Four X Four

營業中

休息中

叫咗蟹膏蟹肉意粉同墨魚汁意粉。正正常常，唔係難食都冇話特別好食，唔明點解會有咁多好評。杯白咖啡就真係麻麻哋，完全冇咖啡味…環境幾好，傾偈舒服。不過食物冇驚喜，唔會想再幫襯。

餐廳位處住宅的小區，環境優美，價錢合理，而食物質素就是上等的。番茄濃湯，不是一般的做法，而是把番茄 blend 出來的，香濃的，充滿番茄的鮮味。墨魚汁墨魚意大利粉，墨魚汁是淡淡的海鮮味道，而墨魚也是新鮮彈牙的。也加點了溫泉蛋，因為蛋味很濃，而加了點點調味，更加提升了味道。Sea Salt Latte, 一向也大愛這兒的咖啡，味道好之餘，拉花也很有心思。環境方面，落地大玻璃，室內空間感十足，簡約的木製餐桌和餐椅，望著外面暖和的陽光，加上對面不太壓迫的環境，慢慢嘆一餐，確是一件賞心樂事。

星期六，十二點半到，等咗大約30分鐘， 兩個大人一個小朋友，被安排坐梳化嘅位置， 用QR點餐，我哋嗌咗三個lunch: 味噌蟹肉扁意粉 配凍嘅咖啡， 燒雞扒&薯條 配可樂， 同埋燒靖魚生酮餐 配凍柚子蜜。我哋第二次嚟，水準大致上都keep到，個雞扒真係超級抵食，CP值好高! 燒靖魚有驚喜，D魚肉十分嫩滑 配合個流心溫泉蛋，perfect! 但係個扁意粉賣相就欠佳，好似嘔吐物一般， 亦食唔出啲蟹味，味噌味有少少， 強差人 意咁。 樓面就得一個侍應， 收銀、傳菜、落order、帶位、入座登記、handle外賣…， 全部一腳踢，佢十分之忙，未必顧及到咁多嘢，樣樣嘢都要等，小店人手不足，冇辦法。

特濃牛肝菌黑松露扁意少配牛樅菌扁意粉硬度完全恰到好處，既不會腍，亦不會硬，好出色!日式火灸慢煮西班牙豬肩胛叉燒朋友和我都好奇黃色物體是否薯蓉。嚐了後，原來是微酸，應該是蘸上豬肩胛叉燒，不然叉燒會好單調。

今日叫左二人晚餐，包括乳酪汁羽衣甘藍沙律配溫泉蛋，一舨，同埋份量較少，一份牛油冬陰公青口配法包，好味，兩碗甘筍忌廉餐湯，好味，一碟特濃牛肝菌黑松露扁意粉配雞樅菌，一碟香煎安格斯封門牛柳（10安士）配烤雜菜及薯蓉，5成熟，超級好味，兩杯蜂蜜生薑茶，可以

難得國慶假期，當然要去食好啲；聽說大圍這間食店幾好，由顯徑站行過來也只是幾分鐘路程，就一於去試吓！🤔當日中午到達已接近全滿，好在還有張吧枱；店舖面積不是太大，大概只有20多個座位！食物選擇了「灸燒雙重芝士青芥末醬大雞扒、太陽蛋、菠蘿包、薯條」及「生酮午餐(日式烤鯖魚、醬油慢煮雞胸、羽衣甘藍溫泉蛋沙律、牛油果莎莎)」，飲品則叫了生薑蜜及南非國寶茶。😋雞扒煮得生熟度剛剛好，嫩滑多汁，非常好吃；薯條鬆脆可口，加少許鹽已很好味；反而菠蘿包就麻麻哋，被醬汁浸腍了。烤魚與雞胸也不錯，羽衣甘藍在酸酸甜甜的醬汁襯托下，也很出色。食物水準比想像中好，有空到大圍不妨可考慮行遠少少來這裏試試！🤗Four X Four地址: 大圍上徑口村143號地舖電話: 69964394

難得放假想同圍行吓，咁啱顯徑依個地方又未嚟過🙈上網搵有咩好食時，見到呢間小店Cafe嘢食同價錢都唔錯，一於試試👀✴️蟹膏蟹肉扁意粉✴️唔好睇佢好似好細碟，一撩開份量絕對唔少！好欣賞佢嘅意粉煮得好有咬口，放耐咗食都唔會淋👍🏻加上蟹膏汁好濃郁，仲有大量蟹肉，每一啖都好有鮮味✨✴️香煎大雞扒、煎蛋、芝士菠蘿包配薯條✴️聽到名就知豐富🙉雞扒有兩隻手掌咁大，非常嫩滑！雞扒上面鋪咗一層炙燒芝士，仲有一隻煎蛋，超多料🍔不過美中不足係菠蘿包有啲淋，無脆皮嘅感覺，而且食材令到個包過濕，食落有啲膩🙈✴️焦糖鮮奶咖啡、提子乳酸梳打✴️

第三次同朋友食呢間餐廳，啲嘢依然咁好食，保持到水準今日同朋友玩完攀石，其中一個未食過four x four，就帶佢食下今次都係揀2人餐（佢個2人餐份量都好多，唔太大食嘅其實都夠3個人食），再加個炸魷魚圈同甜品落單前，餐廳個姐姐好有禮貌咁話俾我哋知今日個menu冇左芥末八爪魚轉左青口配法包，我梗係冇所謂，上次食過芥末八爪魚，係幾特別同埋都好食，不過如果唔食得辣或者唔鍾意陣味嘅朋友就未必食到，咁啱今日個兩個朋友都唔食得辣基本上今餐除咗個魷魚圈同杯cocktails 唔係好啱口味之外，所有野都好好食要提嘅係個甜品好食得黎都大份，想試嘅朋友就唔好嗌太多野食以免浪費食物仲有不得不讚佢哋嘅服務態度真係幾好，我想加水，廚房個哥哥有留意到，都提返同事幫我哋加水

放假同朋友食個EARLY LUNCH11點零仲係早餐MENU但店員話可以照俾LUNCH MENU 我地揀佢人手幫我地落單 呢點加分CAFÉ有少少僻 平時真係唔會特登黎呢頭裝修工業風 有空間感 環境整潔乾淨非繁忙時段係到坐下吹水幾好繁忙時段就限時75分鐘LUNCH有SET選擇唔算好多 價錢中上 包野飲叫左個三杯雞排 X 菠蘿包X薯條個雞排好大塊 煎得皮脆肉嫩菠蘿包切開左一半 可能係想俾人夾住食?薯條幾出色 岩岩炸好 好脆好香口野飲叫左杯茶 佢其實有咖啡 應該會幾出色埋單好似唔駛加一添Overall質素中上 可再來

第二次幫襯先寫食評，食物質素有維持到今次係大概6:30pm去，無乜人直接可以入去坐門口有位可以泊電單車，職員主動提醒（服務態度)店入面有打卡位，裝修都有心思，野食睇得又好味，晚餐價錢都偏貴，2人set $500up，但早午餐都ok 2人around $200，上菜速度都快，職員好細心同有禮貌值得得閒chill 下嘅cafe

環境走工業風，整潔乾淨，坐得舒服。中午時分，限時75分鐘。 下雨天兩點到嚟，不需要等位，用QR code落單，方便。服務生也很有禮貌，叫左個set lunch 煎鴨胸沙律，菜新鮮，但煙鴨胸比較肥膩，有層油喺碟底，加$24配咗餐湯和沙律 ， lunch set有好幾款餐飲也不需加錢， 我就配咗凍㗎啡( 不需另加錢)， 㗎啡質素above average, 埋單 總共102蚊。 其實配特飲(印象中有幾款乳酸飲品揀)，只需加20蚊， 早知唔加配餐湯和沙律，叫特飲好D😂。 👍overall質素算中上，性價比高。 環境+食物也IG -able。 有機會會再嚟食 !🤎💜💙💚💛🧡❤️💯

早餐時段黎食加份細碗仔沙律都要12蚊，本身以為有煙三文魚原來係冇嘅，早餐黎講價錢小小貴🤏水牛芝士蕃茄濃湯扁意粉配天婦羅軟殼蟹棒軟殼蟹棒新鮮炸起 好夠脆蕃茄湯酸酸甜甜好濃好開胃

位於顯徑站附近Four X Four文青咖啡店，以灰色水泥牆身搭配簡約木系餐桌，帶岀簡約休閒風。牆上貼著鼓勵說話既祝賀卡和明信片，感覺溫馨。蒸籠上的All Day Breakfast ADB食得多，但以中式點心蒸籠上菜的，的確第一次吃！賣相非常ig-able，加上芝麻醬蟲草花，帶點中式元素，還有煙三文魚、Parma Ham、炸魚柳、薯餅、雞肉腸、太陽蛋、沙律菜、同我最愛既窩夫！窩夫鬆軟帶蛋香，質感不會帶死實，分量多，一人吃是非常飽肚。意大利煙肉芝士忌廉扁意粉芝士控必食！扁意粉芝士味濃，意粉口感彈性帶點煙韌，散發蛋香，配上香口煙肉粒，滋味萬分，非常邪惡！玫瑰咖啡咖啡上灑上少女風玫瑰花瓣，幼滑咖啡伴隨著淡淡玫瑰清香，甜度適中，感覺清新提神Matcha Latte抹茶味甘醇香濃，入口幼滑，可惜甜度偏甜Four X Four📍大圍上徑口村143號地下

自從港鐵開通咗屯馬線之後，去顯徑同九龍城區域就方便好多啦~ 今次我地去到顯徑附近搵到間cafe- Four x Four~ 佢係一間好舒適嘅cafe，最啱就係同朋友一邊傾計一邊飲咖啡~😍我地一共order 咗兩個two dinner set，再額外加咗一個沙律同餐湯~ 沙律入面有煙三文魚同幾粒蕃茄仔，成個感覺既清新又開胃~ 餐湯係忌廉粟米湯，入口creamy 而且有好香濃嘅粟米味~😜我地主食order 咗✅特濃牛肝菌黑松露扁意粉配雞樅菌，呢個意粉係佢地其中一個好受歡迎嘅item~ 雞樅菌睇落好似成枝鉛筆咁勁可愛，而且口感都幾chewy~ 意粉醬汁用咗黑松露醬，味道香濃美味，配埋佢地嘅al dente 扁意粉就好夾啦~😆我地本身order 紅蝦意粉但係當日冇曬啲紅蝦，所以✅大蜆意粉黎代替~ 蜆肉好新鮮彈牙，而意粉醬汁係帶有香濃蕃茄味，感覺都幾開胃~🥰

大圍同顯徑呢邊平時都比較少嚟，但都知道近年呢區的村屋開多咗好多特色CAFÉ。今日約朋友食lunch，朋友話呢間FOUR X FOUR都唔錯，於是就嚟試下。呢日唔算好多人，好快可以入座。我地分別揀咗兩個lunch sets:1.     北海道魷魚肝汁意大利飯配照燒穴子 $108個飯好入味，燒穴子好淋亦唔會燒得好乾2.     黑醋忌廉蒜蓉蛋黃醬大雞扒，燒菠蘿片配菠蘿包及薯條 $108呢碟一上枱感覺已經好邪惡，因為份量非常大！雞扒好厚身，切落去好淋，食落口肉質好滑好juicy，配埋菠蘿片甜甜地好醒胃。菠蘿包外皮脆脆而且亦好大個，加埋薯條，一個女仔實在食唔哂！3. 其中一個跟餐升級Rose Cappuccino玫瑰泡沫咖啡香滑又有淡淡玫瑰花香，唔錯！Café裝修簡約舒適，同朋友食下傾下不知不覺得坐咗兩個鐘，整體食物質素唔錯，值得繼續支持！