Dan Ryan's Chicago Grill (太古城中心)

營業中

休息中

西餐，從來不是我第一選擇，但這家美國風味的餐廳，是我每天上下班都經過的，自然就有機會嘗試了。兒子生日聚餐，就選這裡喇，提前訂位（openrice上訂位有75折！）準時到達，不用等位👌，疫情原因，我們7人要分兩檯，研究完menu，開始order如下：1）免費的餐飽籃（每檯各一份），普普通通，沒有我想像的好食2）燻鹹牛肉三明治 HKD188.- （我這晚的最愛）牛肉份量充足，味道濃厚，切薄片令人容易咀嚼；兩層麵包也烤的十分香脆；配了一條酸黃瓜和爽口的提味沙律，和這個三明治很搭👍，薯條是例牌存在的，整份餐，我給5粒⭐️3）14Oz 美國肉眼牛扒 HKD508.- 個人認為：不值得！不解釋！4）燒豬肋骨拼燒雞 HKD398.- 絕對抵食過上面的牛扒，甜蕃薯條也算特別，可以推薦！5）大拼盤（焗薯皮，洋蔥圈，魷魚圈，雞翼） HKD298.- 目標是焗薯皮，但也許是期望過高，今天的感覺並唔特別，試一次就夠了😅6）黑松露菌燴飯 HKD185.- 味道👌，可以推薦！7）Lobster Salad HKD238.- 👍龍蝦，蟹肉，鮮蝦和牛油果組和沙律當然好味，只是用厚厚的卷心菜鋪墊，就像在麻袋上繡花，唔

同朋友嚟到太古城中心食飯朋友一早已經book左檯麵包鬆餅真係好食加埋嗰醬真係冇得頂呀烤焗美國BB豬排骨好Juice淡淡肉汁海鮮意大利飯飯比較濕潤唔會好乾海鮮🦞配料超多甜品方面自家製紐約芝士餅配芒果醬芝士餅配上芒果醬好夾酸甜酸甜

昨天星期五跟友人外出晚饍，由於沒有訂位，所以去不到心水餐廳.唯有到此餐廳用饍(原因是不用等位)。我們order了周打魚湯及是日餐湯，AAA Sterling 8oz Tri Tip Sirloin steak. 本應想order pizza, 但因為晚上沒有供應，所以只order牛扒，打算食完扒之後再叫。當塊扒端上枱的時候，目測已覺得乾柴，毫無光澤，食了之後更感不悦。牛扒是凍的！我真是第一次食到咁難食嘅扒，仲要係碎上，實在未試過😓。所以，最後冇再order嘢就走了。以後都唔會幫襯。

又到左覓食時間今次黎到太古中心搵食美式餐廳。睇返紀錄，原來之前有次都想去但有事取消左booking😞唔打緊，補返數🤪話說未入門口已經餓到爆炸。好彩一坐低就有包送睇睇menu先花多又眼亂，乜都想食😚好啦，先黎個頭盤！Chicago classic combination !!!!Um.....焗薯皮最好食😋而且好欣賞佢有三種醬，包括sour cream😍正其他就一般啦，正正常常咁囉。雞翼太咸！飲品到肥過肥仔水既milkshake呀係士多啤梨milk shake，口感滑溜又豐厚重點唔會太甜另一杯菠蘿我就無試過啦，聽聞唔錯咁🤪再黎莎朗牛牛🐮其實，我更鐘意佢個size dish囉😂燒粟米好甜，蕃薯條又係一個令人唔停口既邪惡軸心牛都好食既其實😂5成熟口感良好最後黎個德洲漢堡🤪唔駛我講啦。自己用眼仔睇下幾厚本來好想叫甜品架但已經食唔晒有d後悔無聽侍應哥哥仔話換一換個size dish唔駛咁多薯條類無咁飽😂😂食得好滿足既一餐唯一有樣野要提，字要寫靚d呀侍應姐姐話字醜樣睇唔到電話號碼唔得架🙂

是日大老細生日，一家3口就嚟試一試，用 open rice 網上預訂全單7折。入內環境不錯，可惜火車沒有開動，小兒有點失望。今次叫了2人餐加肉眼扒，沒影最後的甜品，因為太普通了。飯後有一個小插曲，小兒要外出如廁，事後跑回來，可能太飽的關係，一坐低就嘔出來，剛好用了兒童餐具，所有污物吐在碗內，我用餐巾包好，待應2話不說就拎走，完全沒有不屑，真的萬非感謝待應哥哥。

One of the many restaurants in HK that offers balloons to children upon arrival. It is always relaxing to look at the train running on the track in the ceiling. One noon, my daughter recalled the balloon and went to it. The service was as good as usual. However only my set of lunch was good, not my daughter's set.

最近去咗太古城，行完街，見到Dan Ryan門口唔駛等位，於是行過去問有冇得Walk in，有位所以就入咗去食。我覺得嗰一藍麵包鬆餅真係同以前一樣咁好食，再配埋個醬真係冇得頂。可惜的是佢嘅沙律同埋主菜都比較中規中矩。個沙律可能係醬汁問題，唔係太好食，但蔬菜都係新鮮嘅，雞肉就鞋咗少少。而主菜方面個Burger叫左五成熟，但食吓就發現佢差唔多七八成熟。哈哈可能係已經放咗幾分鐘熱返去入邊所以熟左！？而另一款主菜就不過不失。飲品方面就嗌左杯mocktail, 顏色賣相都唔錯，味道正常。整體以性價比來講，會想像個質素可以高啲啲。

今日去左太古城行街，順便食埋晚餐先返屋企。 每次帶住2個細路（未夠2歲同岩岩4歲）出街，都要揀間坐得舒服既餐廳。今次就揀左Dan Ryan. 一早網上訂位，準時入去唔洗等位。 一坐低職員就搬張bb椅，放低籃麵包同俾氣球🎈兩個細路。兩個人仔都好開心。 小朋友最記得就係間餐廳有波派同有火車睇。 奈何今日架火車壞左，要過完新年先有得整，仔仔即刻好失望。6pm都坐左一半客。係我地枱邊有少少垃圾，唔知係咪執枱時跌左唔知。 枱與枱之間隔離唔大。 我地同後面枱只係隔左一個侍應拎住餸過到既身位。我地點左半份芝加哥拼盤（$198），carbonara（$142），啤酒黃金炸魚（$205），三重芝士焗洋蔥湯（$88）芝加哥拼盤有3件buffalo wings, 4塊芝士煙肉焗薯皮同4-5塊炸洋蔥圈。 buffalo wings好好食，辣辣地，再配埋個醬，真係想食多幾隻。 洋蔥圈係deep fried,食落有少少辣（小朋友話辣既），焗薯皮就一般啦。 Carbonara 係最好食。 好creamy, 煙肉少少鹹，但可以接受。兩位小朋友食到停唔到口。如果可以shave 多d芝士碎上面就更完美我知係我錯，去美式餐

今日出去用餐午膳除了因為是元旦日， 今日亦是結婚紀念日。 由於不想去太遠的地方， 所以都是在太古城內搵食， 今次選的是在中學年代後已經沒有再試的 Dan Ryan。由於是元旦節日關係， 餐廳亦推出應節的二人套餐， 那就儘管試試吧。 套餐已包括前菜主菜和甜品。香龍蝦湯, 蜆肉薯仔周打湯 和 招牌凱撒沙律我不吃龍蝦湯， 老婆話非常香濃， 也略帶蕃茄味， 微酸易入口。 周打湯非常足料濃郁， 蜆肉鮮味， 加上薯仔更加是神來之筆， 令口感更濃稠。蔬菜新鮮， 沙律汁調得恰到好處。烤焗美國bbq豬排骨和美國腹肉牛扒配甜蕃薯條那麼多年沒來過Dan Ryan ， 最有記憶都是Bbq豬排骨， 美味得令我留下相當深刻印象， 相隔這麼久再吃也沒令我失望， 依然是那麼juicy 和惹味。 腹肉牛扒這部位相當嫩口而且牛味濃， 燒過後更加香口。 甜蕃薯條炸得鬆脆， 而且帶有微甜， 令人食唔停口。卡邦尼意粉相對較為平平無奇， 不過不失， 應該只為飽肚之用。自家製紐約芝士餅配芒果醬濃厚的芝士餅配上帶酸甜的芒果醬， 為本身已填滿的肚子如有神蹟地帶來額外的空間， 為這餐帶來完美結局。

唔知係咩原因，點解啲服務態度咁差，特別係企門口紮馬尾，裝束似經理嘅女士，可惜睇唔到名牌，如果唔係會直接打上佢哋公司投訴😵可能因為我哋用app訂枱有半價，覺得我哋係乞兒😂所以果位女經理由接待我哋入座，到我哋走嗰陣都係無service可言，零greetings，我哋走嗰陣，行過佢身邊，佢淨係同另一個同事喺度傾偈打牙鉸，正常見到客人走應該講聲拜拜，呢啲係第一日出嚟做嘢都應該會識嘅基本工作態度。🥲請尊重自己嘅職業🥲食物上枱嘅時候，感覺到啲侍應好Green，正常應該會講一句慢用、或者講一講個菜式名，佢地都無。到埋單嗰陣，都係多謝都冇聲。可能係因為上層管理出現問題，導致對下屬嘅培訓都不足，上梁不正下梁歪，所以成間餐廳嘅態度都係不知所謂。唔知道係咪呢間連鎖餐廳嘅風格，我幾年前去海港城嗰間分店食，啲侍應態度又係好差。佢哋咁嘅價錢，同埋中規中矩嘅食物質素，我喺太古城有更加多選擇，所以唔會再幫襯😩

今晚同男朋友walkin呢間餐廳，睇左一陣餐牌，原本想點既菜，入到去先知係lunch set but menu無寫明，只係覺得價錢比較合理。發現散叫仲貴過dinner set（$498+1），於是就揀左set，呢個二人套餐只有2碗湯，半份凱撒沙律，bbq半隻雞，同意大利飯。以上都係d好普通，味道又唔係突出既野食。仲要第一次食set係唔送餐飲或點品，都幾失望。唯一值得欣賞係燒雞唔老，好嫩，但味道係怪怪唔岩我，但各有各喜好啦。相片只係影咗2張，因為主菜隔左3,4個字先上枱（理由係張枱太細），已經餓過頭無影到。P.S. 第一次寫食評，只因真係伏同不值呢個價P.S. Ouxbxxk仲好味又抵食過佢，後悔了

我們一家又去太古城這家美國餐廳，其一原因是夫君喜歡西餐，二來這地方環境闊落，整理乾淨，十分適合小朋友去，而重點是又出翻50%，半價！今次帶埋仔仔去吃晚餐，我們叫多了一個小吃雞翼，其實兩大一小叫兩個Main一個小食好似有點多，但，食晒喎😅半價後埋單大約四五百，抵。（無飲酒）不過如果不是有折，以原價可能有更多好選擇。這個每次都好味，好重牛味，質地又好。這個都是每次都好味仔仔將牛油當了Ice-cream內𥚃的Cake每次都好食地址 太古太古城道18號太古城中心1期3樓311號舖Shop 311, 3/F, Phase 1, Cityplaza, 18 Taikoo Shing Road, Tai Koo港鐵太古站 D2 出口, 步行約2分鐘

今日我同朋友去去食晏叫左lunch set 大大份 兩個人食都覺得飽之後我地叫左兩杯熱啡 見到個咖啡壺感覺幾得意不過飲落又成口渣 飲左兩啖就無飲 下次會再泥會試下其他飲品 食物和服務質素都ok

今日過咗香港島玩，就嚟到港島最大型嘅商場太古城食晚飯，貪佢地方夠大小朋友可以周圍跑。最後揀咗小朋友好鍾意嘅Dan Ryan 度食（因為入邊有㗎火車係天花度行，又有得攞氣球😝）。一坐低來得及餐包，佢會配個士多啤梨牛油，個人認為麻麻哋，寧願食返普通牛油。個muffi好好食，可惜只得一個。😋由於唔係太肚餓所以叫咗兩個小食加一個main。招牌黃金墨西哥脆片（半份）雖然半份但都好大碟，面頭好多芝士，再加埋一個雪糕球咁大嘅牛油果醬，真係好滿足。另外有個蕃茄辣汁，配脆片另一番風味。😍烤焗美國薯皮有驚喜！薯皮上面有兩種芝士，再加上薯皮夠厚，薯皮邊焗到脆卜卜，食落去口感豐富！可能我個人好鍾意食芝士，所以超鍾意❤️德州漢堡叫呢個漢堡係因為佢入邊有牛油果蓉（我係牛油果🥑控）😂嚟到見到個漢堡好大份，食落去除咗牛油果用好香之外，仲有層辣醬，兩種味道加埋好配合，突出左塊漢堡牛肉嘅香味！薯條炸得夠熱同埋夠脆，中規中矩。個人來講如果一家大細一齊嚟都係一個唔錯嘅選擇！

Food was pretty average to be honest. Presentation looks nice, but the fries were nothing great, could have done with a bit more frying. The burger looked good, but I feel the flavours just weren't really there. They have the portion size down correct like American style. But for the price I was expecting something a bit tastier. Just a normal burger Coleslaw was also a bit sweet and really watery, coudn't even finish. Had some potato skins too which seemed old and tired like they had been pre-p