Cafeholic

營業中

休息中

每次見到有兒童餐都會想點，因為通常份量低種類多，可以樣樣食少少不過呢個兒童餐份量也不少啊，好飽環境很大很舒適，似港式，但餐單十分西式，種類多煙三文魚青芥末薄餅也很野味

今日和朋友往希爾頓中心cafeholic和朋友聚舊的晚餐,我點了咖哩芝士雞扒飯(加$28 餐湯和凍奶茶),我們另外點了小食拼盆。今日餐湯是羅宋湯,羅宋湯好足料,湯甜度適中,肉味香濃,另外洋葱,西芹和蕃茄材料新鮮,口感十足;咖哩芝士雞扒飯咖哩辣度適中,芝士味道香濃,雞扒大大塊,肉質鮮嫩食落啖啖肉，飯粒分明,口感滿足;凍奶茶茶味香濃,奶味香滑。最後小食拼盆材料豐富,有炸蕃薯條,德國腸,燒雞翼,牛肋骨和沙律。炸蕃薯條炸得金黄香脆,甜度十足;德國腸食落爽脆彈牙;燒雞翼肉質鮮嫩;沙律食落新鮮爽口,車厘茄甜度適中,最後牛肋肉肉味香濃。餐廳座位舒適,食物美味,份量十足,適合三五知己聚會好地方。

整體來講環境坐得舒服而且下午茶價錢合理，幾適合同屋企人朋友過嚟坐吓食物種類都算多，有兩頁嘅下午茶選擇另外亦都有甜品，意粉等等特別推薦tea set班尼迪雞蛋！！！

星期六1時左右到達，不知是否疫情關係，現場無人等位，可直接進入餐廳，基本上都坐滿客人，餐廳內的環境不錯，三五知己去坐下食野係個唔錯嘅選擇，侍應們尚算禮貌、樓面人手都足夠，但主動性不足，我多次叫寫單都未能到來。我選了當日的lunch set 海鮮黑松露意粉、半隻燒春雞及單點了牛柳粒，食物份量及味道符合價錢嘅，可惜牛柳粒就較為乾身同靭，有點失望，希望下次能有改善，飲品我選了即磨咖啡，味道一般，但符合期望嘅，總括黎講呢間餐廳可以一試。

沙田都好多選擇不過唔係樣樣都好食好食嘅話又會好貴所以如果要食呢就唔可以直接去沙田新城市廣場因為嗰啲選擇通常都好多人咁啱我去嘅時候係下午茶時間所以就揀咗去Cafeholic 食下午茶左右佢哋下午茶嘅選擇都叫抵食同埋好食我就揀咗一個T9& T11香煎雞扒煎雙蛋厚多士配湯通粉你可以睇到下午茶餐嚟講份量都算多質量都算好卡邦尼煙肉忌廉意粉呢一個我覺得超級之正因為呢佢個汁又多又煮得夠入味配埋嘢飲都係幾十蚊咋不過呢就要早少少去攞位囉因為通常一下午茶嘅時間都比較多人我哋去到都要等30分鐘先有位

今日試左佢地既tea set。。。香蕉朱古力雪糕配英式窩夫呢個推薦大家食既，我本身唔好甜品。。呢個唔會太甜，啲忌廉就好滑。。雞肉醬意粉呢個都唔錯既，不過就無乜野可以介紹味道係唔錯既。。。另外佢地杯美式咖啡都幾好飲既。。。而價錢方面就唔貴，性價比都幾高員工服務態度都唔錯既呢間既tea set值得大家一試個人都會番轉頭試埋佢既晚餐。。。

周六中午1點多2位等左20分鐘左右可以入座，午市套餐款式不多，只有6款，揀左黑松露珍珠帶子鳳尾蝦肉忌廉意粉($86)及澳洲肉眼扒(8oz)配薯菜及燒汁($136)，套餐可跟奶茶咖啡熱飲，凍飲加$4。餐飲是先上，落完Order不久就到，等左10+分鐘2份餐同時送到，呢個安排幾好，唔駛1個人等另1個。意粉的賣相尚可以，香味都有，但配料比較細粒，另份量跟隔離枱同款的有較明顯分別，廚師要控制一下。牛扒餐賣相OK，配菜的西蘭花椰菜花是清淡的，可以中和薯條及扒的油膩感。薯條香脆，幾好食，但牛扒太熟，我叫左7成，黎到是全熟，所以比較鞋。牛肉味都有少少既，但我覺得牛扒整體唔算太好食，性價比一般。

假日想食個all day早餐，去左哩間野試下，拎左飛我當時係46號，見到門口好多人，咁我都係附近行一陣，返到去已經叫到51號，我俾張飛門口個店員，佢話過左5個號碼要重新拎飛，我同佢講，未過呀，啱啱好5個號碼，佢即刻黑我面，當然最後係可以入去，因為始終未過5個號碼。去到叫野食，個all day早餐5~10分鐘好快已經上左，但個抄意粉好耐都未上，等左20分鐘問下個侍應，但到30分鐘先上到，隔離枱遲我地入黎叫同一個意粉竟然一齊上，姐係佢走左我地單，人地10分鐘食到個抄意粉，我要30分鐘先食到。不過好老實講，服務質素一般，但食物質素唔錯，味道都幾好食，如果有時間都會再去試其他野食。

呢日應承左同小朋友去博物館玩，於是乎揀間距離目的地唔太遠既餐廳食lunch ,餐廳已來過幾次。睇左陣餐牌。呢度既套裝可以自由選擇，凡要主餐牌（招牌菜式/焗飯/意粉/pizza/扒類）都可以加$💰配選沙律/餐湯/飲品要左個夏威夷薄餅，兒童餐（配橙汁），lunch set 炸雞配日式咖哩（白飯薯菜），燒烤汁豬肉牛肉牛角包配沙律今日餐湯系磨菇湯，好濃郁🍄味,creamy又足料好濃郁🍄味,creamy又足料兒童餐（配橙汁）$78份量夠晒2位小朋友食，好豐富有蕃薯條感覺幾健康，雞扒，腸仔，沙律，忌廉芝士蟹柳燴飯同有類似孖寶蛋糕添我都比個餐吸引住，見小朋友食得非常滿足。燒烤汁豬肉牛肉牛角包配沙律$78非常惹味lunch set 炸雞配日式咖哩（白飯薯菜）夏威夷薄餅，餅底比較軟身，如果脆身啲就好📍Cafeholic沙田希爾頓中心3樓63號舖

This cafe is located at the perfect place as it is next to jumping gym, a popular place for kid. My friend took me in for lunch while waiting for her kids. The portion of the food is really big, I couldn’t finish my risotto. It tasted good but there was no sauce. Toward the end of the meal, I felt that the risotto was too dry so I couldn’t finish it. The coffee was good and smooth so I quite enjoyed it.

之前行開一直想去食，今次終於可以食到，等咗15分鐘先入得，卡位比較闊落。香蕉朱古力雪糕窩夫，來到嘅時候賣相幾好，雪糕仲好硬身，唔會溶晒，甜度適中，雪糕裏面仲有少少果仁。香蕉冇變黑，生熟度適中，仲有士多啤梨、朱古力蛋捲（有少少開始冧）、棉花糖等等配料。比較失望嘅係個窩夫，好硬身，味道淡，就算加埋雪糕去食，個口感都一般。反而杯cappuccino有驚喜，賣相已經10分好看，飲落有專門咖啡店嘅感覺，好creamy。

Lunch跟同事到餐廳食，大家都點左一樣既主食，白汁青口黑松露意粉。先講餐湯，味道麻麻，飲落個人係覺得似出前一丁味。再黎主食，青口味道同份量都係合理（普普通通），但個意粉個份量係少！個人食覺得唔夠飽（我女仔正常食量）。叫左餐飲係熱咖啡，呢個就幾好飲。埋單加埋一每人$91，個人覺得性價比低，主要是食物份量唔夠、味道普通不過不失。

今日訓醒突然好想食pizza同意粉但又唔想食連鎖餐廳 想食d小店咁就見到呢間好多人讚個pizza好食咁就試吓啦首先個pizza係必點嘅item個樣望落去似普通芝士pizza但係佢要加蜜糖上去 呢個食法好有新鮮感個味道好夾雞翼唔油膩 肉質好嫩 咬落去有d雞油整得啱啱好 好正個蕃薯條配埋個黑松露醬 好正本人鍾意食蕃薯條多過薯條 因為有口感d就算淋左都好食個卡邦尼整得超好食 好香芝士味唔似其他餐廳咁 粉同個汁分開整小朋友好鍾意❤️埋單都係二百幾蚊 好抵食 推介

想著去看frozen展覽，怎料碰巧有確診者曾到訪，故需延遲參觀。結果就在沙田跟女朋友遊覽遊覽，順道到沙田公園看看黃色花花。下午茶來了cafeholic，起初認為無咩人，點知去到大排長龍，等了約半小時，終於可以入座。點了1. T3 香蕉朱古力雪糕配比利時窩夫$682. T9 卡邦尼煙肉忌廉意粉 $56等了一會兒，不解為何這裡會有絡繹不絕的人流。正當懷疑之際，食物緩緩上枱了。那個窩夫配合忌廉，香蕉，朱古力雪糕，脆脆條條，而那個窩夫有點冷，最理想是要翻熱一些。煙肉忌廉意粉，還可以，普普通通，中上水平的carbonara。總括來說，是一個可以填飽肚子的地方，但是無論在食物和價錢方面，有些商榷之處。日期：2021.3.7

咁啱嚟咗希爾頓，因為之前見到好多人排隊，而且有朋友介紹過我呢間幾好食同埋幾抵食，所以今日就決定嗌過外賣試下。1.胡麻醬一口牛2.甜薯條配黑松露醬因為係外賣，所以拎返屋企都有少少凍咗，但係都冇影響一口牛嘅味道，依然係咁Juicy同埋味道都好好，唔會因為凍咗而影響佢嘅味道同口感，雖然凍咗係會有少少扣分，但係已經好食。但係個甜薯條凍咗而且有水蒸氣焗住，所以就林曬，下次會選擇堂食先叫。3.蜜糖芝士pizza個味道好神奇，好特別，完全冇諗過蜜糖可以加係芝士pizza，竟然毫無奇怪嘅感覺，反而覺得甜甜地鹹鹹地好襯，真心大家可以試下！