Four X Four

營業中

休息中

今次嚟到大圍一間隱世小店Four X Four，位置雖然隔攝，但餐廳裝修簡約乾淨，帶點小清新風格，感覺寧靜寫意，啱晒想靜靜地歎個西餐的人。慢煮西班牙栗飼豬扒配柚子胡椒醬、薯條及沙律菜豬扒厚切但入口超嫩，邊位帶點油脂，肉質細緻帶甜味，顯示栗飼豬本身脂香。柚子胡椒醬酸辣清新，恰到好處地中和油膩感，為整體味道加分不少。配菜方面，薯條炸得乾身香脆，沙律菜則用上新鮮蔬菜，醬汁輕盈，起到平衡口感作用。開心果醬烤蜂蜜肉鬆大雞扒，配蒜蓉包及薯條 雞扒大份，煎香外皮，肉質保持嫩滑，帶點蜂蜜甜香，與肉鬆的鹹香配合得幾特別。開心果醬則為整體加添堅果香氣和油潤感，有驚喜。蒜蓉包外脆內軟，拎嚟撈醬或伴雞扒都好夾。

今次去咗顯徑，發掘咗一間隱世而高CP值嘅西餐小店，餐廳以木系裝修為主，環境溫馨，另外餐廳播放住廣東音樂，營造出悠閒嘅氛圍，而餐廳食物份量十足，價格親民， CP值極高開心果醬烤蜂蜜肉鬆雞絲配蒜蓉包、薯條開心果醬同蜂蜜的結合，令味道非常濃郁，而雞絲非常嫩滑，塗上開心果醬後，非常入味，加上鹹甜膠積嘅味道，令人回味無窮，蒜蓉包烤得酥脆，中和開心果醬嘅濃味，而薯條炸得金黃香脆，份量十足慢煮西班牙栗飼豬扒配柚子胡椒醬、薯條、沙律菜豬扒經過慢煮之後，肉質依然嫩滑，而且有肉汁非常JUICY，胡椒醬帶嚟嘅鹹香風味與豬扒完美融合，提升整體味道層次，配菜方面有沙律菜及柚子，為整道菜增添清新感，值得一提，豬扒份量十足，讓人吃得非常滿足

🍴炸雞 +$48 (7/10)自己整嘅，個皮厚身少少，不過蒜香味好重，都幾嫩滑！🍴醬油忌廉汁西班牙豬肉扁意粉 $98 (8/10)意粉食落去唔算好Creamy不過豉油嘅味道好出，比較偏甜片日式嘅，味道都幾好食嘅，啲豬肉都好彈🍴香烤赤味噌比目魚柳（10安士）配薯條及沙律菜 $168 (8/10)個比目魚好厚身，好嫩滑，辣辣地都幾唔錯，個沙律都好清新薯條都唔會太油膩！🍴咖啡正常，好濃啡味！🍴芝士蛋糕 $48好重芝士味，幾creamy，ok的！推薦指數： 8/10真心煮菜小食都幾好食嘅，感覺都係好有心思去做嘅小店，咖啡就一般般啦，其他都唔錯嘅，都值得推介！

今日踩單車去左題顯徑呢間喺村屋既cafe，喺正馬路隔離，唔難搵。近期有股開心果熱潮，所以見到餐牌有開心果既野食，就點左個 開心果醬烤蜂蜜肉鬆大雞扒配窩夫及薯條。切開雞扒會見到啲肉汁流出黎，開心果醬都幾多！食落有少少花生醬味🤣 如果個開心果醬再流質多少少就好。餐湯係蕃茄湯，不過不失。自家製山椒墨魚汁蟹肉扁意粉配黃金蟹子：呢個墨魚汁就恰到好處！唔會太稀唔會太傑，而且每啖都食到蟹肉同蟹子。跟餐加錢加左杯Dirty，層層分明，好味👍🏽

平時好少入顯徑食嘢，因為朋友生日搵下適合嘅餐廳。就選擇左呢間🧡首先佢環境好舒服，張枱夠大！啲位夠闊！燈光剛剛好💡其次啲歌好聽，全部都係廣東歌❗️跟住啲野食都好好食，我地清曬。豬扒同炸雞都好多汁，完全唔柴，啲醬都配合到啲食物👍🏻墨汁意粉有好多蟹籽，口感豐富😋最後職員送上蛋糕比我哋，我同朋友2個人自拍完一輪後，職員主動走來幫我地影相💕好感激她為我哋留下美好回憶。整體嚟講下次會再幫襯！已經等唔切下次試佢其他嘅菜式！（第一次寫食評就比左Four x Four）

開心果醬肉鬆雞扒 x 窩夫🧇開心果醬有驚喜，開心果味突出，配搭雞扒🐔作鹹點，味道唔錯同出奇地幾夾！🤩窩夫超乾身同硬，唔好食☹️ 本身以為係窩夫夾住個雞扒，好似漢堡包咁，原來係全部分開😅 ….薯條就正正常常😂 雖然表面睇落份量唔算好大，但係可能開心果醬關係食落都夠飽（仲要我本身冇食到窩夫，因為實在太難食）.朱古力咖啡☕️正常發揮，可以一試餐廳環境方面其實坐得幾舒服，有時間可以chill 下，成個感覺比人好悠閒。

閒日星期四晏晝兩點幾到達，唔使等位就入喇🤩， 印象中我已經應該係第四次嚟， 欣賞佢哋餐廳風格chill 坐得舒服😎。用qr code落單，自助水吧可以自己去拎杯水 ，或者拎調味料，我點咗一個全日早餐all day breakfast，$ 108蚊， 包一杯嘢飲我嗌咗凍美式咖啡， 可以另外加$ 20要煙三文魚/ 加四十幾蚊嗌件蛋糕，我驚食唔曬，所以冇嗌。all day breakfast 食物有較為油膩😟，成張索油紙都係油👻，沙律菜新鮮💖，水波蛋 滑溜溜👍，其他就一般，尤其是係個薯餅😑， 相比大半年前，整體食物份量感覺少咗，可能物價貴咗🤔， 但對一般女士嚟講，一定足夠。總括來講，餐廳食物質素中上😍， 是區內難得一見 較好食又坐得舒服嘅餐廳，又唔洗加一服務費，埋單108蚊， 有機會會再嚟😆。

聽居住附近的朋友推介，咁啱今日來依頭就試下！員工態度都有善，冇太多人等位時都冇限時食，趕人走咁。叫左兩個意粉，兩個小吃！小食方面特別欣賞炸雞，熱辣辣唯獨青口略嫌細隻咗啲。意粉味道都不錯！不過可能食物有少許味精，所以食完有一丁點口渴。雖然價錢有少許貴左一點，但整體食物味道幾好，同朋友聚聚chill一chill之選

翻睇電話相簿，發覺一月既時候幫襯過呢間餐廳完。全。中。伏叫咗一個all day breakfast，用一個大點心籠裝住，都幾特別，不過睇真啲，啲配搭真係九唔搭八。好似求期喺屋企見到啲咩就拎出嚟煮咁，啲虫草花咩事唔緊要，仲有一碟沙律，豬腩肉羽衣甘藍豬肉軟硬度適中，但係冇任何味道，顏色白賴sai賣相真係麻麻，味道更加麻麻咖啡超難飲呀！可以慳返唔好嗌麥記咖啡仲好飲過佢呢間餐廳啲好評都唔知點得返嚟終於寫夠200字

整體做得幾好👍🏻份量都夠飽，雞扒好大塊。醬汁有啲咸，分開另上會較好。菠蘿包非常脆，由中間分開咗一半，食完個面嘅脆脆，原本諗住棄個麵包底但係比我想像中好食～薯條夠脆，薯味唔夠。但係呢個價錢$98 ，咖啡要加錢，個人認為可以換靚少少嘅茄汁🥫Ps! 出品有啲慢同行友人冬蔭公意粉幾好食，豬頸肉都做得幾好

我係遲到王 (=´ᴥ`)我遲左好多先去到餐廳記住要去顯徑站落車 行十分鐘都唔洗就到餐廳因為遲到既關係 我無見過個𝖒𝖊𝖓𝖚唔緊要 係我錯𝟛個女仔叫左個𝟛人𝕕𝕚𝕟𝕟𝕖𝕣 𝕤𝕖𝕥我覺得份量都幾多 啲野都幾創新 擺盤都幾靚頭盤 ꕀ胡麻奶香青口配法包ꕀ每人一塊法包 沾左啲胡麻青口汁 可以有多一個食法 青口份量唔算少 ꕀ炸廣島蠔配蒜蓉醬及蔥油汁羽衣甘藍沙律ꕀ個蠔都算幾大舊 太肚餓 食曬錦濟先記得影相餐湯ꕀ甘荀餐湯ꕀ個湯既花紋整得好靚 美美感滿滿૮・ᴥ - ა * ᴾᵃˢᵗᵃꕀ山椒墨魚汁扁意粉配香煎大蝦ꕀ最近天氣有啲乾 嘴唇啲死皮會變左黑色 返到屋企見到個嘴仲黑緊 ˃̵ ֊ ˂̵ 唔知有無嚇親人加多$𝟚𝟘轉ꕀ冬陰功蒜香辣椒醬蟹肉扁意粉（黃金蟹籽）ꕀ有少少辣 但係辣得過癮 本人熱愛繡球花 見到佢用新鮮花做裝飾 覺得又靚又有heart 食物仲要好食 好難得͈ᴗ͈ˬᴗ͈ෆꕀ慢煮西班牙栗飼豬扒配柚子胡椒醬ꕀ得慢煮先可以食到軟冧冧 唔韌既豬扒 •̀.̫•́✧ꕀ香煎安格斯封門牛柳配烤雜菜薯蓉（5成熟）ꕀ個牛柳煎得好靚 好軟冧冧 ᴅɪᴍ醬汁同唔ᴅɪᴍ都好食(•ө•)♡每人一杯飲品 埋單$𝟟𝟟𝟠平日都ꜰᴜʟʟ ʜᴏᴜꜱᴇ

呢一日去咗大圍拎嘢，諗住順便 #Cafehopping ☺️ 本身係去近大圍港鐵站嗰邊，但因為難泊車，最尾去咗顯徑嗰頭，因為上次嚟過搵嘢食，見到呢間cafe唔錯，附近又有 #咪錶位 泊車！去到嘅時候已經四點幾，見有少少肚餓本身諗住輕食食個薯條😂 點知見到隔離嗰碟好似好好食，而且散叫個薯條都$5x，加埋咖啡同叫個餐差唔多～ 於是跟機叫咗😆😆#花雕沙茶忌廉汁大雞扒 #法式炒蛋 #菠蘿包及薯條 $98 & 熱 #Latte +$10呢個有驚喜！ 個沙茶醬雞扒幾好食😳濃味人一食落去嗰下有叮一聲嘅感覺仲超大塊！跟咗個菠蘿包都幾得意，個薯條都OK~#白桃菠蘿 $48菠蘿味好重，白桃味相對比下去～ 不過味道都OK~如果有輕食下午茶更好～落單嗰度見有cake同小食，但得散叫～環境唔錯，泊車方便，佢啲意粉賣相好似都唔錯，有機會試吓～

其實前前後後都嚟過食幾次，不過次次都唔記得寫食評 將兩次影嘅相一次過upload上嚟啦 🫡佢地個份量嚟講比一般Cafe多少少，以我咁大食嚟講真係覺得好開心😀 好少Cafe會有菠蘿包，所以都覺得好驚喜連佢個沙律都特別抵讚，佢落咗嘅汁加埋舊橙，好有refresh嘅感覺 🫶🏻意粉嚟講，我覺得係好好味嘅💛質地啱啱好，而且個汁真係次次都冇揸流攤 #第二次去食就係最近，印象比較深，因為佢門口加咗啲枱，但係就要以外賣嘅形式去食平時次次都要等一陣枱，加咗位之後冇等咁耐，同埋以露營凳同露營枱嘅設計令人都覺得好chill 好舒服 我繼續都係叫咗菠蘿包呢個set，加埋雞扒，勁大❤️又Juicy 👍🏻男人食都夠食其實影漏咗個湯，佢每次個湯都整得好濃🫶🏻呢個係辣椒炒豬頸肉意粉，但係唔算太辣又好惹味，佢整到啲豬頸肉嘅煙靭程度啱啱好之餘又唔會太油👍🏻加$10要多隻溫泉蛋，正😚咖啡嚟講都好出色，其實我最鍾意飲Americano 👍🏻之前嚟飲嘅酒比較酸啲係我杯茶，但係後來可能轉左，就冇以前咁岩飲👍🏻順帶一提，佢哋亦都有生酮飲食嘅選項😆眼見住良心小店越嚟越少，我哋又點可以唔繼續支持呢？💛見到幾個後生仔一齊喺廚房好努力咁做一

早幾天就在平台預約了，所以準時到達就不用等候。當天點了一個三人晚餐，湯不會太膩，也不會太甜。兩個意粉硬度算適中，不會過度吸水。分量比起其的店是偏多，啱晒大胃王。兩個意粉味道都適中，唯獨有豬肉片那碟意粉，豬肉的調味就相對偏鹹了主菜牛肉本來想選三成熟，但怕家人食不慣，還是選了5成。出來成品還是可以的，不會太韌。而用來點牛肉用的汁就調得幾好，不會過鹹。飲品方面其中兩杯分別點了熱的抹茶和紫薯鮮奶。一時忘了在手機點餐時選小甜，幸好製作出來的飲品甜度適中，不會太甜。

叫咗蟹膏蟹肉意粉同墨魚汁意粉。正正常常，唔係難食都冇話特別好食，唔明點解會有咁多好評。杯白咖啡就真係麻麻哋，完全冇咖啡味…環境幾好，傾偈舒服。不過食物冇驚喜，唔會想再幫襯。