Cafeholic

營業中

休息中

今日約咗好朋友一齊chill吓傾吓計，依度勝在有人氣但唔會要等位，所以坐好耐都唔會俾人趕。叫咗好多菜式同嘢飲，有啲都冇影到。因為冇乜特別，所以都唔逐一介紹了。整體嚟講，就係覺得餐牌圖片比較吸引。最好味可能係嗰個黑松露意粉，軟殼蟹其實都唔錯，但係個飯唔係我鍾意嗰種，唔係正式risotto.. 甜薯條剛剛冇咗但應該係比較好味，普通薯條就真係好普通。嘢飲都好普通。總結就係都唔會話難食。最緊要都係同朋友開開心心都坐得舒服。係啲餐具比較大，然後張枱就有啲窄。同埋啲員工幾好人，我哋坐咗好耐佢仲自動走過來問我哋使唔使要暖水。收拾嘅時候都好有禮貌。👍🏻👍🏻🙂

這是我約朋友在沙田飯局的心水首選, 因餐廰地點位處沙田市中心, 無論火車, 巴士, 小巴或自行駕車都十分方便, 旺中帶靜, 環境及食物質素均具水準。今次飯局只有兩女子, 若點兩個晚餐似乎太heavy, 所以點了一客雜菌龍蝦意粉套餐, 再單點一客三重芝士薄餅。套餐除意粉主食外, 還包含有雜菌餐湯及餐飲, 可以加費升級以享受沙律及飯後甜品, 雖然今次沒有升級, 但記得過去的試食體驗是不錯的。上菜速度頗快, 先到的是三重芝士薄餅, 餅底是薄批, 非常脆口, 面層餡料只有加了香草的芝士, 色彩並不豐富, 但味道非常適合我這位芝士控, 焗熔化了的三種芝士不會太鹹, 有輕微拉絲的口感, 吃完一件會令你想再吃下一件, 兩人傾下笑下, 不經不覺已經吃光了!龍蝦意粉竟有半隻龍蝦, 那隻大大的蝦箝非常吸睛, 份量令人驚喜, 雜菌作伴菜及少少翡翠苗裝飾, 未食已經大滿足。意粉烟靭度適中, 不會太腍或太硬, 龍蝦啖啖肉, 稍嫌粉漿太多, 影響了肉質口感. 

比較少黎沙田 係周圍行完一輪 見有d餓就搵下有咩食醫肚 跟著醒起呢到都有cafeholic最黎叫一個卡邦尼意粉同一份benedict egg配tuna sandwich 仲加一碗磨菇湯個意粉超creamy 每滴汁都包全意粉 煙肉好多仲有芝士少鋪滿面 食完勁飽Benedict egg半生熟perfect 一篤穿 d蛋汁湧出黎 tuna sandwich 我比較欣賞佢個麵包磨菇湯好濃 真材實料

呢間其實已經成日食😙佢哋嘅下午茶的確性價比高😚下午茶係兩點半供應嘅😋雞肉醬意粉🍝都只係$5X🤪加多幾蚊仲有凍飲😛😛😛性價比的確高😎而且份量絕對唔少🤪唔係下午茶少少嘅份量🥸係正餐嘅份量而且味道亦唔差😚絕對係沙田人嘅恩物😝😝😝

路經沙田，尋尋覓覓去咗一間從來都未食過嘅西餐廳個名叫做Cafeholic。門面裝修頗有美國風。餐牌有幾頁，但係我一眼就睇中咗我想食兒童餐。我問個店員普通一個大人食兒童餐飽唔飽佢話唔飽，但係我食完真係飽到頂上心口。兒童餐有燴飯、薯條、雞扒、沙律同埋蛋糕仲會送蘋果汁。簡直係最高水準嘅碳水炸彈。沙律就係普通嘅沙律菜加少少沙律醋中間有小蕃茄，係開胃菜。薯條就類似普通嘅麥當勞炸薯條。香腸同雞扒都煎到有少少燶。雞扒好嫩滑，調味唔多。同普通茶餐廳嘅雞扒好似冇乜分別。兩者都可以用叉直接食。而且餐盤亦都冇位置俾你用刀慢慢切。燴飯當中有好重嘅奶油加粟米味。蛋糕係普通嘅Cup cake，帶有小小嘅果味。因為實在太飽所以食咗三份一就已經食唔落。食完一餐飯直接飲蘋果汁開下胃消滯。總括而言，我去到一間Cafeholic嘅餐廳一杯咖啡都冇飲到。埋單唔算貴，成個餐即係78蚊仲有+1嘅服務費。同埋要小心呢度嘅店員其實全部都好攰咁。請佢過嚟收嘢或者係落單都要三催四請。俾員工休息好重要❗️

漫無目的出咗嚟沙田行下，幾個商場兜嚟兜去有啲無聊，見冇咩做不如食個tea先返去啦，附近冇乜啱心水嘅餐廳，行咗一陣入咗cafeholic。假期下午茶都唔使等位可以直入，不過都無晒靠牆枱，坐左路中心嘅一張方枱，本身個位幾濶無乜問題，不過可能呢張枱正正係餐廳嘅正中央，所以身後keep住有三位伙計以上企係度，等人叫或者上菜方便啲掛，係咁企喺你身後竊竊私語細聲講大聲笑，其實真係唔係幾舒服，anyways，入左黎坐就落單啦。講菜名落單伙計會重複講number，ok嘅，set左係餐就梗係講number方便，伙計問係咪十同十二，仲有無野要…是但啦。凍好茶兩杯，一杯少冰，真係好均真喎，少冰嗰杯個volume都真係少啲 ，不過啲冰係咪真係有少到呢，我又覺得差唔多。伙計大叫一聲十二號餐到就放低份食物，賣相幾好睇，當年呢間cafeholic嘅品牌都紅過一時，稱為港女打卡店，咁份野食都幾呃like嘅。蛋，醬汁，煙三文魚等都十分行貨，個樣呃得下人，味道合格，價錢唔貴都無乜其他要求了。另一份黎嘅時候伙計又係叫一聲十號餐到，睇黎呢個係傳統黎喎，咁似啲有客到feel，哈哈哈哈。記憶中呢份係雞肉肉醬意粉，汁唔夠多，雞肉係

今日一個人下晝去咗沙田希爾頓中心食Tea。見到有間Cafeholic，門口個餐牌啲價錢都唔算好貴，於是入去試吓。坐低咗望吓個錶4:45，見到個T8芝土蟹棒泡菜湯讃歧烏冬好似幾吸引，於是叫咗。等緊嘢食例牌周圍影吓相，隔離張枱嚟咗一對男女，點知佢哋叫嘅飲品嚟咗我張枱都仲係乜嘢都冇，於是我話俾個waiter聽我叫咗啲嘢好耐都未嚟，佢話幫我睇吓。轉個頭幫我落單嗰個女仔行埋嚟話：「你叫T8熱檸水吖嘛，嚟緊㗎喇。」冇幾耐佢行返轉頭，擺張點菜紙喺我枱面，上面嗰落單時間係5:14，擺明係留咗單依家先補返！最後啲嘢食5:24先嚟，一肚氣，速速食完走人。俾錢嗰陣同收錢嗰個人講：「我第一次嚟，你哋留咗單，唔好意思都冇句。」點知佢冇反應。😡真心講，嘢食okay 嘅，不過服務態度就勁差，我估到唔會有下次！

092017092022，我黎到沙田區搵間餐廳醫下肚先，咁行下行下就搵到呢間cafeholic。早上人流都唔太多，店內環境都唔錯靜靜地，啱晒我呢d怕嘈既人。我點左個漢堡扒配太陽蛋多士同通粉，仲有一杯凍齋啡。上餐都好快，先試漢堡扒，味道比平時個d冇咁鹹，係一個沒有死鹹而有少許肉味既扒，太陽蛋煎得不錯，唯有個王穿左可惜。通粉就只是齋粉，如果可加多幾條火腿絲就會更加好。至於凍齋啡，個啡底一般般，如果下次再來就要叫有糖有奶個款先得。

｡✩*:ﾟ･⑅*॰¨̮♡每次喺新城市諗唔到食咩就會行遠少少去希爾頓中心食cafeholic☕️ 係沙田嘅食堂~🫡lunch set同tea set都好抵 星期一至日都有set.ᐟ.ᐟ 大大碟熱辣辣又好食 質素好穩定😋👍🏻而且成日都會轉menu 唔會冇咗個新鮮感.ᐟ.ᐟ 推🤍⊶⊷⊶⊷⊶⊷⋆⊶⊷⊶⊷⊶⊶⊷⊶⊷⊶⊷⋆⊶⊷⊶⊷⊶•͈౿•͈ 黑松露軟殼蟹鮮菌忌廉燴飯 $112 (4.2/5)黑松露控表示去到邊度都要叫返樣有黑松露嘅菜色~ 呢個黑松露燴飯十分濃郁😻 一啲都唔孤寒㗎❕軟殼蟹又係大大隻 好厚肉🦀 啱啱炸起脆卜卜 食到最後仲好脆.ᐟ.ᐟ 燴飯重有好多蘑菇喺入面㗎🍄 利申叫咗少飯 都重好多🍚🤣⊶⊷⊶⊷⊶⊶⊷⊶⊷⊶⊷⊶⊷⋆⊶⊷⊶⊷⊶ ⊷⊶ ⊷⊶•͈౿•͈ 炸雞菠蘿甜酸汁白飯及雜菜 $88 (4/5)炸雞係南蠻炸雞嗰種.ᐟ.ᐟ 必須一讚個炸粉一點都唔厚 又係啱啱炸起~好脆.ᐟ.ᐟ🫶🏻而且好多件🐣甜酸汁有少少似泰式辣醬🍗個飯都唔馬虎的 係珍珠米~ 煮得剛剛好🤌🏻🥹⊶⊷⊶⊷⋆⊶⊷⊶⊷⊶⊶⊷⊶⊷⊶⊷⋆⊶⊷⊶⊷⊶ ⊷⊶📍 Cafeholic (沙田)沙田沙田正街3-9號希爾頓中心3樓63號舖#香港美食 #沙田美食

去希爾頓中心睇醫生，順便係度食早餐，因為帶住bb既關係，經過見到餐廳入面都好闊落，同埋都好多客，攞飛等左5分鐘就入到去。早上10點多。英式早餐 $65牛角包好大個，兩條香草早餐腸，兩塊大煙肉，炒滑蛋，扒茄，茄汁豆。味道正正常常，上餐速度快，加埋杯凍啡醒神吓，我覺得可以。雖然比平時食個早餐多廿幾卅蚊，但係難得星期六出開嚟食下無妨既。凍飲加$4。漢堡扒煎双蛋厚多士跟通粉$43有三塊漢堡扒，煎蛋多士上到枱都仲熱，碗通粉就湯碗仔size, 又係所有野正正常常。都算大份。隔離有間DeliFrance揀，不過就淨係得包食，我會選擇呢間多d, bb又坐得舒服。商場入面有另一間茶餐廳，d位太窄喇，我寧願比多少少錢，坐得舒服d食得自在d。

今日嚟到沙田食早餐，唔想食連鎖，就嚟咗呢度食早餐都幾豐富，有唔同選擇，有班戟多士奄列等等Pancake比較厚身，中間軟綿綿，嗰邊亦都唔會好眼，算係唔錯嘅pancake，至於炒蛋就比較碎，有蛋味，薯仔亦都煎得比較乾，所以唔會咁油，至於條腸仔，就好似白烚咁，冇咩煎過，雞肉腸味道，唔會太鹹，整體都OK，食物都算大份，唔錯至於另外雞扒煎蛋多士，雞扒嚟到嘅時候，好似得半塊咁，唔算大舊，不過調味都唔錯，其他煎蛋同多士都正常嘅

本身自己就唔太中意去沙田，一嚟乜野行，二嚟搵唔到平價又好味嘅餐廳。講最抵食嘅一定係IKEA，但星期六、日較難搵位之餘，又坐得唔太舒服🤔。難得同父母出街食飯，比我搵到間係MTR附近，價錢唔算貴，但食物質素唔差嘅餐廳🙊。黑松露鳳尾蝦白蜆忌廉意粉 $86第一眼望落個意粉脹哂，就知道唔會有Al dente，雖然未去到無牙都食到，但已經無哂彈牙口感😅。蜆肉偏瘦，而且無味；蝦爽口，但無乜蝦味。呢個意粉有好大嘅進步空間。黑松露忌廉汁同個燴飯一樣，味道正常，調味啱啱好。黑松露軟殼蟹鮮菌忌廉燴飯 $112呢個忌廉汁配飯好過意粉，雖然個飯唔係Risotto 果D硬口感，但仍然食得到粒粒分明嘅珍珠米😋。軟殼蟹新鮮炸出嚟，好香好有蟹味。精選肉眼扒配薯菜 (5成熟) $136本身以呢個價錢，我對佢無期望，但估唔到肉眼扒夠軟淋之餘，仲有牛味😯，完全唔似用鬆肉粉”那”過嘅肉質。而且幾厚身，有驚喜!!呢度配薯蓉而唔係炸薯條，啱哂怕熱氣嘅爸爸媽咪。當日星期六下午1點嚟到，啱啱好有位可以直入。喺用膳果一個小時內，餐廳維持不停有食客等位，相當有人氣。

週日35度高溫，唔想留喺家裡開冷氣？好多人都選擇出去逛逛大商場shopping吓，High個tea。我同老公都唔例外，於是出咗去市中心買生活用品，順道食個下午茶。途經新城市廣場，人山人海！於是走咗過隔離希爾頓中心，見到呢間餐廳。佢喺沙田開業已有好幾年，但我就從未幫襯過，難得今日諗唔到食乜，咁就走埋去撳飛仔啦。等咗大約20分鐘，終於輪到我地了。入到去坐低，望吓手錶2:28，正在想是否可以order下午茶之際，店員好醒目地遞咗個下午茶餐牌俾我地啦！望吓個下午茶餐牌，價錢貴過一般茶記好多。相信貴喺個裝修度啦！我地點咗一份巴馬火腿牛角包，一份雞扒雙蛋配通粉，同埋兩杯熱檸水，水準一般。加埋一都要百幾蚊落樓，係一個頗貴的茶餐，但已經比新城市廣場內的餐廳平。

下奏同屋企人2:07拎飛，諗住食下午茶，當叫到43號飛，佢問犄食午餐定下午茶，我話食下午茶，果陣係2:25，咁就繼續等啦。過咗2:30佢繼續嗌飛，嗌47號，我問佢點解唔係43號先，佢就話下午茶係要2:15先開始撳飛，果下火都黎😡😡第一，點解唔喺我俾張飛你果個時候講；第二，成間餐廳淨入寫下午茶係2:30入座，一隻字都無提及過下午茶係2:15先開始撳飛😡😡😡😡😡所以，無下次，轉場食第二間

🍽 Cafeholic 地址: 沙田沙田正街3-9號希爾頓中心3樓63號舖💰只供參考💰人均$50-$100😋沙田早餐 無咩特別 叫左個egg Benedict 但可惜既係得火腿唔係3文魚 上碟份量算細 可能隻碟太大 少少失望 連野飲 咁就$48另一個餐就叫左炒蛋漢堡排+通粉 連野飲 份量多d $43味道正常 但唔會再幫襯😭性價比唔高…好味指數: 3/5性價比: 2.5/5環境: 3.5/5