Chatterbox Café (K11 Musea)

營業中

休息中

好多年前去新加坡🇸🇬旅遊既時候已經有品嘗過文華酒店既海南雞飯同喇沙，當時已經係腦海留下左好印象🫶🏻今次係香港試下位於K11 Musea既海外分店，睇下同記憶中有冇分別！🐥文華海南雞飯同朋友仔叫左一樣既餸菜，我個個就加左十蚊轉雞髀🍗所有雞都去左骨，啖啖肉又方便又滋味🤭雞肉肉質結實，雞皮亦都好彈牙，連胸背肉都唔嚡口，配上黎自新加坡既黑醬油，薑蓉🫚同辣椒醬，別有一番風味！雞油飯用上泰國米，粒粒分明，濃香唔油膩，而且雞湯清甜解膩，有幾粒豆腐食，仲飲唔出味精味👏🏻📍Chatterbox Café尖沙咀梳士巴利道18號Victoria Dockside K11 Musea B1樓B110號舖

個人覺得係海南雞飯既天花板。叫咗個正宗海南雞飯同埋炒貴刁，兩杯嘢飲一杯美祿恐龍一杯班蘭Latte，啲雞入口口感超好，甜豉油撈埋一齊特別好食。但係個貴刁就麻麻，建議都係食返佢啲喇沙，之前食嗰啲喇沙都係好惹味。

今天第一次幫襯這餐廳，在外邊等位時（大概下午一點左右）由於我對座位較有要求，又見到部份顧客似要搭枱，即兩張二人枱拍得十分貼，於是問門口帶位女職員，她解釋答不會搭枱，會將兩張二人枱拉開（我兩位用餐）但到招呼我入座時，竟然和隔離二人枱貼得很埋，中間條gap 只是一吋左右，坐得十分不自在，比茶餐廳更差。認為門口派位姐姐之前解釋有偏差，服務未達標👎食物方面，不過不失，點了文華海南雞飯和肉骨茶，可能坐得很迫，所以影響食慾🥲應該不會再幫襯

假期去左尖沙咀行街, K11 Musea 有好多餐廳揀, 今次去左來自新加坡餐廳Chatterbox。餐廳在新加坡極具人氣 佢係香港開左幾間分店, 每次去都大排長龍。今次去試佢招牌文華海南雞飯 , 佢既肉質十分嫩滑, 配上三款醬汁, 味道更濃郁。另外珍寶帶子喇沙湯底香濃, 每一口嘗到濃烈椰漿味。我哋亦叫左星洲海鮮炒貴刁, 除左大蝦和帶子，更有惹味既臘腸，令整體味道相當豐富。咸蛋黃雞翅亦整得十分惹味, 咬落去亦有豐富咸蛋黃香, 令人食不停口。

星期六的尖沙咀，人山人海，與友人本想到K11 Musea 的靚靚Food Court 午飯，但找不到三人枱，於是轉到上一層的這店。知道這店出名的是海南雞，當然要點。雞油飯味濃，𣎴算油，感覺較健康，雞肉嫩滑，雖然雞肉厚身，但沒有overcook ，真的不錯。招牌大蝦喇沙，帶點沙嗲和花生醬味的濃湯，加上大量的魚片、魚蛋和熟雞蛋，配合兩大隻蝦，不錯。什錦沙嗲拼盤，有六枝，味道不過不失。三人共食了接近$490，價錢屬中上，算是商場內一間價錢較親民的食店。

通常嚟到尖沙咀都係一啲貴價嘅美食店尤其是走入K11 musea 一樓以上都係高檔嘅衣物家具鞋店剩餘嘅食肆都係食一啲可能貴價未必飽嘅食物快餐店有FiveGuys 平平地想性價比高 咁食嘢可以走落去地庫嘅food court不過價錢都唔係10分平所以寧願揀一間食得好、價錢OK嘅食肆我會推薦呢間Chtterbox食新加坡菜佢嘅海南雞飯做得10分滑仲要加$10就已經可以轉緊高質嘅雞髀🍗另外我仲食咗肉骨茶麵佢唔夠 天天海南雞 重味最後食咗個椰子雪糕🍦有椰子粒超好食

呢日約埋朋友 去K11 ᴍᴜꜱᴇᴀ Chatterbox 食飯~順便俾兩個BB玩下~ 文華海南雞飯 $143雞既份量都幾多~海南雞口感嫩滑，肉質比較緊實；油飯好香，配上的黑醬油、薑油及紅辣椒等調味料，唔錯~招牌大蝦喇沙 $179有三大隻虎蝦，湯底好濃蝦味~亦帶有好香椰漿味，麵底係米線，配料有豆卜、雞蛋同魚片，都係好味既星洲海鮮炒貴刁 $128貴刁最緊要炒得有獲氣，炒得又香又惹味，配料都唔馬虎，除左大蝦，仲有帶子同蠟腸。飲品可以加 $22 轉特飲凍椰子牛奶咖啡凍檸檬薏米水 凍美祿恐龍 🦖食物係好食

今日放工同媽咪經過尖沙咀，食咗呢三款主打菜式：香脆腐皮卷、文華海南雞飯同招牌珍寶帶子喇沙，每一款都帶領我走進一個新嘅味覺世界。香脆腐皮卷香脆腐皮卷嘅酥脆口感同內裡滿滿嘅餡料形成強烈對比。呢種對比令每一口都充滿驚喜，而泰式辣醬嘅微辣同甜，更將整個口感提升到新的高度。文華海南雞飯我媽咪食咗雞皮薄肉嫩的文華海南雞飯，配上清香四溢嘅雞油飯，實在是一種無與倫比的美食體驗。每一粒米飽滿且清香，完美吸收了雞湯的鮮味。辣椒醬和醬油薑醬的加入，更是讓這道菜的味道層次更加豐富。招牌珍寶帶子喇沙湯底濃郁的招牌珍寶帶子喇沙，椰奶的香味同辣椒的刺激感完美結合，令人食指大動。帶子的肥美，加上新鮮的蔬菜和麵條，使得這碗喇沙的口感豐富，層次分明。下次媽咪生日都一定要再帶佢嚟食！

今日黎到K11 Musea, 當然要試吓呢間新加坡海南雞飯名店喇。中午12點幾去到已經有啲人係門口排隊，等咗10分鐘左右已經安排到入座，都算幾快。店內設計幾有特色，四周都用咗好多绿色植物作佈置，感覺清新舒服，地磚好有復古嘅味道。坐低menu都唔使睇，我哋就直接點咗最出名嘅文華海南雞飯喇。海南雞份量唔少，肉質嫩滑，雞皮唔油膩，個油飯好香雞油味，粒粒分明，配上辣椒醬，薑蓉同黑醬油三款沾醬，美味再升級另外仲附有一碗清湯，所以我哋都無再額外order飲品。試完呢個海南雞飯果然無失望，難怪可以打響名堂下次要再嚟試吓其他菜式。

以海南雞做主打既餐廳，之前行過幾次都已經見唔小人排隊等位，一直都好想試，今日咁啱有時間，排隊睇下係咪真係咁正先。文華海南雞飯升級雞髀雞肉口感嫩滑，作為主打菜的確非常出色，建議轉雞髀，啖啖肉好滿足，油飯軟硬適中，雞油香而不膩。醬油西生菜西生菜清爽，配上淡淡醬油香味已經好夾。咖喱椒鹽炸雞寶以咖哩及椒鹽作調味料，為炸雞帶來獨特既香辣味道，上枱時熱辣辣，非常出色。芒果菠蘿梳打消暑之選，甜度適中，配上炸雞一齊食一流。斑斕蛋糕配鮮果蛋糕非常鬆軟，班蘭味好出，加上鮮果味道更清新。椰子雪糕其實已經好飽，見隔離叫我又叫，椰子味濃郁，仲要有椰肉，其中一樣必叫甜品。

這間餐廳兩三年前食過已經對他們的海南雞念念不忘，今次再同另一半來到這間來自新加坡文華大酒店的傳奇海南雞品牌餐廳再次品嚐惹味海南雞飯!餐廳除了有海南雞飯，亦有多款星洲及東南南風味既食物可以選擇!文華海南雞飯，來到這裡食飯點可以唔食他們出名的海南雞飯，海南雞份量是例牌的份量，雞肉嫩滑冇骨，點上附有三款海南雞醬，味道更惹味!而飯是油飯，好香雞油味，還附有清雞湯，可以清一清口腔內的味道!招牌大蝦喇沙，喇沙湯底味道濃郁，微辣，內有魚片、魚蛋、豆卜、雞蛋和大蝦蝦肉作配料，食落熱辣辣，非常美味!黑醬油炒鮮蝦蘿蔔糕，蘿蔔糕味道濃郁，好香醬油的味道，份量都唔少!上面還有爽彈的鮮蝦肉，十分正!美祿恐龍每次黎都必點這杯飲品，用上朱古力作飲品的底，上面加上滿滿的美祿粉和美祿波波，童年回憶返哂黎呀!雪糕豆漿日本紅豆冰，豆漿的豆味都幾香濃，紅豆口感綿綿，上面再配有雲尼拿味雪糕，十分消暑!

呢間餐廳來自新加坡文華大酒店成日聽朋友推薦海南雞飯位於B1樓層，四周以木系及植物作佈置環境唔錯文華海南雞飯雞皮帶油香，雞肉呈光澤的金黃色，嫩滑無比且雞味較濃郁油飯也不會太軟爛，粒粒分明再加上黑醬油、薑油及辣椒，難怪朋友會咁推薦白胡椒肉骨茶配白飯湯頭夠熱，肉骨茶湯底清爽不膩，白胡椒味突出一字排骨份量不少，最鐘意油條，好脆口，沾湯食一流咸蛋雞翼滿滿咸蛋黃的香，炸到皮脆肉嫩，熱辣辣帶有微辣，估唔到又幾好食

文華海南雞飯 133$ 加10$升級咗做雞脾，去骨雞脾肉好!嫩!滑!，份量足，分分鐘係雞多過飯〜 雞皮爽滑，浸得夠透。油飯用雞湯和雞油煮成，夠香得尼又唔會太油。雞湯清甜，重有幾舊豆腐食吓，飲得出並唔係味精湯。完全keep得住水準！招牌大蝦喇沙 169$喇沙非常之大碗同足料，有大蝦、豆卜、魚片、蛋同芽菜，好滿足！湯底非常之濃郁，加入椰奶同蝦醬煮成，少少辣，都係暫時食過最正嘅喇沙。不過都比較易’漏’，食到半碗已經好飽！

出尖沙咀唔知食咩好，又要搵位泊車，最尾揀咗去K11 Musea，貪佢有免費泊車～ 個商場平日泊車真係好抵玩之前已經食過呢間出名食 #海南雞飯 嘅餐廳， 同朋友叫咗一人一個 #文華海南雞飯 ，lunch set $143 包杯嘢飲。佢個雞係滑嘅，但我覺得個油飯好似唔夠味🤔對呢間餐廳最有印象其實係佢個 #椰子雪糕 ，食過翻尋味，有時路過都會買🤭 椰子味重之餘，食落有少少椰子蓉，好食坐得係舒服，不過個價錢偏貴少少🤏🏻 性價比唔高。

地段位於K11 Musea📍幾點極方便 環境企理🧹食物質素亦都相當之高💯==============================Food List📝🐣文華海南雞飯 果然係星級海南雞 唔會太肥太瘦恰到好處 肉質幼滑😋配埋油飯 一食就知係大師出品💯足足有兩大碗既份量 油香剛剛好 唔會油膩 超級抵食 🍢 沙嗲串燒併盤(雞豬牛.各2串)沙嗲醬好食到不得了 風味提升👍🏻好惹味👏🏻🥠香脆腐皮卷 第一次食呢道菜 即叫即炸 咬落去油香充滿口腔🤤配埋泰式辣醬🌶️簡直係Perfect match😊🥥椰子沙冰 食完咁多熱野 最尾飲真係爽晒🧘🏻‍♀️清甜解渴🏝️==============================食到如此高質嘅星馬菜🍴我無野補充了🫡睇到呢度你都唔bookmark🔖我都冇嘢補充喇👋🏼