○de▽ 鯛白湯らーめん

營業中

休息中

又一間日本過江龍拉麵😂當日六點經過冇人等 就入咗去食店員話俾我哋聽已經冇晒鯛白湯得返鯛清湯雖然想食白湯多啲但係都算啦 試吓清湯先佢哋係喺店舖出邊俾咗錢先 然後先入去用餐當時淨係收卡 唔收現金不過唔知而家佢哋會唔會改咗.鯛清湯 $138.拉麵上枱嘅時候 成個present都幾靚店員都有好用心咁介紹款拉麵同埋醬汁見到得清湯有魚皮塊魚皮夠脆加埋佢個蠔油係幾好味特別要講下佢個蠔油真係好重蠔味重有食到蠔粒👍🏻除咗個蠔油之外有一塊肉 幾塊筍同埋少少魚肉但湯底有啲越食越鹹 同埋有少少溜最尾個麵都食唔晒....整體感覺行高檔路線但食物唔覺得超級特別同佢價錢唔成正比 有少少唔抵如果唔係特別想試嘅話就唔需要去...😐

大阪過江龍Maru de Sankaku 鯛白湯らーめん○de▽，主打「鯛魚拉麵」，三款招牌拉麵，包括鯛魚白湯拉麵、鯛魚清湯拉麵 及 鯛魚沾麵。同SumiYa 炭家屬一個集團。鯛清湯，清淡而欠了一點魚味，可能熬製了得，有點像出前一丁湯粉用開水煮。鯛白湯，濃郁白魚湯，沒有腥味，適合喜愛濃郁豬⻣湯人士。炸鯛魚皮，乾身脆卜卜，不腥香口，一整塊生炸到位，惟一塊價錢太貴。拉麵麵身軟硬適中，辛辣麵的口感但幼細點。份量大小作為夜宵最好，或者晚膳後過一過拉麵癮。2人光顧，點餐如下：鯛清湯鯛白湯炸鯛魚皮加一後，合共HK$324。

7月得知中環近上環呢間日本大阪拉麵店抵港，即刻衝咗去食以鯛魚湯拉麵為主，本身想食最天然嘅清湯，但6點去到已經無晒！3款招牌拉麵，包括鯛魚白湯拉麵、鯛魚清湯拉麵、鯛魚沾麵所以得2款可以揀鯛魚白湯拉麵  $138 價錢偏貴，但以質素嚟講的確有其價值白湯湯底係濃厚鯛白湯，魚香撲鼻，上枱一刻絕對要先打吓卡！鮮甜魚湯+彈牙拉麵都真係無得輸，拉麵偏幼身，煙韌，掛湯配料有塊薄切叉燒，入口滑嫩湯底魚味極濃郁，味道鮮甜，碗底有唔少鯛魚肉碎，鯛魚白湯可以飲埋櫻木煙燻溏心蛋 軟嫩滑溜，味道特別蛋黃流心，邊緣煮得較熟，煙燻味令整體有別於平時嘅溏心蛋鯛魚沾麵 $148 上枱一刻極霸氣，縷縷輕煙由碗內散發，視覺效果一流！麵身呈波浪紋，感覺似刀削麵沾麵湯底好濃稠，味道偏鹹，但就欠缺魚味，比白湯魚味更輕配料有叉燒粒、筍，叉燒較少，筍入口幾爽甜食完沾麵，沾汁可再加湯，湯底無咁鹹，略有鮮甜味，同平時一樣一飲而盡不過，沾麵雖貴啲，但拉麵比沾麵更出色

今日12:15去排，前面有10個人，等左40分鐘終於入到去食。我叫左鯛白湯，第一啖湯飲落去，有d濁，帶點魚腥。第二啖開始食到d 橙片、檸檬皮類似既味道。拉麵上面有鯛魚肉碎，有燒烤過係香既不過量好少，好快溶左落個湯，叉燒係好普通既叉燒，無特別。整體食唔出魚鮮味，都唔值得比$150去食。有d伏，唔推薦。

這間大阪的人氣鯛魚湯拉麵店，早在今年五月已在香港開了分店，但開幕初期人頭湧湧，還是待熱情冷卻一點再試吧。這裡主打三款拉麵，包括招牌的鯛魚清湯拉麵、魚味最濃的鯛魚白湯拉麵及近年流行的鯛魚沾麵。現時已不用輪隊，只須在設於門口的電子螢幕落單，選擇好吃什麼，付款後便可加進入店內等候；我等了差不多10分鐘便上菜，都算快手。鯛魚湯拉麵～據悉食材大多由日本直送，碗內有一片薄切的滑叉燒、爽脆的竹荀、還有不少鯛魚肉，聽說白湯底經多小時慢火熬製而成，難怪香氣撲鼻、魚味濃厚鮮甜，如吃不得太濃，可加入旁邊的柚子醬調配出適合自己的味道，麵質煙韌有咬口，只是魚肉有點過熟，叉燒又太薄，有點兒扣了分。一隻櫻花煙木燻蛋～蛋黃色澤亮麗，軟嫩滑溜，帶微微煙燻香，好吃。$138 一碗拉麵值不值就見仁見智，但不夠飽就是一定的了。○de▽ 鯛白湯らーめん地址: 中環鴨巴甸街13號地舖電話: 23463889

以前喺日本工作，又身為一個拉麵控嘅我，以前一年起碼都食到一百碗左右拉麵。依家唔使出差，又冇得去日本玩，真係好掛住日本嘅拉麵味道。嗰日一個人行開Soho睇吓有乜買，見到一間有啲人排隊嘅拉麵舖頭，拉麵控嘅我，當然要去門口睇一睇啦。天氣涼快又口寡寡又一個人嘅我，呢個時候我絕對需要一啲濃味嘅衝擊！門口睇到個餐牌就第一時間選定咗一個比較濃味嘅魚白湯拉麵！可能係因為天氣涼爽同埋平日嘅關係，所以冇乜人排隊排咗唔使四個字就入咗去啦。入到去侍應好好禮貌，坐低起吧枱之後，侍應亦都送上水同濕巾，呢個時候我就心諗，唔錯，扮到下日本水準呀！開始有啲期待個拉麵！等咗5分鐘左右，拉麵終於嚟到喇！我當然第一時間就飲啖湯先啦。匙羹撈上嚟一下，好香嘅魚湯香味，湯濃唔太鹹，入口好夠熱，唔混濁，湯厚身夠甜，香港來講算難得！麵條爽彈滑，質感剛剛好，麵條亦都掛到湯，香港來講真係難得！到魚肉啦，我自己覺得啲鯛魚有啲啲鞋身，同比較肉細，肉嘅面積可以大少少同埋可以要滑啲啲吧？不過呢，食鯛魚就唔係食佢滑嘅！都係同一句啦，香港來講真係難得！食完，飲完杯水，出咗門口，行咗一個圈。我仲記得個麵，記得個味道！依間嘢係值得返兜！值得推介！日本拉麵

今次介紹嘅係一間主打鯛魚既拉麵沾麵，係大阪嘅過江龍，係座銀既姊妹店，即使位於中環斜路既鴨巴甸街，由開張至今都係keep住排長龍，每日11點半營業，冇落場時間。店舖主要提供三款麵: 清湯、白湯同沾麵，拉麵沾麵每日只賣150碗，賣哂就無，數量有限，而沾麵係每日3點後先供應，所要要食就要早啲嚟。我食咗差唔多八九成嘅香港拉麵，呢間以味道黎講暫時排係我嘅第10名。-排隊🧍‍♂️🧍‍♀️🧍當日大概下晏3點十到，前面大約有6個人等，等左十五分鐘到入得，店舖係需要係出面比左錢點餐完再入去-付款💳❗比錢都係用出面個自助點餐機，會有店員在旁指導點用，注意比錢唔接受現金，只接受 Visa、Master、八達通，所以用八達通要確保有足夠餘額先黎排隊呀。-環境🪑店內大概有8個bar枱位面向廚師，同3張2-3人枱，全鋪都係落地玻璃，2-3枱隔離只係巷仔景，得一張會近門口啲但應該只會望到人龍唔會望到斜路景。-🧊未食之前店舖會提供一杯冰水，飲冰水都係日本拉麵既傳統，因為以前日本整冰唔明，只會用冰服待上等人。每碗麵都會提供熱毛巾比客人，以香港既拉麵鋪黎講非常細心。-🍜 鯛白湯拉麵 💰138（👅: 8.5/10）店主打鯛白湯

星期六，今日終於去到朋友經常推介的鯛魚麵店，店前看見排隊人龍不算多，前面只有十多個，可能是疫情關係冷卻了人潮 ，入門口之前要先到自動售賣機客落單，款式唔算多，如果一家小店只能專注做好一項食材就已足夠，面前有三種麵選擇，白湯，清湯及濃湯沾麵，而小食有糖心蛋，炸鯛魚皮，炸雞及鯛魚飯...清湯麵，湯清澈見底， 入口後感覺非常濃郁及彷彿覺得很多鯛魚塞進口內，而麵質就是一般幼麵但可以，配上一件薄薄的叉燒片還有鯛魚肉碎，非常精緻，但是我本人覺得叉燒可以省卻，反而加多一點鯛魚肉碎就好啦😁。濃湯沾麵，沾麵形狀類似刀削麵，但湯底非常之濃郁😋😋內裏還有鰹魚蓉，鯛魚碎及肉粒其他配料唔多，寬闊的麵條表面能足夠另濃郁的湯沾上，入口感覺非常滿足👍😋😋。炸雞， 肉質嫩滑而有肉汁。炸鯛魚皮，同一般炸魚皮不一樣，不油膩，如泡浸過濃湯之後吃，口感味道更佳。😔最後，味精較多，回到家後非常口渴

A lot of ppl highly recommended this ramen shop and I’ve decided to give it a go. We spent half an hour waiting during lunch hours on a weekday. Ordered their signature ramen - Madai Broth Ramen. Ramen is springy and chewy. The seafood broth is so rich, I found it a bit fishy at first (I’m kinda picky tho) yet after mixing it with the yuzu dressing (the yellow paste) it tastes a lot better!

星期五晏晝閃去中環食午餐，等到一點半先食諗住冇人等，點知都係要排一陣隊，但都值得，果然名不虛傳，食到好好味嘅魚湯拉麵。舖頭唔係好多麵款俾你選擇，要喺入去之前揀定拉麵，俾定錢，等咗30分鐘度就有得入，算係快。我哋兩個人揀咗三個麵，因為想一次過試哂，仲叫咗蛋及炸雞，好痴線竟然食得哂。鯛沾麵 $148，好特別賣相，打卡必叫，亦都真係好好味，麵本身似刀削麵，個湯係濃嘅魚及湯，開頭以為咖哩咁，但原來係濃濃嘅魚香沾汁。入面暖暖嘅醬汁仲有啲魚肉，沾麵食一流。鯛白湯 $138 及櫻木煙熏糖芯蛋 $15，啲湯好好味，濃但唔會飽滯，黃色嘅係柚子蓉，點少少食，會令啖麵加湯有一陣清甜味。鯛清湯 $138，個清湯好好味，魚皮非常脆口，夠厚，唔會因為浸湯耐咗而軟林林。朋友唔鍾意食魚皮試咗一啖後都話好食。日式炸雞 $48，一啲都唔油膩，炸得好香，點唔點側邊個咖哩粉都咁香口。兩個人嘅單合共$487，開頭見到每個麵都超過100蚊，但食完覺得絕對值得再嚟食，同埋如果叫多支啤酒飲，會更好味。

地方不大但轉台快，所以排隊唔需要好耐。值得一讚係服務態度，見我大肚婆，處處提醒小心樓梯，係我無主動提出前提下自覺提供暖水（通行人係凍水）。並且主動問要唔要將面入面塊肉煮至全熟（本身係slow cook未達全熟），同一日去左La Vina，呢度服務真係好值得表揚餐牌選擇不多，我地揀左白湯，白湯沾麵，炸雞，溏心蛋（本身拉麵唔包）。份量比較細，男士可能唔夠，湯底濃郁不過偏鹹，面軟硬適中，感覺魚湯拉麵比出面豬骨拉麵無咁油膩，但如果怕腥呢個點都有啲。沾麵的面類似刀削麵，更煙韌，醬汁更濃郁，但就只有塊薄薄叉燒，配料不多。但order的炸雞好大件，熱辣多汁，非常推介。整體而言，係好食的拉麵，不過價錢偏貴，份量偏少，但服務優良，會再翻轉頭

港人對日本嘅熱愛眾所週知，可能係知道有貨有市，近年多咗唔少人氣食店遠渡過江開設分店，唔洗坐飛機都有機會品嚐當地美食。呢間保留原名嘅麵店 主打鯛魚湯底，以真材實料熬製，味道鮮美，名符其實魚有魚味。選址於斜坡上，街口已經能見到門外食客人龍。源用日式自助售票機先付後享用嘅形式，等候時間唔算長，流動速度快。鯛白湯比清湯熬製時間長，又多加上貝類食材，精華盡滲於湯中，味道更濃厚鮮甜，不同於中式魚湯，絲毫不帶腥味。選用幼身拉麵，更易滲透吸收，令每條麵條都帶上飽滿湯汁。顧及到怕魚腥嘅食客，湯底添上洋蔥粒、薑粒、荀片，更多一份辛香。鯛沾麵以乾冰容器盛載，上枱更具架勢。麵條與刀削麵相似，闊身帶皺褶位，掛汁力更強，有嚼勁，口感更佳。沾麵湯底質感杰身，會比較濃味同鹹啲，略嫌蓋過原本嘅魚鮮；勝在湯中幾多魚肉粒，保留返「魚」嘅特色。

位於PMQ 附近,近期大熱嘅拉麵店!主打鯛魚湯拉麵,有清湯，白湯，同沾麵三款,每日12點營業,賣完150碗就閂門,可想幾咁巴閉😎老實說,佢係我第一碗係香港會飲哂成碗湯嘅拉麵😍($138)湯清澈見底,以為會淡而無味,點知一飲勁有魚鮮味又唔會有魚腥味,個一刻,我就知道,唔飲哂碗湯,係對師傅唔尊重！😤清湯配以鯛魚唐揚,同叉燒,另外魚肉會少少燒過(放心唔會有骨),再加上洋蔥碎,譜奏出一碗富靈魂嘅拉麵🍜✨($138)鯛魚湯再加入忌廉打成白湯起哂泡,湯會比清湯濃郁但亦唔會蓋過魚嘅鮮味,加上橙紅色嘅柚子末,令湯嘅層次再增🤗。外加($15),的確有煙薰味十分惹味。.總括來說,清湯同白湯各有千秋,以差唔多百五蚊一碗拉麵黎講價錢略貴,但絕對對得住價錢！以香港黎講呢間鯛魚湯拉麵絕對係別樹一幟👍🏻.另外店員服務都值得一讚,由於座位有限,加上未開門已經會有人輪侯😶,如果第一輪入唔到基本上要等人食完先入到上,大熱天時排緊嘅事候,店員竟然會走過黎派風扇仔俾你😳之後等多陣再有冰水😀,咁體貼輪侯人士,難怪等幾耐都等👍🏻(溫提餐廳唔收現金只收八達通,信用卡等,記得增好值先來啊😏)

終於試左呢間來至大阪既人氣鯛魚湯拉麵🙌🏻⭐️鯛清湯用慢火熬製而成既魚湯底🐟純天然既魚香令到湯底好清甜 飲落啖啖都有鮮魚香👍🏻中意魚湯既真係要試🤩拉麵上有一塊薄切日式叉燒同兩塊炸鯛魚皮 而炸魚皮配上日本鮮蠔製成既蠔油一齊食 令脆魚皮既鮮味更加突出😋麵條既煙韌度亦好適中👍🏻⭐️鯛白湯湯底係用🐟🐔熬成 味道會較濃無甘清甜 如果嫌魚湯太濃可以將黏係碗邊既柚子醬加入湯底食落就會無甘膩 🤪配料都係叉燒同鯛魚肉同筍個人認為鯛清湯比較好味😋

是日與男朋友相約一同外出用膳，男朋友說早前從網上尋得一間拉麵餐廳，被它裝潢外觀吸引，嚷著想到此拍照順道品嚐拉麵，我們一起到中上環一嚐究竟。餐廳門外裝潢簡潔雪白，入內環境豪華整潔，飯桌椅子以木材為主元素，食用餐具以白色為主，配搭簡約金邊設計，予人一種高貴的感覺。餐廳不但名稱特別，而且內進用餐前亦須於門口先付款，並只收取 Visa、Master、八達通。鯛清湯拉麵湯底是使用鯛魚熬製而成的魚湯，湯面可見含有豐富魚油，其色澤清澈，飲用味道魚香濃郁，鮮味十足。拉麵使用直身黃麵製作，口感柔韌彈牙，掛湯能力高。配料有炸魚皮、叉燒、筍、鯛魚肉碎，用料豐富，炸魚皮有兩塊，口感香酥脆口，魚味濃郁，絲毫沒有魚腥味。叉燒是以慢熱方式製成的，入口肉味濃郁，軟腍嫩滑。筍有兩片，口感幼嫩爽脆，清香鮮美。鯛魚肉碎紮實彈牙，甘甜鮮嫩，魚味濃郁。鯛白湯拉麵湯底是用魚和雞一同煲製而成的，色澤呈現奶白色，碗邊黃色的是柚子醬，目的用作減淡油膩感，混合湯底飲用，味道清新芳香，稠密黏口，魚和雞的鮮味香濃突出，鮮美可口。配料方面則可見有鯛魚肉碎、筍、叉燒，這款拉麵是朋友點選的，我只小嚐了幾口湯底，其餘便不作詳細說明了。櫻木煙熏糖芯蛋