G Room Bar & Lounge

營業中

休息中

想嚟呢間餐廳好耐啦，見到有個二人餐幾吸引😍順便可以嚟打下卡一餐飯可以帶你周遊列國💕一入餐廳，就見到360度環形LED屏幕，定時轉換播放世界各地名勝風景及輕快嘅Background music再配合埋唔同嘅燈光，猶如置身外地旅遊嘅感覺🤩👫二人餐 $600 per one🥯牛肝菌黑松露配水晶麵包賣相好精緻呀😍超級香脆嘅水晶麵包配上牛肝菌黑松露，味道好香好突出，正😋作為頭盤，真係引起食慾🤤🔸小食 二選一 🌽甜粟米忌廉湯配西班牙火腿香濃嘅粟米湯仲有啲火腿粒，飲落幾清甜，配埋麵包🥯幾好🥗布拉塔芝士沙律配無花果及杏仁布拉塔芝士🧀濃郁純香，火箭菜沙律為主，配上新鮮清甜嘅無花果、口感爽脆嘅杏仁粒及咸香嘅西班牙火腿片，感覺好fresh🍗脆炸鵪鶉脾配西班牙青椒用咗鐵板上菜，Keep住熱辣辣！鵪鶉脾炸到皮脆肉嫩，用咗少少鹽去調味已經好正😋🍝日本鮑魚海膽炒意粉鮑魚切片炒，口感爽口彈牙，幾鮮甜😋意粉有口感，炒得好香好惹味，如果少油啲就仲正🍽️主菜 三選一🐣焗法國黃油春雞(半隻)配燒薯仔雞皮焗到脆卜卜，雞肉唔會鞋，食落有啲咸香味，幾嫩滑😋配上燒薯仔同埋蘆筍🤗🦞燒龍蝦及和牛橫隔肌賣相已經好吸引啦🤤燒龍蝦口感好彈牙鮮甜

假日同友人行街食野relax，想去好耐，本身想食Tea，但因時間關係改食lunch。餐廳面積不太，內堂似弧形格局，裝潢瑰麗，而賣點好明顯係巨型LED曲面屏幕，不斷播放各地場景及音樂，視野遼闊，甚有特色，眼睛想旅行~!坐的是梳化椅感覺舒適。餐牌，主打西亞Fusion新派菜式。Cappuccino，$52，奶泡較多，同較甜。泰式油甘魚薄切，$168，精美的擺盤，油甘魚鮮味可口，配上三文魚籽的鮮鹹味更提鮮，配上泰式汁入口酸酸地幾醒胃。意大利紅蝦意粉，$288，賣相普通，紅蝦份量少，意粉口感煙韌，鮮味濃郁。香烤西班牙乳豬配迷你青椒，$338。乳豬外皮薄身十分香脆,肉質嫩滑富油香，口感鬆化，好惹味，連配菜香烤迷你青椒都幾好味呢。食物味道不俗，但主要都係食景，價格略貴，服務幾好，坐得舒適，下次有機去食Tea先。

來一趟輕鬆之旅，食物色香味固然重要，餐廳既環境都非常重要，評定一間餐廳是否用心，餐廳裝修格局環境就顯然易見，因為投資得最多既一定係餐廳裝修，所以餐廳貴都貴在佢個景，正如有錢買樓都買海景。樓就買唔起，靚餐廳就食多幾間，哈哈。今次揀左間K11 musea 5樓既G room，西亞fusion菜，西式日本馬來西亞融合一起，啱晒大班朋友，唔使問prefer咩餐，fusion就搞掂晒。一入餐廳見到360度既圓廳，牆上360度LED大螢幕，定時會轉換唔同既景，去完巴黎香港又可以去埋海底世界，有趣有驚喜，估佢唔到360度時又真係幾似置身現場。牛肝菌黑松露配水晶面包色香味俱全，職員送上一個六角型水晶盒，揭開時，濃郁黑松露味湧出，㡳下面包脆身，creamy ge 黑松露包圍牛肝菌，醬汁份量剛剛好舖在面包上，一啖落去都唔逼落材料，剛剛好。甜粟米忌廉湯配西班牙火腿粟米湯濃郁厚杰，唔係好甜反而帶點青青的粟米味，湯有點細葱同火腿。布拉塔芝士沙律配無花果及杏仁沙律火箭菜，布垃塔芝士屬意大利奶酪淡味奶酪，入口滑，非常配合沙律，無花果新鮮，沙律加杏仁立即升lv。脆炸鵪鶉脾配西班牙青椒新鮮剛炸起的鵪鶉脾，熱味香氣撲鼻，

❤️🧡💛💚💙💜精緻 Fusion菜飽覽世界各國地標風景集美食😋、音樂🎼、浪漫❣️於一身G Room主打揉合西亞風味的地中海菜式，餐廳內巨型曲面LED 屏幕更是一大賣點。 隨著大銀幕的變化，燈光效果亦有所不同，醉人美景，盡在眼瞼。牛肝菌黑松露配水晶麵包 水晶包放在華麗飾盒，賣相精緻高貴，牛肝菌黑松露味道香濃，配上西班牙水晶麵包，鬆脆香口 甜粟米忌廉湯配西班牙火腿 粟米湯超級清甜濃郁，每一口都是滿滿粟米的纖維，伴著西班牙火腿薄片，咸到適中布拉塔芝士沙律配無花果及杏仁沙律裏的布拉塔芝士十分驚艷，令人難忘。食材新鮮豐富，無花果、杏仁、車厘茄、西班牙火腿、 混在其中，配上油醋醬，非常美味脆炸鵪鶉脾配西班牙青椒 鵪鶉脾炸至甘香鬆脆，沒有overcook ，肉質嫩滑日本鮑魚海膽炒意粉 海膽質素不錯，新鮮鮮甜，鮑魚爽口鮮味而不韌，意粉質地乾身 ，加上紅椒及蒜片，炒至香口，絕不黏膩 ，非常高質 ！ 香烤西班牙乳豬配迷你青椒 乳豬肉質較淋身，肉味嫩滑香濃，配搭side

平時喺K11 Musea既餐廳多數以海景做賣點為主🌊但今次呢間唔係有海景，喺特別於佢哋有360度LED螢幕🖥佢哋嘅背景大約每隔10分鐘就轉一次，有香港嘅夜景，外國嘅景色，甚至去埋水底既背景，仿真度好高👍🏻餐廳主打新派西班牙菜，我哋一路食嘢一路欣賞靚景，upgrade咗成個心情🥰🍴食物$600 per person1️⃣牛肝菌黑松露配水晶麵包🥖用一個類似首飾盒裝住麵包賣相好精緻🤩黑松露配上牛肝菌味道好突出，雖然有汁但唔會因為咁令麵包變淋，仲可以保持到鬆脆口感😋2️⃣/3️⃣（套餐二選一）甜粟米忌廉湯🌽飲到好出眾既粟米味，夠清甜。布拉塔芝士沙律配無花果及杏仁🧀芝士有好清香嘅奶香味，有幾片西班牙火腿，仲有無花果配埋新鮮嘅蔬菜成個感覺好fresh👍🏻4️⃣/5️⃣（套餐二選一）脆炸鵪鶉髀配西班牙青椒🫑鵪鶉髀炸得非常香脆，肉好嫩滑，而且唔油膩！而青椒用咗少少鹽吊味已經夠好食。日本鮑魚海膽炒意粉🍝鮑魚爽口彈牙，特別想讚下個意粉加咗紅椒及蒜片，炒得好香。6️⃣/7️⃣（套餐二選一）🐔焗法國黃油春雞半隻配燒薯仔🥔主角黃油春雞外層香脆，肉質軟嫩而好多肉汁，燒薯仔有牛油香味好正，食哂2件都冇問題😆🦞燒龍蝦及和牛橫隔肌：燒龍蝦啖啖肉，

G Room Bar & Lounge一家非常特別的餐廳❣️圍著宏偉全螢幕景觀🗺仲會定時轉換景色🏞🌅🎑🎇感覺到了不同地方用膳🌁🌉十分值得一試❣️食物也很好 假日冇lunch set 只能a la carte📔36個月伊比利亞火腿🥓酥炸海鮮拼盤🍤香辣白酒焗蜆🍲什錦海鮮焗飯🥘最後再加杯熱拿鐵☕️完滿😋😋價錢合理 約💰400/person 推介指數⭐️⭐️⭐️⭐️⭐️⭐️性價比⭐️⭐️⭐️⭐️⭐️G Room Bar & Lounge 📍尖沙咀梳士巴利道18號Victoria Dockside K11 Musea 5樓504號舖

今年生日朋友帶咗我嚟呢間食生日Tea.呢間係K11 Musea既餐廳.聽就聽過.但係一直都未嚟食.今年生日可以嚟試吓開心🥳Afternoon tea set⚪️36個月伊比利亞火腿拼盤⚪️頂級魚子醬 另外仲會有Pancake同唔同嘅醬鹹點方面:炸蝦多士.雞鎚.炸池魚.蟹鉗.青瓜炸鮮蠔.芝士條.燒魷魚甜點方面:檸檬芝士蛋糕.無花果奶油酥.網紋蜜瓜奶油蛋糕栗子蓉黑松露芝士蛋糕.檸檬果醬蛋糕.蝴蝶酥最後仲有一個水果窩夫🧇呢個下午茶暫時係我食過最犀利🌟頭盤就有火腿.即係食魚子醬.炸物全部都好新鮮啱啱炸好熱辣辣.甜品最有驚喜好特別.檸檬芝士蛋糕好好食.個黑松露蛋糕都好特別整體都好味.反而最後嘅水果窩夫就比較普通!整體方面:餐廳係5樓.行到最尾右邊見到一間房就係啦.都幾易搵.而餐廳私隱度都幾高因為得幾張枱.座邊張枱都會望到背後既大型LED螢幕.而螢幕會不停轉場景.不停帶你去唔同嘅地方🤪我哋2:30坐低.得兩張枱有人.我想坐中間影相靚啲.店員都好好.幫我換咗中間張枱.影相靚好多❤️整體我都好滿意嘢食好好味😋影得都幾靚幾特別.我哋最後食咗成三個鐘都冇人趕我哋走.可以一邊傾計一邊慢慢食.好開心😃價錢定價都會高

G Room Bar and Lounge, located in K11 Musea, is a Spanish restaurant/ tapas bar that offers special immersive dining experience using curved 360 degrees LED display that features cities/ sceneries from all around the world. The cinematic experience transports guests from reality through time and space instantly and reminds me of my travelling experiences.Since my friend and I came in a late afternoon this time, we ordered a small bite and a main to share as we are not too hungry. The dishes we

K11 MUSEA當中別具特色的餐廳向來為數不少，G Room主打揉合西亞風味的地中海菜式，店內一幅巨型曲面LED 屏幕更是一大賣點。一時飽覽世界各國地標風景，一時彷如置身水族館當中，無可否認絕對會是賞心樂事，不過個人認為如果能增加人手改善上菜速度便更加完美。魚子醬帶子刺身薄片 ($188) 鮮甜無比，看似透薄如紙但事實上仍保留口感，綴以魚子醬更顯矜貴，但整體份量偏少，同樣價錢有其他性價比更高的菜式選擇。鮮魷魚黑蒜蘑菇意粉 ($278) 黑蒜味道濃重馥郁，絕非坊間一般蒜香意粉所能媲美，少一份嗆烈辛辣而多一份獨特香氣，魷魚肉質亦軟彈鮮美，唯一挑剔的是比較油膩，不過整體而言的確能完美地將亞洲風味融入西方美食。雜錦海鮮焗飯 ($358) 舖滿蜆、青口、大蝦、魷魚及蟹腳，真材實料，尤其是蜆肉鮮甜多汁值得一讚；飯底別出新意用上炒糯米飯口感煙韌分明，美中不足的是調味相對清淡可再加強。辣肉腸薄餅 ($188) 用上辣肉腸片、蘑菇、番茄醬及大量芝士，芝士份量澎湃濃稠，批底有如餅乾一樣輕薄而邊位保持香脆。

家姐帶我嚟一間神秘嘅餐廳幫我預早慶祝生日，我心諗有幾神秘，點知一行入餐廳門口我心入邊「哇」左幾聲，間餐廳超級夢幻，佢用一個大型LED營造香港海景，海底世界，連倫敦景色都有，真係超級驚喜，勁靚，攪到我成晚瘋狂打卡。😍咁高級嘅餐廳，原本都有啲唔好意思覺得應該實會好貴，點知望吓餐牌原來價錢都好合理，我哋首先嗌咗個前菜，清酒煮蜆，份量雖然唔多但係每一隻蜆都係脹卜卜，超級鮮甜，好味到連湯都飲埋。我覺得呢間餐廳好好除咗係可以食到西餐之外，連一啲東南亞菜式都有，我哋叫咗呢個海鮮炒麵，好足料好多海鮮而且味道亦不錯。牛扒絕對係今晚的重點推介，因為出邊食一份好嘅牛扒而家下下都要過千蚊，呢塊肉眼$400有找仲要超級好食，肉質好好而且好重牛味，五成熟燒得剛剛好，真係非常好味，我絕對會因為呢塊扒而再嚟，太好味啦。最後叫咗一個疏乎厘做甜品，估唔到好大佢，成個蛋糕咁，開頭都擔心兩個人食唔晒，不過原來疏乎厘本身唔飽肚，而且朱古力脆皮疏乎厘我第一次食，比普通疏乎厘更加特別而且更加好食，女仔食甜品用第二個胃，所以我哋兩個最後都食得晒，好多謝家姐帶我來間咁靚嘅餐廳，真係超級驚喜，而且好好味，鍾意打卡嘅朋友仔絕對值得一試。

今日同朋友係K11musea 搵左間好特別嘅餐廳，入面有個環形大screen, 播唔同類型嘅background. 其中我最鐘意嘅係雪景同水底海龜景❤️野食方面我係A la carte, 叫左嘅每款都好正😆Grilled Squid Skewers $98燒得好彈牙，旁邊有個泰式汁點，更惹味😋Thai-style Hamachi Crudo $188Hamachi 好新鮮，而且個sauce 酸酸甜甜咁，好開胃😋Hamachi, 36months Iberico Ham, Spanish Anchovy and Tomato Crystal Bread $178Hamachi, Iberico ham 同 anchovy, 超夾！ 而且係one bite size, 一啖一粒，爽❤️Italian Red Prawn Spaghetti $348意粉好彈牙👍👍 紅蝦好鮮味，配埋蕃茄sauce based, 好味😆Polo Puff with Custard Cream Berries $108係好少見嘅菠蘿味puff, 清新得黎又鮮甜，完全唔heavy😋

眼睛想旅行？望住個360度大銀幕仿佛置身於唔同時令同地點，邊食邊想念起旅行嘅日子。@K11 挑選餐廳確係眼光獨到，唔係朋友介紹都唔知，原來以旅行做主題嘅餐飲體驗仲可以玩埋360º Immersive Dining Experience咁high-tech！G Room 嘅入口位相當隱蔽，開咗業大半年，主打東南亞新派Fusion菜，當日一早嚟到同朋友等於「包場」嘅體驗係爽嘅！望位個圓弧型LED播大銀幕不停轉換四時景致同世界各地嘅風景影像，真係想講句I can watch thes all day！ALC MENU 嘅選擇好豐富，特別係開胃小菜都好吸引，好適合叫小食再點杯cocktail小酙淺嚐。不過真心想醫肚嘅話main course 都一樣有好多選擇，entrée 黑松露配伊比利亞63度日本溫泉蛋 比預期中開胃惹味，而main 嘅香烤西班牙乳豬配烤青椒 ，烤得香脆，入口有蘋果蓉加持唔太肥膩，至於 鮮魷魚黑蒜蘑菇意大利粉 就正常發揮，黑蒜蘑菇味濃厚！

位於尖沙咀K11 Musea的「G Room Bar & Lounge」，係一間糅合西亞風味的地中海小食酒吧。餐廳將馬來西亞與日本等標誌性亞洲風味，融入地中海食譜，為客人提供充滿西亞風味的精緻小吃。配以360度曲面LED 超高清屏幕，播放着環球各地的動態背景，讓食客體會到高尚的用餐體驗及極致的視覺享受香辣白酒鍋蜆蜆肉勁大粒，鮮嫩多汁，非常甜美，微微辣，帶白酒及蒜蓉香，好好食呀鮮魷魚黑蒜蘑菇意粉意粉口感彈牙，軟硬適中👍🏻加咗新鮮魷魚、蘑菇及黑蒜一同烹調，色香味俱全，同時帶有濃郁黑蒜香香煎肉眼扒配西班牙迷你青椒肉眼扒煎至大約七成熟，牛味香濃，口感軟嫩，沾上芥末醬或海鹽後食用味道更佳！西班牙迷你青椒🫑新鮮翠綠，口感爽脆焦糖甜多士配鮮果及雪糕賣相好吸引❤️表面舖滿香蕉、鮮忌廉及朱古力雪糕，甜美可口～丹麥多士烤到外脆內軟，底部滿佈焦糖，甜甜脆脆的，大滿足呀

今日行街經過見到呢一間餐廳望入去就俾佢啲LED燈吸引咗 入到去成個畫面都好震撼雖然佢係LED燈但係真實感非常重 因為基本上360度都會睇到唔同嘅LED燈景色頭盤我哋就試咗呢一個廚師推介嘅黑松露伊比利亞火腿配 63°C 日本溫泉蛋 一嚟到基本上佢嘅黑松露味已經足以令到成間鋪嘅人都望住 裏邊有兩隻日本溫泉蛋 我自己呢就會撈埋佢一齊食仲有啲芝士同火腿 蘑菇 所以口感非常好 亦都好有層次 本身以為有芝士會好膩 但出奇地成個感覺都好smoothMain course我哋就叫做馬來西亞海鮮炒麵 聽裏面主要係有蝦同埋魷魚 仲有其他蔬菜一齊炒埋佢嘅食落去非常惹味 份量我就覺得啱啱好唔會太少香煎肉眼扒配西班牙迷你青椒 我見到差唔多每一台嘅客人都有叫 呢一個我覺得有驚喜 我自己走去食Medium rare 切開佢之後牛肉粉粉地嘅顏色 食落好嫩 肉味重我自己覺得可以媲美其他嘅扒房添 所以呢個價錢食到我覺得非常好

朋友生日想食西班牙菜，所以去左K11 G bar一試佢地西班牙小菜。酥炸生蠔：生蠔不但揸得外脆內軟，而且生豪10分新鮮， 10分Juice，識落完全好似新鮮即開即食嘅一樣10分美味可口。西班牙乳豬：西班牙乳豬Shift用上西班牙嘅掩了去醃製，食囉不像中式乳豬一樣，肉質肥美亂畫，加上特別嘅醬汁，兩者二合為一實在10分好味。海鮮薄餅：用上魷魚青口鞋油線下佢製造嘅薄餅，識落不但鄙薄餡靚，邊位得10分香脆，加上濃郁嘅蕃茄醬汁，實在係必食嘅薄餅。雲尼拿蘇乎厘：疏乎厘用上新鮮嘅蛋白去打製加上高溫嘅焗爐去焗劑，識落嘅燉蛋10分嫩滑，加上師傅唔係用你嗰個很多糖去製造食物不會太甜。總括來說，這裏環境10分優美，環境好像一間小型包廂一樣，實在係和朋友聚會嘅好地方。