影片
更多
2023-03-18
1625 瀏覽
中環返工既肉食獸有福了，Braza 係一間新開係中環LKF既巴西燒烤任食餐廳，依加就等我同你分享下我今次黎食既體驗啦。佢哋嘅食物種類又多又豐富，其中唔少都係巴西獨有嘅菜式，除咗係依到既話都比較難搵到，加上食物無限量供應任食，令人回味無窮。最令人興奮嘅當然係佢哋嘅無限烤肉，烤肉肉質鮮嫩，款款食落都好Juicy，肉汁豐富，一次過嚐盡巴西嘅風味，正呀！一入座就可以去自助吧拎野食了，自助吧有提供沙律，水果，小量肉類同海鮮。水果有哈密瓜，菠蘿同蜜瓜，應該有浸過糖水，每一件都獨當一面，又甜又多汁。海鮮方面今日就只有青口提供，青口調味清淡，食到食物原來既味道，可以食得出係新鮮青口，個人幾推薦。值得一提既係自助吧既肉類仲有鴨胸提供，鴨胸淨係個賣相都非常之吸引人，bbq醬調味更加係非常野味，比青口更加推薦。沙律方面就樣樣沙律都有，有薯仔沙律，南瓜沙律同長通粉沙律等等，我個人覺得都整得唔錯，如果以158來講係非常之飽肚同物超所值。但我哋今日係黎食肉既，所以我都係簡單食左一輪就無再encore了。加90蚊後就會俾個牌你，im still hungry就係代表你好想食肉啦，咁我當然全餐無翻轉過個牌啦，但講真佢
佢哋嘅食物種類又多又豐富，其中唔少都係巴西獨有嘅菜式，除咗係依到既話都比較難搵到，加上食物無限量供應任食，令人回味無窮。最令人興奮嘅當然係佢哋嘅無限烤肉，烤肉肉質鮮嫩，款款食落都好Juicy，肉汁豐富，一次過嚐盡巴西嘅風味，正呀！
一入座就可以去自助吧拎野食了，自助吧有提供沙律，水果，小量肉類同海鮮。
水果有哈密瓜，菠蘿同蜜瓜，應該有浸過糖水，每一件都獨當一面，又甜又多汁。
海鮮方面今日就只有青口提供，青口調味清淡，食到食物原來既味道，可以食得出係新鮮青口，個人幾推薦。
值得一提既係自助吧既肉類仲有鴨胸提供，鴨胸淨係個賣相都非常之吸引人，bbq醬調味更加係非常野味，比青口更加推薦。
沙律方面就樣樣沙律都有，有薯仔沙律，南瓜沙律同長通粉沙律等等，我個人覺得都整得唔錯，如果以158來講係非常之飽肚同物超所值。但我哋今日係黎食肉既，所以我都係簡單食左一輪就無再encore了。
加90蚊後就會俾個牌你，im still hungry就係代表你好想食肉啦，咁我當然全餐無翻轉過個牌啦，但講真佢上肉既速度真係嚇死人，我完全清唔切自助吧拎既野，一直食肉無停過，你問我覺得點？梗係開心啦！
首先係Flank Steak，烤牛腹肉。佢話係beef belly，一睇就見到大大大大舊脂肪，正到傻呀，入口油脂味整重，外面烤到焦焦脆脆，有咬口得黎，入口又有少少化開，中間既粉紅色肉，有少少解膩作用，味道非常好。
Marinathd Chicken Drummets，烤雞髀肉。雞髀肉大大舊，烤到好嫩滑，加上雞脾油脂比較少，啖啖都係肉，係食完牛肚腩後黎一舊雞髀肉岩岩好呀。
跟住係Dingley Dell Pork Rib Eye。如果你鍾意食豬肉，就千其唔好錯過呢款。肋眼部位本來油脂就比較豐富，每啖都好Juicy，加上佢哋特制既巴西醬汁，味道非常濃郁，可以話係特色食物。
Picanha牛臀部，同人一樣脂肪含量最多既部位唔係肚腩就係屁股，所以picanha既脂肪亦係特別多，又係有個入口化開既感覺，唔同既係牛臀既肉比較緊實，食落肉味比較豐富，牛味比較重，推薦！
Pork Sausages，豬肉腸，相信係佢地自家制既豬肉腸，或者係巴西特色腸，食到巴豬肉腸脂肪含量較高，可以睇到依入加入左大大粒既脂肪，好處係入口香，油脂味豐富，壞處係真係好邪惡，依一條都好內疚了，點解上帝會設計到依啲咁邪惡既食物。
聽講佢一共有18cuts 18種唔同既肉類，但可能今日既客人唔多，我見佢坐唔滿，啲肉一串大大串食唔晒，所以來來回回都係果幾串肉，好可惜無機會試曬咁多款，我下次一定會再黎試嫁，佢真係試得太密啦因為，食到我超飽等唔切佢再試其他，唯有下次再黎啦，等我！
張貼
