Cutting Onions

營業中

休息中

I remember you.從前太子食過，從裝潢、餐牌到餐點，每個細節都有心思；而家改咗名，去咗第二度，都係咁出眾：【百里香檸檬茶（正山小種+單叢）】睇茶葉配搭就知有心思：我未試過咁嘅中、西配搭，但一旦擺脫「中茶須single origin」嘅框架，飲茶原來可以咁精彩。【招牌漢堡包】冇乜好挑剔嘅漢堡牛肉、半溶芝士、生菜，加上好有質感嘅包！肉汁並無影響口感，因為包體本身食得出高筋，好似實淨嘅牛角包咁，每一下咀嚼都有汁滲入，越咬越好食～【南瓜湯】是日湯，係有孜然香嘅南瓜湯，質地適中，份量合宜。如果佢只係有圈cream就算嘅西湯，我未必會記得，但呢一抹孜然香我會記住好耐。【好薑蕃薯糖水雪糕】雪糕好夠薑，放响torch過嘅甜薯上面，慢慢融嘅薑味雪糕就滲入微微火香嘅薯入面。熟悉的味道最可怕，upgrade 咗就好似執過嘅程大嫂咁，內外兼備，不得之了～【炸炸菇菇】炸衣本身調味出色，菇有返咁上下肉地，有口感但一啲唔難咬。食唔停口嘅同時，豐富嘅菇汁用健康素食嘅定位，撫平高漲嘅熱氣。大推！