DAY22 STEAK

營業中

休息中

依間於荃灣嘅隱世扒房經常大排長龍，非常有人氣，於是今日就專程去荃灣試一試！今次同朋友叫咗兩個扒餐，分別係安格斯牛仔骨同鵝肝配美國安格斯牛柳餐。花蜜水份量超大杯，味道充滿蜜糖香味，唔會太甜，感覺好潤喉啱晒秋冬嘅季節飲！青檸梳打味道充滿青檸嘅酸味夠晒開胃，感覺非常清爽又非常解膩，啱晒配埋牛扒一齊食！酥皮湯酥皮外層超鬆軟香脆，一篤落去，酥皮已經自然咁碎開，冒出騰騰嘅蒸氣，入面裝住熱辣辣嘅忌廉湯。酥皮同埋忌廉湯一齊飲，為酥皮增加咗味道好好食，同時令忌廉湯湯口感更豐富！鵝肝配美國安格斯牛柳(8安士)鵝肝外脆內軟，入口即溶，質感幼滑真係令人回味無窮！安格斯牛柳牛味濃郁，又非常Juicy😋只係落咗鹽同牛油呢啲簡單嘅調味料就已經好好食👍🏻安格斯牛仔骨牛仔骨牛肉非常嫩，一啲都唔會靭，同樣Juice多汁👍🏻份量都唔少有兩大塊。同樣都係加咗少少鹽同牛油就已經好好味😋意粉套餐加配嘅意粉係茄汁意粉，有超濃郁嘅茄汁味😋味道酸酸甜甜，啱晒配牛扒一齊食。花蜜雞翼雞翼有四隻，每隻雞翼外皮都包滿住蜜糖令味道甜甜地，而且外皮香脆，內裏就肉質鮮嫩好食😋

今晚同朋友搵食荃灣，吾係去大型商場，而係去咗聯仁街嘅人氣小店 準時入座已差不多全滿，厚切美國平鐵牛扒（12安士），雖然厚切但完全吾韌，大塊鐵板咁上枱超有霸氣，牛扒中間非常嫩滑，每一口都有濃郁牛肉香味，咬落肉汁充盈，層次豐富。美國牛柳（8安士），油花較少，結實有嚼勁，曬上海鹽同黑胡椒已經好好食，呢度仲比埋三款（黑松露、蒜蓉、香草）牛油揀，好體貼🥹花蜜雞翼炸得恰到好處～外皮脆卜卜，又吾會油淋淋，雞肉味濃而香！呢度環境衛生又闊落，冷氣充足，價錢合理，性價比好高，會再回頭👍🏻

接近7:00餐廳已經剩返一張枱，好彩我們行得快，坐低之後見到已經有人排隊等位。一共四人所以決定叫咗一個二人套餐加單人兩個套餐厚切美國平鐵牛扒（12安士）（蒜蓉牛油）因應自己的喜好，而將牛扒煎到自己的熟度。六成熟的牛扒是我的最愛，外邊微微焦香，內裏嫩嫩粉紅，入口軟淋，咬落去肉汁流出牛肉味。我朋友就喜歡全熟，但全熟的牛扒都不會覺得韌。（美食推薦度10/10）美國安格斯牛柳（8安士）（黑松露牛油）美國安格斯牛柳有濃濃的牛味，肉質有豐富的口感，但並不覺得煙靭。黑松露牛油的味道滲入牛柳中，兩種味道都好夾。（美食推薦度10/10）鵝肝配美國安格斯牛柳 2人餐$498美國安格斯牛柳12安士配配鵝肝，鵝肝在石板煎到外層焦香，外脆內軟入口嫩滑。鵝肝加上6成熟安格斯牛柳一齊食，令牛柳的口感加富豐。（份量好多）（美食推薦度10/10）酥皮湯酥皮焗到好鬆脆，蘑菇湯好，Creamy（美食推薦度10/10）花蜜雞翼有大量蜜糖包住焗到雞翼皮是卜卜脆的雞翼（美食推薦度9/10）炒意粉酸酸甜甜的茄醬意炒，味道幾好（美食推薦度9/10）雜菜沙律雜菜是嫩嫩的位置，都是新鮮的菜（美食推薦度10/10）炸薯條熟辣辣、大大盆的新

優質燒肉天堂自己燒、自己控制熟度，爐溫高要快手反太熟又會影響肉質同口感，呢個體驗超吸引升級+$58有以下* 酥皮湯～忌廉蘑菇湯底加咗層酥皮，濃厚暖笠笠* 雜菜沙律/薯條/意粉（3選1）* 特大杯裝飲品（冷熱同價） 口味：香草牛油/ 黑松露牛油/蒜蓉牛油（三選一）🥩美國prime肉眼（8安士）US prime ribeye steak燒至7成肉眼較為瘦，燒後鎖緊肉汁有嚼勁好jucy肉感仲唔錯，不能太過熟蒜蓉牛油🪿鵝肝配美國安格斯牛柳（8安士）Foie gras with US angus tenderloin steak個人喜愛肉脂豐富嘅牛扒配埋鵝肝結合完美，鵝肝入口溶化，牛味香濃及油花分布美，特別軟嫩配黑松露牛油，又另一種層次餐飲：柚子茶青檸梳打｜柚子茶巨大凍飲飲極都仲有，good good

呢間門面平平無奇的牛扒餐廳，有好多人係門口排隊，於是就一於同屋企人食呢間！ 都要等左一陣先入到去食野！我同屋企人一共4個人，諗住每樣叫啲睇下好唔好食，所以就分別叫左兩人set，以及兩個單人餐！鵝肝配美國安格斯牛柳2人餐$498:套餐包括兩個酥皮湯，花蜜雞翼，當然重頭戲就一定會有美國安格斯牛柳12安士配鵝肝，配菜方面會有炒意粉/雜菜沙律/炸薯條（3個選1），我地就揀左炒意粉同埋炸薯條，個美國安格斯牛柳12安士配鵝肝一上枱真係好驚艷！好香嘅牛味配合鐵板，真係一流，食落啲牛肉質地好好，嫩滑唔會好韌，濃厚牛肉味！ 另外炒意粉同炸薯條一上枱好大份，薯條係新鮮即刻炸，食落會好熱辣辣，一個唔小心仲會焫親個嘴！酥皮湯嚟講，就算係中規中矩，唔算好特別！套餐最後包左兩個大杯飲品，我地分別叫左青檸特飲以及雜果賓治！美國安格斯牛柳（8安士）$198:另外要提及的就是牛柳可以選擇不同牛油配搭，分別有香草牛油、黑松露牛油、蒜蓉牛油！呢款我地叫左黑松露牛油，濃厚牛肉味，加上黑松露帶出鮮味，簡直冇得彈！厚切美國平鐵牛扒（12安士）$158:呢個真係性價比超高，價錢係比起我哋嘅其他套餐都平，只係158！但係佢個肉質一啲

女友想吃扒，咁諗起好多時都擦到呢間～Day22, 知道好爆，所以打電話訂定位。 原定時間到達，只等了幾分鐘可以入座～讚！柯打咗～美國Prime肉眼$238，加配酥皮湯連飲品套餐加$58，鵝肝配安格斯牛柳$238，同樣改酥皮湯套餐$58。 酥皮湯先到，匙羹篤穿酥皮係肯定，湯嘅味道一般，而且份量很少，配料都近乎零，除咗講個湯超級熱之外，所有都很一般。鵝肝牛柳同肉眼接力上，鵝肝皮有小脆口而且人口溶～ok, 牛柳佢哋似乎煎左小小，我只係二邊反下就得，另外塊肉眼好明顯係要自己動手，煎出自己喜好嘅生熟度，墊枱有張紙，有教學同提議，教學係教你點樣整份牛扒，提議係叫啲客最好整到三四成熟，真係咁易？個個都整到佢哋想嘅要求？我自認唔得，起碼去到六七成，塊扒無乜牛肉味，唔知係咪因為over cook, 所以有啲「咬口」，同埋要提醒大家，呢度係無平時港式果啲～洋蔥汁，黑椒汁之類。大佬俾幾舊水食扒，又要自己煎，汁又要自己調教啲汁，點解唔自己返屋企煮？而且塊扒又唔係好食過人！最後係杯雜果賓治，係好大杯好扺飲，但味道欠佳，淡，而且未試過飲雜果賓治係無雜果，真係生平第一次。回頭度：4/10

塊牛排好差，$198安格斯牛扒切出黎啲肉一絲絲咁，完全feel到塊排係$50-60蚊嘅急凍貨，口感極之惡劣，個火爐唔夠火力，淨係中心位先有熱力，根本好難煎得好食，舊牛煮熟晒啦又唔香口，食落去舊牛冇乜牛味仲要勁難咬，佢加嗰個套餐$38至$58一杯嘢飲仲有沙律或者薯條或者意粉但係沙律冇誠意就係沙律醬溝生菜。埋單加埋$200至$300。我俾$200去超市買靚嘅牛扒，自己煮都好食過佢，反正都係自己煎，真係搵自己笨

Thick, juicy, sizzling… all perfect words to describe the dinner tonight 😎 Located in an inconspicuous side in Tsuen Wan is this unassuming storefront, but inside is a delightful meal just waiting for you! 😍 As said, the storefront isn’t anything special nor is the interior decoration 🙂‍↕️ The utensils and serveware are pretty elegant bringing quite the contrastThe menu is all the different cuts of steak offered, but we gotta go with the recommended US Flat Iron Steak ($158) and adding on a $58 c

誠意推介呢個扒房，位置沙咀道，舖頭雖然唔算大，但食物好有水準，人流不斷，建議大家提前book位。頭盤：酥皮湯，粗薯條主菜：鵝肝配厚切美國平鐵牛扒(12安士) 配 香草牛油 用鐵板火爐上枱，自己控制生熟程度，店員亦都會主動幫你手，抵讚飲品：特大杯青檸梳打(無影到相)

都係睇社交媒體網站reel 見到 影得幾靚 所以去試伏 簡單講： 酥皮湯係淋忌廉湯係開粉 杰坦坦唔知咩黎！？塊牛扒完全冇牛肉味 明明圖係原塊牛扒 🥩上枱竟然係3 小舊薯條炸到又乾 又唔脆 真係衰過老麥 成間鋪感覺 環境清潔度麻麻地 支蕃茄醬已重用千次 好似茶記咁埋單$282 食牛扒黎講唔算貴但比得差唔多$300 我情願你收多少少我錢比返社交媒體網站d 野我食！！！！！明白餐廳需要聘請。。做promotion 但都希望餐廳都有一定水準 都睇得出有心做好間餐廳 不過有好好好大進步空間大家都想支持香港小店🙂

食肉獸小Sun媽喺爸爸節當然要帶Lisba嚟食餐好嘅！今次嚟到呢間專食火山石燒牛扒小店🥩滿足牛魔王Lisba👨🏻‍🦱呢間小店真係好多人～排晒隊！🍽️ 鵝肝配美國安格斯牛柳Lisba最愛黑松露，所以一見到呢度有自家制有黑松露牛油即刻叫咗呢一個來配佢最愛嘅安格斯牛柳😋最正呢就得鵝肝配搭，一上碟連埋仲有火嘅火山石燒，吱吱喳喳聲好吸引，要幾多成熟都得，個鵝肝好香，入口即溶😋香噴噴，不得了！ Lisba即刻加上佢最愛嘅黑松露牛油同安格斯牛柳絕配🤤🍽️ 三文魚配美國牛柳醫好Lisba個胃，當然要揀個三文魚俾Lisboy🤤又係一上碟火光熊熊🔥睇住個三文魚煎到脆卜卜，跟住就撩俾Lisboy食😆佢一口氣食咗兩塊三文魚，個牛柳就燒到五成熟入口軟綿綿，配埋佢哋特製嘅香草牛油，好啱口味！🍽️ 酥皮湯、意粉、雜果賓治叫火山石板燒牛扒可以加錢轉套餐，我哋就加咗$58轉套餐，可以有酥皮湯、意粉同埋大大杯嘅雜果賓治🍹個酥皮好脆搣咗少少俾Lisboy，意粉再過水比Lisboy食到舔舔脷😋最正一大杯嘅雜果賓治，食完熱辣辣嘅牛扒即刻解解渴🤤 Lisba 表示10分滿意🌟||

睇左有foodie介紹呢間餐廳覺得d野食好似幾吸引，就特登過去食下，分別叫左兩個午餐set（豬頸肉同雞扒），份量比想像中多同埋豬頸肉都幾香。另外可能我地係開舖第一個客，個waiter態度好之外仲有幫我反下d肉同切開d肉。不過個位置就比較冇咁方便去，出地鐵站要行一段距離先到。🥩🥩🥩🥩🥩🥩🥩🥩🥩🥩🥩🥩🥩🥩🥩🥩🥩🥩🥩🥩🥩🥩🥩🥩🥩🥩🥩🥩🥩🥩🥩🥩

呢間長期有人排隊嘅石燒牛餐廳，食完之後就知道點解咁多人排隊🤭牛肉質素唔錯，跟餐亦好抵食！文末附餐牌參考～呢個係Daily Special嘅Prime牛肩胛牛扒12安士（$198），鍾意食偏肥嘅朋友可以試吓!!多脂肪嘅位置，肉質通常都會比較嫩～推介蒜蓉牛油，非常香！另外呢個係厚切美國Flat Iron牛扒12安士（$158）好大份，簡單配上黑松露牛油已經好好食～可以跟餐，$38就有杯細嘅飲品同埋沙律/薯條及湯；$58會跟杯巨型飲品、酥皮湯同埋沙律/薯條～餐牌：

之前一路都聽同事講荃灣有間幾抵食又高質嘅石燒牛😋今日終於有機會去食😍去到發現原來都幾多街坊一家大細排隊等位😲可能因為佢性價比都真係幾高🤩🥩厚切美國平鐵牛扒(12安士) ($158)Flat Iron都幾大塊厚身，肉質亦都比較厚實啲，少啲脂肪但唔會靭👍🏻上枱嘅時候已經濃濃肉香🤤送上嚟會比較生，等我哋可以自己控制生熟度😙加咗黑松露牛油煎香牛扒，再簡單加少少黑椒同鹽已經好好食😋🥩鵝肝配美國安格斯牛柳(8安士) ($238)一路睇住塊鵝肝愈煎愈香，感覺好滿足🤭🤭安格斯牛柳比起平鐵牛扒肉味更加重，油脂香更加濃厚，肉質更嫩滑🤤加埋香草牛油，油香爆燈🤩🤩鍾意食牛嘅朋友一定要試吓😋另外，牛扒加$58可以轉套餐，有酥皮餐湯，加巨型大大杯嘢飲，配薯條、意粉或沙律🥗 今次試咗薯條同意粉都好高質🍝茄汁意粉幾有驚喜🍟薯條炸得外脆內軟夠乾身又唔油膩😋酥皮湯一樣好高質🥰

終於捱到週五，今天和老公到荃灣吃晚飯，我們被一間店外排長龍的店舖吸引，原來是一間專吃牛扒的餐廳。我們都排了好一陣子隊，甫一進內，一陣肉香傳來。餐牌有多款肉選擇，還可以加配餐湯及意粉等。單是牛油已經有四款選擇：原味牛油、黑松露牛油、蒜蓉牛油、鵝肝牛油。餐枱墊上還列明了煎牛扒的方法，如下：1. 先放少量牛油在火山石上，等待牛油發出特色香味。2. 放上牛扒，將牛扒煎至理想生熟度及上色。 建議大概煎至三至五成熟，是牛扒最美味的肉質。3. 加入迷迭香，絕對堪稱西餐的靈魂香草，自帶有木質香氣 ，最適合燒牛扒。4. 最後加上調味如玫瑰海鹽。我們選了：鵝肝配厚切美國平鐵牛扒（12安士)加配黑松露牛油、蘑菇忌廉湯、咖啡牛扒很厚身，肉質嫩滑多汁，粉紅色脂肪含量適中，肉味十足而且油脂香氣濃郁。放在火山石燒板上，不一會便煎天到五成仲有熟了。不得不太的是那片黑松露牛油，香氣撲鼻，放在鐵板上燒，然後放上牛扒，將牛扒的香氣釋放出來！有畫龍點睛的感覺。鵝肝配美國安格斯牛柳8oz加配黑松露牛油、蘑菇忌廉湯、青檸梳打牛柳質地厚實，配上滑嫩的鵝肝，口感細緻豐富。牛肉的肉味和油脂香相當濃郁，帶有淡淡黑松露香氣放在火山石板上煎