本人在的關係,來招呼的店員都會說日語, 很利害。這次因沒有訂座, 只可坐到吧枱位置, 正中我下懷, 喜歡剛處理好的料理立刻可放到面前的感覺, 好像特別新鮮。坐下來後店員先給每人一個前菜, 有蟹肉, 蟹子跟菠菜的冷盤, 很開胃。 同事愛喝酒, 生啤當然要配上串燒才爽。可惜這雞肉串($28/1串)並不出色, 在日本吃到的都是小小一串, 會把雞肉跟軟骨刴碎再混合, 但這裡的很大一串, 又沒吃到軟骨, 反而吃到應雞胸肉的筋, 咬不斷只好吐出來。還有是沒有付上生的鵪鶉蛋, 我們猜是因為怕多細菌吧。還好味道跟醬汁也不錯, 只是燒得皮不夠脆, 整體只屬一般。今天跟雞有仇, 再來點了炸雞, 雞肉又是超大的一塊, 是平時吃的2倍大少, 這樣做是為迎合香港愛抵食夾大件的心態嗎? 還好這樣大的一塊雞炸得剛好, 不會過熟

人生有個日本通嘅好朋友真係真不錯！話說工作狂嘅我其實真係唔係好知出面有咩係好食嘅。只係隨意撞入去，好彩就搵到好食嘅嘢，唔好彩咪上緊鬧兩句囉。但我呢位女性朋友呢，的確係日本通，對食物非常有要求，所以佢先知道邊度有好日本嘢食嘅。今日佢又帶我呢個鄉下仔出城。你到呢間尖沙咀有他他me嘅日本菜嗰度食下野。由於我哋五點幾未夠六點就去到，所以就那那林搵咗個靚位嚟坐啦。隔離左右呢都未有人。其實你話坐地下，我真係嚇到鼻哥窿都冇肉！因為我已經係三張幾嘅「老人家」嚟架啦嗎。腰骨已經硬硬地。已經好容易又腰骨痛，仲係坐地下幾個鐘頭。不過呢個他me原來係有leg room嘅,當堂安樂晒服務生都唔係幾理我地叫D乜嘢呢，waiter已經放低晒啲前菜同埋餐具。前菜係啲豆腐加一啲日本嘅豆呀咁樣整成。其實已經好開胃，好好味。我個朋友仔絕對係有主見，又好知道要食乜嘢嘅人，所以我就交比佢發板啦。先來一個南瓜沙律非常之清新又creamy.再來一個前菜日式葉蘿蔔。酸微微好開胃又爽口好鬼正！再來一個豆瓣醬青瓜。都係開胃清新夏日好啱食嘅前菜。跟住重口味嘅嘢就嚟啦。呢個燒牛舌是串燒係好惹味、香濃、肉質爽口。一不離二：就係「燒雞翼、我鍾意

尖咀大商場食到厭，行去尖東醒起呢間，二話不說就入左去。自從尖咀發展由尖東改為尖咀大商場一帶，尖東變得好靜，但有幾間成立多年又默默耕耘既日本餐廳，其中呢間係筆者特別喜歡的。可能係復活節長假關係，無幾多枱人食咋喎。首先係前菜(好似要收費), 辣芽菜青瓜絲，正正常常咁啦！筆者最愛既雜錦魚生飯黎喇 早兩年黎親都必叫的，水準保持到呀！ 吞拿最正，有toro入口即溶既感覺，三文，油甘好香， 飯夠黏但保持粒粒實淨既咬感， 撈左醋味酸甜恰好，必食推介！串燒拼盆好靚呀 牛舌最正，香口彈牙，令人想食多幾串添！鳥皮好脆 納豆卷呢，筆者不喜但也不厭惡，納豆沒有異味，算不錯吧！牛油露筍，香而不膩餃子看似簡單，但要做得好都唔易架！呢道味道不俗但皮邊有稍稍硬，有改善空間薯仔煮牛肉，甜甜既醬油味，完全係預期中既住家味道！有時去居酒屋就係想食呢種感覺，一大班朋友梗係要啤酒串燒炸物啦，但靜靜地就會想食d舒服既食物。。。 老實說味道唔算好特別，但食得舒適開心就得啦！唯一意見同香港大部分餐廳一樣，都係服務啦 香港地食野，好多時衰係服務一環，早年黎食已經覺得服務普普通通，今次食好似换左一批員工，比以前更木口木面 唔係唔禮貌