Be Leaf (已結業)

Be leaf最大特色係環境裝修得好靚，10月份就嚟到萬聖節亦有應節嘅裝飾同餐點，非常igable，打卡一流，適合同朋友敘舊、hightea ！同朋友叫左兩個餐同兩杯嘢飲。胡麻XO醬海鮮蒟蒻冷麵，隨餐亦配有餐湯同小食（炸春卷），選用左蒟蒻麵，口感清爽，而且低卡路里，配料亦係低卡高蛋白質嘅海鮮：墨魚、青口、鮮蝦，撈埋胡麻將mix XO醬，味道清爽得來又唔會太清淡！經典芝士和牛漢堡配薯條套餐，隨餐配有餐湯同小食，芝士和牛漢堡選用左黑炭麵包，配有和牛漢堡扒、芝士、蕃茄、生菜、生洋蔥配埋醬汁，食落好juicy! 薯條選用左粗生薯條，配有蕃茄醬，好香脆！飲品叫左萬聖節限定熱飲：暗黑幽靈，賣相非常吸引，飲品上畫咗好可愛嘅幽靈仔，好回應到萬聖節主題，飲落似係黑芝麻鮮奶，味道唔錯！另外又叫咗熱嘅黑糖焙茶鮮奶，飲品上亦有好靚嘅拉花，飲落焙茶味香濃！兩杯飲品都非常之靚同好飲，強烈推薦！🤣