EaT燒肉

營業中

休息中

朋友話呢間本地品牌用太空船軌道出餐係香港第一間，加埋外星人主題，大人小朋友一見到都極興奮～舖面環境唔錯，坐得舒服，以太空為主題的燒肉店，望上天花板見到一片星空，令用餐心情愉快。今次叫咗個宮崎A5和牛套餐，三款牛入面，肩胛肉眼心，我個人覺得最好食，肉夠腍，又有油脂香，食得出係高質食材，唔怕貨比貨😋套餐仲加咗$15升級紫菜溫泉蛋飯。另外豬頸肉都好味，燒完之後，豬頸肉彈牙爽口，令人再三回味，可以加錢轉靜岡水冷面，水冷面入面有西瓜，泡菜，酸酸地，非常開胃。飲品方面，白桃烏龍茶就正常不過不失。焙茶奶凍就要試試啦，奶凍滑嘟嘟，上面嗰啲係紅豆爆珠，口感好特別，嚟到嘅都應該要試一試😋