Cafeholic

營業中

休息中

周六中午1點多2位等左20分鐘左右可以入座，午市套餐款式不多，只有6款，揀左黑松露珍珠帶子鳳尾蝦肉忌廉意粉($86)及澳洲肉眼扒(8oz)配薯菜及燒汁($136)，套餐可跟奶茶咖啡熱飲，凍飲加$4。餐飲是先上，落完Order不久就到，等左10+分鐘2份餐同時送到，呢個安排幾好，唔駛1個人等另1個。意粉的賣相尚可以，香味都有，但配料比較細粒，另份量跟隔離枱同款的有較明顯分別，廚師要控制一下。牛扒餐賣相OK，配菜的西蘭花椰菜花是清淡的，可以中和薯條及扒的油膩感。薯條香脆，幾好食，但牛扒太熟，我叫左7成，黎到是全熟，所以比較鞋。牛肉味都有少少既，但我覺得牛扒整體唔算太好食，性價比一般。