Glasshouse Greenery (K11 Musea)

營業中

休息中

職員服務態度都不算友好 特別係帶位的職員全程黑面，被帶位到外面時因不想和別人搭枱，希望坐回室內位置，過程只經歷約30秒時間，但職員只向我們說四個字「得定唔得」，然後叫我們重新站到店外再等安排。餐廳係中西fusion菜，反而傳菜的店面職員較正常,但都唔係helpful, 由入坐到order都好似去左以前既澳牛咁食物味道不過不失，偏貴叫左片皮鴨pizza, 上面有青瓜同埋京蔥絲食落去唔會太鹹$178另外一個鵝肝牛肉炒河，食落就偏油 不過呢個配搭都幾有趣 $178咖啡幾有特色，一杯薑汁latte, 另外兩個越式手沖咖啡可以揀椰子同埋斑斕味事後睇返openrice d 負評都係一面倒關於職員態度如果係特別日子想慶祝，真係完全唔建議過嚟，而且味道亦都唔係值得回頭，除非你想受氣

地方大，座位算多，weekend去都唔太需要排隊，坐outdoor位置都夠chill。食物方面，主要都係東南亞菜式，兩人叫左個小食拼盤，味道非常一般，價錢都偏貴。亦試咗越式手沖椰子咖啡，咖啡mix椰子水，都幾特別。

平常很少出文投訴，但今次真的忍無可忍。食物質素同環境其實不錯（除了音樂比較太大聲之外），價錢都尚能接受，不過服務態度實在是可怕得令人咋舌，不禁讓人懷疑自己是否置身於茶餐廳，整頓晚飯都充滿驚嚇。去到reception那一刻，已經覺得不被尊重，侍應問我們有否訂座，我回答說：「有，訂了四位，6點半⋯」我還未說完，那女侍應已經不耐煩的打斷了我的話，並用不禮貌及冷淡的語氣說：「名呢？」我跟朋友們都嚇窒了，忍不住對望。坐低不久，另一位侍應送上welcome drinks，我們一行四人，但一位朋友未到。侍應放下三杯，我們跟他說我們總共4位，他回答：「但這枱號只有三杯。」我和朋友都不明所以，於是重申一次我們一共4人。他竟然問：「那你是否想我給你們多一杯？」哈，真有趣🤔️。用餐期間都有不少令人咋舌的地方，不過，實在一言難盡。最後到甜品時間，我們舉手點餐，reception的女侍應過來問：「有什麼能夠幫上忙嗎？」我們說：「當然有，我們想點一個火焰香蕉焦糖crème brûlée。」她回答說：「麻煩你們用QR Code下單。」便想離開。我們堅持希望她能幫忙，最後她不情願地幫我們落單了。其實我們都很想麻煩餐廳退

只係食物質素好，之後無一樣野好。服務態度奇差，無一個服務員係有禮；reception 一眼都無望過我哋話唔開戶外要我哋坐室內點知之後又比其他人坐滿晒室外；個server開左戶外門勁大風叫佢關門佢好勞氣咁話：我要搞掂呢個客出去呀！哦～你受氣發落我哋度仲要我哋食風。問都唔問收走叉、last order左都唔會問一問有冇野要加、刀叉都懶得分喇一堆擺低自己搞啦，$500位呀今晚我以為去左茶餐廳。室內環境嘈雜；紙本餐牌爛容容，睇完搵一大輪先係手機搵得返落單。勁混亂既分類，飲品都分三四版。食物又唔係前菜主菜甜品咁分，意粉一版、pizza又一版，90分鐘用餐有20分鐘要研究落order。係好食既，但我唔會再去！

因為上次黎果陣outside(商場內)冇位，就坐左真正既outside 今次突然想食個high tea又想同狗狗一齊 就黎左呢道喇我地叫左個$388+10%既afternoon tea set整體味道唔差 不過完全係你睇到相想像到既味道而甜品就好似平時食buffet有甜品果種 甜得黎冇乜層次 就只係沙糖甜 不過可以同狗狗一齊係道坐係好難得既事！珍惜！不過其實服務就一般 我地4:54到 問門口有冇下午茶個set 佢話有 但係不過要快 5點就冇得落單跟住坐低4:55發現冇menu 用個QR code只可以見到有2款tea set但唔知有乜分別 冇寫內容係乜 跟住叫一個女仔比個menu我 佢4:57同我講唔叫得因為已經冇哂 跟住我話頭先門口話5點前都有 然後我再問第二個男仔 佢去令menu既時候我就見到本身個女仔企左係果道冇郁 成件事都好匪夷所思 最後我落左單先望到個menu有乜食

🍴「Glasshouse Greenery 」這間位於K11 musea 商場內，餐廳以人造綠色植物，就似鬧市中的綠洲，座位舒適 適合同朋友聚會嘅地方《牛肝菌芝士意粉配馬德拉酒》💰$138份量適中，意粉上忌廉汁多，牛肝菌口感不錯，不會煮過龍，意粉食落去酒味唔太重，味道恰當，不會因為太重酒精味搶去牛肝菌嘅香味。《雜菌黑松露芝士薄餅》💰$198薄餅也選取菌類做主材，餅皮口感煙韌，質感不錯，薄餅上鋪滿芝士，愛好芝士嘅朋友一定喜歡，而雜菌平均鋪滿整個Pizza，份量適中，最後薄餅上面嘅配有火箭菜，減低油膩感。《熱炙朱古力朗尼》💰$98朱古力朗尼及雪糕以鑄鐵鍋盛載 ，上枱的時候能熱冷交重，保持朗尼蛋糕嘅溫度，蛋糕食落去不會太甜，亦鬆軟不散，份量與朋友share 便剛好。《荔枝玫瑰冰茶》💰$62賣相吸引，荔枝配玫瑰嘅味道平衡，味道不會太甜。^總括而言，環境舒適，唯一較遜色的地方是坐在餐廳外面鄰近商場的位置 人流比較多，傾偈時比較干擾，如坐在餐廳室內就更好了。👽星人指數👽👅味道：/10🛸環境:/10💫CP值：中🚀回頭Encore:✅

餐廳走廊上有油污，一腳踏地板便跌倒了！整個人更撞上前面的Bar 枱，摔倒了手臂、肩膀、兩隻腳和腰部！請注意店面清潔！幸好門口的店員Queenie 見我受傷了，立即给我冰塊手巾治療，還立即通知k11的客服來急救！她還幫忙送我去醫院檢查，謝謝！customer service recovery 值得讚揚！但同時，我見另一位客人走出露台時，也拌到地板差點撞上玻璃門呢！請餐廳注意店面安全，多多清潔地面，改善近露台玻璃門位置的凹凸不平位置，要是被老人家或小朋友撞到受傷了，就不堪設想！

第一次见到赔偿了还让人这么不爽的餐厅，实在是忍不了有一个店员不小心把酱料倒了我女朋友和我一身，他也立马道歉了答应不算甜点的钱，事情本来就可以过去了。结账的时候跟另一个可能是经理反应，想确认一下协商的结果。然后经理就非常拽地问：是我倒撒的嘛？哦是店员，你是要投诉他吗？那你难道想让他全部赔完吗？老实说店员的处理没什么问题，态度也很好，犯错误人人都有是可以理解的。但是这个经理实在是太气人了，导致用餐体验非常不好。就这样

食物及飲品賣相頗好，但味道一般，點了一份prime rib eye steak 肉質與味道合格，另－份芝士黑菇漢堡- 缺少醬汁，黑菇很細很薄，缺乏鮮甜菇的味道，整個製作入口亁而無味！飲品點了一杯Old Fashion，只是whisky 加了一片橙皮，沒有融入的深道香氣和味道!場內有員工在顧客身後後傾談，每說話都夾雜著粗口!

中秋翌日早上本想食個休閒早餐，10:15A.M. 到達K11 Musea, 沒有選擇下選了這餐廳進餐。想坐餐廳內，店員說清潔中，11點左右才開放，所以只可以坐商場位置，無問題，照坐。到 11:35 A.M., 店員催促埋單，並說我們只可以坐到 11:45, 因為用餐時間只有 90分鐘 ( 入座時並沒有提及 )環顧餐廳，當時只有 50% 入座率，並無人等位。另外值得一提是那位店員的態度，十分無禮貌，加上由頭至尾都將口罩帶在下巴，相信唔帶會更好。

2021年幫襯過，係間幾有情調既西餐廳，裡面好多綠色元素，仲設有戶外用餐區，秋天既話應該幾chill。食物質素很好，打卡一流。巨型嘅疏乎厘好得意。經過K11musea睇展覽或者睇戲之後，約埋朋友食餐好傾吓偈，呢間係一個唔錯嘅選擇。

係尖沙咀K11 Musea 行到咁上下就差唔多到晚餐時間但係唔算太肚餓想食甜品為主所以我哋今次就揀咗 Glasshouse Greenery😝- Porcini Mushroom & Cheese Spaghetti $128Served with Madeira Wine牛肝菌芝士意粉配馬德拉酒好鍾意入邊嘅牛肝菌😝而且意粉好濃嘅芝士味😝- Warm Chocolate Brownies $98熱炙朱古力布朗尼兩個甜品中 就比較鍾意呢個brownies 多啲配埋個雲呢拿雪糕😍😍好match- Chocolate Crispy Baked Soufflé $138朱古力脆皮梳乎厘

好耐冇試過去「蒲」啦🤣🤣原來有好多餐廳夜晚10點鐘就已經last order，有啲仲早啲添😮10點K11 Musea內有好多鋪頭已經落晒閘，烏燈黑火了！是疫情令大家都可以提早收工返屋企享受人生？定係經濟下行而令人連出街食飯都腳步？爺孫去飲酒，會唔會連酒吧都提早打烊架🤣同閨蜜8點就打完邊爐，當然意猶未盡要去埋下半場飲杯野啦！K11 Musea 間Glasshouse環境非常唔錯，重點係：8:30呢啲開飯時間仲有位！安排坐喺outdoor，椰林樹影加埋現場有DJ打碟，極似泰國clubbing 氛圍😍去Glasshouse除左叫杯打卡able嘅野飲外，當然要叫埋佢地嘅甜品😋 面脆又極豐空氣感的soufflé；甜度剛好又帶點濕潤的brownies；仲有即場點火的火焰crème brûlée好睇又好食，簡直叫甜品愛好者心花怒放😍🥰- Vietnamese hand drip coffee $78- berry berry $62- dried rose and strawberry tea $62- warm chocolate brownies $98- banana crème brûlée

🍟Cheesy Waffle Fries $98超多cheese🧀，有拉絲超邪惡，薯格脆，鍾意佢面頭加咗煙肉更加香👍🏻🍝Cheesy Chorizo Ricaron $158cheese濃郁，creamy有奶香，圓筒形意粉好有咬口超吸汁，煙肉粒香🥓😝🍕BBQ Peking Duck Pizza $178面頭鋪滿青蔥、青瓜絲🥒、紅椒🌶️，片皮鴨配料😂，北京填鴨加燒烤醬🍖加cheese🧀咸甜適中，而pizza就系薄身脆餅皮個種，外面香脆唔洗怕漏😉.✨餐廳室外環境系被植物包圍行田園風，但今次安排嘅座位係k11商場入面，不過空間算大座位舒適，餐廳係動物友善，氣氛幾好，播chill音樂

今次去咗k11 Musea 行街個商場真係全香港最靚 充滿藝術感行到攰去咗 一間比較 出名嘅餐廳食飯知道嗰度平時都要排隊先至入得可能今日落雨 就咁walk in都好快可以入座見到menu有個七彩繽紛嘅沙律 都忍唔住叫全部都好新鮮 而且個百香果sauce 都好正All day breakfast 都係中上standard, 驚喜在於佢有肉醬喺裏面買個牛角包 都焗得好好食個餅都好夠煙韌加埋佢個沙嗲汁都好match!Fresh mixed juice 物質素唔錯 環境一流 打card 或者帶 寵物過嚟玩 都可以可惜 食物價錢比較貴