影片
更多
2024-10-12
332 瀏覽
燒肉餐廳相信大家都食過好多間，但係有冇食過一間係用列車送餐既餐廳😌呢間係同其他一人燒肉店相類似都係，都係以一人一個餐為主價錢都唔算特別貴，而且係香港首間用路軌送餐既燒肉餐廳仲係香港本地品牌，成間餐廳都係用外星人為主題裝修有科幻既感覺，餐廳堅持每日採用新鮮高質食材，確保食客食到最新鮮既肉類🥩而家星期一至五仲推出左下午茶只需要$38起就可以食到燒肉套餐😍套餐仲包日本越光米白飯、麵豉湯、前菜、冷泡茶/可樂…真係好抵食👍🏻另外仲新推出左盛岡冷麵同青梅酒，今次都有特登叫黎試下🫢呢間星期六日係勁多人排隊，好彩今日平日去唔算多人好快就可以入去～—————————————————————————————♦️No.163宮崎A5和牛(肩狎肉眼心、上等牛肩胛、肩胛腋板）（100g）：和牛肩胛翼版好香牛味望落好似好多肥膏咁，但食落唔肥膩～最推薦係肩胛肉眼心口感最腍身，而且厚度較薄身岩岩好👍🏻♦️No.120 Prime Grade 牛五花、肩胛牛柳、牛小排（150g）:我個人幾中意牛五花同牛小排，脂肪比例幾平均又唔會好難咬開，而且價錢唔貴性價比高☺️♦️ 富士蘋果地雞肉（80g）：呢個都推薦，雞肉燒完好香同埋幾大舊
而家星期一至五仲推出左下午茶只需要$38起就可以食到燒肉套餐😍套餐仲包日本越光米白飯、麵豉湯、前菜、冷泡茶/可樂…真係好抵食👍🏻另外仲新推出左盛岡冷麵同青梅酒，今次都有特登叫黎試下🫢呢間星期六日係勁多人排隊，好彩今日平日去唔算多人好快就可以入去～
—————————————————————————————
♦️No.163宮崎A5和牛(肩狎肉眼心、上等牛肩胛、肩胛腋板）（100g）：和牛肩胛翼版好香牛味望落好似好多肥膏咁，但食落唔肥膩～最推薦係肩胛肉眼心口感最腍身，而且厚度較薄身岩岩好👍🏻
♦️No.120 Prime Grade 牛五花、肩胛牛柳、牛小排（150g）:我個人幾中意牛五花同牛小排，脂肪比例幾平均又唔會好難咬開，而且價錢唔貴性價比高☺️
♦️ 富士蘋果地雞肉（80g）：呢個都推薦，雞肉燒完好香同埋幾大舊、食落唔痴牙好滑口，咬落去仲有好多肉汁😍
♦️魷魚下足（100g): 份量都幾多同埋都幾大條，食落唔算好韌仲好香魷魚味🦑
♦️ 水冷麵：麵質好煙韌一啲都唔腍，加左泡菜酸酸地好開胃，一開頭以為加左西瓜會好怪同埋唔夾，點知食落好鮮甜可以中和泡菜既酸味岩岩好😋而且夠晒冰凍，餐廳建議食法係一啖燒肉一啖冷麵，比大家去感受下燒肉既冰火體驗😌
♦️ 梅酒：味道酸酸甜甜但唔重酒精味，帶有啖啖梅香，都幾適合女士飲
♦️ 白桃烏龍冷泡茶：白桃味好出，飲落好清新一啲都唔澀，可以解除燒肉既油膩感👍🏻
評分🖍️(滿分為5個🌕)
抵食指數：🌕🌕🌕🌕🌑
服務質素：🌕🌕🌕🌕🌑
環境：🌕🌕🌕🌕🌕
味道：🌕🌕🌕🌕🌑
張貼
