EaT燒肉

營業中

休息中

朋友話呢間本地品牌用太空船軌道出餐係香港第一間，加埋外星人主題，大人小朋友一見到都極興奮～舖面環境唔錯，坐得舒服，以太空為主題的燒肉店，望上天花板見到一片星空，令用餐心情愉快。今次叫咗個宮崎A5和牛套餐，三款牛入面，肩胛肉眼心，我個人覺得最好食，肉夠腍，又有油脂香，食得出係高質食材，唔怕貨比貨😋套餐仲加咗$15升級紫菜溫泉蛋飯。另外豬頸肉都好味，燒完之後，豬頸肉彈牙爽口，令人再三回味，可以加錢轉靜岡水冷面，水冷面入面有西瓜，泡菜，酸酸地，非常開胃。飲品方面，白桃烏龍茶就正常不過不失。焙茶奶凍就要試試啦，奶凍滑嘟嘟，上面嗰啲係紅豆爆珠，口感好特別，嚟到嘅都應該要試一試😋

牛小排、肩胛牛柳、薄牛舌 150g $118牛五花、豬五花 100g $48+15升級紫菜溫泉蛋飯 越開越多分店嘅日式燒肉店🥩，佢哋用飛船送餐，幾有新意！今次我試咗佢哋嘅牛小排、肩胛牛柳同薄牛舌套餐。牛小排油脂分佈得算好均勻，燒出嚟有咬口唔韌，亦唔油膩。肩胛牛柳有啲筋，咬落去有嚼勁。而薄牛舌就更加彈牙，燒完之後搭配少少鹽或者醬油食🧂，味道更加突出。豬五花相對就比較肥啲，但係可接受範圍內。燒起嚟都較易惹火同燶，大家注意下唔好長期用火去燒呀🔥～升級嘅紫菜溫泉蛋飯絕對值得！香濃嘅紫菜同滑溜嘅溫泉蛋簡直送飯一流!仲可以中和肉踲油膩感。再加埋少少燒肉汁，簡直係完美搭配！

服務好！過左3個籌號都比我再入，好招呼！環境乾淨：調味料放得整齊乾淨，唔會黐立立。坐得舒服：雖然係圓櫈，4個人比6人枱坐得闊落。定價：香港可以食到日本質素，牛舌追加都係$50😂超市都唔得啦！合理又性價比高日本燒肉質素仲要商場店，希望捱得住。會keep 住食！

之前喺沙田已經有食過呢一間日式燒肉店，之前見到佢將軍澳坑口東港城開分店嘅時候，已經等咗佢裝修好耐，見到佢幾個月前終於裝修好，一直想試，但平時都好多人排隊，今次平日夜晚夜咗收工見到佢冇人排隊仲有得食就入去試吓。佢啲套餐大部份都配一份牛五花，但係我個人唔太喜歡食肥嘅部份，於是散叫咗一碗紫菜溫泉蛋飯，牛舌，魷魚鬚，同埋一碟牛版見自己組一個「一人套餐」。由於差唔多收舖，食客都差唔多走晒，所以上菜速度幾快，而且有三款轉俾你揀，同沙田間分店一樣，鹽同胡椒粉樽都係按掣自動式既，燒完肉之後落少少調下味都幾好玩。食物質素方面都拍得上沙田分店，一個人食咗大約$170 ，都抵玩過X 角嘅。

今日又去將軍澳搵野食😋😋搵到呢間好得意既燒肉叫左牛五花+肩胛牛柳牛五花+肩胛牛柳。牛既份量份量可以自己揀100g 或者200g兩種肉類都好出色，油脂分布豐富牛味濃郁👍🏽👍🏽👍🏽枱面亦都有好多醬汁可以自己選擇每個套餐都有味噌湯同泡菜加碗飯

飛船送餐燒肉店的EaT燒肉宮崎和牛套餐🐂🐂🐂可謂極致美味的代表作，包含三款A5和牛，分別是牛肩胛肉眼心、上等牛肩胛和肩胛腋板每一款和牛都肉質鮮嫩，油花分佈均勻，燒烤後香氣四溢，入口即化🤌🏻🤌🏻🤌🏻牛小排、肩胛牛柳和薄切牛舌套餐👅👅👅牛小排柔嫩多汁，肩胛牛柳鮮美可口，薄切牛舌脆嫩爽口，燒烤至完美程度，每一口都能帶來極致的口感享受肉汁爆滿既牛肉配合套餐的飯、湯、沙律和泡菜，每一道配菜都能為整體用餐體驗增色不少。飯質地鬆軟，湯清淡美味，沙律新鮮爽口，泡菜則增添了一份爽脆的口感，與燒肉搭配相得益彰。🍚🍚🍚富士蘋果地雞肉🐤🐤🐤必食，雞肉經過燒烤後外脆內嫩，與富士蘋果的天然甜味完美融合，口感層次豐富，令人難以抗拒。總的來說，飛船送餐燒肉店的EaT燒肉宮崎和牛套餐，以其優質的食材和精湛的烹調技藝，為食客提供了無與倫比的燒肉體驗。無論是獨自享用還是與朋友共享，都能在這裡找到滿足感。

壽喜燒：牛肉一大片，雪花均勻，侍應主動幫我地set燒爐，好細心，教埋你壽喜燒既步驟，好有儀式感，而味道亦十分不錯，牛肉油香味再加上壽喜燒汁，層次感豐富，直接衝擊味蕾。宮琦和牛燒肉餐：火車載住和牛餐，一黎到，開車蓋，有三款唔同部位既和牛，成件事好靚，忍唔住要影相，個爐好猛下，和牛輕輕燒幾下，已經食得，餐廳有幾款汁可以配，有d係自家製，和牛入口即溶，不得了。豬肉雞肉餐：唔食牛既，都可以食豬肉或雞肉，雞肉燒到外脆內軟，鎖實肉汁，豬肉加油花既香氣撲鼻，好咬口。牛肉餐：唔食和牛，都有其他牛簡，牛肉薄切但量多，鍾意一片片燒又得，一堆燒又得，脆得黎又多汁，唔錯既選擇。梅酒、冷麵：冷麵配上唔同既配料，配料見到師傅既刀工，好薄好整齊，冷麵好咬口，配上特製醬汁同配料，層次感一流。梅酒好清香，酒味恰到好處，配燒肉既效果異常清新。

快閃日本之旅都無時間食餐靚和牛，於是趁週末一家大細去食返餐！🤑將軍澳街坊一定要嚟潮聖嘅 🚝火車燒肉小朋友睇得興奮，大人食得開懷🤩先嚟一份 宮崎和牛，肉質細嫩，紋理清晰有齊 肩胛肉眼心、上等牛肩胛、肩胛腋板200g份量，大滿足🈵咬一啖鮮嫩多汁，外層燒太微焦，口感一流再加上 紫菜溫泉蛋飯，簡直係燒肉嘅絕配！另一份 特級牛五花 +肩胛牛柳 +牛小排 鮮艷紅嘅牛，肉質肥瘦相間望見燒肉都流晒口水🤤加配 靜岡水冷麵，夏天食涼麵，感覺清爽🌬️再整杯日本風情嘅梅酒🥃酸酸甜甜嘅青梅，酒精唔算高，十分開胃每份套餐都有沙律🥗麵豉湯🍲飯🍚而且地方寬敞，我哋一家五口坐卡位都唔迫，又無濃烈油煙味，絕對適合一家大細👍🏻

有日帶小朋友去探公公婆婆👴🏻👵🏼，俾我地見到呢間用外星人👽🧑‍🚀做主題既燒肉😗當然要去試下啦🫶🏼佢地既裝修好特別，好似去咗太空咁🪐🛸而且食物仲用太空艙運送🚚，小朋友睇得好開心呀！佢地有一人套餐同散叫形式，因為今次多人，所以我地就散叫啦，佢地既分量有50g同100g，分量唔多，啱晒想每樣都淺嚐既朋友仔！鍾意食牛既一定要試吓佢地既宮崎A5和牛🐮，因為高質得黎油花超均勻鍾意試新野既可以試「盛崗水冷麵」🧊佢地有兩塊西瓜🍉响入面，酸酸甜甜得黎又解油膩，唔錯調味料有三四款醬汁任君選擇，當中有梅子醋汁好特別另外梅酒好大杯！抵飲！餐廳有下午茶套餐，可以搵日試下

燒肉餐廳相信大家都食過好多間，但係有冇食過一間係用列車送餐既餐廳😌呢間係同其他一人燒肉店相類似都係，都係以一人一個餐為主價錢都唔算特別貴，而且係香港首間用路軌送餐既燒肉餐廳仲係香港本地品牌，成間餐廳都係用外星人為主題裝修有科幻既感覺，餐廳堅持每日採用新鮮高質食材，確保食客食到最新鮮既肉類🥩而家星期一至五仲推出左下午茶只需要$38起就可以食到燒肉套餐😍套餐仲包日本越光米白飯、麵豉湯、前菜、冷泡茶/可樂…真係好抵食👍🏻另外仲新推出左盛岡冷麵同青梅酒，今次都有特登叫黎試下🫢呢間星期六日係勁多人排隊，好彩今日平日去唔算多人好快就可以入去～—————————————————————————————♦️No.163宮崎A5和牛(肩狎肉眼心、上等牛肩胛、肩胛腋板）（100g）：和牛肩胛翼版好香牛味望落好似好多肥膏咁，但食落唔肥膩～最推薦係肩胛肉眼心口感最腍身，而且厚度較薄身岩岩好👍🏻♦️No.120 Prime Grade 牛五花、肩胛牛柳、牛小排（150g）:我個人幾中意牛五花同牛小排，脂肪比例幾平均又唔會好難咬開，而且價錢唔貴性價比高☺️♦️ 富士蘋果地雞肉（80g）：呢個都推薦，雞肉燒完好香同埋幾大舊

✨ 坑口東港城IEat推出咗水冷麵，今日專登下午茶時間過嚟試吓。呢間之前食過，有機械人運輸帶送餐好正😆***** ***** ***** ***** ***** Order下午茶套餐, 套餐非常豐富。宮崎A5和牛臀薄燒🥩🥩🥩宮崎薄燒帶少許脂肪，入口軟腍腍，油脂豐富，超級好味。沙律🥗菜非常新鮮，爽甜又開胃。麵豉湯🫕非常正宗的日本麵豉湯。水冷麵🍜材料好豐富，有泡菜、蔥花、西瓜、原隻雞蛋，清涼的感覺，恰好中和了燒牛肉的熱氣。額外追加日本甜番薯、仲有溫泉玉子，充滿日本風味都係我嘅至愛。竟然仲有我最鍾意的🥃梅酒，這餐實在超級滿足。

👽🧑‍🚀想打卡好耐宇宙主題燒肉！！！有太空船送餐好新奇一人一套餐形式，已包沙律或泡菜（2選1）、主食及麵豉湯；主食可以+$15轉「紫菜溫泉蛋飯」，或者+$32升級「盛崗水冷麵」🧊可能太受歡迎，當晚7點食已經賣曬調味料有三四款醬汁任君選擇，當中有梅子醋汁好特別🥩極上宮崎A5和牛套餐＄268/200gA5肩胛肉眼心| A5上等牛肩胛| A5肩胛腋板三款高質和牛，油花超均勻，每款有4-5片🥩牛五花｜牛小排｜肩胛牛柳 $178/200g性價比高燒肉餐，分量好足，肉質唔差另外餐廳有超抵食下午茶套餐

假期前夕一定會約朋友食晚飯，火速收工後去東港城以外星人主題既燒肉餐廳，第一次見UFO路軌送餐，打卡又吸睛🤩🩵主食：宮崎A5和牛200g $283宮崎A5和牛套餐有肩胛肉眼心、上等牛肩胛、肩胛腋板，食得A5和牛都有質量保證，和牛顏色油花分布平均，食落牛味濃郁油香味重，入口即溶🤤🩵主食：西班牙豬五花、黑毛豬頸肉、富士蘋果地雞肉套餐300g $123仲叫左一個比較平既豬雞套餐，雞肉咬落嫩滑多汁，豬肉爽口彈牙，仲可以加$15有紫菜溫泉蛋飯，真係大大啖滿足😋🩵主食：水冷麵$48水冷麵Q彈，麵條好有咬口，食落冰冰涼涼，配料有泡菜、青瓜、熟蛋、西瓜，夏天食就啱晒啦😚🩵飲品：梅酒$58仲叫咗一杯梅酒飲，飲落酸酸甜甜，酒精濃度唔高，非常解油膩😎🩵飲品：波子汽水$18好耐冇飲波子汽水，一樣都係咁足氣👍🏻🩵飲品：白桃烏龍冷泡茶$15試吓佢哋自家製白桃烏龍冷泡茶，烏龍茶甘香，飲落帶有白桃香甜，十分清爽😎💫順帶一提，仲有激安下午茶餐，低至$38起🍚🥢仲可以儲印花換禮物🎁

位於將軍澳東港城「EaT燒肉 」🔥以👽外星人為主題，每一個餐點都係由外星人飛船送到，好吸睛🤩餐廳有唔同種類嘅肉提供，有牛豬雞，而且每個套餐都附有湯同沙律🥗👽宮崎A5和牛臀溥燒套餐 A5和牛薄薄一片，入口鮮嫩多汁，口感結實有嚼勁我仲升級咗靜岡水冷麵，食燒肉配返碗冰爽嘅冷麵一流呀！冷麵入口Q彈，入面仲有爽甜嘅西瓜🍉同蘋果、泡菜👽 宮崎和牛關西壽喜燒（120g）淨係擺盤已經好吸引🤩和牛花紋細緻，色澤粉嫩💕 加上蛋汁，口感柔嫩，入口即溶再加埋豐富嘅野菜，淋上關西壽喜燒汁好滋味呀😌紫菜溫泉蛋飯（200g）面頭放咗粒溫泉蛋再加上紫菜搭配肉肉食，正呀！飯🍚唔夠食仲可以揀300g份量，同樣價錢🥤紅茶花伝（蜜桃茶）🥃梅酒梳打入口好清爽，啖啖梅香

一直Bookmark 左要去呢間外星主題的燒肉餐廳，就是喜歡那超可愛飛船送餐，玩味十足！🍜盛崗水冷麵夏天必食佳品，有西瓜、烚蛋、泡菜、酸蘿蔔等配料，加上口感煙韌的冷麵，味道清新，酸酸甜甜，開胃透心涼！ 主打當然係燒肉🥩我哋就選擇咗兩個套餐share。（牛小排、肩胛牛柳、薄牛舌）+（牛五花、肩胛牛柳、日本雞頸肉）牛油花均勻豐富，牛味濃郁，份量可以揀250g，性價比高！套餐包和風湯，沙律或者泡菜，還可以加錢升級紫菜溫泉蛋飯！🍹梅酒梳打青梅酒加梳打，杯內仲有粒青梅響入面，飲落去酸酸甜甜，夠晒清新！最後不得不提佢哋嘅醬料，自製BBQ醬、梅子醋、甜辣醬等多種給客人自己調配，提升燒肉味道！呢度仲有下午茶餐，性價比高，下次一於帶埋印花卡嚟試吓，消費滿$100就有一個印仔，今日我已經儲左六個印仔，再儲多啲就可以換到好多款TaBe仔獨家禮品，好得意！