Be Leaf (已結業)

上年生日時，朋友帶左我黎呢間餐廳食飯，體驗好好，所以最近有第二個朋友係澳洲番黎，我就決定要帶佢黎呢間餐廳食飯餐廳周圍都係打卡點，令人少女心大爆發，最近仲有萬聖節裝飾，好有節目氣氛唔單止環境靚，食物質素都相當唔錯，我地2個人叫左3樣野食，份量好多，食到好飽前菜揀左夢幻粉紅海鮮澳洲薯仔沙律🥗用左朱古力雪糕筒裝住，而薯仔配海鮮非常有咬口，好開胃。黎cafe一定要點雞翼，不得不讚呢間餐廳嘅雞翼，炸到好脆，但一d都唔油，同芥末醬勁夾主食叫左蒜香牛油龍蝦肉辣蕃茄全蛋闊麵，呢道菜散發著濃郁蒜香同牛油香氣，令人胃口大開。龍蝦肉嘅鮮美同辣蕃茄融合一齊，口感豐富，味道濃郁另外我哋仲叫咗兩杯飲品，一杯係萬聖節限定凍飲邪惡孟婆湯，其實即係香芋味甜甜地，令人飲完一啖又一啖，真係好邪惡另一杯係white Peach red Dragon fruit smoothie,味道非常清新，可以解膩！最後朋友生日緊係要叫番個甜品，我哋叫咗椰香花生醬朱古力牛角包窩夫配提子冧酒雪糕，一聽個名就知道口感非常豐富，餐廳仲可以幫埋我哋寫碟，非常有心思。總括黎講，呢間餐廳環境靚，食物質素高，價錢亦合理，我會再幫襯

有日行過呢間cafe見到佢裝飾得好靚，而近排又差唔多到萬聖節，見到佢哋用咗好多心機裝飾，又有氣球又有蜘蛛網，好有氣氛。餐廳入邊都好多位，所以觀塘呢啲放工時間都唔使等位。香煎法式鵝肝牛肝菌意大利飯 $168意大利飯個份量都幾大，而且擺盤，裝飾都好靚。飯入面加咗枝豆，牛肝菌一齊煮。返上面有兩大塊鵝肝，兩邊都煎到甘香，食落好creamy，同埋油脂味好香。小食拼盤 $138小食拼盤有四樣炸物，有雞翼、魷魚、天婦羅蝦、洋蔥圈，側邊再加沙律。雞翼同魷魚調味啱啱好好，炸粉好薄，亦都炸得好香脆。隔離都有兩個醬汁可以點，一個係泰式酸辣醬，一個係芥末醬。法式焦糖卡士達疏乎厘班戟 $128班撠有厚厚嘅兩大塊，上面臨滿咗卡士達醬。切開嘅時候上面嘅卡士達醬流落嚟好似流心咁樣，最面都加咗燒過嘅焦糖同埋lotus 餅。食落比較紮實。好味！暗黑幽靈 $53呢個係萬聖節限定嘅飲品，上面嘅Wi-Fi亦都畫咗南瓜好有萬聖節氣氛，咁我亦都唔係好甜，而且香濃芝麻味。好好飲！黑糖焙茶鮮奶 $48因為用咗黑糖所以飲囉有香濃珍珠奶茶味，而且焙茶香濃，飲落順滑。飲落亦都唔係好甜。

位於工廈林立的觀塘食Lunch 有咩好選擇？梗係去環境一流，又坐得舒服嘅「Be Leaf」，裝修走峇里島度假風，設有室內和半露天座位，室外座位用上藤桌和藤椅，下午微微的陽光透入，感覺完全度假feel！Cafe暗藏不少打卡位，門口的花花大拱門亦是最大賣點之一，配搭白色石春路，相當夢幻，最吸睛一定是巨型鳥巢吊椅，是必影的打卡位，適逢萬聖節掛滿不少應節裝飾，非常有氣氛，唔趕時間嘅話，喺呢度慢慢嘆返個，心情相當愉快！🥘▪️香煎法式鵝肝配香蔥油流心太陽蛋紫菜飯【黯然銷魂飯】改良版由叉燒變咗鵝肝，上枱嘅時候已經聞到超級香，鵝肝有兩大件煎至外脆內軟，配上煎蛋、油酥、紫菜、香蔥和秘製醬油，撈埋晒一齊食，全碗飯都充滿鵝油油酥香蔥味，超級好食，必食推介🍔▪️香煎手打黑松露蝦肉墨魚漢堡配薯條牛肉漢堡就食得多，今次就試吓呢個特色漢堡，麵包用咗竹炭包，顏色黑蚊蚊口感夠鬆軟，主角蝦肉墨魚漢堡，入口超級彈牙，充滿墨魚和蝦的鮮味，仍然食到粒粒墨魚超有口感，再配上生菜蕃茄、紅洋蔥、千島醬好味道，漢堡當然要配上佢嘅最佳拍擋即炸粗薯條⭐️以上午市套餐均配上餐湯和小食今日係粟米忌廉湯和炸春卷配甜酸醬🎃就嚟萬聖節，餐廳特別推出咗多款

十月份halloween又到了！上網睇到呢度有萬聖節主題佈置，即刻搵朋友陪我去打卡😆之前已經上網見過呢間餐廳，好似好吸引，而家加埋萬聖節主題，未入到去已經勁有feel! 門口亦都有位置係pet friendly，仲可以帶埋毛孩一齊享受萬聖節氣氛👍呢個打卡位好正，坐埋去影相一流👍胡麻XO醬海鮮蒟蒻冷麵海鮮好足料，有青口、蝦、魷魚、海葡萄，胡麻醬加埋蒟蒻冷麵，好清新，仲要食多都唔怕肥👍香蒜白酒炒松露豬頸肉意大利麵豬頸肉香口爽嫩，淡淡松露香味，意大利麵炒得乾身，配搭幾唔錯👍邪惡孟婆湯-係芋頭配竹炭，上面有奶蓋，呢個配搭幾有趣暗黑幽靈，飲落應該係焙茶鮮奶，特別要讚個拉花好得意，襯哂萬聖節主題👍👍加一蚊換嘅蘋果金寶配雪糕，將蛋捲表皮加糖燒香，少少脆嘅口感好得意，加埋蘋果焦糖雪糕，我自己就好鍾意，抵食！

難得放假 約朋友觀塘靚靚cafe食lunch 依家係十月 所以餐廳已經佈置到好有Halloween氣氛🎃 我地點左2個set 香煎手打黑松露蝦肉墨魚漢堡配薯條$201手打黑松露蝦肉墨魚好足料 啖啖肉 沙律汁加番茄洋蔥好好味 薯條都炸到好香好脆 停唔到口 馬來椰香喇沙蟹籽蟹肉蟹柳意大利飯$172個飯好香喇沙味 我朋友好鍾意 我就特別鍾意蟹籽蟹肉蟹柳3樣mix埋一齊 超滿足 餐湯跟餐有湯 脆脆有黑色綠色 好配合萬聖節主題 餃子配左泰式辣醬 好好味 萬聖節限定凍飲- 邪惡孟婆湯$48我揀左呢個 係黑豆奶加香芋 勁好飲 我好鍾意個香芋底 又唔會太甜 toppings都好靚🕸🕷萬聖節限定熱飲- 黑暗幽靈$42朋友揀左呢個 個拉花又靚又可愛👻Overall 呢到環境好靚 食物都好味 好岩同朋友黎傾計chillchill

Be leaf最大特色係環境裝修得好靚，10月份就嚟到萬聖節亦有應節嘅裝飾同餐點，非常igable，打卡一流，適合同朋友敘舊、hightea ！同朋友叫左兩個餐同兩杯嘢飲。胡麻XO醬海鮮蒟蒻冷麵，隨餐亦配有餐湯同小食（炸春卷），選用左蒟蒻麵，口感清爽，而且低卡路里，配料亦係低卡高蛋白質嘅海鮮：墨魚、青口、鮮蝦，撈埋胡麻將mix XO醬，味道清爽得來又唔會太清淡！經典芝士和牛漢堡配薯條套餐，隨餐配有餐湯同小食，芝士和牛漢堡選用左黑炭麵包，配有和牛漢堡扒、芝士、蕃茄、生菜、生洋蔥配埋醬汁，食落好juicy! 薯條選用左粗生薯條，配有蕃茄醬，好香脆！飲品叫左萬聖節限定熱飲：暗黑幽靈，賣相非常吸引，飲品上畫咗好可愛嘅幽靈仔，好回應到萬聖節主題，飲落似係黑芝麻鮮奶，味道唔錯！另外又叫咗熱嘅黑糖焙茶鮮奶，飲品上亦有好靚嘅拉花，飲落焙茶味香濃！兩杯飲品都非常之靚同好飲，強烈推薦！🤣

之前係網上經常見到呢間峇里風餐廳，一直都好想黎，今日趁住放假終於有機會來了。餐廳有分室外及室內位置，室外位置適合帶寵物人士，適逢就黎萬聖節，餐廳擺咗好多應節嘅裝飾，配上本身嘅波希米亞風格更有特色。我地叫咗兩個午餐及一份甜品，午餐包餐湯及小食，是日餐湯係椰菜花湯，味道清清地幾舒服，而小食就係咖哩角。馬來椰香喇沙蟹,蟹,蟹意大利飯 :呢個fusion意大利飯都幾有特色，有蟹籽、蟹柳及蟹肉，意大利飯配上喇沙汁，感覺出奇地夾，意大利飯軟硬度適中，喇沙微微嘅辣味令意大利飯更加惹味。胡麻XO醬海鮮蒟蒻冷麵 :海鮮有青口、魷魚及蝦，份量都幾多，蒟蒻麵配上胡麻XO醬，一d都唔油膩，非常適合注重健康嘅人士。天使暑熱下食冰凍嘅冷麵，感覺透心涼。萬聖節限定凍飲 - 邪惡孟婆湯 :呢杯特飲係香芋竹炭鮮奶，紫、黑、白再加上萬聖節嘅裝飾，賣相相當吸引，入口香芋味十足，味道唔太甜， 都幾有特色。萬聖節限定熱飲 - 暗黑幽靈 :另一杯係竹炭黑糖焙茶鮮奶，上枱時已經見到好靚嘅鬼魂拉花，入口幼滑，飲落好香焙茶味。黑糖麻薯泰奶茶牛角包窩夫 :牛角包窩夫上綻放一朵朵花，賣相好靚，牛角包窩夫鬆脆，配上香濃茶味嘅泰式奶茶醬，作為

.⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯講到觀塘區嘅打卡cafe，一定唔可以唔提今次依間《Be Leaf》。相信好多人都見過佢地門口最signature嘅鳥巢和門口嘅乾花拱門打卡熱點。就嚟到萬聖節，見到佢地嘅菜式好多都換上萬聖節嘅裝飾，令到回頭客都有新鮮感。招牌波士頓龍蝦生蠔海鮮凍盤 依個凍盤有波士頓龍蝦、生蠔、帆立貝、北寄貝、鮮蝦和青口。龍蝦大隻又多膏，口感彈牙又鮮甜。煙肉菠菜芝土忌廉汁焗帆立貝大大隻帆立貝，加入煙肉、菠菜、芝土忌廉汁做調味，帆立貝嘅鮮甜同煙肉嘅咸香相輔相成。香煎法式鵝肝牛肝菌意大利飯法式鵝肝蒸到外層深棕色，第一啖香脆，內層又軟腍。脂肪滲哂入意大利飯入面，飯身又煙煙韌韌。白酒牛油煮西班牙辣肉腸魷魚意大利麵魷魚爽口，辣肉腸又咸香。意大利粉又有白酒嘅酒香。厚切英國無激素保濕豚肉西冷第一眼就比依塊巨型豚肉所吸引，知道佢係冇激素咁就食得放心晒。雖然咁大塊豬扒，但係肉質一啲都唔韌，又多肉汁。香煎比目魚柳伴烤虎蝦配意大利面比目魚香煎到外皮脆身，內層魚肉鮮嫩多汁。而虎蝦就大隻又彈牙，配埋個蕃茄汁其實都幾開胃。
如果唔想錯過其他好介紹，記得follow我呀😘多謝大家！！！你

成日經過見到呢一間幾靚有時仲會見到有啲狗仔喺門口位置同主人high tea☕️今日難得有時間就嚟呢間試吓食物方面價錢合理室內環境同埋餐廳整體佈置都幾靚打卡一流焦糖海鹽杏仁粒粒沙冰🥤同陳皮洛神花茶☕️陳皮洛神花茶☕️飲落有輕微酸甜非常開胃焦糖海鹽杏仁粒粒沙冰🥤仲有塊餅乾，甜甜鹹鹹幾有趣馬來椰香喇沙蟹意大利飯食落唔會好辣，椰香味濃啲蟹都幾足料，撈好後啖啖都有個湯幾新鮮啲麵包好脆秘製蘇梅蛋黃醬焗美國豬梅扒伴燒汁呢個豬梅扒好厚切食落唔會黐牙隔離微微粉紅色嗰啲係薯蓉擺盤10分靚，食落都好正最後食個甜品結尾揀左宇浴抹菜紅豈伴烤糰子梳乎厘班戟大大舊鍾意食甜品嘅朋友可以挑戰切落去好林，個綠茶醬唔會好甜呢間整體水平幾好，可以再嚟

行過見間餐廳咁快有萬聖節裝潢，又幾旺場咁，於是就約個中同朋友食個晚飯，順便交換下福岡手信。有個Corner比人打下卡，影下相，好有心思。平日坐底唔洗10分鐘，就見到最少兩枱慶祝生日，睇黎大家都睇中呢度既氣氛環境。估唔到Menu都有萬聖節主題。White Peach Red Dragon Fruit Smoothie蜜桃同紅肉火龍果既味道平衡得幾好，又唔會太甜，賣相又吸引。蔓越莓玫瑰紅棗茶叫左無糖，都好夠味，味道自然。店員仲好醒目咁主動加水，同比多個杯仔比我同個fd分享。蜜桃、巴馬火腿、水牛芝士沙律伴蜜桃油醋汁擺盤有花園既感覺，口感味道顏色都好繽紛。Be Leaf 小食拼盤有4款炸物同2款醬，全部都炸得好清爽，唔會好似係屋企用氣炸鍋咁乾柴。揀飲擇食既fd特別讚舊炸墨魚唔un，外層又夠脆，好正。我就最鐘意洋蔥圈，因為炸得好完整，唔會皮肉分離，口感最外脆內軟。鬆脆軟殼蟹溫泉蛋芝士忌廉意大利麵份量大而材料豐富，軟殼蟹真係做到鬆脆而不油膩。每條意粉都被芝士忌廉汁包住，好滿足。意粉夠彈牙，唔易斷。萬聖節都咁有氣氛，真係幾期待黎緊聖誕節新年會有咩裝飾同餐單。

呢間餐廳喺觀塘嘅地舖，今日經過見到，就俾佢嘅門面吸引入嚟。📍 Be Leaf (觀塘)觀塘敬業街55號皇廷廣場地下2號舖適逢萬聖節期間，餐廳打造峇里輕奢而搞鬼嘅風格，好適合同朋友一齊嚟打卡。🔻1. 泰式鮮柚子三文魚刺身亞支竹沙律 $132厚切三文魚，仲加咗少少泰式辣醬🔻2. Be Leaf 小食拼磐 $138炸物拼盤有洋蔥圈、魷魚、蝦、蒜香牛油雞翼仲，有泰式辣醬同埋芥末醬做點綴 🔻3. 厚切英國無激素保濕豚肉西冷配牛油果蜜桃莎莎(黑松露燒汁）$238黑松露燒汁真係出色，豬肉上面有他他配搭，襯埋好靚嘅粉紅色薯蓉，簡直色香味俱全🔻4. 萬聖節限定凍飲：邪惡孟婆湯 $58佢係一杯香芋竹炭奶昔，但係做得十分精緻🔻5. 萬聖節限定熱飲：暗黑幽靈 $53呢杯Latte 咁靚，點捨得飲🥹🔻食食吓仲有店員扮幽靈行嚟行去😆

原本霖住坐出面靚靚過生日，點知嗰日狂風暴雨🥲後嚟WhatsApp話安排兩張拼台，只唔過圖片睇冇咩大問題，去到先發現瞬間變成大排檔風格🙄🙄好彩後面安排翻室內，唔然就真係emo咗店內風格仲算ok，窗邊嘅氛圍感拍照都好掂，相對於早上，晚上燈光氣氛仲好！手機下單，生日嘅話，可以備注寫上，然後一個靚靚嘅擺盤就會送到你面前🥰菜品方面都算ok嘅，唔單止外觀精緻，而且搭配都好贊～就算飲品奇奇怪怪嘅配搭都幾驚喜🤪由於本人拖延症晚期，隔咗N耐先搞掂最後收尾有d菜品可能餐單更新搵唔翻個名，不過仲系抵推薦嘅店！嗰個吊椅由於食得太開心唔記得咗影相😆

諗住帶媽咪去一間可以帶埋狗狗嘅餐廳，打吓卡影吓相，環境係幾靚嘅，但啲嘢食真係唔掂，個扒仲要唔熟，切開流緊血咁，唔係牛扒喎，然後員工話鐵板燒係咁嘅，再煮一份俾我哋都係一樣，建議我哋轉牛扒，總之說話態度就麻麻，講到我哋好似好冇見識咁樣，個扒一到就埋嚟同我哋講last order要埋單先，會俾多少少時間我哋食埋。之前佢有限時好似係九十分鐘，因為排晒長龍要等位，我入座前都等咗超過半個鐘，帶住狗狗等外面的枱四至五張，有兩張枱比網紅影相，所以得返兩至三張可以等，大前日下午時間行過，簡直靜到拍烏蠅咁。

今年老公好識做～ 紀念日帶我去打卡餐廳~我地點咗兩個main course, 跟餐有蘑菇湯同呑拿魚撻，湯打得滑同厚身，好香菇味～ 撻皮脆身，味道fresh，好想食多一粒添～馬來椰香喇沙蟹蟹蟹意大利飯呢個喇沙×意大利飯，想唔到又夾喎～ 老公覺得幾惹味，我就覺得少啲啲喇沙汁都夠，裡面有小蕃茄可以中和喇沙的油膩感，係不錯的配搭。有齊蟹籽蟹肉蟹柳，足味足料，啱蟹蟹fans。東坡肉溫泉蛋珍珠飯老公話想試試佢特别限定的東坡肉，我本來覺得邊有理由在西餐廳點中菜… 但黎到見到個底好多菜，正啊，啱喜歡食菜的我～ 東坡肉真係幾淋，一層肥膏一層瘦肉，好好味啊！！老實唔少中菜店都未做到呢個水準… 底的芥蘭好嫩，應該係芥蘭苗～ 一肉一菜唔會好膩～ 連埋個汁撈飯真係掂！自家制焦糖餅咖啡呢個睇得又飲得～ 焦糖+咖啡固然夾，除咗等焦糖餅慢慢融，仲可以咬一啖餅飲啖咖啡，在口裡慢慢二合為一～ 萬聖節限定凍飲-邪惡孟婆湯呢個係黑炭香芋奶昔，芋味出且奶滑，唔會好飽實咁～ 黑炭…有點淡淡的黑芝麻味咁… 味道幾夾，加上萬聖節糖霜糖，變成可愛的孟婆湯老公知我愛吃甜品～ 再叫埋呢個…夢幻打卡甜品❤️ 泰鍋心上菜時，我真係嘩嘩嘩咁聲好浮

又嚟介紹特色餐廳喇🫖！好耐冇喺度介紹嘢食啦🥹。今次想同大家介紹一個tea time嘅地方🤩，呢間餐廳喺觀塘都幾出名㗎。除咗環境夠chill啱晒影相之外📸️，佢仲要係一間寵物友善嘅餐廳🫶🏻，就算係同自己嘅狗狗一齊chill都冇問題🐕。如果想知我嗰日下午茶食咗咩嘅，就一定要繼續睇落去喇～環境方面☝🏻餐廳係以度假嘅裝修風格作為主題🏖️。無論係室內定室外都一定搵到啱你嘅打卡位🫡，喺度坐耐啲都會有種去咗旅行嘅感覺❤️‍🔥。食物方面✌🏻#薯條配松露蛋黃醬（$42）首先要介紹嘅係間唔中就會想食嘅薯條🍟。值得讚嘅就係餐廳嘅松露係直接灑喺薯條上面，配上即炸好嘅薯條，松露嘅香味都好明顯帶到出嚟🖤，點埋蛋黃醬食嘅邪惡感覺倍增，夠晒有滿足感😈。#馬來椰香喇沙蟹意大利飯（$168）跟住想介紹嘅就係當日食嘅套餐😋，除咗意大利飯之外，套戲仲包括咗蝦多士同是日餐湯椰菜花薯仔湯🫶🏻。講返個主食先，呢款意大利飯個名有三個蟹字嘅原因，係因為佢包括咗蟹籽、蟹肉同埋蟹柳🦀。我幾鍾意餐廳椰香喇沙嘅味道，令成個risotto 都變得好惹味❤️‍🔥。#自家制焦糖餅咖啡 ($38)跟住就介紹下餐廳嘅飲品啦😬。見到個名都見到餐廳幾有誠意啦🥰，連