前陣子好朋友帶我去試了一間西餐廳，食完真係要大大力推介比其他人朋友🤣座位坐得舒服，衞生程度理想，重點係佢地野食真係幾出色😋 📝當晚推介 煙肉薯仔湯 新奧爾良風味鐵板海鮮拼盤 法式薯條配黑松露蛋黃醬 香煎法國鵝肝杏桃醬多士 白酒忌廉羅勒煮青口 上面五款我都好喜愛，薯仔湯勁真材實料，仲有煙肉鹹香，煎鵝肝帶著滿滿油脂香味，見到都流口水🤤青口大大隻又有口感，白酒調味不錯，仲有兩片麵包可以沾汁一齊食，味道很正，薯條配黑松露蛋黃醬幾有和風感覺，一條接一條，停不了🤣下次聚餐都要再去呢間先得！

呢間越南菜最近好受歡迎，週末大約6點幾去到都已經要排隊。 排隊嘅時候，可以睇住餐牌先。 到差不多入座嘅時候會有店員幫忙預先落單，然後再入座。 餐牌選擇非常多，特別啲小食好吸引 但得一個人去又食唔到太多，所以決定唔叫主食，而係叫兩個小食 見到除咗普通春卷之外，居然有寫海膽春卷，覺得好新奇就試下。 一上菜見到都心心眼，賣相超靚 食嘅時候要用生菜包住，再倒上附送嘅醬汁。 海膽鋪喺春卷表面再用火槍燒，所以食落第一啖會好勁火炙味，之後海膽味先出，再黎就係醬汁嘅酸甜味 口感方面，春卷咬落超脆，真係一個人食晒四件都冇問題 另外叫左個蝦多士，芝士多到流晒出黎 炸到好脆口得黎完全冇油溢味 食左好多熱氣嘢，所以都叫咗杯龍眼花蜜茶下吓火。 估唔到居然會有咁多龍眼肉 飲落好舒服，唔會死甜 食物質素真係非常好，而且最緊要係餐廳有良心又支持環保，要大力支持

難得同朋友相聚，要試吓d良心餐廳😇
餐廳都幾闊落，而且新開所以d野都感覺上乾淨d！


我地一行兩日，叫左一共兩個前菜、兩個主菜、兩個伴碟、一個甜品同兩款飲品🤰🏽


值得一讚嘅係餐廳嘅服務好好，由入座到落單上菜，甚至埋單嘅時候都態度友善，成餐飯都食得好開心😊


🍽鵝肝燉蛋
一開頭係覺得將法式燉蛋同鵝肝結合，感覺好新奇😆
食落燉蛋好滑，而且有淡淡嘅鵝肝香味，配上充滿牛油味嘅脆多士就更香😋
呢個煮法令到鵝肝嘅油膩感消失，食多d都唔怕膩👍🏽


🍽芝士焗大烤菇
由於即焗嘅關係，所以會遲少少先上菜～
淨係睇相都覺得好不得了，芝士醬係填到滿瀉😍
食落係似將千島醬同芝士混合埋一齊，所以會惹味得黎唔會覺得好膩👍🏽
舊菇就算焗完都仲係好juicy，好味😋


🍽法式黑毛豬鞍扒💯
其實掙扎咗一陣先決定嗌呢個，因為唔想食紅肉，但又怕會好鞋，點知好有驚喜🤩
豬鞍扒非常厚，都有大約5cm左右
但係切落去中間係好粉嫩，完全唔會鞋同韌❗️
而且就咁食都好香，點埋側邊個芥末醬會令味道更具層次🥰


🍽原條烤魚配特製泰式醬汁
睇餐牌講魚嘅種類未必每日一樣，要視乎貨源～
當日食嘅係，條魚本身都用咗d鹽去調味，就咁食都好重魚油味🤪
個泰式醬汁酸得黎帶有辣勁，而且香草味好濃，用黎點魚肉好惹味🤤


🍽時令炒菜
當日蔬菜有扁豆、羽衣甘藍加幼蘆筍，全部都好新鮮🥬
餐廳煮嘅時候應該落咗檸檬汁，所以食落會酸酸地
如果拎嚟配一啲比較多油份嘅主菜就會比較適合～


🍽香醋糖心蛋
賣相好打卡able📸
味道都好特別，食落係豬腳薑味，個人非常之鍾意❤️
開胃得黎又可以補充蛋白質，好健康～


🍽熱窩上的布朗尼配自家製雪糕
黎嘅時候會連埋朱古力醬上，可以按自己喜好決定淋幾多～
不過就算淋晒都唔會好甜，係似70%朱古力😇
布朗尼一拮會有啲散，同埋中間唔係好濕潤，但點埋d醬同雪糕食就啱啱好❤️


🍵玫瑰茉莉花茶
佢哋嘅花茶都係一壺咁上，都有兩至三杯嘅份量～
呢款飲落有淡淡嘅花香味，好舒服☺️


🍵桂花烏龍茶
呢個係朋友叫嘅
佢表示都幾好飲，烏龍味好出～

原來將軍澳都有韓燒，真係唔搵都唔知😂 餐廳收費黎講屬於中等價錢，晚巿連加一284蚊任食110分鐘都算巿價，加20蚊仲有得升級任飲生啤🍻 食物種類比想像中多，現場有前菜、餐湯、蔬菜同甜品等等可以夾 🥢餐湯 🥢蔬菜🥢甜品 至於肉類、海鮮類同部分熟食就可以用QR code落單 整體黎講，肉類同熟食比較好 🥢牛肉類 🥢豬肉類 🥢生蠔 🥢炸餃子 🥢炸雞（小辣） 🥢炸雞（小辣） 🥢甜品類 大約食左兩至三轉都已經好飽🤣 幾欣賞餐廳冇出現漏單情況，而且上菜都好快👍🏽 同埋抽氣扇好勁，食完都冇成身油煙味！

朋友聚會有人提議食韓國野，最後揀左去Dodam Chicken，貪佢有炸雞、烤雞、沙律、韓國料理等等，一次過滿足晒大家既口味 餐廳裝潢簡約，有卡座，亦有梳化位 餐具除左有叉，仲有每人一個夾，方便大家夾野食，夠哂衛生同方便，相當貼心 招牌沙律 $128 食炸雞之前叫左份沙律開下胃，呢份招牌份量夠大方，三至四人分享都夠，滿滿蔬菜，包括有羽衣甘藍、腰果、菠蘿、提子乾等，豐富口感，仲加入蜜糖芥末醬後同芝士粉，幾好食 芝士雞蛋卷 $128 價錢都比較進取，但都幾值得一試，雞蛋卷加上滿滿醬，一切開芝士多到湧出黎，軟綿綿好輕易就有拉絲效果，蛋幾嫩滑，唔會過老，整體極富滿足感

呢間新開嘅餐廳都幾抵食，午巿只可幫襯夠90蚊就可以免費享用佢地個飲品吧、甜品同沙律吧 飲品吧有好多款飲品，由果汁到mocktail都有，唔想飲凍飲都有熱茶 至於沙律吧都有多款蔬菜，全部都幾新鮮甜品就唔算多，得3款芝士餅～ 我叫左個六色刺身定食同單點左個三文魚刺身 成個定食好豐富，有好多漬物～ 個刺身都新鮮，而且中意佢有6款刺身，好多選擇 油甘魚幾有驚喜，其他都唔錯～ 不過整體比較薄切左d，厚d口厚會更好 就算單點嘅三文魚刺身都係一樣比較薄

呢間樓上小店真係令人喜出望外，所以一食完都即刻想分享～
店舖係大廈樓上小店黎，入口比較難搵，係7-11隔離。 上到去見到個環境唔似有法國菜餐廳，但係一入到餐廳就覺得熱氛都唔錯 食物質素方面真係好出色，無論係前菜、小食、主菜同甜品都好好味！ 焗古也芝士洋蔥湯 洋蔥湯香得黎又唔油膩，中間有塊面包吸晒d湯汁超正 最癲係個湯放左d芝士，一飲果時係會驚喜拉絲！蘑菇多士 呢個蘑菇多士都幾精彩，每塊多士上面都搽左橄欖油同黑椒，就咁食都已經好香口 個忌廉蘑菇仲要充滿奶香，而且d菇又唔會煮到爛晒，仲保持到口感 法式焗蝸牛 蝸牛個香草醬好香，而且呢個價錢有8隻算好抵 不過蝸牛肉偏腍左少少～香蒜牛肝菌意粉 呢個意粉我要用生命去推薦！
真係第一次食到個牛肝菌係鮮甜，超驚喜 個牛肝菌嘅香味係個口久久不散，真係好正 而且意粉炒得勁香，又唔會油膩 要將一碟看似簡單嘅意粉煮到咁好食真係好難，但呢間餐廳做到！慢火煮紅酒和牛面肉 呢個又係好好味 和牛面肉勁入味，仲要d牛肉好腍好腍，超正 用法包點d汁黎食都好惹味

我地兩個人食咁多野都係每人大約400蚊左右，法國菜黎講簡直係超抵食！
如果想慶祝下但budget唔太多，呢度真係好適合～
個人認為絕對會回頭

餐廳環境都幾舒服，近海濱長廊感覺幾寫意 食物方面，千層面味道不錯，每層都有鋪滿厚厚嘅肉醬牛肉，好足料 而且一上碟仲係熱辣辣，一夾就已經拉晒絲Beef Lasagna

呢個意粉就煮得岩岩好，唔太硬得黎又彈牙 加左蒜炒好香，而且唔怕太油～
入面都幾多海鮮，不過就食得出係急凍嘅Spaghetti Alla Pescatora

呢個真係等左成25分鐘，而侍應事前係完全冇通知嘅 味道就唔錯嘅，同出面嘅apple crumble 唔同 呢個係喺煎pan上，而且d焦糖蘋果仲係熱辣辣，配埋冰凍嘅雲呢拿雪糕，真係好正Apple Crumble

呢個叫火山包係有原因，因為一切開就爆咖哩漿，打卡必點 咖哩好濃味，而且仲好杰～ 麵包好鬆軟同好有奶香味，配埋咖哩食好惹味 份量大到兩個人淨係食呢個都飽咖哩軟殼蟹火山包 • HKD$258 擺盤係似cocktail shrimp咁樣，襯返間餐廳嘅氛圍～ 個汁比一般泰式生蝦汁更重薄荷味，好清新泰式生蝦刺身 • HKD$148 第一次食羊鞍表面係搽滿左蜜糖同埋配泰式醬汁 脂肪部位燒得好香，但中間d肉就有少少煮老左泰式燒羊鞍 • HKD$158 比出面嘅肉碎生菜包冇咁酸，而且炒得好香～ 最正嘅係佢係有比足夠生菜，唔洗食到尾要生啪d肉碎！泰式香辣肉碎生菜包 • HKD$138 呢個cocktail係梅味，酒味唔太濃～ 中間嗰舊唔係冰，而係梅肉黎Signature cocktail

見到附近新開左間台式餐廳，出於好奇心就決定食完飯買左兩個糖水同一款小食～ 入面有紅豆、綠豆、仙草凍同埋手工芋圓～ 一打開都見到好足料，紅綠豆唔會太淋，依然保持個口感 地瓜圓同芋圓好煙韌，不過就唔太濃蕃薯味，芋圓好味d 好中意個仙草凍，好清涼消暑仙草2號 • HKD$35 呢個對比仙草2號就多左椰奶底，少左綠豆～ 椰奶味好濃，所以有d搶左紅豆湯嘅味 不過成兜都係好足料，一個人食都幾飽紅豆3號 • HKD$36 我每次食台灣野都一定會點～ 呢度個手抓餅唔油膩，值得加分 但始終外賣，會冇咁酥脆，不過又未至於淋晒～ 個人認為拎來做宵夜都唔錯手抓餅 • HKD$23