自從搬咗去港看區之後，好耐無嚟過九龍城，今日難得嚟開附近，決定要去番一趟九龍城搵食，不過友人唔想食泰國嘢，揀下揀下就嚟咗浜淹。 想食嘅嘢有好多，得兩個人但大家都好放肆咁叫，先嚟灸燒半熟龍蝦，龍蝦睇落唔係好大隻，不過都厚肉，餐廳方面亦都燒得剛剛好，咬落爽口，無浪費咗隻龍蝦😂😂 另外都叫咗火灸平目魚邊同推介嘅池魚，池魚睇落顏色光澤夠新鮮，食落有新甜味👍🏻👍🏻至於平目魚上碟時見到好似一個洋蔥咁，有啲驚喜，平目魚亦都夠晒肥美，有醬汁下入口都唔覺太多油脂 另外亦叫咗碗黑蒜拉麵，看似平淡嘅一碗麵，但原來入面放了一粒石去保持湯底嘅熱度，令麵嘅湯度keep住夠熱，真心欣賞，當然麵嘅味道亦好好，但的確呢碗麵帶嚟驚喜 .....至於串燒亦好食，整餐飯大家都好滿意，食得好開心

新年前朋友仔聚會，雖然天氣好熱，之不過大家都二話不說話去打邊爐，我當然就舉腳贊成喇，油尖旺區有好多打邊爐店，上openrice search見呢間喜鍋好評都幾多，咁就造就我地去呢到試下喜鍋 入到嚟差唔多完全爆滿，即刻有信心保證，湯底方面我見到有好多選擇，個人當然想揀花膠鯊魚骨湯底滋補呀，但同行幾個fd喺咁話要清啲清啲，算喇，最終叫咗薯仔雜菜蕃茄湯底，好彩都好味，原材料煲唔酸 講到成晚最吸引嘅都係牛魔皇塔（$398），價錢睇落好似貴啲，但幾個朋友打邊爐必叫，其實牛方面份量都幾多，幾款牛都好新鮮有牛味，燙幾下入口滑口，好好食👍🏻👍🏻 另外響令好脆同大舊，就算一不小心燙耐咗都無咁快即刻淋，而黑豚肉亦好食，有豬味夠薄身，最緊要入口唔韌

周年紀念這個重要日子，得到他給我安排一餐法國菜，真係開心到爆，呢間法國餐廳位置上雖然唔係晌銅鑼灣中心點，不過勝在有佈置同裝飾搭夠，入到嚟已好有情調 先嚟頭盤，頭盤油封鴨腿，初初驚呢個頭盤好油，好快食飽，不過份量啱啱好之餘，廚師都好細心配上其他配料，中和鴨腿嘅油膩，但又無蓋過鴨腿本身啲味道，可見廚師嘅細心 湯我揀咗煙燻巴馬火腿蕃茄湯，蕃茄湯同煙燻味都好濃，加埋湯上碟時好夠熱，very gd 之後嘅配搭可以話一濃一淡味，濃嘅係講緊香煎鵝肝，先睇鵝肝嘅厚道已經非常滿足，每一啖入口都有濃厚嘅鵝肝味，另外再一次睇到廚師嘅細心，配上提子中和濃味，值得一讚 至於淡啲口味嘅係講緊焗智利海鱸魚，雖然睇落好似好乾身，但其實肉汁足夠，魚亦夠滑身，魚面上面配上豆蓉，估唔到兩樣嘢都幾match👍🏻👍🏻👍🏻 最重要係佢地知道我地慶祝周年紀念，好細心咁甜品上面加上恭賀字句，令呢一晚過得更難忘。

住喺將軍澳，成日都去tko gateway到買小食攞返屋企，亦都知道有呢間壽司店好耐，不過時間唔啱試唔到，難得今日因爲出街做嘢，5點繼就返到嚟tko, 趁呢個都要搵飯食嘅日子把握機會，入去嘆壽司。 一睇餐牌我已經mark緊兩款壽司，一個係海膽軍艦，先齋食一小口子嘅海膽，味道鮮甜，感覺係溶喺口到咁，加埋飯一啖食，海膽充滿晌個口到，好滿足 另一個叫咗嘅本鮪盛壽司組合，108四件吞拿魚壽司，真心覺得抵，吞拿魚分幾款唔同級數，最左邊最貴嘅脂肪比例較多，但入口好易咬口，同海膽一樣好有溶晌口嘅感覺，好好食 另外仲有叫到赤貝刺身同埋其他款壽司，每款味道都好鮮甜，證明材料新鮮，環境方面亦好乾淨，就算晌街市感覺都好舒服，下次會再偷機嚟幫襯

平時食韓國炸雞就食得多，烤雞真係第一次食，難得有幾個人，晌到試呢個大大份嘅新嘢就最好不過！ 入得嚟重頭戲當然就係叫雞食喇，今次叫咗果味蒜香烤雞+甜辛辣烤雞（$218）可以話有兩種唔同嘅味道，果味同蒜味夾埋都幾match, 無話邊個名特別搶咗另一種名，有啲意驚喜，至於另一款都係兩種唔同味，但論特別我就會揀新者 另外仲叫咗鐵板芝士韓式烤肉炒飯配醬燒豬肋骨（$143），芝士熱哄哄，先拉絲食正，再配搭埋飯，入口極濃芝士味，豬肋骨啲肉亦都唔韌, gdgdgd 另外仲有叫凱薩沙律，都幾大碟，菜爽鮮甜，如果再多啲芝士粉就好😂😂

平常大部份時間都晌將軍澳呢個社區生活，所以將軍澳好多間食嘢店鋪都有幫襯過，其中呢間cherry’s Tokyo cafe就成日食😂😂 今次兩個人嚟，一人叫咗一個主食，朋友叫咗蕃茄黑豚焗飯，個焗飯算係剛剛好，啲飯不太濕又無焗硬咗，至於黑豚食落有豬味，食材方面應該新鮮，無畀蕃茄蓋過晒 另外仲叫咗三文魚親子飯連麵豉湯，138蚊算合理價錢，份量方面都適中，當然最緊要啲刺身夠新鮮，整體算係水準之上 至於另外叫嘅蟹籽青瓜沙律，作為前菜亦唔錯，最終成餐同朋友都吃得好開心，會繼續幫襯😂😂

好耐未食過放題，可以話以年為單位，無計喇屋企環境有變.....適逢約咗人食飯，朋友話晌旺角行過拿到宣傳單張，感覺都幾抵呀，同埋咩時間上去計兩個鐘方便好多，就造就咗我參與久違了的放題夜晏 一上到嚟晌門口到望入去好多人，但好彩我地都係等咗5-10分鐘到就有位，環顧外面都幾多日式小食拿嚟食，八爪魚螺肉等，以及有咖哩魚蛋😂😂😂飲品選擇都多，仲見到有雪糕雪條，同其他放題相比無咩少咗種類 個人感覺刺身同壽司放題喺一定要叫，但主要睇啲材料新唔新鮮，味道方面好由本身入貨嘅材料決定，但如果想睇本身店鋪煮嘢食嘅質素，好像熟食會比較容易試到 其中我地有點到燒鰻魚、牛舌、雞軟骨、又有清酒煮蜆、忌廉焗帶子等，每樣味道都唔錯，入口方面有咬口唔韌，水準都唔差，大家都食得開心，之後可以再encore

老公是burger 迷！我早已陪他食匀港九新界嘅burger 店，今次嚟到牛頭角，事關友人响呢頭返工，發現一間巷弄小店，大家聚腳不妨一試！ 店面唔大，但佈置幾舒適，枱細細，三五知己圍埋傾偈，出奇親密！ 每個order 即叫即整，open kitchen飄出陣陣香味，令人食慾大增 價錢親民，款式唔欺場 都精心研究一輪先決定到 芝士肉醬配薯條唔會錯，欣賞薯條炸得外脆内軟，肉醬也很香濃，食到停唔到口 洋葱圈又係令人食唔停口！炸粉好薄，食入口一啲都唔腻！！ tropical moo 内有一菠蘿片，老公話同响另一burger 店最愛叫嘅signature burger 好像，但呢度價錢平三分一，而且味道更濃郁！ 我叫嘅sexy chick burger，雞肉微辣，煎得皮脆肉嫩，好juicy love it 總結呢度係一間親民，性價比極高嘅小店，值得多來支持

港島人好少入新界，今次由細到大住屯門嘅朋友仔邀請我入去玩，仲話安排好嘢食畀我，好啦去一次！去到先知係食蒸鍋，算佢有心啦！

鳳城集團估唔到已經打入新界，而且一入去都9成枱滿，睇嚟都有信心。叫咗個海鮮五層塔，食材都幾新鮮！打頭陣龍蝦好爽口，唔韌，蒸出嚟鮮甜，幾OK。龍躉都鮮甜，對比起龍蝦當然無咁爽，不過都好清新。到個人最喜歡的聖子，size幾大，一眼見到已經幾滿意，但可能我太貪心蒸耐咗，咬口多咗爽口感少咗，不過味道好清甜，中上水準。沙白蜆、蒸元貝就合格啦，總合而言最推薦龍蝦，無得輸。其他海鮮都新鮮鮮甜，值得一去！

香港地依家食嘢，好多錢都係畀晒去啲租金到，但嚟嘅野食份量就好細，同男仔朋友食飯，佢哋成日都食唔飽，之所以同佢哋去食嗰啲放題呀，任食打邊爐就最啱，正如今次揀咗好食大喜屋

食得放題，唔少得嘅當然就係刺身，大喜屋嚟講有好多款揀，仲有鮑魚片、蟹腳同埋劍魚腩，唔係間間都有，加上佢哋嘅厚度適中，入口有咬口，忍唔住encore又encore
壽司方面佢哋選擇都算可以，唔係話好特別，但勝在細細件，連埋個飯一齊食都唔會覺得好飽，而且材料幾新鮮 沙律一向係至愛，忍唔住帶子沙律同埋蟹子沙律都食，雖然唔係超特別，但兩款各有特色，沙律迷嘅我都係掃晒
另外炸物、燒物方面都有水準，有樣幾特別係有冬蔭公湯飲，當然就係泰國店咁酸咁辣，但飲落都唔錯，可以一試!