Coffee Art

營業中

休息中

鄰近地鐵站，及各大公共交通工具，也有停車場在附近。店內食物精緻，擺盤吸引，選材不錯，味道很好，咸淡適中，座位舒適，員工友善，照顧周到。最喜歡有👍🏻海鹽朱古力🥰 下次會試其他飲品如果有其他更多朱古力選擇更好！份量充足，甚至飽足！最欣賞all day breakfast 有牛油果🥑而且炒蛋的份最好大，仲好滑👏🏻啲菇同沙律都好新鮮！仲有黑松露磨菇湯，又香又好味😋價錢合理！必定再來！本區 朋友hangout 首選！

呢間cafe都好出名，原本開係觀塘，而家開多間分店係寶琳。成日經過都幾多人食，不過一直都未有機會去試。難得有一日放假，所以就去試下原來lunch set都幾抵，叫左個辣肉腸墨西哥汁意大利粉都只係$68，包野飲同餐湯/沙律係將軍澳區黎講，呢個價錢都已經算係好抵我揀左配忌廉南瓜湯，好滑好香口佢地個南瓜湯係偏奶味多d嘅，就唔會話勁濃，反而係適中嘅南瓜味。至於個意粉，本身見到以為會好辣，但其實食落我覺得都冇辣味。(本身平時係食譚仔十小辣)d汁就比較少，同埋意粉整體乾身左少少，建議可以比返多d汁。個味就ok嘅，中規中矩，冇乜特別。食物份量都ok，唔會話好細碟，食完其實都已經夠飽。餐廳環境幾好，坐得都舒服，而且店員都冇趕人走，呢點要加分辣肉腸墨西哥汁意大利粉餐

收工後，唔知食咩就食Coffee Art 啦！ 點知...... 1.先講講個湯先，南瓜忌廉湯 正正常常 無咩特別 好好飲咁又未到 不過不失啦。2.好啦 到主菜既黑松露野菌忌廉意粉...2個字簡直失望！ 首先，意粉唔過心已經扣左好多分。 接下來到d黑松露汁 一個字「乾」仲乾過我銀包👛又淡！ 同普通茶記既意粉質素！ 有圖有真相！圖中所見d汁？ 噢😯 d汁？ 完全失蹤！ d質素差到 自己都整到！ 黑松露意粉既精髓在於汁同香 佢呢2樣都無。。。。。。查實對上一次食既時候絕對唔差， 唔知點解今次會差成咁。。。。。 🧐😔😭 好失望！最後2個人埋單盛惠193元正！ 多謝！ 希望，佢地會改進下啦！

Coffee ART 開咗都一段時間，一直無機會試，因為每次都要等位。而家抗疫時期，趁無乜人，嚟試一試。晚餐時段，只有三、四枱客。想食沙律做頭盤，叫咗Art of bowl，份量都好多，兩個人share食。牛油果好食，不過蒜蓉包乾得嚟有D硬，麻麻地。之後叫咗個 美國安格斯Prime級牛小排意大利飯 同一個 黑松露帶子藍芝士薯仔粉。牛小排味道一般，有D硬，意大利飯味道幾好味。另外黑松露帶子都好食，配薯仔粉係超級超級飽既配搭。

今日去咗行山。行完想休息一下呢間餐廳在下午茶時間真係好多人。我平日和朋友一起來都沒有卡位了。所以要在門口等一陣。終於可以慢慢嘆下午茶☕️但這裡的卡位的桌子好難移動。肥一點都坐得比較辛苦。放腳位都唔係太好。希望可以改善一下。以下是今次點的下午茶：老實講侍應生送來時我真係好驚喜。因為我都沒有想過下午茶的咖啡師都會這麼用心。謝謝佢地比我的小確幸。講返杯啡先。只能講對得住個價錢。加錢轉都好值得。普通收貨質素。可能因為最近飲咗九龍城令一間黃店。所以我只能講這裏是合格的。這個餐是小型全日早餐。蒜蓉包足夠蒜蓉合格。煙三文魚太少⋯⋯沙律無味的。只是食一堆雜菜⋯炒蛋都算合格和很大份。最後還加錢點了焦糖雞翼。這個最好食。很夠味道呀。兩個人的下午茶這樣就很滿足。總結：這裡在食物上其實有大量進步空間。服務方面都算合格好貼心。見到有2位人客食一份餐都唔會黑面。還會比兩個碟方便我們方菜。這裡的茶係用茶包的。所以無咩可以評論。這次體驗本人很滿意。但希望下午茶餐可以在多些選擇。

相信唔少人都WFH，但同時屋企唔方便工作今次會同大家介紹一間位於寶林嘅咖啡店店舖裝修簡潔舒適，適合工作Lunch Menu大概$50至$70單點就大概$100上落我同我兩個朋友分別叫咗三個餐有得揀沙律同蒜蓉包蒜蓉包香脆可口，非常開胃😋明太子三文魚意粉味道不鹹不甜剛剛好，分量十足，值得一試朋友的南瓜魚risotto 也不錯不過魚鹹咗少少，應該係落重左手所以配合清爽嘅飲品就啱啱好我同朋友大概坐左四至五個鐘最後$276埋單我同朋友都認同coffee art係一個幾舒服幾適合工作嘅咖啡店～☺️

行過見到間cafe幾靚，就打算試下。佢既裝修幾舒服！不過疫症關係，位得番一半啦，所以要排隊先可以入，都等左廿分鍾。老公叫左手沖咖啡，老闆好好地會問你想要既濃淡度，先開始沖，好貼心。cappuccino正常，咖啡底唔苦，不過有啲細杯，幾啖就飲完。叫左個french toast，有啲驚喜喎。第一次見係用法包整，腍身唔硬，有蛋香。不過佢肉桂味唔濃，如果係肉桂控就唔岩喇。vanilla雪櫃如果高質啲就完美了！

星期四晚搵個朋友吹吓水, 行到寶琳嗰邊見到有一間好特別嘅Coffee shop,係將軍澳區比較少有。咁啱我個朋友係好鍾意飲咖啡。我哋見到佢夜晚嘅set dinner 都好吸引。但係就係唔想食意粉飯類，所以試咗佢哋嘅小食，分量比我想像中大，我哋兩個女仔當正餐食都夠。我哋叫咗一個白酒煮蜆同埋我最鍾意食嘅炸魚柳, 寫明係深海魚柳嚟㗎🐠，另外就叫咗兩杯飲品。先來左一個白汁煮蜆，非常之鮮甜份量應該有18至20隻到。大細適中，調味恰宜。好想飲埋啲汁佢😂另外魚柳到啦，見到係有一定厚度，肉質juicy,炸漿開得非常之恰當，鬆脆得來係有啲口感，唔係嗰啲成口粉。飲品方面，我哋叫左一杯Cappuccino咖啡 and 好少見嘅海鹽朱古力。兩杯師傅都好有心機畫上唔同嘅拉花。特別係海鹽朱古力，非常之驚喜呀，上面係畫左一個似係孫悟空嘅圖案非常之有趣，打卡一流，而味道非常特別，海鹽中和左個朱古力嘅甜，口感好舒服。成為一餐飯嘅完美ending。到左收銀旁邊俾錢，留意到原來佢哋攞過獎仲要係第一名拉花，唔怪得拉花咁靚啦。多謝師傅嘅用心，希望去逆境當中你哋加油💪🏻。

今日同朋友去食brunch, 一直都知道將軍澳呢間coffee art水準唔錯，一於去食。餐廳入面網飾好舒服，好大空間感，我地選擇咗坐高枱，望住窗外景色食野。我點咗黑松露帶子藍芝士忌廉汁配手造薯仔粉，一上枱就聞到好香黑松露味道，帶子好新鮮煎得半熟剛好。未試過薯仔粉，原來味道咁得意，好煙韌，加埋藍芝士忌廉汁食落好香濃，好好味啊！朋友點了Egg benedict 配煙三文魚牛油果法包荷蘭汁，賣相好好睇令人為之欲滴，三文魚配牛油果係絕佳配搭，荷蘭汁都好味，佢仲點咗杯咖啡，配上法包真的好享受。順帶一提egg benedict 係流心，好香甜的蛋香汁！Coffee art 係將軍澳難得的清泉cafe, 一定要支持。

聽聞Coffee Art的質素都不錯這次剛巧相約朋友在寶琳午餐，便提議到這裡用膳～不用等位便能入座不過只剩近窗的吧枱位及大枱位我們就選坐大枱位，可坐得舒服一些啊！雖然是12:30 pm的午飯時間，但這是假日起床後的第一餐就從All Day Menu中選了早餐類型的～～早餐類型也有三款選擇，我就選了Deluxe All Day BreakfastDeluxe All Day Breakfast，當中的肉類就只有香腸及煙三文魚他他其他的食材包括：炒滑蛋﹑牛油果﹑雜菌﹑沙律菜及香草牛油法包食材霸滿一隻碟，女生吃完之後都好夠飽！！香草牛油法包，外層鬆脆，麵包那層柔軟，帶牛油香之餘還略略帶蒜蓉香！沙律菜用上柚子醋，微酸的好開胃！！炒蛋加了牛奶來炒，嫩滑有蛋汁又夠香～～香腸及雜菌煎炒得好香，不會太油膩！牛油果的份量足足半隻，熟的程度恰好整份All Day Breakfast中，亮眼之處是三文魚他他，是這店的特色！一般的三文魚他他都是將調好味的三文魚粒放在梳打餅乾或麵包上面吃～這裡就將煙三文魚粒放在薯仔沙律上，三文魚的豐腴軟嫩配薯仔沙律的爽脆，口感豐富！薯仔沙律的味道柔和不會太酸，能突顯煙三文魚的香

之前係觀塘分店已經食過了好記得啲意粉🍝整得好好食原來將軍澳都有分店！呢間大啲，好有格調坐得好舒服Lunch Menu 好抵食不過我想食有蕃茄既意粉，所以就無叫lunch menu既餐煙三文魚蕃茄忌廉汁意大利粉顏色好吸睛一開始味道很不錯，但唔知係唔係有忌廉既關係，越食越覺得有啲膩！秋葵、珍珠粟米、翠肉瓜羅勒汁意大利粉一見到就會覺得好健康，咁哂素食者味道幾好，唔會好濃味秋葵、珍珠粟米、翠肉瓜全部我都好鐘意食呢度既意大利粉真係好得軟硬好適中，岩哂我既要求sea salt chocolate叫左兩杯海鹽朱古力，無諗過會有兩個唔同既拉花圖案好creative味道方面...超級好飲，自問對熱朱古力既要求都高呢杯完全係我favourite飲到可可既香濃味，加左海鹽，有多重味道超鐘意呢杯海鹽朱古力

好少去將軍澳嗰邊，今日去探朋友一齊食飯，梗係要食黃店啦💛拎過唔少同咖啡有關嘅獎！不過怕今晚瞓唔著，所以無飲，下次試試。南瓜湯係我其中一款最鍾意嘅西湯，味道好濃，忌廉味唔會蓋過南瓜。黑松露雜菌忌廉汁意大利粉 $78份量適中，啱晒我呢啲眼闊肚窄嘅人😂味道方面就忌廉味相對重啲，可以鹹少少～ 雜菌都幾多👍🏻焦糖雞翼 $38@5隻其實係蜜糖味，甜甜地好好食😋雞翼唔會整到好燶，但外皮又微脆，好食☺️(套餐加配$28) 蘭姆酒葡萄芝士蛋糕今次特登嗌少啲野食就係想留肚食蛋糕，果然無令我失望！芝士好軟滑，rum味清清地唔會太濃。(套餐加配$28) Sea Salt Chocolate個拉花好有心機😍飲落去第一下已經有好重嘅海鹽味，而且用嘅朱古力好香濃，好抵飲～(套餐加配 $10) 橙汁選擇多，都坐得幾舒服，可以同朋友傾下計👍🏻

呢日放假同男朋友將軍澳買嘢shopping 行街街之前去咗醫肚先呢間coffee shop我之前幫襯過佢觀塘個間分店，又抵食又好食知道將軍澳都開咗分店就二話不說決定嚟呢度開餐將軍澳店比觀塘店多啲座位，坐得更加舒服裝修有啲日式coffee shop嘅feel加埋出面嘅落地玻璃透入嘅自然光，環境好唔錯呢度中午有set menu ,選擇唔少價錢都合理跟餐+$25轉咗杯latte,拉花好靚同有心提醒我哋有啲嘢唔可以遺忘咗味道方面都好香，咖啡帶少少果香味奶又夠香同滑好飲主菜叫咗一個牛肉漢堡，超級大份漢堡扒好厚身多汁肉嫩，唔算好重牛肉味但食到肉嘅甜味麭包唔係死實實乾巴巴個種外脆內軟糯幾好食另外一份主菜係溫泉蛋肉醬意粉🍝我好鍾意呢個，個肉醬煮得唔會過酸或者過甜，質地亦唔會過稀或者過杰廚房應該有細心研究過肉碎份量都好多，仲有啲新鮮番茄肉係入面意粉都煮得啱啱好熟，有少少咬口另外加點咗一份小食洋蔥圈一個洋蔥圈有成隻手掌咁大飽到我同男朋友上心口熱辣辣又夠香脆，唔錯最後仲叫咗件芝士蛋糕，味道都唔錯呢餐食到好飽

放咗工去揾女朋友食飯，喺寶琳新都城到周圍行下，見到依間幽雅嘅餐廳，所以就入去舒舒服服咁坐下食餐飯，傾下計。叫咗兩個餐，第一個蕃茄海鮮意大利飯，材料好豐富，有青口、帶子同埋蝦。蕃茄味好濃，海鮮都唔錯，有三款，幾好味仲要有沙律或者湯可以揀，我地揀咗沙律第二個餐係三重蟹肉意大利粉，有蟹籽，蟹肉同蟹棒，個汁好juicy，好香，意大利粉質感好好，蟹棒都好好食仲要有好多蟹籽👍最後，仲有兩杯免費飲品我好鍾意飲嘅伯爵紅茶☕️，好香綠茶🍵

前幾日同朋友去左將軍澳買嘢，見到呢間coffee art竟然開了分店，之前幫襯過觀塘店，果度位置細細但出色嘅食物同咖啡☕️卻讓我留下深刻印象。 位於將軍澳的這間分店更是注重環境和裝修上，一到門口已經有股濃厚嘅文青feel，寬闊的位置、夢幻的燈光，想必就算不是專登來打卡，在裡面吃東西心情也是很好的。🥰🥰晚餐的價位在將軍澳來說可以接受，選擇也很多。我們分別點了一個「溫泉蛋日本黑豚肉醬義大利粉」以及「All day breakfast 」☺️肉醬的份量十分慷慨，瘦肉為主，輕盈不油膩。番茄的酸甜度適中，輕輕刺穿流心蛋，金黃的單液融入肉醬中，讓整個口感更加creamy，溫和，餘味帶有淡淡的蛋香。😝配餐的是一杯70%比利時朱古力，一半的cafe很少有無糖的朱古力，😚在coffee art有提供真的很貼心，為顧客健康提供多一個選擇。而且店員拉了一隻可愛到讓人融化的猴子🐒，太得意啦！呢杯朱古力口感濃厚，上面的奶泡更錦上添花，每一口都很順滑且不膩，讚👍🏻另外一份係all day breakfast 🥰份量超大呀，有沙律、炒雜菌、煙三文魚他他、香草豬肉腸、炒蛋、蒜蓉法包 🤩豬肉腸比我的感覺是很輕盈，沒有一般超