影片
更多
2022-11-16
88 瀏覽
來一趟輕鬆之旅，食物色香味固然重要，餐廳既環境都非常重要，評定一間餐廳是否用心，餐廳裝修格局環境就顯然易見，因為投資得最多既一定係餐廳裝修，所以餐廳貴都貴在佢個景，正如有錢買樓都買海景。樓就買唔起，靚餐廳就食多幾間，哈哈。今次揀左間K11 musea 5樓既G room，西亞fusion菜，西式日本馬來西亞融合一起，啱晒大班朋友，唔使問prefer咩餐，fusion就搞掂晒。一入餐廳見到360度既圓廳，牆上360度LED大螢幕，定時會轉換唔同既景，去完巴黎香港又可以去埋海底世界，有趣有驚喜，估佢唔到360度時又真係幾似置身現場。牛肝菌黑松露配水晶面包色香味俱全，職員送上一個六角型水晶盒，揭開時，濃郁黑松露味湧出，㡳下面包脆身，creamy ge 黑松露包圍牛肝菌，醬汁份量剛剛好舖在面包上，一啖落去都唔逼落材料，剛剛好。甜粟米忌廉湯配西班牙火腿粟米湯濃郁厚杰，唔係好甜反而帶點青青的粟米味，湯有點細葱同火腿。布拉塔芝士沙律配無花果及杏仁沙律火箭菜，布垃塔芝士屬意大利奶酪淡味奶酪，入口滑，非常配合沙律，無花果新鮮，沙律加杏仁立即升lv。脆炸鵪鶉脾配西班牙青椒新鮮剛炸起的鵪鶉脾，熱味香氣撲鼻，
今次揀左間K11 musea 5樓既G room，西亞fusion菜，西式日本馬來西亞融合一起，啱晒大班朋友，唔使問prefer咩餐，fusion就搞掂晒。一入餐廳見到360度既圓廳，牆上360度LED大螢幕，定時會轉換唔同既景，去完巴黎香港又可以去埋海底世界，有趣有驚喜，估佢唔到360度時又真係幾似置身現場。
牛肝菌黑松露配水晶面包
色香味俱全，職員送上一個六角型水晶盒，揭開時，濃郁黑松露味湧出，㡳下面包脆身，creamy ge 黑松露包圍牛肝菌，醬汁份量剛剛好舖在面包上，一啖落去都唔逼落材料，剛剛好。
甜粟米忌廉湯配西班牙火腿
粟米湯濃郁厚杰，唔係好甜反而帶點青青的粟米味，湯有點細葱同火腿。
布拉塔芝士沙律配無花果及杏仁
沙律火箭菜，布垃塔芝士屬意大利奶酪淡味奶酪，入口滑，非常配合沙律，無花果新鮮，沙律加杏仁立即升lv。
脆炸鵪鶉脾配西班牙青椒
新鮮剛炸起的鵪鶉脾，熱味香氣撲鼻，鵪鶉肉嫩味濃，有肉汁。配菜用上西班牙綠椒，發覺好多道菜都有用到西班牙椒，不得不介紹一下
👉🫑西班牙北部夏天盛產的小綠椒（Pimiento de Padrón）。唔同平時食開嗰種好圓／長尖既青椒。西班牙椒尾又圓圓，一點都不辣，相反有濃濃的青椒味。🫑👈
日本鮑魚海膽炒意粉
日本鮑魚切小片，炒過既鮑魚加上少量調味，味道鮮，口感爽。海膽新鮮放在紫穌葉上，底下既意粉份量適中，帶點有咬口既意粉（我至愛！），加上蒜欖油炒過，非常惹味，意粉超級推薦！
香烤西班牙乳豬配迷你青椒
乳豬皮脆油份香味四溢，脂肪同乳豬肉分佈平均，唔會感到非常油膩，再配上西班牙青椒，西班牙椒的香味加分。
燒龍蝦及和牛橫隔肌
牛橫隔肌大約五成熟，外面煎得帶點焦脆，入面依然能保持肉質紅嫩，牛肉嫩牛味重，另有燒汁，芥末和粗鹽可作調味，本人喜歡簡單，鹽略略的調味已經很足夠。另外燒龍蝦肉質結實，只是略嫌不夠喉。
主廚精選甜點+餐飲
每日的甜點都不同，當日職員介紹給我們開心果芝士蛋糕，cheese味不太重，帶點nuts味，剛好後面螢幕轉到巴黎，在巴黎鐵㙮下歎cheese cake 咖啡茶，打卡一流。值得一讚，餐飲的茶和咖啡，咖啡茶底都濃，不是普通貨式，值得一試，也顯出餐廳用心。
總括來說，食物質素不錯，餐廳的服務都很用心，職員非常有禮，節奏一流，係你需要佢既時侯就會出現，又會自動加水。生日慶祝聚餐都是唔錯的選擇，幾百蚊一個main，話晒location係k11 musea，咁既價錢配貴地點，不錯之選。
張貼
