Dan Ryan's Chicago Grill (太古城中心)

太古城中心真係好多嘢食，但如果數西餐，最有印象一定係美式餐廳Dan Ryan‘s！咁多年來水準和服務一樣咁好，食物出品穩定，餐廳美式風格深受小孩喜愛，更供應兒童套餐，深受一家大小歡喜！晚市最鍾意食佢嘅dinner set, 一個價錢食晒前菜，主食和甜品，兩個套餐同朋友share，非常滿足！最近更推出芝加哥美食嘉年華，指定菜式仲有七五折優惠，加點咗個水牛城雞翼應吓節！水牛城雞翼酥脆金黃的雞翼，裹著酸辣濃郁的辣醬，肉質的鮮嫩多汁，加上奶油香與隱約醋香，非常惹味。招牌凱撒沙律凱撒沙律看似簡單，但最能看出一間餐廳的心機。麵包烘得香脆，生菜新鮮爽脆，每片都沾滿凱撒沙律醬，一點都不馬虎，即點即拌。周打蜆肉湯湯汁濃郁豐厚，滿載著鮮甜蜆肉的鹹香。以奶油炒香的蔬菜丁增添口感，馬鈴薯燉煮至軟糯，好濃稠。啤酒黃金炸魚金黃酥脆的啤酒炸魚，外皮係啤酒調製的麵糊，高溫快炸，更加輕盈香脆！魚肉細嫩，有麥香與魚鮮香，配以檸檬和秘製櫻桃辣椒他他醬，對Fish and chips改觀，哈哈！份量都幾大份，有兩件大炸魚和很多薯條，最啱一齊分享！番茄肉眼牛柳寬麵充滿意式風情，厚切肉眼牛柳煎至焦香，寬麵彈牙吸附濃郁番茄醬汁，點綴羅勒清香和芝士粉，每一口都飽滿酸甜與肉香，好味！自家製布朗尼蛋糕朱古力士多啤梨濃郁朱古力布朗尼，內裡濕潤綿密，加上超多朱古力醬，口感層次豐富，濃郁的可可味道！自家製奶酪配士多啤梨醬自家製奶酪質地絲滑，帶著淡雅奶香。頂層淋上士多啤梨醬，果肉熬煮出酸甜平衡的滋味，回味無窮。…查看更多

是晚和友人到太古城的Dan Ryan吃飯。走進Dan Ryan，彷彿踏入九十年代的美式餐館。深色木質裝潢與暖黃燈光營造出懷舊而舒適的氛圍，正是品嚐經典美式菜餚的完美場景。我們點了兩個精算晚餐分享吃，價錢相當合理，菜式亦很豐富。周打蜆湯率先登場，濃稠度恰到好處，奶香與海鮮的鮮甜相互交融，每一勺都能嚐到飽滿的蜆肉，溫暖開胃。另外自家製麵包鬆餅和草莓忌廉牛油更是不能錯過，絕對是其他地方吃不到的美食。招牌凱撒沙律展現了經典的誠意，羅馬生菜清脆可口，自製的凱撒醬蒜香濃郁，麵包丁與帕瑪森芝士帶來豐富口感。另外單點了一份水牛城雞翼。雞翼炸得外皮酥脆，內裡多汁，酸辣醬汁平衡得宜，既刺激味蕾又不失雞肉原味。主菜方面，香烤味噌比目魚令人驚艷—魚皮烤得焦香，魚肉卻保持細嫩，味噌的鹹甜風味滲入每一絲魚肉，魚肉十分厚身，充滿肉汁。搭配的薯蓉綿密滑順，烤蔬菜則帶來清新平衡。烤雞配薯條是美式料理的經典之作，雞肉醃製入味且烤得恰到好處，肉汁被完美鎖住；薯條金黃酥脆。甜品的紐約芝士蛋糕質地濃郁紮實，乳香濃厚；自家製奶酪則口感輕盈滑順，為這頓豐盛的大餐畫下完美句點。Dan Ryan用不花巧卻誠意十足的經典菜色，證明了真正的好味道經得起時間考驗。這裡不追求新奇，而是專注於將每道經典做到極致，讓人每次光顧都能獲得滿足而穩定的味覺體驗。…查看更多

Dan Ryan’s 係我其中一間好鍾意嘅西餐餐廳，環境氣氛好好，又非常好服務，如果有小朋友真係好啱帶佢地嚟食，成日見佢哋揸住啲氣球，真係好得意，仲有兒童套餐，非常有心思！今日同朋友食晚飯，就叫咗佢哋Chicago set, 一個套餐有齊主菜，沙律，同甜品，覺得都幾抵食！一坐低，已經會送上餐包，餐包配上自家製士多啤梨奶油，士多啤梨味道非常香濃，配上熱烘烘的餐包，好味！招牌凱撒沙律本人超級鍾意食凱撒沙律，這裏出品出色，生菜非常爽脆清甜，凱撒醬汁清新不膩，灑上簡單芝士粉和麵包糠，已經夠晒好食！周打蜆肉湯非常濃稠，每一啖都有蜆肉海鮮甜味！手撕慢烤BB豬肉漢堡賣相超級吸引，漢堡包份量好大個，兩個女仔分享剛好。融合了慢烤豬肉的酥嫩多汁和BBQ醬的濃郁煙薰味，除咗手撕豬肉，仲有牛肉漢堡扒，紅洋蔥，生菜等等，搭配鬆軟漢堡，口感層次豐富！旁邊仲配搭酸黃瓜，一啖漢堡一啖酸瓜，酸酸甜甜的！炭烤封門牛柳炭火烤到外皮焦香，裡面保持粉嫩多汁。牛肉質地超軟，簡單加啲海鹽同黑椒已經好夠味，食落滿口肉香，係牛魔王至愛！ 炸薯條金黃酥脆，內里鬆軟綿密！士多啤梨Panna cotta嫩滑奶凍淋上自家製鮮甜士多啤梨醬，奶香同果香完美融合，入口即化，酸甜可口， 甜而不膩！紐約芝士蛋糕濃郁奶油芝士口感綿密厚實，餅底鹹香紮實，必點經典美式甜品！Dan Ryan’s 作為節日慶祝餐廳，的確係不錯的選擇！…查看更多

和友人來太古城購物，之後一起吃晚飯。朋友想食西餐，選了商場入面嗰間「Dan Ryan's Chicago Grill」。餐廳主打傳統美國菜，店內裝潢極具美式派對氣氛，加上空間寬廣，非常適合一大班朋友聚餐！我哋每人點左個 Chicago Set，套餐包前菜、主食及甜品。先上麵包籃，有 2 款鬆軟嘅麵包和甜美可口嘅 muffin，誠意十足。周打蜆湯好幼滑，內有粒粒蜆肉、洋蔥、薯仔和甘筍等。凱撒沙律爽口又夠凍，配上醬汁，清新又健康。紐約煙燻牛肉三文治，用黑麥麵包夾住大量鹹香醃牛肉，牛肉質感軟腍，入口帶濃郁煙燻香，配高達芝士、白酸菜同千島醬，口感同味道都無得頂。慢烤美國進口BB豬排骨，火候控制得啱啱好，口感超嫩滑，幾乎一咬就骨肉分離，肉質鬆軟又多汁，配菜有薯條和椰菜沙律，非常豐富。甜品有草莓自家製奶酪同布朗尼蛋糕，奶酪滑嘟嘟，面層嘅士多啤梨醬酸甜清新，同奶香好夾。布朗尼蛋糕外脆內濕潤，甜而不膩，好有層次！…查看更多

一踏入Dan Ryan's已經可以感受到美式餐廳的輕鬆氣氛，有不少賓客帶同年幼子女或老人家，吃一餐家用便飯或慶祝生日，令人感覺舒適放鬆。 餐牌選擇不少，有套餐或散叫，個人自選套餐主菜選擇也不少。 自家製麵包及鬆餅 麵包及鬆餅均做到外脆內軟，配上士多啤梨牛油，特別好味又有心思，未上餐湯前已全部吃光。 周打蜆肉湯 別少看小小一杯的周打蜆湯，湯料十分豐富，味道濃郁鮮甜。 招牌凱撒沙律 凱撒沙律賣相傳統經典，沙律菜新鮮爽脆，沙律醬份量剛好，麵包粒脆卜卜增添口感。 番茄肉眼牛柳寬麵 寬麵番茄香蒜忌廉醬汁調味不俗，酸酸甜甜十分開胃，火箭菜亦新鮮爽脆。 慢烤美國進口BB豬排骨 美國豬肋骨大塊肉厚，上面放上燒烤醬。豬肋骨用刀一切即開，肉質腍滑肉味濃，燒烤醬提升豬肋骨的香氣，令人食不停口。薯條熱辣脆身，椰菜沙律清爽鮮甜。 紐約芝士蛋糕 甜品賣相很有驚喜，蛋糕芝士味較一般的輕盈，餅底的不少合桃粒，芒果汁圍住蛋糕，爆珠增添口感。 芒果自家製奶酪 自家製奶酪同樣食味輕盈，加上芒果汁及爆珠，不似一般美式甜品的多忌廉奶油，很合心意。 …查看更多