Hemma

營業中

休息中

西營盤Hemma蛋糕被稱最好的的巴斯克芝士蛋糕，終於有幸食到。堂食不設訂座，只能門外排隊等位。墨魚汁意粉麵條爽口煙韌，掛上醬汁鮮味十足。檸檬巴斯克芝士蛋糕檸檬醬以新鮮檸檬汁製成，蛋糕香滑，加上牛油餅底，酸香清新。雲呢拿巴斯克芝士蛋糕招牌口味，半熟軟心效果澎湃，口感幼滑，面層焦香，甜度適中。咖啡自選咖啡豆即製，咖啡味香濃。荔枝烏龍梳打酸酸甜甜，味道一流。

Bookmark咗一段時間嘅Hemma🍰今日特登黎試下～餐廳喺西營盤B2出口附近，平日11:00去到唔洗排隊直入，Minimum order為每人一杯飲品。入坐後要先去櫃枱落單同俾錢。1. Vanilla cheesecake ($62)選擇咗最basic嘅雲尼拿味試吓，蛋糕入面有雲尼拿籽，巴斯克蛋糕半生嘅質感分佈平均，如果試過自己整嘅話就知要焗到依個效果係好難～蛋糕唔會好甜剛剛好，食落帶淡淡cream cheese味～2.Lemonade ($58)梳打水加檸檬汁，飲品上面有嘅碎冰灑咗少少檸檬皮點綴🍋作為無茶不歡嘅人，本身想嗌茶飲但只有熱飲選擇，天氣熱所以揀咗依個～除咗食物質素，都好欣賞餐廳嘅songlist同環境！選用嘅餐具都好靚haha，隻蛋糕碟靚到想返屋企🤣🤍 但老實講食物同飲品定價偏進取，覺得飲品單價 ~ $40同蛋糕 ~$50 能令顧客易啲接受。主要係min. charge一杯飲品，加埋蛋糕overall價錢都幾令人卻步。希望餐廳收支平衡後可以回落食物同飲品嘅價錢啦～～

4點截單，2點幾攞飛，3點幾去到話下張枱就係，等到4點3，唔入去問，佢就唔會出嚟同你講入得，等唔落入去問佢話4點截咗單(態度悪劣)天氣咁熱等咗咁耐，唔係老奉受你氣😅😅😅落order態度差，叫人上去等態度又差，全程好似係嚟受氣咁，唔想做生意可以出聲。

為一呢個世一的Basque Cheesecake，我特登請左日假，平日早上去到11點零鐘，唔洗排隊，但只淨返兩個位，剛剛好我地兩個人。Vanilla Burnt Cheesecake: 呢間既burnt cheesecake主打流心既中間，都有一粒粒既雲呢拿係入面，食落淡淡既芝士香，好light唔會食一件就唔想再食既感覺Rum Raisin Brunt Cheesecake: 反而rum既味道唔太強烈，食落口同Vanilla Burnt Cheesecake好相似Hot Chocolate with Homemade Marshmallow: 本身自己都唔太好朱古力，但好多人都好推介，咁我就梗係要試下。第一次飲呢D咁濃既朱古力，睇個樣以為好甜好膩，但有surprise喎，係好濃既可可香好少少既苦～～～正

呢間想去勁耐！上網見人地話假日去要排好耐，難得有平日放假，即刻約埋男朋友一齊去！為免連平日都要排隊，我地一早未開門已經到左，所以好順利一開門就入得去食，然後瞬間坐滿哂人😳呢度最低消費係每人一杯飲品，所以無論叫幾多件cake都好，都一定要每人嗌一杯野飲，我地都叫左咖啡，去中和返蛋糕既甜蛋糕方面，叫左兩款，分別係Vanilla Burnt Cheesecake 同埋 Oreo Burnt Cheesecake😋Vanilla Burnt Cheesecake 好軟滑好creamy 既 Basque Cheesecake! 芝士味好突出，因為有加入雲呢拿籽既關係，雲呢拿既香味好柔和，甜度都恰到好處，好好味！😋Oreo Burnt Cheesecake 直程係我既最愛！味道比Vanilla Burnt Cheesecake甜，但唔會過膩，中間流心效果更加厲害！勁creamy！加埋我勁中意食Oreo, 食哂之後想即刻叫多個繼續食😂世一巴斯克蛋糕果然名不虛傳！

這間西營盤名店，除了出名號稱世一的Basque Cheesecake外，還有長長的排隊人龍。是日平日下午時間，遠處已看到一條約10人的人龍，看到店員忙過不停，靜心等待30mins左右即可入座，還可以接受吧！Vanilla Burnt Cheesecake $62除了最外層挺身外，中間比坊間我吃過的Basque Cheesecake更軟滑Creamy，芝士味道突出，隱約也看到雲呢拿籽，香味濃郁，甜度也恰到好處，不會過膩。整體也是一件高質出色的Basque Cheesecake。Hot Chocolate w/ Homemade Marshmallow $65每人最低消費要Order一杯飲品，比招牌Cheesecake還要貴的Hot Chocolate份量沒有預期的大方，但味道卻比Cheesecake還得歡心！濃郁度非常有誠意，就如濃縮了一排Dark Chocolate的質感，半溶燒焦的棉花糖除了為賣相加分外，也Balance了Dark Chocolate本身的苦味，這杯Hot Chocolate非常值得Encore！

呢間bookmark咗超耐🫶🏻久仰大名嘅Basque Cheesecake，身邊個個朋友食完都讚不絕口，究竟係咪真係咁好食？已經聽過要排好耐，當日門口勁多人排隊，但其實係攞籌就okay! 唔好傻豬豬走去排啊～當日係禮拜六，12點9攞籌2點幾食得！🌟提子冧酒巴斯克芝士蛋糕 $62同frd都一致認為呢個最好食！芝士味夠出😋雖然影落唔流心但係真實係入口勁creamy😍再配合返少少嘅Rum酒味，係減緊肥都值得破戒比quota嘅cheescake!🌟Earl Grey Tea Partyyy $68呢個就有啲失望，太多色水嘢🥺一啖食落有爆谷+奶蓋+伯爵茶味basque cake 其實爆谷味搶晒成件事🥺淨食basque cake茶味會再出啲，但連埋其他一齊食就太多味了🫡🌟Peanut Butter& Chocolate Creme Cookie Sandwich $38自家製曲奇夾住花生醬🥜+朱古力🍫夾心～夾心係似oreo中間嗰層，但唔會去到好甜🫶🏻不過食晒成塊會有啲漏～建議share👯‍♀️Remarks: 每人低消一杯嘢飲🫡🍫Hot Chocolate with Homemade Marshma

兩大人兩小朋友一齊過嚟排隊，派飛嗰個人同我哋講好快，當時門口寫住輪候號碼係17 ，我哋拎住18 ，心諗好快啦，之後等等等⋯一路見有人出嚟，但係又冇嗌我哋，之後叫咗19同20入去（都係兩個人），叫第一張果陣老公有去問係咪應該18先，職員話係二人位黎所以唔arm你地坐。叫埋20再等多咗一段時間，我先生忍唔住入去問佢哋到底會唔會有四人位係就嚟走，嗰個人同我哋講冇四人位，如果你哋可以兩個兩個咁入都可以呀， 我地即時o咀頭也不回咁走左咁樣嘅安排，令人覺得佢哋係完全冇諗過顧客嘅感受，即係我攞完四人飛，佢哋唔會安排到四個人嘅位，跟住有兩個人走嘅時候，又唔識主動問我哋想唔想拆開兩個兩個咁坐如果我哋繼續等嘅話，我諗等到啲人走哂我哋先入到去食

Hemma早幾日同同事擇左個好日子🍽去左食傳說中既西營盤世一芝士蛋糕🧀🍰yeah yeah yeahヾ(@^▽^@)ノ 我地試左3件蛋糕同叫左3杯野飲1️⃣Earl Grey Tea Partyyy🔆🔆我自己最中意呢個，個cream 同餅底咸咸地個咸味中和左蛋糕比較甜既部份完全符合我個人喜好(*๓´╰╯`๓)💜💜但同事們覺得佢排第二名🤣🤣2️⃣Vanilla Brunt cheese cake 🏜比earl grey 蛋糕結實少少vanilla 味好香，相信係用vanilla籽整既表皮層burnt 有少少苦味，連埋中間食更有層次3️⃣Oreo Brunt cheese cake🍫呢個係3個cake 入面最甜既一個亦都係最軟既一個都好好食,不過oreo已經林哂冇左口感若果仲有少少係脆既我會更欣賞😉☕☕野飲我叫左hand drip coffe同蛋糕們好襯推薦大家都飲coffee😄

Hemma嘅巴斯克芝士蛋糕一直都好出名 仲被譽為世一✨由開店到而家 連平日都大排長龍😨要留意店舖最低消費係每人一杯飲品 係唔可以就咁去食蛋糕👀如果唔想排隊 喺ig訂原個蛋糕都可以 但就要鬥快搶喇🤡不過可感期望太高 又唔算太驚艷 但都唔差嘅~~.📌Earl Grey Tea Party $68伯爵茶口味係搶手之選 個人認為都係三款最出色嘅😎蛋糕真係超級軟心好creamy 賣相勁靚🫶🏻面頭係一層海鹽奶蓋+焦糖爆谷🍿️伯爵茶味好濃香 食落好清新🍵不過芝士味相對唔係好出🧀️海鹽奶蓋帶微微鹹香 配搭埋清香微甜嘅伯爵茶芝士蛋糕同脆脆焦糖爆谷都幾夾🙌🏻餅底就係用左lotus餅 好香牛油味 食落亦唔會太實🍪.📌Vanilla Burnt Cheesecake $62係另一人氣之選👅蛋糕面頭焗到微微硬身 加埋軟心香滑芝士蛋糕 口感更豐富😚呢款嘅軟心程度 個人最鍾意❤️同時感到軟滑嘅芝士蛋糕同較挺身嘅蛋糕🍰可以見到蛋糕有好多雲尼拿籽 好真材實料🍦不過雲尼拿味同芝士味都比較淡🤏🏻.📌Oreo Burnt Cheesecake $68呢款係三款口味入面最流心嘅 不過太流心嘅關係 食左兩啖就塌左落嚟🙈如果實番少少個質

好喜歡好喜歡cheese cake加咗rum個感覺冇油膩仲要好香同埋真係好滑身兩個味道都係同埋真係做到流心🤤🤤本來上次最想試嘅係芝麻味不過排到我哋已經賣晒啦佢哋出咗新嘅味道好吸引啊😍係Earl Grey Partay….好想試🤤可能搵日平日早啲再去，睇吓會唔會試到芝麻同埋Earl Grey Partay啦❤️亦都想試吓訂一個完整嘅🎂

因為係附近午餐，所以係午餐前去Hemma拎個籌，再次得食神眷顧~食完午餐返到去完全唔使排就有得食🥹 試咗原味同Rum Raisin Burnt cheese cake, 係真係好滑好好味, 個人特別鐘意冧酒提子味,酒味好香, 不過我更加欣賞我叫嘅Matcha Latte，影完一大輪相都仲係熱嘅，要知道平時係香港叫Matcha Latte已經唔會好熱，所以值得一讚👍🏻另外環境亦坐得舒服~我地坐係上層,傢俬擺設充滿文青風,適合傾偈食cake嘆咖啡

#Hemma 〰️🩶終於試到啦 由網店到實體店 人氣依然有增無減 10:00am開門前已經有一龍排緊隊 非常好彩第一批入去 唔洗等🫶▫️Vanilla Burnt Cheesecake ▫️Oreo Burnt Cheesecake ▫️Sesame Burnt Cheesecake▫️Matcha Latte (H)▫️Matcha Latte (C)🔹好食度：Vanilla ＞Oreo ＞SesameVanilla 最得我心🥺🩷芝士濃郁得黎唔會太膩 仍然有Vanilla香味🌿流心部分做得剛剛好 食落好smooth〰️Oreo口感會再豐富好多 啖啖oreo碎 底同邊位都用oreo鋪邊 oreo就無流心啦 都係好smooth😋 本身想叫earl grey 但剛好到我一賣晒🥲可惜⋯seasonal得返sesame 味道相對淡啲 但口感也不錯❣️中意sesame可以試試

上次喺高街搵食嘅時候 先知道原來人氣食店hemma喺哩度🙌🏻 不過條人龍真係好長 唯有等下次抵得肚餓再黎試喇😂今日終於有機會🤩 大概12:00 黎到舖頭取籌 大約1:00 可以入去食喇🍽舖頭有兩層, 我係坐下層bar枱位置☺️好彩係佢冇擺到啲位太密 坐得都幾舒服 值得讚先來介紹個menu📜除咗有超人氣嘅蛋糕之外 佢都有熟食㗎🤣最低消費係一杯嘢飲 係一定要叫無論你叫幾多野食🤭當然就係要試一試佢最出名嘅Vanilla Burnt Cheesecake🍰真材實料🫶🏻見到啲一細點一細點黑色嘅雲呢拿籽😍 聽講用雲呢拿籽成本係高好多㗎🥹 蛋糕發出淡淡雲呢拿同芝士味 口感都非常滑☺️同場加映：Masala Chai Latte 印度奶茶☕️令我覺得有驚喜嘅係…係杯嘢飲呀‼️唔算好多地方有呢一種飲品🥹傳統上印度奶茶係會有小豆蔻莢,肉桂,丁香等香料製成🫶🏻雖然我唔係專家 條脷都未叻都分辨到夠唔夠真材實料🤓 不過我覺得幾香同埋肉桂味好足夠😀如果都鍾意香料味嘅我非常推介大家試吓❤️蛋糕同飲品好似都係要$60左右 埋單好似要$130幾💰 如果間唔時口痕都可以再幫襯嘅☺️

早前窩夫終於試了久仰大名 的 Hemma，想慕名而去的朋友要留意餐廳逢星期一及星期二休息。幸得閨蜜放假去取籌等位，窩夫才有機會一試。手寫的餐牌，一張是食品，一張是飲品。Gnocchi with tomato cream sauce ($158)的賣相吸引，插著一塊芝士增添藝術感，芝士味像某種零食的味道，很熟悉但想不出是哪種零食，番茄忌廉汁帶微酸，中和了馬鈴薯丸子的膩，配菜有窩夫喜歡的茄子，非常好吃。Aglio e olio with shrimp ($148)同樣賣相精美，味道有點似中式的上湯龍蝦，蒜香中帶點辣，麵條軟硬適中，水準之作。飲品方面，閨蜜的Hot chocolate with homemade marshmallow ($65)朱古力味香濃，棉花糖令賣相和味道更佳。窩夫的Matcha latte ($55)味道不錯，但賣相有進步空間。到了最令人期待的甜品時間，先來一件Oreo burnt cheesecake ($68)，窩夫抱著很高的期望來品嚐Hemma的「世一芝士蛋糕」，品嚐過後不是說它不好吃，但似乎未去到「世一」的程度。當日吃的兩款甜品當中，窩夫個人比較喜歡Earl