Goobne Chicken (The Hart)

營業中

休息中

Goobne 韓國燒雞食過好多次今次同朋友嚟食，打下評語先$308嘅套餐選擇咗甜辣烤雞同埋鐵板海鮮煎餅咁多款雞當中甜辣烤雞係最好味㗎味道最濃 調味啱啱揀咗無雞骨嘅部份 啖啖肉 個皮沾滿汁，都仍然非常之脆弱，肉質好Juicy雖然佢話辣，但係唔食辣嘅人都應該接受到鐵板海鮮煎餅未上枱已經聞到香味見到佢薄薄地，原來好飽肚㗎咬落去脆卜卜嘅外皮入面有有蝦啦、魷魚啦、蜆仔啦、墨魚、仲有大量嘅蔬菜中間係煙煙韌韌，有口感之餘，仲回味無窮餐廳嘅飲品款式好多，韓國人出名飲得，所以酒類款式非常之多佢都有啲for小朋友嘅飲品人參雞湯 $168我哋嘅選擇係冇揀到啤酒或者韓國酒反而揀咗飲佢嘅韓國人蔘雞傳統嘅人蔘雞湯會用紅棗、蒜、人蔘長時間煮成湯底未濃而且啲雞嘅精華滲曬落湯度事實上，三百幾蚊嗰個餐已經非常之飽加埋個人蔘湯真係捧住個肚每一樣食物份量都非常之大建議一大班人多啲一齊去食，咁就可以食得多啲款式

想同全世界宣傳這家韓式烤雞！ 炸雞愛好者一向很喜歡韓式炸雞，這次和朋友約吃這家韓國開過來的炸雞店，在尖沙咀那邊，老闆和部分店員也是🇰🇷人點了個半半烤雞選了⭐蜜糖蒜香+甜辣烤雞全！ 部！ 都！ 很！ 好！ 食！兩種都是偏甜口的，不知道來香港有沒有口味改良過，但炸雞烤得剛剛好，超級熱辣，裡面的肉很嫩很飽滿，不會乾，毫無異味蜜糖蒜帶醬油和蒜香味，我個人比較喜歡這個甜辣味也很好吃，這間的雞是我目前吃過的香港韓國炸雞店裡比較優秀的份量很大，這個價格也很合理，需要三個人才吃的了另外還點了一份魚糕湯，滿滿不同種類的魚糕，配烤雞，天冷喝或醒酒飲飲都很合適已經和朋友約好下次吃韓式炸雞/烤雞再來了

一提起韓式炸雞，第一時間就會想起有「韓國第一烤雞品牌」之稱的Goobne Chicken，在香港開業後便大受歡迎，分店遍佈港九新界區。今次就來到尖沙咀分店，內裡面積寬敞，落地玻璃窗飽覽鬧市街景。除了主打韓式烤雞外，其他小食及主食如泡菜餅、韓式雞蛋卷、蜜糖BBQ芝加哥薄餅、芝士炒年糕、人參雞湯等也是人氣之選。CHI PI CHI PI套餐$388包括一份烤雞和一個芝加哥薄餅，比單點更抵吃。蜜糖BBQ芝加哥薄餅Pizza 即點即焗熱烘烘出爐，以口感鬆脆的厚身餅皮作為餅底，集合5種世界級的優質芝士，包含瑪蘇里拉芝士、意大利乳清瑞可達芝士、羅馬諾羊乳芝士、格魯耶爾芝士及巴馬臣芝士。超濃厚的芝士融化後增強了實在感，成了一種集香、滑、軟、濃於一身的芝士，拉絲效果衝擊眼球，芝味無窮，揉合天然甘甜的蜜糖和粉糯薯蓉，鹹甜夾雜卻沒有違和感。果味醬油蒜香烤雞採用烤箱烘烤的料理方式，而不需用一滴油， 比一般韓式炸雞低反式脂肪和低卡路里，減低罪疚感，重量級份量足夠2-3人享用。將濕潤濃稠的特製醬料包裹在烤雞上，不但不影響外皮的酥脆度，無骨雞件大件厚肉，肉質嫩滑，鎖緊肉汁，隨烤雞附送醃製的酸蘿蔔切粒，亦可擠下新鮮

甜辣烤雞❤️雞件勁juicy！！烤到皮脆內嫩，肉質嫩滑！每咬一啖都有肉汁爆出黎。無骨雞扒肉，啖啖肉好滿足。甜辣醬汁，偏甜微微辣，有小小蜜糖香甜，就算食唔到辣既人都唔會覺得佢辣！ 件件雞都有滿滿既醬汁，份量好滿足！兩個人食岩岩好芝加哥薄餅❤️集合5款芝士奶！分別係瑪蘇里拉芝士，乳清瑞可達芝士，羅馬諾羊乳芝士，巴馬臣芝士！配上意大利辣茄醬，口感香濃唔死咸，味道一d都唔單調。鬆脆厚身既薄餅底，好滿足❤️❤️

Goobne Chicken尖沙咀赫德道4號 The Hart 2 樓經開尖沙咀，老友推介 Fusion 韓式餐廳，環境舒適，食材新鮮，果然冇介紹錯。😸蘿蔔前菜，酸度適中，新鮮爽口。😁CHI PI CHI PI果味醬油蒜香烤雞即叫即炸，外層香脆，份量十足，我哋揀咗無骨雞肉，雞肉新鮮嫩滑，肉汁豐富，解凍處理得很好，沒有雪味。香甜的醬汁，蒜香味慢慢滲出，開胃惹味，吃到中段加新鮮檸檬汁，效果更佳，必食！😻蜜糖BBQ芝加哥薄餅面層加了香甜的蜜糖，烤豬肉口感煙韌，肉汁豐富，與香濃的芝士和薯蓉融為一體。餅底爽脆，充滿牛油的香味，鹹度適中，大滿足！🤤芒果沙冰+士多啤梨沙冰果汁香濃，甜度適中，沙冰夠凍，加一片清新的薄荷葉，飲完好舒暢。😽Goobne Chicken 環境舒適氣氛好，食材新鮮高質，侍應服務態度好，還會再來。😎🤘🏻

Goobne係一間專注於無油烤雞嘅韓國連鎖店，都開左好耐，一直都係我心目中烤雞no1。QR code落單，叫左火山+原味雞，無骨，同埋雞蛋捲。首先講火山雞。無骨雞肉嫩滑，辣汁滲透入肉，非常惹味。不過，唔係太能食辣嘅朋友可能會覺得辣度有啲過火。配埋啤酒一齊食，辣味中和得啱啱好。至於原味雞，味道就比較清淡，突出咗雞肉本身嘅鮮味。無油烤焗嘅方式保持咗雞肉嘅嫩滑，冇咁油膩，食落去唔會覺得滯。呢款雞好適合唔鍾意太重口味嘅人。雞蛋捲係意外驚喜，蛋皮柔軟，裡面夾雜住青瓜，魚糕，醃蘿蔔，火腿，口感豐富。呢個配菜可以中和啲辣味。總結嚟講，Goobne都幾適合frd 聚會，因為野食都比較大份，加上舒適嘅用餐環境幾好。

同朋友去尖沙咀行街 , 咁啱見到呢間韓國炸雞店都幾出名就食呢間啦~甜辣烤雞, 果味醬油蒜香烤雞烤雞啲皮好薄好脆, 感覺冇傳統炸雞咁油膩, 雞肉好嫩滑～甜辣醬汁係微辣,都幾惹味~ 果味醬油蒜香炸雞有一片片蒜片喺上邊, 甜醬油味都幾特別~一次過食晒兩種味好滿足!部隊鍋呢個唔係火鍋嚟嘅, 係一個部隊鍋湯麵~ 入面好多唔同款式嘅韓國香腸, 午餐肉, 年糕, 茄汁豆等等, 都幾足料~湯底辣度適中, 好惹味, 好好食! 韓國麵唔會煮得好腍煙煙韌韌咁, 好掛湯, 幾好味!呢間店嘅炸雞有好多款式, 賣相好吸引! 下次要再嚟試吓其他款式炸雞先得~

UFO 芝士火鍋是餐廳招牌菜式，幾乎看到每一台客人都有點。芝士火鍋可自選兩款口味的雞，包括果味醬油蒜香烤雞， 三重芝士烤雞，甜辣烤雞，蜜糖香滑烤雞 ，火山烤雞和 蜜糖蒜香烤雞。烤雞鮮嫩多汁，加上馬蘇里拉、車打和巴馬臣三種芝士的融合,形成一種濃郁而綿密的口感。從第一口開始,芝士餘韻就在口中化開，芝士控must try。凱撒沙律清新的羅馬生菜,煙肉鹹香,加上番茄仔的清脆,再淋上凱撒沙律醬,開胃爽口。卡邦尼炒年糕濃郁的奶油醬、意大利麵、煙肉和年糕融為一體,口感綿密滑嫩,巴馬臣芝士增添了幾分香醇。蜜糖BBQ芝加哥薄餅批邊厚實鬆脆，薄餅底鋪滿滿烤豬、芝士和香甜蜜糖，每一口都能吃到餡料。辣椒脆烤雞烤雞表面鋪青陽辣椒粉，脆雞皮脆肉嫩，充滿肉汁，韓式的青陽辣椒帶有微辣又有一絲煙熏，令口味不單調鯊魚之淚一條可愛的小鯊魚造型插進杯子，賣相吸精，淡淡檸檬香桃口味的沙冰，有輕微酒精，酸酸甜甜很開胃

心血來潮好想食韓式炸雞，就簡左Goobne Chicken 🐔!鐵板海鮮煎餅🫓厚薄適中，仲要入面好足料！入面有蝦，魷魚等海鮮，加上蔥煎製香口得來又有口感！Deep CheeseChicken (Boneless)三重芝士炸雞無骨炸雞呢個option真係懶人必備，岩曬我😂芝士粉海量！有車打，忌康，藍紋芝士🧀混合，但入口又唔會太膩！重點係入口好juicy，有別於平時坊間既炸雞🍗忍唔住食完一啖又一啖！Blueberry Makgeolli藍莓韓式米酒🍶估唔到好好飲！入口酒味𣎴太濃！好易入口，又帶有淡淡米酒味！大堆！Goobne Chicken 📍尖沙咀赫德道4號The Hart 2樓

Goobne chicken, 係韓國人氣炸雞店, 朋友之前食過話好正, 今日經過尖沙咀赫德道見有分店所以入去試下😍, 呢間炸雞店地方都好大， 我哋叫咗個蜜糖蒜香無骨烤雞同 海鮮煎餅。果味醬油蒜香無骨烤雞： 份量都幾大碟， 雞件經過烤製，新鮮熱辣辣外皮酥脆肉質嫩滑， 特製嘅果味醬汁酸酸甜甜好開胃， 加上蒜香更添滋味👍海鮮煎餅： 煎餅餡料豐富 魷魚粒好多， 餅邊香脆， 廚師調教味道啱啱好唔會太鹹。另外每枱會送上醃蘿蔔， 配合烤雞一齊食解油膩一流。臨走見到隔離枱食緊個pizza 芝士量十足 拉絲拉得超長睇見都想食，下星期要去試下pizza先得😂

呢期真係食烤雞食到上晒癮。今日仲帶埋成班朋友黎大刷一餐。✈️UFO 芝士火鍋 (無骨)咁多人食緊係要叫超大鍋~ 4款唔同口味雞件圍住中間芝士火鍋，雞肉的鮮嫩與芝士的香濃相互輝映。選了火山烤雞、甜辣烤雞、果味醬油蒜香烤雞、蜜糖香滑烤雞，每種口味都獨具特色，讓人一次滿足不同嘅需求🔥黃金脆烤雞(有骨)另外揀多款有骨烤雞，店員推薦了黃金脆烤雞。皮被烤至金黃酥脆，肉質鮮嫩多汁🥢韓式香辣海鮮湯 (配麵)湯底濃郁而帶有絲絲微辣，配料有齊魷魚、蝦、青口同埋蔬菜等等，口感更豐富又鮮甜。配麵食真係一流，非常飽~🥢蜜糖BBQ 芝加哥薄餅烤豬肉混入濃郁的芝士，上面加埋蜜糖醬有陣陣獨特的甜蜜味道。唔錯~👍🏻🌱凱撒沙律用上了新鮮的羅馬生菜，淋上凱撒醬、蛋黃、橄欖油、大蒜和帕爾馬芝士而成，濃郁而不膩。當中煙肉和帕爾馬芝士碎，增添了鹹香的層次

🌋UFO芝士火鍋 $288雞件口味可以6揀2果味醬油蒜香烤雞 / 三重芝士烤雞 / 甜辣烤雞 / 蜜糖香滑烤雞 / 火山烤雞 / 蜜糖蒜香烤雞我哋就揀咗火山烤雞拼蜜糖香滑烤雞。🍯蜜糖香滑烤雞呢款雞係選用蜜糖芥末醬醃製烤焗每塊雞件都俾甜蜜嘅醬汁包圍烤雞外表金黃肉質保持軟嫩🌶️火山烤雞雖然叫火山但無想像中咁火辣嘅偏鹹辣路線 辣度溫和好容易接受 大概係米線舖嘅小辣(?)呢兩款口味配芝士都好正！尤其係將肉肉嘅烤雞點落熱熔芝士拉絲嗰下🤤治癒💯💯果味蒜香烤雞 +$48同我哋一樣要盡興嘅朋友都可以跟餐加點雞塊經典蒜香調味加上清新嘅果香味 食到蘋果同埋檸檬汁獨有嘅香味鹹中帶啲酸甜味道好有層次！🥗凱撒沙律 $108沙律喺呢餐充當開胃菜同埋解膩菜沙律菜新鮮爽脆 配上香濃嘅巴馬臣芝士碎碎同埋鹹香煙肉碎配料仲有大量車厘茄 麵包糠同埋切片嘅水煮蛋 輕盈但都營養均衡

UFO芝士火鍋招牌菜式既UFO芝士火鍋係我每次黎既必點之選！火鍋底部鋪滿濃郁芝士，再配搭無骨雞肉，食落滑嫩可口，滿滿芝士香，口感豐富，真係令人一試愛上！凱撒沙律色彩繽紛既凱撒沙律，有齊新鮮生菜、脆脆麵包粒同香濃凱撒醬，味道清新可口，好岩搭配重口味既主菜～卡邦尼炒年糕年糕炒至金黃色，外脆內韌，搭配濃郁嘅卡邦尼醬，濃厚奶香口感滑順，真係好似食緊卡邦尼意粉咁，好得意！辣椒脆烤雞（有骨）雞肉外皮烤至酥脆、肉質鮮嫩，搭配特製辣椒醬，味道香辣可口，夠哂過癮！香桃韓式米酒帶有淡淡桃子香氣，飲落非常順口，清爽又不膩，推介！

🍗Goobne Chicken赫德道4號The Hart 2樓多次回訪嘅炸雞店, 食物質素永無失手. 🇰🇷尖沙咀分店環境好闊落, 仲可以選擇坐户外. 聽住多首韓國經典男女團嘅歌好開心, 氣氛都唔錯. Staff服務態度良好, 價位比較高.𓌉◯𓇋 UFO Fondue (Boneless) $288-Goobne Honey Mellow Chicken 蜜糖香滑烤雞-Fruity Soy Garlic Chicken 果味醬油蒜香芝士火鍋係每次必食! 可以自由揀兩款口味嘅無骨雞mix and match, 啱晒懶食骨嘅人🦴食落更享受. Mozzarella+ Chedder+ Grana padano cheese🧀超濃郁嘅芝士 加上熱辣辣嘅烤雞好夾.𓌉◯𓇋 Special Egg Roll 韓式雞蛋卷 $148煎雞蛋卷包住青瓜 醃紅蘿蔔 餐肉 海苔 芝士, 多重口感. 點埋個醬汁, 好仍更昇華𓌉◯𓇋 Mango Slush $58芒果沙冰好解渴, 唔會死甜. approx. $270/ppl食物🤰 ♥ ♥ ♥ ♥ ♡環境🤰 ♥ ♥ ♥ ♥ ♥性價比🤰 ♥ ♥ ♥ ♡ ♡

📍 Goobne Chicken (The Hart) (尖沙咀)尖沙咀赫德道4號The Hart 2樓果味醬油蒜香烤雞採用烤焗方式，外層烤至香脆，鎖住雞肉的肉汁，口感一點也不油膩，真是超級棒。Goobne選用韓國直送的秘製醬油，配合梨汁及其他果汁醃漬雞肉，再混合蒜蓉，烤雞在熱氣的催化下散發出迷人的果香。每一口都能品嚐到水果的甜美、濃郁的蒜香和醬油的鹹鮮，鹹甜交錯，皮脆肉嫩，咬下去雞汁四溢，令人回味無窮。他們家的鐵板海鮮煎餅也是一絕。海鮮新鮮，搭配香濃的煎餅，口感豐富，煎餅煎得恰到好處，外酥里嫩。另外，他們的人參雞湯也非常值得一試。湯料豐富，雞肉份量十足，肉質滑嫩，一夾就能輕鬆分開骨肉，加上濃郁的人參味，雞肉特別香。