HASH CAFE (已結業)

住在天水圍的朋友說T Town有不少餐廳也未試過，就約我一起晚餐. 朋友想試這間井茶，見到裝潢都幾別緻，而且內部空間濶落，桌與桌也有適當距離. 我們來的時間尚早，店員安排我們坐舒適的卡座呢! 無骨芝心蘑菇雞中翼 ($55) 外皮金黃香脆，內裡是流心芝士以及蘑菇夾心，啖啖肉且不用吐骨，相當方便. 伴碟的沙律份量多且新鮮，略嫌黑醋汁太多，如果沙律汁另上則更好. 芝士牛肉煎夾餅 ($58) 熱烘烘的煎夾餅內餡料滿滿的，鹹香芝味，還配以3款醬料伴吃，個人特別喜歡牛油果醬，配來吃更為清新美味! 香草三文魚扒配檸檬牛油汁 ($98) 擺盤與高級餐廳無異，定價卻是相當合理 ($98)，亦沒有加一服務費，相當抵食. 三文魚外皮香脆，魚肉煎得剛剛好，肉嫩且富有油脂，很有水準. 特色的檸檬牛油汁，也令人相當開胃，值得一讚~ 厚切自家製牛肉漢堡 ($88) 預先要求burger cut half，方便享用. 麵包烘得外脆內軟，可惜漢堡扒煎得過火，偏硬且沒甚肉汁，有點失望; 伴碟的薯條是現炸的，外脆內軟糯，是有誠意的. 海鹽芝士芒果/ 海鹽芝士莓果 (各$38) 下單要求少甜

邊個話大西北無野食，今次就等我食到黎天水圍。呢到開左間井茶，食物質素唔差之餘仲有格調。位於天一商場內，都好易揾。裝修好雅緻呀！兩大個鳥籠，坐入去食唔知係咩感覺呢。餐牌有好多食物選擇！花多眼亂！水果四季春茶$38飲返杯水果茶先！茶味清香，水果味突出！杯的設計又有特色，可以用黎打卡。咖啡沙冰$36冰粒細滑，咖啡味香濃，對於喜愛飲咖啡的人來說不容錯失。香炸軟殼蟹沙律$58軟殻蟹香脆可口！真係原隻炸，原隻上！配上酸酸甜甜的泰式辣醬，惹味得來又有沙律清新開胃。芝士牛肉煎夾餅$58裡面的芝士好厚實，牛肉配芝士更是絕配！煎夾餅又煙韌，個份量又出其地多！食完其實真係好滿足！海膽天使麵配軟蟹蟹$118又係軟殻蟹，今次係配天使麵的食法，都好正好好食！同樣軟殻蟹係好香脆，天使麵都軟硬適中，加上海膽汁可以話係錦上添花。蟹肉車厘茄天使麵$78蟹肉鮮味十足，車厘茄新鮮，加上白汁，混在一起有說不出的感動。

蜜糖雞扒。吞拿魚蛋沙律🥗 ，吞拿魚比例多於蛋同醬汁，我期望係蛋同沙律醬係多d既，雞扒亦煎得香脆。新張期內有8折，呢個下午茶連埋杯凍檸蜜$38咋。餐廳裝修唔錯，中間有雀籠款式既座位，但我果刻無手再影相了🙄🙄🙄題外話，好低能地唔記得拎奶咀，一坐低個女就扭眼訓，然後就抱住佢企係度氹，個媽媽員工見我咁就幫我將雞扒切細方便我叉黎食，好細心呀，然後我就前後15分鐘咁係間餐廳光速咁坐低，落單、食、走左🤯🤯🤯

小妹家住元朗，朋友介紹我入天水圍試下呢間cafe，仲話同出面市區有得揮下，一於試下 🤨🤨🤨·🍛日式咖哩吉列豬扒配白飯💰HKD68Lunch Set 有湯有飲品豬扒三件大大件🐷🐷🐷吉列豬炸得幾好，熱辣辣、炸粉唔厚，豬扒肉質亦岩岩好～唔會炸得乾爭爭！👍🏻不過🙈咖哩汁味道略淡🤭有細細舊薯仔配襯下🍛·🍝野菌扁意粉配黑松露忌廉汁💰HKD 88單點，加飲品半價Lunch Set入邊無，但真係好想食😂😂然後任性地單點左，以天水圍屋邨商場黎講，呢個價錢絕對係偏貴🙈而且唔包含飲品（sad)但係的確足料👍🏻👍🏻👍🏻香濃既黑松露忌廉汁，聞落已經好吸引😋眼見都有起碼三種不同既菇菇、紅黃甜椒、洋蔥，材料好豐富，口感都豐富啲！意粉質地有點偏硬身，但我本身中意食硬麵，就覺得剛剛好☺️👍🏻👍🏻·☕️烤榛子朱古力💰HKD 32👉🏻💰HKD 16單點意粉時另加既，個心心整得好靚，飲到落底部都無變形！❤️☕️不過味道太甜了🤭·🍞棉花糖多士💰HKD36有成九粒棉花糖，烤到顏色好靚好吸引，再唧上滿滿既朱古力醬🍫成件事好邪惡😈😈此乃下午茶餐，跟一杯熱飲賣相靚靚、味道唔錯，只係製作需時等得耐左啲啲🙊·好彩我都係山區兒，入天水圍唔算遠，有機

今天，我和妹妹二人晚餐。未入這間餐廳已看見兩個大大的綠色鳥籠，感覺很特別，亦成為這餐廳的標記。我們點了兩個輕食：１）香烤甜薯條，薯條金黃色，很乾身，咬起來較硬身，有口感。味道甜而帶辛辣，因為表面灑上了調味粉。２）無骨芝士蘑菇雞中翼。雞翼飽滿，脹卜卜的，很可愛。咬一口，皮薄身而柔軟。內裡的芝士和蘑菇，香甜而滑口。雞肉juicy而嫩滑，十分美味。另外，被雞翼包圍的沙律菜份量多，足夠二人分享。綠的和紫的沙律菜，顏色奪目，看得出新鮮。啡色的黑醋淋在沙律菜上，食著酸甜開胃，帶點酒味。套餐叫了份香草燒羊架配香芒野菜沙律。先送上的是甘荀忌廉湯。清淡香滑，熱騰騰的，很暖胃。羊架有三件，表面焦啡，有點點黑椒粒。點餐時要了七成熟，所以用刀很容易切開，可以見到粉嫩的顏色。入口嫩而不韌，有少少羊羶味。沾上洋蔥汁，就可以遮蓋羊羶味，更為可口。另外，點了個海膽天使麵配軟殼蟹。大大隻軟殼蟹趴在意粉上，很吸睛。軟殼蟹炸得酥脆，炸粉薄身，切開見到雪白的蟹肉，還有黃色的蟹膏，每咬一口都很滿足。天使麵幼細，軟硬適中。麵條沾上了粒粒海膽，呈現橙色的光澤。因為天使麵只用清淡的醬汁調味，所以吃多了也不會膩，而且更突顯出海膽和軟殼

之前見到呢度裝修幾靚，都想泥試下。 今日ot完泥食，泥到已經八點幾，唔洗等位就有位lu.叫左一個set dinner + 芝士磨菇釀雞中翼 + 芝士牛肉煎夾餅，飲品要海鹽芝士四季春Main揀左牛油香煎帶子燴墨魚汁意大利飯。 坦白講，一上枱望到已feel到好似伏伏地，d墨汁唔太上色，d飯都硬硬地，粒帶子好似唔太熟味道似中式炒飯芝士磨菇釀雞翼：正常芝士牛肉煎夾餅：食落個味其實好似中式既蒜蓉炒菜。。。因為剩係食到菜既味道飲品：正常um..試一次夠

拎左ticket等入座 俾左第二位無拎ticket 算入座後 重點2次講左杯coffee要ice 都係黎熱既 算 Icecoffee黎左 唔夠甜 問佢拎糖水 佢俾兩包黃糖我 比小小專業知識好嗎 叫左軟殼蟹沙津 餐牌完全無講係辣 黎到原來係甜辣醬 巳經灑左係面 同小朋友食無諗過餐廳可以咁大意 明顯地個個hea住做 餐廳好似無管理咁食物都麻麻地 完全無下次

眼看出餐時間最少15分鐘以上,自己等到遲黎既人都食緊都仲未有野人食,叫個服務生追單,佢聽完去倒水,完全無入廚房問,等廚房有人出餐先大聲叫人睇睇張單,結果等左30分鐘,個雜菌炒蛋牛角包都係未到,如果你好多時間既話可以去食既

入去坐低冇俾餐牌·、叫個早餐(3枱)成班發緊夢咁……叫個炸魚腸等15分鐘好合理、一杯好立克追左2次，等30分鐘？？仲要沖吾勻、杯野就小暖……熱飲喎！同待應講，未瞓醒？冇反應囉！

之前試過買佢地既all day breakfast,諗住今日放假去食，點知侍應話all day 係佢個名唔代表實際意思。。。長知識了叫左刀片牛冇牛味又鞋口都算，試食墨魚意粉都係冇味，仲有個蛋汁卡邦尼都係一般到冇得再一般……啲侍應咳又捂住個口喺度放菌，其實呢間餐廳啱啱開嘅時候已經食過兩三次，之前嗰個四眼肥仔經理個服務態度係好好，又會推介食物比客人，換咗人之後個高佬戴眼鏡嘅唔知係咪經理都係廢嘅，啲員工就好似游魂咁樣，睇嚟呢間野應該都捱唔到過年！

好耐冇去過天水圍頌富嗰邊，原來已經改左名T town，仲好多野食添。經過呢間井茶，被佢嘅tiffany blue嘅雀仔籠吸引左入去😍環境乾淨夠光猛，佈置以藍綠色做主調，有種舒適同浪漫嘅感覺，再加上歐式嘅烏籠座位，影相非常之靚。如果大家想搵一個好坐、環境靚、傾密計嘅地方，呢度就岩晒。餐廳食物種類不算太多，但有小食，沙律，主菜，仲有甜品選擇。Order左個香芒燒雞肉葡萄黑醋沙律做前菜，燒雞肉又香又嫩，鹹味適中。個沙律菜都算新鮮，加左黑醋汁 ，配搭埋芒果，甜甜酸酸，入口既清新，又開胃。檸檬黑胡椒醬蜜汁雞翼嘅賣相好吸引。雞翼炸過，所以食落卜卜脆。有蜜糖味，甜甜地，加埋檸檬汁，香味倍增。另外黑胡椒醬唔會辣，非常惹味，整個配搭幾新鮮。紅酒燴美國牛肋條配薯蓉，紅酒醬汁燴到個牛肋條非常入味，就算切開食到最入都好夠味，入口鬆軟即溶，但仍然能保留口感。而個配菜嘅薯蓉都好好食，香濃幼滑。墨汁帶子意大利飯，個飯用咗墨魚汁去煮，亦都有淡淡嘅奶香，飯質軟硬適中，一粒一粒漲卜卜嘅飯粒，食落都煙煙韌韌。而帶子表面煎得金黃香口，唔會太鹹，味道剛好，不過食到成口都黑蚊蚊，豬子都唔太敢食，留返俾老公食，哈哈。水果四季春茶，

餐廳環境舒適開揚，很喜歡它的淺綠色主題，像極近期出席好些友人的結婚派對所採用的主色；餐廳正中有兩個鳥籠，內裏有兩張圓枱，坐在這一個半開放式鳥籠內用餐，感覺應該會相當特別，當日還有一枱鳥籠內的朋友在切生日蛋糕呢。香芒燒雞肉葡萄黑醋沙律，雞肉燒得香脆，口感嫩滑，沙律菜新鮮，以黑醋調味已經相當好吃，加上芒果，更見層次。芝士牛肉煎夾餅，這是一道很特別的fusion菜，既有本土港式茶仔蛋牛治的味道，亦帶點點中東Kebab的感覺，好趁上桌時夾餅還脆的時刻，盡快享用。海膽天使麵配軟殼蟹，軟殼蟹炸得酥脆但略嫌油多，海膽的新鮮程度在這一碟意粉裏面顯得極為重要，皆因海膽與天使麵充分融和，令人每一口也能嘗到海膽的鮮味，選取了天使麵，麵條掛汁的能力還是叫人滿意的。刀片牛，看見刀片牛粉嫩的中心位置已叫人食指大動，牛肉仍富牛味，燒汁的肉味濃郁，最無敵還是薯條是無限量供應的，餐廳的這一份慷慨值得令人尊敬。車打芝士芒果沙冰，先嚐一口沒有芝士的，芒果的味道完全融入了沙冰裏面，十分香甜；再嘗一口有車打芝士的；完全意想不到車打芝士的味道竟然能和芒果那麼的配，是創意又好味的一個甜品。

今日放假去商場行下，叫左個朱古力綿花糖+芝士牛肉夾餅。朱古力綿花糖有陣燶味，好難食.....跟住來左個夾餅，明明塊塊都無牛肉，睇哂咁多塊都係得「波菜」，同佢講來錯左。跟住原碟拎返來，話無來錯，我見到佢喺夾餅外面痴幾粒牛肉就算，仲話攪得唔平均，所以我掀起果塊無。但我之後再塊塊掀多次，裡面都係無囉，只係得外面果幾粒，有無攪得咁岩呀，連換都唔換，仲要咁樣樣，廚房做野真的很拿西⋯⋯仲有，係完全無芝士囉，波菜平過芝士牛肉好多，咁都得架，令人失望...無下次份量方面，下午茶都ok, 夠食既。環境睇落都ok不過職員態度好似茶餐廳咁，唔好expect 係西餐廳...

又黎天水圍呢個新商場T Town 搵食今次試下Cafe！呢度意粉，飯，甜品，好多選擇。坐低見到裝修好別緻，襯色好吸精。個碟配合長叉都好靚，首先黎個田園沙拉。非常清新，而且d菜好新鮮唔係太餓，所以黎個漢堡，呢個係自家制牛肉漢堡，塊牛肉非常厚肉多汁，仲可以揀幾多成熟我就揀左紅酒燴牛肋條配薯蓉，牛肉炆得好淋好入味，配返個清清的薯蓉，新配搭。男朋友話要試下d 甜品，士多啤梨多士，整得好靚好吸引雪糕好香滑，多士夠脆。

我旁邊有位婆婆指住餐牌圖片叫早餐食，本來由$42一個餐變$49一個餐，婆婆再三問之下及我向職員查詢後，職員表示佢叫既野入面有好多都要另外加錢，但落單時職員並無告知婆婆，總好快收走個餐牌，到底發生咩事要咁做，賺$7蚊你會好生意？所以大家去食要小心D，以及，出餐出野飲極慢，我要求不高，但唔洗一杯要咖啡要20分鐘，今次係第一次，都會係最後一次光顧！最後婆婆同我肯，唔係錢嘅問題，係道德上嘅問題！難過嘅係打開門做生意，做到咁無良心，人情冷暖！希望你們主動聯絡我了解事件！