Cutting Onions

Cutting Onions @cutting._.onions 📍：香港紅磡馬頭圍道63號啟岸1樓02號舖🚗：土瓜灣地鐵D1出口 步行6分鐘📞：+852 6896-6862💲：~HKD200/head for dinner Food quality✔️：Bao Combo(house cheese burger, kids Yuen Yeung, avocado potato salad）, Bao Combo (Soft shell crab, Chocolate, Wings), Bao Combo(Tofu, green soda, jicama salad) 👌🏼：Main combo(riso, green soda, chicken nuggets), Maple Milk, Sai Dor, Tong Chong Bang總結：😋呢間係間有心機嘅小店 行創新路線 食物質素就唔算有驚喜但志在你感受到佢嘅熱情❤️‍🔥😋我比較喜歡佢哋嘅漢堡 排名為Tofu> Soft shell crab >house cheese burger 漢堡足料大份 尤其係後者一啖咬唔哂‼️😋呢度有樣好佢哋有個套餐Bao Combo/Main combo 跟餐有飲品 仲可以+錢轉較細碟嘅小食 啱哂啲又想試但又叫唔到一大份嘅朋友I.e. me👍🏼😋呢度甜品比較出色 西多同糖葱餅都唔錯 雖然咸蛋黃味真係唔明顯 不過創新嘅港式甜品值得欣賞🤔avocado potato salad同jicama 🥗有樣好係 佢哋唔係好行咁溝芝麻醬/柚子醬 食落都清新啲🤔炸物Wings/chicken nuggets都普通啲🥲🤔飲品都係行茶餐廳路線 kids Yuen Yeung/Chocolate/Maple Milk 比較特別係green soda👏🏼🤔主菜試咗riso 唔錯但會建於試漢堡多啲😨位置有啲難揾 有點偏僻 喺二樓要啲時間揾路😣😨如果係期望好高去食呢間可能會少失望 食物比較穩打穩紮 驚喜唔多但誠意十足🙊…查看更多

1) 服務****** 可以話係0分 ******______________________________首先我嗌左2份晚餐，我嗌果時間餐廳其他枱其實都已經食緊野，廚房應該無其他野煮，但我哋坐咗半個鐘！之後佢先同我講漏單？______________________________之後最差係有個帶眼鏡高高瘦瘦既男侍應，長期企埋一邊好似發緊夢咁，想叫佢係叫唔到。過咗一排佢訓醒你先叫到佢，但叫到佢過黎佢講嘢陰聲細氣，你唔會聽到佢講咩，好似發緊夢咁______________________________之後到上小食，上一細碗雞翼但唔比碟我哋share食，係想我哋拮住隻雞翼零空係枱面食？______________________________到準備上甜品時，個侍應(又係果個發夢男侍應)本來係汁緊我哋枱準備上甜品，汁到一半淨返幾隻碟走咗去汁另一枱走咗既客既枱(果枱都走咗，唔知急乜..)，之後汁完果枱先黎汁返我哋淨返果幾隻碟上甜品…______________________________##############################2) 食物嗌咗$138 龍蝦汁大蝦意粉，得3隻蝦，無任何配菜收$138？ 味道純粹還好，你走去m&s買罐龍蝦汁其實都煮到，完全零其他調味。收得$138比多隻蝦，比多少少配菜有幾難？______________________________另外一份係試佢個”招牌”burger。個包係的而且確幾好食，但有間啲料既質素只係中規中矩，哂咗個包。最大問題係佢收$138真係淨係得個包… 比多幾條薯條好貴？定覺得自己個包質素高到$138都值？我會話係6/10分，完全未好食到值得收咁貴，成個包都好overprice______________________________##############################3) Overall本先我對依間餐廳係有啲期望，但食完之後真係可一不可再。食物質素係ok，有6/10，但完全未去到值得咁overprice，同未食好到我值得接受”咁差既服務”都仲可以食得開心______________________________一係你就好食到顧客比貴啲同接受差啲既服務都肯，一係你就比返依個價錢應有既份量同服務顧客______________________________Overall食完之後真係少有地對一間餐廳咁負評，主因服務極差，價錢同質素同份量唔成正比。…查看更多

食完燒雞，行前幾步「啟岸巷子」上一樓，食甜品。呢間小店又係「空肚講宵夜」其中有一集講，見到雪糕糖蔥餅幾特別，就上網搵吓記低佢。雪糕糖蔥餅（$46）雪糕有咸蛋黃或鐵觀音可選，揀咗前者，因為感覺有啲特別（之前仲有椰子雪糕配芒果，但最新餐牌無咗，可惜）。一件糖蔥餅，灑上椰絲，舖上咸蛋黃雪糕，再用餅皮包住。糖蔥餅應該都有廿年以上無食，甚至其實連咩味都已經唔係好記得，脆身甜甜哋；咸蛋黃雪糕好得意，有咸蛋黃味但唔太咸又有少少甜。糖蔥餅嘅甜脆+咸蛋黃雪糕嘅咸軟，不同味道不同口感，一齊食又幾夾幾特別。陀地鬼佬鬼佬陀地西多（$66）呢個需時約20分鐘。一件厚切麵包浸滿牛奶蛋漿香煎，外層微脆，內裡鬆軟，口感有少少似蛋糕；西多士面層搽上士多啤梨醬，酸酸甜甜；最後加上 peanut butter parfait（Google translate 花生醬凍糕）、花生硬糖碎、椰絲，凍糕好香好濃嘅花生醬味，口感係密度好高嘅雪糕。呢個甜品又係好有心機，好特別。其實小店並唔係得甜品，其實仲有好多主食（steak、burger、意粉）同嘢飲（咖啡、啤酒、特飲），但只係我主要想食甜品啫。…查看更多

想講 個burger 嘅厚度係唔可以一啖咬哂所有材料(至少我唔得 而個炸雞包（$88)舊雞大到連個包都包唔住 突哂出嚟但舊雞真係整得好好食喎 調味好恰當外衣非常酥脆 啲肉勁juicy 個包好鬆軟另外個豬柳包（$88)本身醃已經有辣 無得走辣個菠蘿未食已經聞到酸甜味 不過覺得個炸雞包好食好多！薯條好有薯味 連埋薯皮即叫即炸👍🏻同普通薯條（+$40)嘅分別就係混醬（+$46)中加咗芝士入面撈香濃好多不過我唔like佢落蔥😂焙茶奶茶 轉咗燕麥奶 焙茶味濃過奶味 正另外杯醇茶 飲落夠清爽 完全可以解膩…查看更多

紅磡區新舊交集，中、西、fusion 都幾多選擇。招牌手打牛肉漢堡，份量中等唔算特別大份，但用料新鮮，造工亦頗為精緻。漢堡用既包係特別訂製，帶有一份穀物既味道。 食落有彈性而亦幾有質感，質地介乎一般麵包與穀物麵包之間，用嚟做漢堡幾有特色。 包煎香咗好有牛油味。漢堡扒新鮮有肉味，保留一定既鬆厚度唔係壓得太實。 有助於保存肉既鮮味同鎖住肉汁。 但另一方面，香脆度就會較低。配料既生菜、蕃茄等都好新鮮。 帶來一分清新平衡油膩感。 另外，仲附有兩圈炸洋蔥，表面炸得香脆而入面洋蔥仍然新鮮爽口。另外，跟餐蕃茄湯熱朱古力都有唔錯水準。整體上，食物質素唔錯，可算區內想舒服坐低食個牛肉漢堡既好選擇。 除非唔一定要坐低，又或者唔一定要牛肉漢堡啦。…查看更多

🍔 招牌!!! 手工牛肉漢堡 HK$138・味道：麵包外脆內軟，有用牛油煎香，好似多士咁幾香口。手工牛肉唔算厚肉亦唔大份，正常味道而且唔juicy。配芝士蕃茄生菜幾香口嘅～・口感：整體正常發揮，expected，但份量偏細🍝 大蝦濃蝦龍蝦汁扁意粉 HK$138・味道：大蝦幾彈牙，蝦頭有膏！龍蝦汁正常，幾掛汁，但份量偏細～・口感：扁意粉幾彈牙有咬口🧅 炸洋蔥圈 HK$56・味道：洋蔥圈係甜，炸皮脆，但炸皮同洋蔥完全分離⋯⋯・口感：炸皮都幾厚🍝 雪糕糖蔥餅 HK$46・味道：雪糕係鹹蛋黃味幾特別，真係甜甜鹹鹹咁，加埋糖蔥不錯吃的・口感：個皮唔識包，一邊好厚一邊好薄。雪糕真係好似蛋黃咁沙沙地・・・・・・・・・・・・・・・・・・・・🤰性價比：中～🤰9衝度：可試～🤰結論：份量小得可憐😮‍💨，幾好食都冇用，更何況真係吹大咗，冇脆嘅人講到咁天上有地下無=.=…查看更多

有同事食過提議過來試吓，提早預約揀定野食通知。當日有10人，但地方淺窄不能一圍枱，要前後枱這樣坐。未知是否不夠人（lunch time都無咩人黎架），部份食物上枱快，也有很慢。最慢嘅地方竟然係嘢飲，食晒成個餐都未有飲品上。有啲同事一早食完個包連一杯水都沒有。我們是全部都叫飲品的，但真係食晒先黎上，呢度扣好多分唔知發生咩事。本身睇評價見到鴨髀粒粒飯，賣相不錯，仲有好多汁所以我揀咗嚟食。說真的不是我想要的味道，簡單來說這個味道不是我喜歡的，而且啲粒粒飯好鬼腍，完全唔知食緊咩，啲鴨髀肉似軟咗嘅臘鴨口感（即係有啲乾啊），所以我覺得唔係好好味。今次餐湯係西蘭花菠菜，味道又係奇奇怪怪，不過尚可接受。薯條有食過麻麻哋，所以冇咩興趣（我都係鍾意食Five Guys多啲）。同事有食包，整體評價平平無奇（男同事話都夠飽不過唔知真定假），沒有驚喜，不過不失。 最後叫了甜品，選了鹹蛋黃雪糕配糖蔥餅，反而呢個甜品有啲驚喜，因為叫了五個，所以大家都分一半一齊食，好彩係食一半，因為都幾甜幾漏下。下次唔會再來食飯，不過個雪糕糖蔥餅可以試吓。P.S. 剛剛再睇多次鴨髀粒粒飯個評價，先知原來已經係2023年了…相信當中換了不少廚師，今日應該連水吧師傅都唔見埋…查看更多

作為餐廳的名字，這裏的漢堡包上邊一定會有兩塊大大塊的炸洋蔥，除了作為點題之作外，也是一個很不錯的配菜，炸洋蔥最怕是炸皮和洋蔥圈分開，這裏做得連貫之餘，內裏的洋蔥圈口感也夠爽，並沒有很水狀的樣子。餐廳主打的漢堡包也是很有香港本土風味的，但我點的是最基本的手打牛肉漢堡，漢堡扒內裏的牛肉不會太實，留有少少的空間感去填充肉汁，肉質也算是嫩滑，好的漢堡扒，基本也不會全熟，煎至七成熟左右就剛剛好。醬汁方面，用上半溶的高達芝士，再加上添上鯷魚的蛋黃醬，前者令到漢堡包本身的鹹香味更突出, 其鹹味和鯷魚的海鮮鹹味結合起來並沒有令漢堡包變得過鹹，反而突出了牛肉本身的肉香，這樣的配搭比想像中來得好。麵包是偏脆硬的類型，吃起來就算有太多醬汁也不會軟糯起來，固然能保存本身的口感，但是麵包吸汁醬能力相對較低，未能完全吸收漢堡扒的精華，這就是雙面刃。The restaurant’s signature burgers feature two large fried onions, serving as both a namesake element and a delicious side. The onions are perfectly fried, maintaining their integrity and crispness. While the burgers have a local Hong Kong flavor, I chose the basic hand-pressed beef burger. The patty is tender and juicy, cooked to about 70% doneness. The sauce combines semi-melted Gouda and anchovy-infused mayonnaise, enhancing the beef’s flavor without overpowering it. The crispy bun maintains its texture even with ample sauce, though this means it absorbs less of the patty’s juices. Overall, the burger offers a well-balanced blend of flavors and textures, showcasing the restaurant’s skill in crafting a satisfying meal.…查看更多

以前係旺角有間好鍾意食既良心Burger店，不過捱唔住經營困難就執咗一段日子，上年知佢重整旗鼓係土瓜灣重開叫Cutting onions，照舊菜單都係玩味十足，今日過黎呢頭就可以食返次呢個商場主打都係餐飲有兩層，不過人流唔算好旺，基本上Walkin都有位，晚市都有85折即刻抵食咗餐單除咗招牌漢堡仲有意粉同埋煎扒等等，環境比舊店開闊舒服咗，開埋門窗迎來秋風都幾舒服兩個人黎食叫咗一個招牌牛肉漢堡同素食菇包，配餐就有埋小食同飲品，大約百幾蚊一個人都好正常，飲品有橙茶，茶湯同味道都幾Refresh🌟招牌牛肉漢堡黎到依然係層層疊起勁豐富，牛肉帶住點點燒烤香氣同多汁，漢堡咬落有質感，唔會變濕爛幾好🌟素食菇包呢款就靠哂焦糖化洋蔥去吊味，食落有甜香加埋菇有彈牙口感🌟混醬芝士薯條可能晚市多人，薯條都要等一等先有，外脆內軟既薯條，小小濕潤加埋邪惡芝士冇得輸…查看更多

Weekend一個人試食，叫咗一個泡菜豬腩肉包，加$46有多個小食同嘢飲。小食選擇除咗雞翼薯條之外，亦都有啲健康嘅選擇，揀咗蒜香爆炒本地菜。飲品都有好多唔同種類，唔鍾意飲甜嘢嘅我揀咗白蘭花綠茶。整體覺得小店好有心。🔥下次會想食龍蝦意粉同埋其他小食😋…查看更多

自從土瓜灣開左地鐵站就多左黎搵野食今次同屋企人黎左啟岸試新餐廳餐廳係支持本地農作物既取菜點 屋企人早一日先訂台, 訂台時店員已熱心想提前幫我地點餐一人餐可以加$40 配小食/沙律+飲品餐廳店員推薦沙葛沙律有D似食緊青蘋果 甜得黎又爽口$98瓜瓜菜菜炒粒粒粉粒粒粉係細粒既意粉, 似長米飯, 好煙韌感覺係食緊配瓜果既炒飯$88洋蔥芝士蕃薯天貝包呢個係素食漢堡，天貝係將黃豆加入少孢根黴菌發酵後豆製品既健康食品，想高蛋白質製作過程比較繁複，如果唔食牛又想無罪惡感咁食漢堡就係佢啦！$108 牛油果生菜炸軟殼蟹包足足有一整隻軟殼蟹係包裡面，牛油果同生菜減輕返油膩感，如果可以多啲汁會仲好！$138 手打牛肉漢堡店舖主打既手打牛肉漢堡好juicy$56 鹽酥菇菇既種類好多，雞髀菇金菇秀珍菇都有呢$46 炸薯條薯味好重 好香口 $66 陀地西多呢個係焦糖花生粒配花生醬味雪糕既西多西多好酥脆，繼ikea 花生醬味雪糕之後又多一個食花生醬味雪糕既地方原來餐廳人手不足, 會收起甜品既餐牌,雖然如此, 去到counter 問店員都願意落甜品…查看更多

🍔House Cheese Burger 有好多款burger但係始終都抵抗唔到牛 juicy as it looks !! 雖然唔係最鐘意brioche bread 但成件事都係外脆內軟肉嫩多汁💛上面果兩舊炸洋蔥圈竟然係酸酸地好爽口 平時唔食洋蔥既都like!!🍟🍄Fries & Deep Fried Mushrooms跟set+$30有薯條+$40有鹽酥菇 唔知係咪等左一個月終於可以食🍟覺得特別好食🥹 炸粉包住既鹽酥菇縮左水但係仍然好多汁🫨 食完佢哋既炸嘢條👅冇痕!(究竟點解食完mcdonald薯條👅會痕?)🍝Tiger Prawns Pasta Creamy Lobster Sauce食左幾間手工意粉後對佢既意粉（麵條）冇expectation 但個濃蝦汁好認真隻蝦好彈牙 不錯不錯！食完幾日後掛住陣味 番屋企用蝦頭炒意粉 其實唔難🫢係咪要學埋整手工意粉😂🍵鐵觀音奶茶食burger飲奶唔係好夾 但係鐵觀音奶茶又點可以唔叫？好 好 味！茶味濃奶味重 味道唔假 而且個回甘強到~~~個胃冇位吃not bao or pasta series, gummm until next time la🤓啟岸好幾間餐廳樓底都好高好chill好少人 下次試邊間好？😀 食完好多炸嘢既罪惡感好強 但捧住個肚滿足感仲強 好快樂💛…查看更多

🍔漢堡 💮小店 🚹1-4人 🐻‍❄️#新奇控 💛——————有無人知「兒童鴛鴦」係咩？😝又有無人食過「糖蔥餅」？😆呢間餐廳由門口Menu到菜式名都好得意😆，🐻🐻‍❄️忍唔住入咗去試吓😛🤣咳停一人餐叫主食+小食，送飲品牛油果紫菜炸軟殼蟹包$108漢堡包🍔外皮烘過，入面有原隻軟殼蟹，兩樣都好脆，牛油果🥑係有調過味👍🏽整體幾好食😋🐻：好IG-able📸無得一啖由頭咬到尾🤣要用刀叉輔助😆🍄鹽酥菇+$40將原隻秀珍菇攞去炸，炸皮係類似Fish & Chips炸魚嗰種薄脆炸皮😆新鮮🔥炸起😋好鬆脆👍🏽🥛兒童鴛鴦(凍)正價：$45開估！😛其實係阿華田+好立克，飲落阿華田味重啲啲，但好立克味都飲到👍🏽仲打埋奶泡🤣好特別懷舊雪糕糖蔥餅$50🔍糖蔥餅小簡介：糖蔥餅係香港50-60年代流行嘅街頭小食，通常會放喺上面呢種鐵箱售賣，用白麵皮包住麥芽糖整成嘅糖蔥、同埋椰絲之類嘅配料(🐻🐻‍❄️：其實我哋都後生架🤣都係第一次食咋🤣)糖蔥好脆口😛雪糕係好傳統、只有甜味嘅雪糕磚，所以主要食到甜中有啲椰絲香味🐻‍❄️：後尾睇返先知係咸蛋黃味雪糕🍦🤣但咸蛋黃味就真係食唔出啦🤣結論：由menu到菜單都好有心思嘅餐廳💯雖然小鳥胃🐻🐻‍❄️無試到好多野，但Menu上見到香港🇭🇰新舊元素嘅融合，Menu由標題到菜名相信都俾咗好多心機💛去諗，而最重要嘅食物質素亦keep到ok。懷舊又創新、IG-able食物又ok，呢個心思呢個價錢，🐻‍❄️覺得以Cafe嚟講性價比ok👍🏽👍🏽Menu上仲有好多搞怪嘅菜式，大家得閒可以去發掘吓🤣🤣…查看更多

I remember you.從前太子食過，從裝潢、餐牌到餐點，每個細節都有心思；而家改咗名，去咗第二度，都係咁出眾：【百里香檸檬茶（正山小種+單叢）】睇茶葉配搭就知有心思：我未試過咁嘅中、西配搭，但一旦擺脫「中茶須single origin」嘅框架，飲茶原來可以咁精彩。【招牌漢堡包】冇乜好挑剔嘅漢堡牛肉、半溶芝士、生菜，加上好有質感嘅包！肉汁並無影響口感，因為包體本身食得出高筋，好似實淨嘅牛角包咁，每一下咀嚼都有汁滲入，越咬越好食～【南瓜湯】是日湯，係有孜然香嘅南瓜湯，質地適中，份量合宜。如果佢只係有圈cream就算嘅西湯，我未必會記得，但呢一抹孜然香我會記住好耐。【好薑蕃薯糖水雪糕】雪糕好夠薑，放响torch過嘅甜薯上面，慢慢融嘅薑味雪糕就滲入微微火香嘅薯入面。熟悉的味道最可怕，upgrade 咗就好似執過嘅程大嫂咁，內外兼備，不得之了～【炸炸菇菇】炸衣本身調味出色，菇有返咁上下肉地，有口感但一啲唔難咬。食唔停口嘅同時，豐富嘅菇汁用健康素食嘅定位，撫平高漲嘅熱氣。大推！…查看更多

呢間本地小店，初初覺得好古靈精怪，結果－試就愛上😍Menu有葷素，素食都有好多選擇，試過瓜瓜菜菜粒粒粉(用本地新鮮蔬菜)、白汁鉛筆菇菇扁意粉(菇菇形狀真係好似－支鉛筆架！好有菇味)、麻醬涼拌三絲炸豆腐包(推介推介！！豆腐好滑，加埋三絲又好鬼夾，咁都俾佢諗到👍)、洋蔥芝士菇菇天貝包(用上本地製造既天貝，又完全另一種囗味)｡如果食傳統素食食到悶悶地，不坊試吓新嘢｡今日試咗蕃薯糖水豆腐FOAM+本地薑雪糕，以為無乜特別，點知蕃薯件件軟軟糯糯，－面有糖玻璃面及用火槍燒過，雪糕薑味十足而又不辣，一份甜品足見落咗唔少心機去整｡飲埋杯百里香檸檬茶(我認為No.1嘅真正檸檬茶)，非常滿足lu😁注意：所有包都係老闆自家製造，有真正嘅麵包香味同埋冇防腐劑㗎！…查看更多