Chef’s Cuts Restaurant & Bakery

營業中

休息中

之前同朋友3月頭係到食過dinnerappetizer同甜品一般般但main dish個燒乳豬同北海道帶子海膽醬墨汁意大利麵都ok 而且上次waitress 服務都好好 氣氛唔錯 所以諗住同屋企人再食多次點知今次去到 服務真係唔得中年男店員（貌似經理）負責落單 當時餐廳音樂大聲 屋企人聽唔清楚 問多一句 即時黑口黑面 一臉不屑咁大聲回應 好似去左茶餐廳咁 成餐飯既心情被破壞了 唉另外女店員就好忙 走足全場想搵waiter幫手都好難下次唔會再去 服務咁差 出面大把選擇 唔洗受氣！

門口設有麵包店，餐廳佔地非常大，內部裝潢精美，樓底夠高，廚具造型的吊燈和其它擺設也很吸引，環境幽靜，座位寛敞，坐得舒服，食物有質素，待應生講很有禮貌，叫錯食物會主動幫客人替換，服務態度ok手切生牛肉他他配黑蒜蛋黃醬多士，牛肉味道濃郁，色澤粉紅，口感綿滑，肉質鮮美，外皮酥脆，內裡鮮美多汁，搭配精心調製的黑蒜和蛋黃醬多士，夠晒開胃。香烤羊架配黑松露薄荷醬、燒薯和椰菜花，喜愛食扒的朋友來吃這個就最好不過了。香烤的羊架，火喉剛剛好，烤至肉質粉嫩，配搭黑松露薄荷醬，清新得來又帶有黑松露濃郁香氣，令肉味更突出。焗龍蝦芝士通心粉，足足有半隻新鮮龍蝦， 再配合彈牙的芝士通心粉，除了食到芝味濃郁的焗通粉之外，芝士香氣全部融入龍蝦及通心粉裡，口感豐富，味道濃郁。龍蝦食落啖啖肉，夠彈牙，層次感十足。這裡提供歐陸式多國西式美食，無論海鮮、扒類及西班牙特色小食都一應俱全，食物種類夠哂多元化，性價比高，值得一試！

鬼佬生日月，當然有生日飯食🤣今次去咗Airside嘅一間西餐廳慶祝🎉我哋7個人，可能因為平日，當日中午打去訂夜晚6:30pm 仲有位😁無限時，坐到餐廳收舖都得，不過9pm左右會提你last order.餐廳闊落，燈光比較暗，有浪漫舒適嘅感覺☺️佢哋有happy hour 到7pm,大部分酒精🍺同冇酒精飲品🥤都有8折，所以我哋一坐低就叫咗飲品先😆佢哋當日做緊生蠔🦪優惠，$158有6隻，我哋就叫咗一份😊鬼佬話都ok喎，最緊要食完冇肚呵🤣我哋叫咗以下食物：✅House Spices Wing $95✅Tom Yum Wing $95各有6隻雞翼，味道普通，House Spices嗰款有少少辣，不過唔會好勁。但係$95得6隻都幾貴💰✅Salmon & Prawn Salad $168🥗✅Super Food Salad $148🥗鬼佬話Salmon & Prawn 嗰款dressing 比較好食。我就中意Super Food嗰款好食啲，雖然有羽衣甘藍，但係唔會食到苦味😊我哋7個人食真係要叫2碟先可以每人食到一轉😅✅Vegetarian Coca Pizza $158🍕睇個價錢都知個size 唔會

我地四個人，第一次到啓德Airside 嘅Chef’s Cut Restaurant & Bakery食晚飯，同朋友慶祝生日。餐廳環境不錯，食物質素好有水準，而服務更是一流，令我地全程用餐體驗都相當舒服，仲主動幫我地影相留念。西班牙風味烤八爪魚辣肉腸煙三文魚海蝦半熟蛋沙律烤牛骨髓伴紅酒燴牛肋、牛肝菌及多士乾式熟成黑安格斯肉眼扒慢煮黑豚斧頭扒配蘋果青醬煙燻火腿羊奶芝士西班牙薄餅Eton Mess 甜品我地下次會再來食 ，試下其他菜式。

約咗同事午餐，但附近全部都好多人，唯獨見到這間餐廳有位，外觀感覺很舒適，所以與同事一齊試吓, 我哋叫咗薄餅, 同埋鱸魚一齊分享, 環境幽靜, 感覺唔錯, 餐廳價格不算好平，可能附近有太多平嘅嘢食，所以餐廳冇乜人，服務同埋食物質素都不錯。

屋企人生日決定去啟德新商場airside的Chef’s cut食生日飯之前weekend都有食過brunch麵包好味 環境寬敞舒適今次dinner第一次食4個人叫了4樣野食事前要求插生日牌估唔到食完仲有張即影即有相送～ 🍴House Dry-aged Black Angus Ribeye （300g） $388有少少失望呀⋯ 叫了medium rare ribeye，鐘意搭配香草牛油，同平時食既扒房不一樣，可惜肉質比較韌，塊肉眼扒都幾難咬下🍴Hokkaido Scallop Ink Spaghetti $198意粉反而出色！帶子大大粒，三粒都好鮮甜，墨魚汁亦好入味！🍴Linguini Carbonara $178份量正常，味道亦唔錯～🍴Kinako Shortbread $78好鐘意個matcha gelato 配埋matcha mochi！綠茶味好香濃，有mochi令口感更佳，仲有脆卜卜的牛奶薄脆片！

復活節假期lunch行吓airside見介紹唔錯去試下門口職員好趕好趕好趕…講嘢好快入座，裡面空間比較逼d，近門口d檯反而舒服d2個餐，一個慢燒豬$268，一個卡邦尼意粉🍝$178意粉味道ok，份量偏少少少，正常女生食量嚟講都需要加d其他食物豬扒味道淡淡哋，ok職員會sell飲品..輪流嚟，都俾人問咗3次🤔🤔皆因partner🤰，所以佢唔需要飲凍飲最後，最離奇一件事，感覺Sooo bad本嚟埋單嗰陣，🤰friend挨住張吉檯，有張凳喺背後～職員居然拉走佢！可能係move佢企理d？😱😱😱😱😱😱😱😱😱😱

相比中環街市果間，依間野食選擇多又坐得舒服，裝修亦都好igable。兩人叫左兩個appetizer: Caviar mini cone & bone marrow ，主菜就係帶子墨汁意粉。飲品揀左white sangria 有買一送一👍🏻一黎到white sangria好唔錯，白酒同果汁好balance，水果都唔酸，Good! caviar mini cone賣相好可愛，煙三文魚上有小小caviar，不過個cone無咩味，cone入面係fill滿cream，所以食完上面果浸就齋食cone就其實麻麻地，但係一啖食落肚又好似好浪費無慢慢品嘗～始終一個咁mini既cone加埋一都成$53蚊。Bone marrow 既話中環既好食啲，今次啲肉太tough，無咁淋。而主菜墨汁意粉唔會好咸，但味道唔濃郁，帶子既邊有小小韌，要花啲時間咀嚼。Overall 都唔錯既體驗，中意個環境夠chill，staff亦都好幫得手好主動收碟同埋同你講聲大概幾時上菜。

早前去Airside食飯，餐廳面積很大，座位闊落，設酒吧區，個場幾有情調煙燻火煺羊奶芝士西班牙薄餅脆餅底，火煺鹹香，羊奶芝士，火箭菜，車厘茄，食材簡單直接，味道不錯白酒忌廉汁煮藍青口配多士成個擺盆都好吸引，藍青口鮮甜，多士夠蒜夠脆，但個白汁稍嫌唔夠“點”牛乾菌雲吞，茄子醬，火箭菜，炸蒜片非一般雲吞，同平時煮法唔同，皮薄餡多，但茄子醬太少，只有一大推炸蒜，味道乾身，不是我杯茶照燒豬膝，甜薯，香橙紫蘇葉肉質嫩滑，食落好juicy，薯蓉好滑好甜，紫蘇葉同菇好香，伴菜豐富拖肥布甸蛋糕，干棗，雲呢拿雪糕蛋糕帶點濕潤，拖肥味道濃郁，周邊加入焦糖脆脆，配埋雪糕口感豐富，味道出衆檸檬柚子撻配白朱古力，雲呢拿雪糕撻皮鬆脆，檸檬柚子酸酸甜甜，刺激味蕾，非常開胃，加入白朱古力同雲呢拿雪糕，超滿足

我係一個 weekday 夜晚同屋企人去食呢間餐廳，因為之前屋企人已經食過就推薦我去食。嗰日就唔算多人，唔使等位，入面環境幾好，侍應服務態度不錯，燈光偏暗，略嫌音樂有啲太嘈。有好多西式菜式可以選擇，有前菜、沙律、main course、意粉、薄餅及甜品，亦都有一個包含咗好多嘢飲嘅 drink menu。嗰日就嗌咗一個海鮮拼盤，好似大概要五百幾蚊，但係幾好食，有青口、、生蠔、蝦等等，之後仲有嗌咗個墨魚汁意粉、冬陰功雞翼等等，全部都頗具水準。最後埋單食咗大概$1800 ，但係我覺得一分錢一分貨，我個人會推薦。

第一次黎Airside搵野食，雖然中環都有分店，但呢個係朋友推薦下想食既餐廳。首先，裝潢好靚，佢吧位中間有個會每行配有底燈既酒架，擺左大大細細既酒係到，好有氛圍感。食物份量都幾大，好飽足。前菜有八爪魚配多色蕃茄，加埋少少香油，辣辣地幾開胃。烤乳豬配紅甜椒、堅果醬、水欖、車厘茄及薯仔，呢款烤乳豬係西班牙特色菜色之一！乳豬外皮烤至香脆，皮下薄薄既脂肪入口滑順，一d都唔油膩，而且肉質鬆軟多汁，大推！檸檬柚子撻配白朱古力同雲呢拿雪糕 (唔記得咗影)，檸檬柚子撻餅底酥脆，牛油味濃郁。重點係中間既檸檬柚子內餡，酸酸甜甜夠清新，搭配埋香滑雲呢拿雪糕，大滿足！總括而言，呢間西餐廳味道豐盛，精緻美味。裝潢氣氛好好，係個好適合約朋友或者情侶嚟享受美食嘅地方。無論係前菜定主菜，食物味道都好出色，特別推介烤乳豬同檸檬柚子撻。下次再黎一定會試下其他菜式！

呢間旗艦店佔地好大，空間感十足，採光亦一流😌不過大時大節都好爆，最好訂左位先☎️▪️ Scallop Mushroom & Risotto（7.5/10）💲188 (Set Lunch Menu)帶子輕輕煎過，入口幾鮮嫩，飯粒口感粒粒分明，有滿滿菇菌同奶油香🍚▪️ US Black Angus Sirloin (250g) （7.5/10）💲268 (Set Lunch Menu)叫左五成熟，邊位保持粉嫩，但中間似九成🫨好彩口感又可以，牛味香濃，配上香草牛油🧈薯條外脆內粉🍟▪️ Walnut & Herb Crusted Salmon （6.5/10）💲238 (Set Lunch Menu)三文魚皮香脆身，但略嫌魚肉乾左啲🐟▪️Pepperoni Coca Flat Bread（7/10）💲178 (Set Lunch Menu)薄餅邊厚身，個底似餅乾嗰種香脆，主要有橄欖、蕃茄、芝士，辣肉腸份量較少，存在感相對低🫒▪️ Ravioli with Pancetta（6/10）💲188 (Set Lunch Menu)個皮偏乾硬，包得實身，食落重芝士味，加少少煙肉粒🥓唔建議獨食，會太寡同膩🥟▪️Lem

讚1 肉類處理得好 火喉準 肉本身都夠味 醬汁鹹鮮得唔過火 乳豬皮脆 肉夠肥美 羊鞍好軟熟 啲肥膏仲有啲羶香 火腿麵包勁好味2 環境真係好闊落 幾時黎都有位彈1 海鮮拼盤好淡 意粉係太腍 sangria無咩酒精感

每日經過依間餐廳都好想食，足足等咗三個月，今日終於食到啦。由於冇book位，所以得返吧枱位置，但係我當初就係因為個bar枱環境而好想入去食。環境闊落，餐枱擺放得一啲都唔迫，聖誕節期間充滿聖誕氣氛，節日慶祝一流，食物價錢公道，平時同朋友聚會食飯都絕對OK今晚試左手切生牛肉他他，配黑蒜蛋黃醬多士好多人都唔敢食生牛他他，因為怕佢全生，咁呢間串餐廳絕對可以初嘗試吓牛他他的味道，因為佢係半生熟乾式熟性黑安格斯肉眼扒，薯條雜菇，香草牛油原本我order三成，結果變咗五成，對我嚟講太熟，但佢肉質好嫩，多肉汁。北海道帶子海膽醬墨魚意大利麵最驚喜係呢個，好多餐廳因為降低成本，將普通意大利麵加墨魚汁，就當墨汁意大利麵。但呢間餐真係用墨魚汁造成嘅麵，大家食完唔使驚成口黑色咁失禮。最鍾意佢喺個汁裏面裏面加咗炒蒜，帶子又新鮮嫩口。係我全晚最鍾意食嘅一道菜。

餐廳位於Airside，結合了西餐、烘焙店和酒吧的元素。卡位正對超大玻璃窗，晚餐時可以一邊享受美食，一邊欣賞令人嘆為觀止的夜景，非常Chill !! 🌃🍹- 南美式酸辣醃海鮮 HK$158 🥗剌身油甘魚、柔軟八爪魚和鮮味海蝦配上秘魯黃辣椒汁，每一啖都甜美多汁，酸辣醬汁帶著微辣的刺激，清新又開胃!!配料中的甜粟米及香脆多士更增添菜式的獨特口感，味道豐富。- 焗龍蝦芝士通心粉 HK$198 🦞🍝用上半隻波士頓龍蝦，肉質彈牙帶著鮮味，再加上巴馬芝士及芝士通心粉焗製，芝士香氣完全融入龍蝦和通心粉，口感豐富味道濃郁。- 烤乳豬 配紅甜椒，堅果醬，水欖，車厘茄，薯仔 HK$288 🐖乳豬的薄皮烤至金黃香脆，肉質細嫩而咸香。伴菜薯仔吸收了烤乳豬的豬油，散發豬油香氣，紅甜椒、水欖和車厘茄平衡了烤乳豬的油膩感，非常好食!!