California Pizza Kitchen (屯門市廣場1期)

營業中

休息中

Pizza 🍕 好多人都鍾意食，但我自己偏向喜歡手拉薄餅，口感質素係唔同d ，今次同謙謙來到屯門的 California Pizza Kitchen 就係想佢感受下手拉即燒的手工薄餅有幾好味。🍕 意大利辣肉腸薄餅 ～ 用左辣肉腸、意式肉腸、新鮮馬蘇里拉芝士及奧勒岡做的， 望遠處見到廚師手拉轉緊d 餅皮感覺好正， 薄餅因用炭爐即焗所以薄餅薄脆得來有炭香味， 只需加簡單的材料已好好味。🍝 蒜香忌廉汁闊麵（加雞肉）～ 呢一碟啊唔係呢一盤闊麵份量十足， 每條闊麵掛滿忌廉汁，多食會有一點膩，一定要同朋友happy share 先掂， 雞肉屬於雞胸夠健康。食pizza記得叫返杯凍檸檬紅茶解一解油膩感。

今日入來屯門，比我發現左D好野，就係原來係屯門市廣場入面的California Pizza Kitchen係屯門開左一年(因為我唔係住屯門，真心唔知)，仲要有推廣做緊，所以就入左去食啦。我地叫左個泰國風味薄餅，真係抵，因為只係$61.7，再叫多一客蒜香忌廉汁闊麵配雞肉同埋兩杯凍檸茶。咁多年無食過，但係有樣野依然無變，就係野飲係無限任添架！講返個薄餅先，個醬真心好食，加埋個厚身餅底，食落去啖啖口感，滿足。至於個闊麵，D汁夠哂creamy，味道攞滿分。不過唯一美中不足係，入到去真係要等野飲，因為佢真係新鮮製作，唔係預熱，如果你勁肚餓的話，就要飲住野飲忍下先啦，好野始終係要等的。講開又講，在17/6-16/7以限時優惠價 $400 （原價$500 ） 購買CPK 會籍，仲享受到超過$1500的優惠，睇來我可以搵多幾次屯門朋友同我一齊食啦。

母親節果日去食完之後就到父親節，但父親節係冇set既。繼續都係食沙律，因為好好味😂但份量真係細左好多！個碟既size係唔同！我係叫全份沙律，開頭以為佢哋俾錯就問下，點知呢個size係全份，個碟同上次果個真係好大分別！雞肉pizza好味，但如果啲雞肉放得平均啲會好啲，咁每塊pizza都有雞肉嘛～個皮係厚皮黎嘅，我自己鍾意食薄脆皮果種，但皮既厚度冇影響成個pizza，所以味道OK！呢間餐廳既粉類都做得唔錯，呢個好好味！(但唔記得叫咩名，激死，剩係掛住食🥲)個肉OK，啲Risotto就不予置評🙂奉勸大家一句唔好揀呢間餐廳飯類既食物🙂乖乖地食番pizza 意粉算啦。雖然份量細左🥲但味道無變😃可以繼續幫襯😂

第一次試呢間店 竟然有意外收獲亦之後陸續介紹朋友黎食野先講今次試左既有安格斯香蒜燴飯五色芝士鮮茄薄餅蘑菇片菠菜烤餅另外仲加左一杯紅酒第一次試佢地個安格斯飯真係覺得好好食當時呢個飯仲係岩岩新推出個餐黎到既時候 香味四溢佢仲加左少量火箭菜 更加提升左味道既層次往後我成日都話要去食牛肉飯另外pizza亦都好好味 食到停唔到口而個菠菜米烤餅 本身真係平平無奇但點左佢地既羅馬諾芝士或者巴馬臣芝士真係好味到不得了(本身我係一個唔鐘意食芝士既人)但都覺得好好食總括而言:每次去屯門都會想食返呢間食店

約左朋友行屯市，朝早11:30無咩餐廳開，見佢開就入左去，入面光猛又闊，幾好坐唔錯咁啱特價就叫左個香味肉醬意粉，食落去ok，但無驚豔嘅感覺😂😂😂我地另外叫左個牛油果烤雞肉pizza，我地一致覺得雖然咬落去係脆，但唔知點解好韌，又可能係我地唔識食，Pizza嘅菜其實就咁擺晒上面，一路食就一路跌，食落去又唔覺得係一體，所以我地一致評價麻麻🙈嘢飲方面我地叫左一壺蜜桃味檸檬特飲，感覺其實就係蜜桃味氣泡水😂飲上去其實ok，但個壺唔知係未因為我地唔識用，配埋入面枝攪棍難倒到飛起，一個唔小心就會倒瀉🥲最激氣係差唔多食完，我地先醒起無叫人落芝士！🤣如果下次有人幫手解釋下/問下就好啦

📍屯門 《𝐂𝐚𝐥𝐢𝐟𝐨𝐫𝐧𝐢𝐚 𝐏𝐢𝐳𝐳𝐚 𝐊𝐢𝐭𝐜𝐡𝐞𝐧》#美式手工薄餅𝐒𝐞𝐭 𝐌𝐮𝐧𝐮 $𝟐𝟗𝟖辣肉腸薄餅.𝐏𝐢𝐳𝐳𝐚係用火山石薄餅爐黎焗製，可以望到成個𝐎𝐩𝐞𝐧 𝐊𝐢𝐭𝐜𝐡𝐞𝐧即叫即製，熱辣辣上枱，個餅底食落去好香小麥味😍 而且餅底好脆好煙韌，店員上菜仲會即刨芝士，邪惡到爆😆墨西哥風味雞肉烤餅.烤餅食落其實無乜雞肉味，個口感同薄餅差唔多，但都好香口惹味😋蒜香忌廉汁雞肉闊麵.闊麵軟硬適中🙌🏻 好香蒜味，忌廉汁好𝐜𝐫𝐞𝐚𝐦𝐲，好掛汁，美中不足係雞肉比較乾身同鞋口🥹味道：𝟖/𝟏𝟎性價比： 𝟖/𝟏𝟎

🇭🇰屯門手工薄餅🍕香味肉醬意大利粉 $118以慢火煮理傳統香濃肉醬配上冬菇🍄灑上青蔥。肉醬同蕃茄都好香好濃～意粉彈牙有嚼勁原味燒烤雞肉薄餅 $61.7呢度啲Pizza全部都係即叫即整 用火山石薄餅爐焗製而且 夠晒傳統風味 依個餅底都好香小麥味 咬落去都唔會太硬救晒煙靭材料包括秘製燒烤醬🔥可以拉絲嘅煙高打芝士🧀紅洋蔥🧄新鮮芫茜🌿店員仲會即場喺我哋面前刨多層芝士 夠晒邪惡！🥤凍檸檬茶驚喜嘅係有店員行過嚟主動話幫我加啲茶😍⚠️加一服務費✅屯門分店一周年優惠✅依加各分店6/6-3/7每星期都會有$61.7 嘅美食優惠！得閒留意吓佢個page做緊咩優惠啦🔥13/6-19/6係BBQ Chicken Pizza 做特價～California Pizza Kitchen (屯門)屯門屯順街1號屯門市廣場1期3樓3218號舖

話說好耐無去屯門走走la~呢次就同男友去咗屯門市廣場行街街，放鬆下~ 行行下見到呢間餐廳入面個裝修都幾闊落同舒服，而且做緊一周年優惠，咁啱又想食Pizza同意粉之類嘅野，所以就入咗去試~ 🧡香味肉醬意大利粉（$118）意大利粉彈牙，肉醬滿滿！肉醬加入咗磨菇粒口感更豐富，味道方面清新帶酸，入口舒服，食完好滿足！ 🧡原味燒烤雞肉薄餅（$130）呢到嘅Pizza係用火山石薄餅爐嚟焗製，薄餅邊位鬆脆得嚟唔油膩，批底煙韌富口感！而且係即叫即整，上枱熱辣辣！ Pizza嚟到嘅時候店員仲會問你需唔需要加即刨芝士，對於芝士愛好者嚟講堅係好正！燒烤雞肉Pizza配料好足，燒烤汁味道香濃，入口帶點微酸好開胃！雞肉肉質都好嫩滑，正！ 🧡經典凱撒沙律（一周年優惠價 $61.7，原價$80）沙律菜清新爽口，配上滿滿嘅芝士碎同脆包粒，份量十足！調味醬汁亦都好出色，推介！ 🧡凍檸檬茶（$33）清新易入口，唔會好苦澀！仲可以無限添飲，正！

💖 California Pizza Kitchen (屯門)✨屯門屯順街1號屯門市廣場1期3樓3218號舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️屯門市廣場真係開咗好多新嘅餐廳，令我最深刻印象嘅就係呢間薄餅店，平時好多人排隊㗎。今日我行過竟然見到冇乜人排隊就狗衝咗去食😍-意大利辣肉腸pizza🍕 $120所有Pizza都係用咗火山石薄餅爐黎焗製，全部都係即叫即製，熱辣辣上枱😋呢個餅底食落去好香小麥味😍，邊位好脆好煙韌架！唔會話焗到好乾身，有巨量辣肉腸、意式肉腸、新鮮馬蘇里拉芝士🧀及奧勒岡。店員仲會喺我哋面前即刨芝士，呢個Pizza真係好邪惡啊😆-蒜香忌廉汁闊麵配雞肉🍝 $112好鍾意呢個闊面😍好香蒜味，忌廉汁好creamy，好掛汁，加埋肉質嫩滑嘅雞肉，唔會太乾身同埋唔會好鞋口👍🏻闊麵軟硬適中🙌🏻想繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysfoodie如果大家有其他餐廳推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔𝑒📩

Haven't had CPK in years and was surprised to find only two remaining branches left in HK. One here in Tuen Mun and the other in Whampoa. We were in a group of 4 so we ordered the dinner set menu for 4 and an extra butter cake on the side. The set menu comes with 1 appetizer, 1 salad, 2 pastas, 1 pizza, and 4 drinks. It was more than enough food for us and you will get unlimited refills of iced tea and soft drinks. Don't expect too much from the iced tea though, it's drinkable but tastes a bit d

我地叫咗個4人套餐 $538 加 2人套餐 $388 份量好大，7個人食都仲得呀!❣️ APPETIZER 頭盤Spinach Artichoke Dip 菠菜雅枝竹醬 配粟米片 - 粟米片好脆呀🤓Mexican Street Corn 墨西哥芝士栗米 - 配埋脆多士一齊食~ 好正❣️ SALAD 沙律The Original BBQ Chicken Chopped Salad (full） 燒烤雞肉沙律(全份）-雞肉烤到好香口~配埋bbq醬撈沙律~勁fresh, 一d 都唔”漏”❣️ MAIN PLATE 主菜Baby Back Ribs 秘製醬燒豬仔骨- 豬仔骨超林囉, 唔駛點咬haahaha❣️ PASTA 意大利粉Kung Pao Spaghetti with Chicken 中式宮保雞肉意大利粉 - 意粉軟硬度岩岩好, 未試過宮保雞肉既意粉~辣辣地又幾好食, 香辣惹味 出面好少有呢D 款Portobello Mushroom Ravioli 美國蘑菇芝士雲吞 – 配埋蕃茄醬超開胃!❣️ PIZZA 薄餅 (手工PIZZA) 🌟Shrimp Scampi Pizza 香辣大蝦薄餅 – 大

適逢母親節，就帶啊媽出去食下野。我極度推介佢既沙律🥗作為一個唔鍾意食沙律既人都讚不絕口！可想而知呢個沙律係有幾咁好味！佢啲菜好fresh，啲醬又配得好好👍🏻真心一讚！Pizza就冇咩特別，都係厚批質地既pizza囉小食拼盤好正！好好味😋我自己覺得每樣野都好食😋！啲嘢食好入味！呢個係Shrimp Rose Risotto，唔唔覺得有咩特別，但佢係期間限定既菜式，味道唔多好。呢個扁意粉就酸酸地既感覺，幾開胃既，同埋都幾特別，好少可有呢種味道出現😂不過不失，唔咪話勁好味，但又稱不上差。呢個就係母親節食既set，埋單700幾蚊，野飲可以瘋狂refill，四個人食都飽到想嘔，真心抵食既！同埋好欣賞啲員工係人手不足下，仲要有咁多人食野，同勁多外賣，都仲保持到態度良好

今日520，等男朋友放工喺屯門開餐!屯門市廣場3樓呢間Pizza成日好多人排隊，見到有二人套餐$298，就試吓呢間手工Pizza～頭盤揀咗墨西哥風味雞肉烤餅薄薄地好脆，但係唔係好食到有雞肉(?)醬汁微辣，整體幾開胃幾滋味主菜揀咗香味肉醬意粉個碟超級大好粗獷(?) 😂份量都多嘅，比較多汁唔會好乾身，醬汁稍嫌太稀了pizza 揀咗香蒜雞肉薄餅最期待就係試Pizza啦😍見到有啲師傅喺度手拉，然後放入去火爐焗，幾得意咁😌香蒜味好濃郁，芝士係有拉絲😍😍個味道好夾呀，係啲雞肉唔係太滑..個餅底非常之煙韌，好食好食😋套餐包嘢飲任添，有冰紅茶或者汽水整體來講呢間Pizza幾好食，會encore🙊係環境比較嘈吵，全部店員都非常忙碌～

今日去咗屯門食lunch，試咗呢間California pizza kitchen。佢哋啲嘢食好味，又大份，仲要價錢好合理非常抵食！我好推介今日試嗰個Pizza - meat craver 同埋大蝦闊意粉，超級好味呀。牛油果醬嘅nachos 就一般般啦，nachos 我都係鍾意食蕃茄salsa 醬多啲。最後Pizza食唔晒，打包左聽日Lunch又可以食啦。兩個人食埋單$360 ，好味又抵食，一定會返嚟再幫襯😋😋😋

和朋友經過這間加州餐廳，望落幾吸引，就入內試試，餐廳環境很大很闊落，給人舒服的感覺，很適合三五知己聚餐Set lunch $58-$78主菜＋湯＋飲品墨西哥粟米湯湯很濃，加上粟米和脆脆，口感很好蒜香忌廉汁雞肉闊麵忌廉汁非常之濃郁，雞肉粒都很多且軟而不乾，非常重口味夏威夷燒烤雞肉簿餅主打手拉簿餅，餅皮烤得很脆口，表面鋪滿醬料，烤雞很嫩滑，每啖都是口感豐富冰紅茶跟糖漿比你自己加，可以適合自己的甜度，而且有得無限refill的