FUMI

營業中

休息中

我至愛任食或者自助餐，貪款式夠多，又可以每款先試少少，好味先再添食😆 所以，我哋安排咗元旦1月1號嚟到中環「FUMI」試試以🥢All you can eat形式嘅🍣日式Sunday Brunch☀️「FUMI」位於中環德己立街一座新式商業大廈之中，環境唔錯👍🏻不過，餐廳位於嘅商業大廈就不設停車場，所以如果揸車嚟嘅，就需要係附近停車場🅿️搵位泊車。或者，搭港鐵可以由中環站D2出口，步行約4-5分鐘。餐廳環境闊落、裝修簡約舒適👍🏻 Sunday Brunch用餐時間可以由中午12點至下午3點，時間非常充足，唔似一般日式放題食到好趕🏃‍♀️而且，最近做緊買3送1優惠，即係4人同行收3人價錢（免費最低價錢果位），公眾假期都可以享有呢個優惠，真係好抵💥大人$480/位+10%、小童$280/位+10%。（飲品或酒類另計）⚠️特別留意，最近做緊額外優惠，訂座後如果提早入數每位$200訂金，就可以每位送一隻牡丹蝦刺身🦐😋⚠️呢隻蝦刺身幾大隻、又鮮甜，值得一試👍🏻雖然名為All you can eat 放題，但要留意‼️主菜每位只限選一款、甜品亦不能任食，係由餐廳按每檯人數綜合做一個甜品拼盤。餐廳職員非常貼心💖入

而家食飯除左食物質素，衛生環境十分重要。Fumi 做到。食得安心！食物質素一如以往沒有令人失望。買三送一brunch 性價比高！雖然當日full house 經理哥哥及侍應也很好service.

新年第一個星期, 去中環食Brunch.Fumi的大廈有好多餐廳食Brunch, 但全部都好多人, 一定要book位.以下是餐牌, 前面是任食, 後面是主菜.刺身好好食, 新鮮. 要encore.前菜都好食, 特別是泡菜, 可一試.冷盤的牛肉ok, 可encore.訂位送大蝦及甜品.送的大蝦好大隻.串燒好味,全部即燒. 豬肉可encore.主要目標是蟹, 好味,溫度ok,可不斷encore.炸物較弱,炸鷄味道ok但偏油.天婦羅也弱,不夠脆,中間太"水".蟹encore也給很多.主菜要了魚及煎牛排. 魚是即燒,好味但細塊.煎牛排是一片片. 有油香.甜品也是訂位送的. 特別在有干冰效果.

今次嚟到食Sunday brunch時段係12-3點，All you can eat brunch!! 前兩日喺網上訂座，俾左每位200蚊嘅deposit ，網上訂座仲送刺身&甜品我地準時12點入座，店員細心講解餐牌仲馬上幫我地下單，每樣都要小小試下前菜都好好食雜錦野菜沙律蟹籽青瓜沙律日式烤牛肉配柚子汁蕃茄雞蛋沙律呢個就係網上訂座送嘅蝦🦐 好鮮甜 好大隻 仲好多膏呀！日本直送刺身全五款油甘魚、甜蝦、三送魚、帶子、吞拿魚全部都好鮮有比較之下就覺得吞拿魚略為遜色左小小另一樣我最期待嘅野就係雪場蟹腳任食！高質的！壽司size啱啱好 唔會話太多飯太飽加州卷、鰻魚牛油果卷Fumi素菜卷、辛香雜錦刺身太卷燒物出色鹽燒宮崎雞翼、豚肉牛油粟米、京都迷你甜青椒炸物都唔錯天婦羅🍤海蝦、野菜兩款其實仲有炸雞，不過我就覺得炸雞麻麻地喇😛以上所有野都係可以任叫encore❤️❤️跟住到主菜六選一我地揀左銀鱈魚味噌燒A4宮崎和牛冰見烏冬最後係甜品盤好完滿嘅一個Brunch呀不過飲品嘅package我就覺得唔係好抵喇3小時用餐時間，絕對足夠慢慢享受

週年慶祝，選擇情陷夜中環（說笑），來了蘭桂芳樓上鋪，日本料理。選擇此店，很簡單，因為疫情無得去日本，慶祝唔去staycation寧願把＄花在食嘢上。於是找來這間日本店光顧。所以，肯定是貴的，難得慶祝週年慶，一起開心下也是不錯選擇是晚點每人各一套餐包括：蘋果蟹籽沙律：爽甜好味前菜：驚喜小食，特別又少見的菜色，自己睇相啦！慢煮A4牛：入口即溶，太好味海鮮湯：用茶壺和杯飲的海鮮湯，好好味，好特別刺身併盤：最時令新鮮的刺身，厚身又新鮮雪場蟹腳：肥美新鮮櫻花蝦雜菜焗飯：好特別又香脆時令生果：士多啤梨唔甜，其他生果都好好味又甜又多汁另加兩杯飲品點了豪華套餐，每人千多元落樓，值唔值見仁見智。如果自己都搵唔到唔捨得食，就唔好屈人請，咁會俾人話港女。和值得的人一起捨得食又享受食才會開心呢！至於環境ok嘅，日式裝修，應該有些私人房的，我無坐私人房，可能俾明星坐卦。在普通範圍進食就有點嘈，當晚先有一班大媽好嘈，之後換了一班外國人亦很嘈。日本餐廳當酒吧，有點壞了氣氛。仲有一檯3人的，明明坐得遠，中英夾雜大聲講嘢。所以環境嘛……ok啦！自己唔好俾周圍影響，又唔駛傾好多計嘅就無問題嘅，否則各檯都鬥大聲就無意思了！

我平常簡開餐廳都好伏，今次有朋友介紹就膽粗粗又試下FUMI。泥到環境已經好舒服，乾淨企理。之後叫左個delux dinner set 同 八件魚生拼盆，無諗過食物甘新鮮，海膽同魚都超過預期中好。另外個set有海鮮湯，好濃味好正！最出色係個A5牛，真係啖啖肉好juicy 不過我覺得最加分嘅就係工作人員嘅態度，服務好好，又會介紹菜式同食法，好有耐性。FUMI嘅環境，食物同人員服務水準相當好，一定會再次番泥食，價錢都好合理期待下次試佢地weekend嘅brunch buffee

因為我生日💛所以就帶咗男朋友黎蘭桂坊呢間FUMI食野❣️本身佢自己都好鍾意食日本嘢既然今年冇得去旅行就決定帶佢食好西🤤一開始入到去，waiter服務好好幫我哋量晒體溫，俾埋我哋搓手液去消毒之後安排咗個角落嘅座位俾我哋，我自己唔係幾鍾意咁嘈，所以覺得咁樣安排幾好☺️打開Menu先知道原來佢轉咗做Semi buffet😂不過都唔緊要，因為好多嘢揀Waiter好用心機去介紹各樣菜式俾我哋，同我哋講可以慢慢諗，晏啲再叫main course都得(平時最憎人哋催我🤣)因為驚帶太多食唔晒，所以每個item就帶咗兩三款。不過當中最好食梗係就係刺身同埋鱈場蟹🥰唔洗點豉油都已經笑到佢嘅鮮味本身係海鮮怪嘅我淨係食呢兩樣都已經好滿足❤️而且佢嘅炸物同埋燒物都係熱辣辣再配上適中嘅醬汁，唔會特別咸或者特別油之後到main dish嘅和牛烏冬平時食開讚岐或者其他手打烏冬就係粗粗嘅今次嘅冰件見烏冬就係幼嘅但同時亦都好彈牙同入味我決定以後淨係食冰件見烏冬🤣不過食食下突然之間有個waiter收野嘅時候打爛咗成盆玻璃碟同杯，嚇死我個甜品就正正常常，都係食返係日本嘅味道埋單兩個人唔使1000，所以我覺得好抵😍

這個真的是值得紀念的晚上，Victoria主動聯繫我請我食飯，非常之感恩的。呢間餐廳位置於中環蘭桂坊，泊車有點難道但靚女主動約我食飯，就算上刀山落火海都唔係問題！😂😂呢間野真係非常之去得過，係我非常之鍾意嗰種唔使睇，徐徐有嘢食就會上，連出去攞嘢食都唔使咁方便嘅自助餐😂😂價錢方面可以，絕對唔係貴如果相比五星級大酒店😇😇而我和Victoria重點加深了好多了解，一起歡聚一個美好的晚上。多看我食評都知道好食唔使講嘢，睇相就知道

Fumi🥰How I’ve dreamed of one day dining there. It finally happened guys, I went over the weekend and had the most orgasmic meal 🤤 We ordered the Sashimi Platter to start, and of course, so fresh! The Toro were so beautifully marbled and felt as if eating soft butter! The carbs had to be the Buckwheat Noodles and the Tempura Don. I loved how the fat of the Miyazaki beef perfectly melted into the sweet broth of the noodles. The Don was filling yet light at the same time, which left room for the st

FUMI假日有semi-buffet，至於平日呢個壽司set就叫做不過不失..性價比亦不高.*️⃣ 特上壽司拼盤定食 $408拼盤有toro同海膽壽司再加十款廚師推介。海鮮不過不失，沒有什麼驚喜。至於魚生有少少雪太耐既感覺，toro味道很淡。唯一係兩款火炙壽司整得幾出色。朋友同我叫咗同一款定食...當中嘅toro 竟然變咗三文魚佢即刻換返俾我地，可惜只係變左油甘魚。如果當時知道拖羅有寫落Menu一定會叫佢follow返.結論：encore機會很微🥱.@fatpet_natalie

已經好耐無寫食評，今次不得不寫！呢間位於中環既日本餐，剛剛過去一星期就食左佢兩次，點解會食佢兩次呢？一次因為工作需要，另一次因為幫朋友慶生，同時因為佢用既食材非常新鮮，我地一行5人叫左兩個刺身拼盤，刺身拼盤係俾高級食材，佢係吾會俾三文魚你食嫁！另外6款串燒，其中一款係雞棒，出面食串燒多數會俾生蛋，呢到就俾溫泉蛋，不過味道就濃多啲！另外牛舌都係無得輸，食完要再encore ，另外仲叫多左個炸蝦卷，因為有朋友吾食生野😅，飲品就飲生啤🍻，生啤啲質感真係吾同啲，夠冰凍又滑😋 朋友們都非常滿意餐飯，食到佢地肚滿腸肥，佢地既服務態度都非常好！上食物速度都夠快😆值得一讚👍🏽幸好有訂位，因為星期五個個都出黎Happy Friday，好食既餐廳真係食多幾次都吾怕呀😆

今日同個已經有五年冇見的中學同學去了中環的一間高級餐廳敘舊，吃了當天的特別晚餐因為疫情關係點了第一款菜後所以第二款可以半價。覺得壽司很新鮮很鮮甜，稻庭烏冬都唔錯，特別喜歡日本清清地甜甜地的湯底。最喜歡的是他的日本拖羅壽司入口即溶但因為是雜錦壽司的關係，每個餐只有一件。買單最後每人約$350。算是正常價錢

Sunday Brunch有任食又有酒任飲🥂都係拍拖或好友相聚的好選擇。今次hubby生日🎂搵間未去過的試試。首先FUMI可以食3️⃣個鐘就幾吸引，唔駛食到好趕；唔知係咪疫情關係枱與枱距離拉遠感覺良好；每人送1️⃣隻生蠔🦪非常creamy😋沙律吧個烤牛肉做得出色；刺身新鮮，我巧like吞拿魚腩🐟，食左好多蟹🦀應該可以翻本（小女人心態😜）。小丸子學堂有師傅教點整章魚🐙小丸子幾得意，自己做得好又有成功感👍燒物烤物做得唔錯，燒雞翼直頭好like啦！訂位時加$58 order左個special 甜品比hubby，因為差D忘記上最後經理主動offer免費巧感動🙏😊有一個主菜可以order，我的A4宮崎和牛udon好食，不過hubby話佢個味噌銀鱈魚就一般般所以無比我試🤨 服務員經常主動添加酒給我們。整體FUMI唔算巧多選擇但貴精不貴多，推介👍

年年情人節都去鋸扒，今年來啲唔同啲嘅今年嘅情人節慶祝我同男朋友去咗中環呢間日式餐廳嗰度食飯，一睇個Menu就覺得好吸引。最令我驚喜係個頭盤，名為三文魚子湯葉海膽杯＋慢煮鴨胸火夠三文魚壽司，淨係聽個名會覺得三樣嘢好唔夾，但係其實識落真係好match、好juicy。，第二個我哋最鍾意嘅係刺身，分別有蘋果目煙燻赤鮭、吞拿魚、同牡丹蝦。佢個蘋果木係有個樽裝住，味道有啲似shisha甜品方面都有好正嘅日本雪糕同日本生果～呢間日本野值得推介

首次試呢間brunch, 優惠是買三送一，要先付每位二百元訂金，環境很好，安靜沒有像酒店自助餐的嘈吵聲音。 食物方面比一般日式放題店高一級，可惜食物種類實在太少，而且與收費不成正比，甜蝦及皇帝蟹腳好食，爐端燒雞翼好食，其他一般。大約1:30店員已經問可否收枱上甜品，被拒絕後2:00再催要收枱上甜品，外面自助餐枱refill 次數慢，2:00大部份已經不再補充，其實個brunch 係12:00-3:00，last order 係2:30，唔明白點解咁急要上甜品？