Chez Bistro

營業中

休息中

我好鍾意食法國菜，但我呢啲好casual嘅人又好怕餐廳太靜太拘謹好唔自在。所以我一直都好鍾意黎Chez Bistro，因為佢嘅餐廳氣氛優雅得黎，又唔會需要靜到圖書館咁太拘謹局束。另外呢度嘅餐廳好啱我心水，服務好食物好吃，CP值極佳！！晚餐4個course，包括餐包，前菜，湯，主菜，甜品。鴨肝配蘋果砵酒汁，煎得啱啱好，好香口，外層脆但內裡肉汁，配埋蘋果蓉砵酒汁唔會太膩，好好味！！鮮蠔周打魚湯，鮮香撲鼻，口感厚而不膩，濃郁嘅蠔香。我呢啲食肉獸牛魔王梗係要鋸扒，點少得叫炭燒美國黑毛安格斯肉眼扒，叫咗七成左右，用炭燒嘅餐廳已經好少見，燒出嚟嘅肉帶有煙燻香味，特別juicy，入口即融，脂肪和油花豐富，牛味極重，有水準～Hojicha Tiramisu 焙茶提拉米蘇，啱晒我又鍾意Hojicha又鍾意Tiramisu嘅人。個甜品有大火烘焙過後嘅茶味，多咗一股獨特嘅炭焙香，但又有tiramisu嘅口感。整體服務同水準都非常滿意，我嘅至愛餐廳。

這家主打法國菜式的餐廳裝潢悠閑舒適，感覺由繁華的鬧市，跳入慢沾空間，讓人感覺份外relax 😌午市套餐有三個course，包括沙律、湯，及主菜，主菜選擇都不少。先來的驚喜🌟是，店員端來一籃滿滿的麵包，暖暖的，一共有三款選擇，包括有牛角包、核桃提子，及香草包， 讓人感到很貼心。接下來是意大利青瓜，菠菜忌廉湯，口感順滑，配麵包一流鳳尾蝦，牛油生菜，BB菠菜沙律配柚子蜜糖汁，份量大且沙律菜新鮮，口感清新的開胃菜主菜的燒西班牙豬肋排骨配燒烤醬伴薯條，醬汁黏稠，味濃香甜，豬肋骨肥瘦相間，肉質鮮嫩另一款主菜炭燒美國特選黑毛安格斯牛肉眼扒配肉汁燒薯仔，剛好五成熟，裡面色澤紅潤，入口好juicy 而且肉味香濃。甜品有朱古力心太軟，及蘋果金寶

Knowing there's a quality French restaurant in a hidden commercial building, we purposely reserved to try their lunch menu during weekend. Lunch menu covers a salad, soup of the day, a main and a cup of coffee or tea. As we went in a huge group, I only pictured my dish and will only review my dish. First came the phoenix romaine salad with citron mustard dressing. Personally, prefer less sauce. Sauce was covering almost the whole salad, but it wasn't soggy. Sauce itself was fruity and in a thick

Chez Bistro主打平民法菜，用好親民嘅價錢就可以食到高水準菜式非呢度莫屬！夜晚就食呢度嘅4-course dinner set，價錢豐儉由人，由$298 至$460 不等～輕輕講下呢度嘅餐包，真係好好食！烘得熱辣辣，有提子包、堅果包同牛角酥，配埋橄欖油黑醋，好香！前菜叫咗香煎法國自然放養鵝肝配焦糖蘋果砵酒汁，鵝肝厚身肥美，配上焦糖蘋果砵酒汁真係絕配！如果鵝肝再煎香少少至外脆內軟就更好！餐湯係豆苗忌廉湯，豆苗味道好出，包你一試就知係咩湯。豆苗湯好Creamy好飲，好開胃～主菜就叫咗本月推介：炭燒北海道十勝A4極黑和牛上腰脊肉眼蓋配牛肉濃汁，5成熟，一見到和牛就會以為係油脂極重同埋入口即溶，但呢款相對肥瘦適中，牛味亦較濃郁！最後甜品蘋果金寶配雲尼拿雪糕，即叫即焗，金寶脆卜卜，冷熱交融，為晚餐劃上完美句號。

今日同朋友重遊銅鑼灣Chez Bistro，好耐食過覺得性價比好高，一直都好想再返黎食～晚市可以揀4道菜晚市套餐，包咗Appetizer, Soup, Main 同Dessert. Appetizer香草蒜蓉白酒煮澳洲藍青口，牛油蒜蓉味好香濃，前菜嚟講都好大份！Soup豆苗忌廉湯，平時好少機會飲到豆苗湯，竟然好夾，豆苗味道好香，加埋好rich嘅cream，正～Main炭燒日本佐賀金星豚配焦糖乾蔥頭汁 $398，之前食過呢度嘅保濕豬好出色，今次仍然可以保持到水準！雖然無特別講係保濕豬，但食落都係好juicy，一啲都唔乾，仲帶點外脆內軟添～醬汁帶微微甜味。Dessert焙茶提拉米蘇，甜品經常會轉，焙茶控一定好鐘意呢款甜品！茶味濃，Creamcheese口感好smooth，唔會好甜～

同朋友黎到銅鑼灣Chez Bistro食Lunch，有套餐可以選擇，食物賣相擺碟幾用心，值得一讚。店員一開始會送上麵包籃，有幾款麵包可以選擇，最難得係仲係熱辣辣既🤤揀好套餐之後會送上沙律，醬汁幾香濃，同蔬菜好搭配，幾開胃。套餐會包一杯餐飲，奶茶可以自行調校甜度。今日嘅餐湯係南瓜湯，唔會過份地甜。到主菜登場，香煎澳洲殻飼羊鞍伴燒汁($188) 羊鞍係去骨既，食用好方便，而且生熟程度啱啱好，唔會過份鞋口，唔會有好強烈嘅羊羶味，整體唔錯🫡🫡

係銅鑼灣搵個位歇一歇腳，慢慢食個Lunch。午市套餐會包埋麵包、前菜、餐湯、主食及飲品，午餐選擇豬牛雞羊都有齊，港島區嚟講價錢都算合理。🌟黑糖味噌燒澳洲金絲魚柳 $168 魚柳肉質結實，表面有薄薄一層黑糖味噌，提升賣相之餘，亦冇遮蓋到魚嘅原味，只係輕輕吊味，食落完全冇膩感。配菜都唔馬虎，番茄、豆苗同白菌都有煎香同額外既調味，成道菜都唔錯😋🌟南瓜湯同樣貼近南瓜嘅原味，味道自然。🌟沙律有啲小脆脆，味道好似油炸鬼，幾新穎嘅配搭。醬汁甜甜酸酸，唔算好大陣沙律青草味，唔鍾意蔬菜嘅我都接受到😛

朋友約午餐去Chez Bistro，店內裝修有歐洲feel，同平日繁忙銅鑼灣好唔同，入到去好似平行時空咁好chill 食午餐
$162起就有齊沙律、餐湯、主菜、餐茶叫完野食，店員拎左籃餐包，仲有幾款揀，牛角包熱辣辣好好食，蒜蓉包好香口，好食到都食左幾個麵包沙律有片法國煙燻三文魚，配牛油生菜，BB 菠菜沙律，加上甜甜地柚子蜜糖汁，都幾好食是日餐湯係北海道南瓜忌廉湯，入口好香滑香煎澳洲穀飼去骨羊鞍配羊肉燒汁羊鞍粉嫩粉紅色，入口肉質柔軟 juicy，中間有層少薄薄羊脂，肉加少少羊脂更香最後加杯餐茶，為午餐劃上完美句號

午餐到Chez Bistro，店內白色窗、木地板、吊扇，帶有歐洲風味，lunch 感覺特別輕鬆
3 Course Lunch $162起，食材優質，擺碟精美，味道又細緻，overall 出品水準幾高店員先奉上熱辣辣餐包Daily Soup: 北海道南瓜忌廉湯烤美國特選黑毛安格斯肉眼牛扒 配肉汁燒
牛扒肉質好嫩多汁，牛味亦香，Topping 加Rosemary ，牛扒配少少Rosemary好夾，加上旁邊有炸到脆卜卜薯餅，好正最後奉上餐茶

𝒞𝒽𝑒𝓏 𝐵𝒾𝓈𝓉𝓇𝑜 - 𝘢 𝘩𝘪𝘨𝘩𝘭𝘺 𝘳𝘦𝘤𝘰𝘮𝘮𝘦𝘯𝘥𝘦𝘥 𝘳𝘦𝘴𝘵𝘢𝘶𝘳𝘢𝘯𝘵 𝘪𝘯 𝘊𝘢𝘶𝘴𝘦𝘸𝘢𝘺 𝘉𝘢𝘺 👨‍🍳 If you are looking for a nice little cosy restaurant, here’s the place! I came here for their 4-Course Dinner Set which included an appetizer, soup, main course, dessert, plus coffee or tea. Just from the menu I am already anticipating loads! 𝙰𝚙𝚙𝚎𝚝𝚒𝚣𝚎𝚛 - ▫️ 𝙶𝚛𝚒𝚕𝚕𝚎𝚍 𝚃𝚒𝚐𝚎𝚛 𝙿𝚛𝚊𝚠𝚗, 𝚁𝚘𝚖𝚊𝚒𝚗𝚎 𝙻𝚎𝚝𝚝𝚞𝚌𝚎, 𝙱𝚊𝚋𝚢 𝚂𝚙𝚒𝚗𝚊𝚌𝚑 𝚠𝚒𝚝𝚑 𝙼𝚊𝚗𝚐𝚘 𝙷𝚘𝚗𝚎𝚢 𝙼𝚞𝚜𝚝𝚊𝚛𝚍 𝚂𝚊𝚞𝚌𝚎 🦐 A very refreshing salad with fresh crispy romaine lettuce, topped with a very special dressin

已經唔知第幾次黎食🤣呢間餐廳由餐包到前菜再到主菜都好有誠意值得一黎再黎！4-courses dinner🥐餐前包Croissant好脆好鬆軟😆🥢香草蒜蓉白酒煮法國藍青口黎到真係有少少嚇到我，因為前菜都咁大碟😨個香草蒜蓉白酒汁好好味蒜蓉同白酒味都食到，而且個汁好creamy!藍青口雖然偏細隻，但好鮮甜煮嘅時間亦都岩岩好，入口鮮嫩😃🥣法式和牛面頰洋蔥湯比較鍾意呢類型嘅西湯，無咁creamy無咁濟洋蔥嘅甜味為個湯加左唔少分😋而且亦都食到和牛粒粒😗🥩炭燒美國黑毛安格斯極級肉眼扒一黎到已經好香炭燒味😍牛扒好厚身，切落去已經見到入面好粉嫩☺️口感唔係好林但都好易咬開而且肉味非常濃郁😋加少少芥末食可以增加味道嘅層次，我就比較鍾意較辣嘅英式芥末👍🏻配菜亦都有烤過，味道不錯🍨Sabayon係一個意大利甜品😋橙酒味好濃，亦可配埋脆pancake一齊食😃生果亦都好甜好味☕️Iced Latte

位於銅鑼灣 耀華街嘅 Chez Bistro，餐廳行中、高檔路線，裝修簡潔時尚，環境整潔，餐桌上整齊擺放好食用餐具🍴，整體感覺非常良好，店員亦好有禮貌，值得一讚👍🏻。4-course dinner set先來包點同餐湯🥐牛角包外脆，入面鬆軟，牛油味好出；另外一款有好多果仁碎同紅梅乾，口感同味道都非常好👍🏻。🥣法式和牛面頰洋蔥湯，湯入邊有好和牛面頰碎，令到個湯好有肉鮮味，洋蔥煲到好軟林林，洋蔥嘅甜味浸晒入湯入邊😋。頭盤：🥗炭燒虎蝦，羅馬生菜，BB 菠菜 配芒果蜜糖芥末汁 ，以頭盤黎講，又大碟又有睇頭，虎蝦巨形大隻，蝦頭蝦身緊緊連接，蝦肉鮮甜爽彈，非常新鮮；沙律菜入邊夾什好多藜麥子同石榴粒，令整個沙律口感同味道提升。主菜： 🍝蟹肉，鮮茄意大利麵伴原隻牛油烤龍蝦尾，🦞龍蝦尾已拆肉上碟，啖啖肉嘅口感，真係冇得頂👍🏻；意粉係我鍾意嘅軟硬度，個汁嘅杰度好掛汁，每啖入口仲食倒蟹肉絲。🍮甜品，TIRAMISU，呢個甜品將一貫Tiramisu 嘅外型顛覆左😆，呢個造型更加精緻，整體味道都保持Tiramisu 嘅味道，但忌廉嘅份量更多更軟滑，上邊一層脆脆朱古力可可米更加增添多一重口感。

銅鑼灣有好多隱世樓上西餐，今日行完街黎試下。法國菜可謂優雅細緻之最，稱第一冇人稱第二。所以揀咗依間。樓上法國私房菜。環境雅致舒適，枱同枱之間距離寬躺，配上白色歐花和掛畫，營造出簡約奢華氣派。海鮮拼盤有法國生蠔，帶子牡丹蝦和兩隻翡翠螺。法國生蠔肥美，厚肉鮮甜，爽口帶點綿滑，淡淡的海水味，回甘的礦物味。帶子和牡丹蝦都好鮮甜，解凍處理得好好。洋蔥湯用牛肉滾好湯底，湯底充滿肉味和洋蔥的鮮甜，牛肉依然保持軟淋。可以話洋蔥湯的世一。油封鴨脾 油封是法國最古老的食物保存方法之一，肉類先經過鹽醃，然後再封存在油內，就可以保存上好幾個月。經過封存的肉，不但可以保存較長的時間，而且肉質酥軟味道濃香，所以也成為傳統法國菜的經典之一。慢煮牛面肉牛面肉不像其他部分般肥膩，雖然肌肉比相對較高，但肉質卻非常腍，且含豐富骨膠原，口感非普通牛肉可比，牛味重但不會有牛騷味。主菜水準好高，環境幾浪漫，適合情侶約會，三兩知己聚會。

銅鑼灣最多人隱世餐廳，就係其中一間冇乜人知，食物質素非常高嘅餐廳餐廳裝修好靚，唔算係好大，裝修非常之靚好新淨。大部份餐廳員工都好後生，但服務非常之好，後生真係少有。首先係個前菜，一個海鮮拼盤（加$50）。大家都見到隻蝦幾大隻，生蠔亦都非常新鮮，完全沒有蠔殼碎，非常之厚肉，有少少海水味。蝦🦐亦非常之新鮮。最有驚喜，反而係個湯，普通同一個洋蔥湯，肉味濃郁，有啲牛肉碎，非常之滑的濃郁牛肉味。講到主菜，未講食物質素之前，先講吓員工嘅認真態度。上主菜之前先收曬前菜用嘅餐具，執到張枱非常之乾淨先上主菜。叫咗個慢煮牛肋骨，加上蘑菇做配菜。肉味非常濃郁滑溜，個汁亦都唔算好鹹，非常之匹配。搵到甜品tiramisu, 酒好味好濃郁，加上濃濃嘅咖啡味非常正！

因為今日係個對我黎講好特別既日子，不過又因工作關係，所以就係今晚同重要的安排左一餐盛大既法國餐，事關我自己係好小食法國菜的，不過人生在勇於嘗試呢間餐廳既名我係唔識讀既，我諗係有法文既元素係度，係有意思既，餐廳既裝修都唔簡單，雖然係樓上，不過絕對係靜中有feel既，座位之間都隔離好闊，侍應亦好有禮貌，問佢地餐牌既菜式有咩特色同介紹都細心同我地講。食物方面都好好味，前菜，Main Course 質素都唔差。前菜我幾鐘意忌廉藍青口，系細隻品種，肉質幾滑，無沙。湯系牛尾湯，真材實料。Main Course 叫左和牛肉眼扒和鱈魚，肉質非常多汁，擺盤都幾精致。比出面好多西餐廳都整得好食，愉快的一個晚上~