Dan Ryan's Chicago Grill (太古城中心)

營業中

休息中

最近去咗太古城，行完街，見到Dan Ryan門口唔駛等位，於是行過去問有冇得Walk in，有位所以就入咗去食。我覺得嗰一藍麵包鬆餅真係同以前一樣咁好食，再配埋個醬真係冇得頂。可惜的是佢嘅沙律同埋主菜都比較中規中矩。個沙律可能係醬汁問題，唔係太好食，但蔬菜都係新鮮嘅，雞肉就鞋咗少少。而主菜方面個Burger叫左五成熟，但食吓就發現佢差唔多七八成熟。哈哈可能係已經放咗幾分鐘熱返去入邊所以熟左！？而另一款主菜就不過不失。飲品方面就嗌左杯mocktail, 顏色賣相都唔錯，味道正常。整體以性價比來講，會想像個質素可以高啲啲。